[_an_-e] _ki#_-tim# u _lu2#_-tim# [ina lib3]-bi# i#-kan-na#-[x] [mim]-mu-u i-kan#-na-ku#-u2# la# in-ni [x] in-nu#-[x] an#-szar2 _man dingir#-mesz#_ (d)nin#-[lil2] a#-di _dumu-[..._] dan#-[...]

[... (d)]nin#-lil2# [...] ina _(gesz)tukul-mesz_-szu2-nu# [...] li#-ne2-ru-szu2 [...] (d)sin-pap-mesz-su [...]-szur#(ki) _nun_ pa-lih-ka [...]-ru# i-pa-asz2-szi-t,u _[(na4)]kiszib3# [x]-mesz_-ka an-nu-u [x]-nak#-ka-ru _mu_-szu2 [x]-szu2# ina _kur_ pi-szit,

[x x] _nam#?-mesz#_ [...] _man# dingir#-mesz nam#-mesz#_ [...] (d#)a#-nun-na#-ki# [...]-tim#? u _lu2#_-tim [...] i#-kan-na-ku# [...] i#-kan-na-ku-u2# [x x]-ni# sza2 in-nu-u [_...]-mesz_ (d)nin-lil2# [_...]-mesz#_-szu2-nu ina _(gesz)tukul#-mesz_-szu2-nu# [...] li#-ne2-ru#-szu2 [...] (d#)sin#-pap-mesz#-su# [...](ki#) _nun_ pa#-[x x]

(disz)(d)suen-szesz-mesz-eri-ba _lugal gal lugal_ dan-nu _lugal kur_ asz-szur(ki) _lugal_ la sza2-na-an _re-e2-um_ ke-e-nu mi-gir _dingir-mesz gal-mesz_ na-s,ir kit-ti ra-'i-im mi-sza2-ri e-pisz u2-sa-a-ti a-lik tap-pu-ut a-ki-i sa-hi-ru dam-qa-a-ti et,-lum git2-ma-lum zi-ka-ru qar-du a-sza2-red kal ma-al-ki rap-pu la-'i-it, la ma-gi-ri mu-szab-ri-qu za-ma-a-ni (d)asz-szur _kur_-u2 _gal_-u2 _lugal_-ut la sza2-na-an u2-szat-lim-ma-an-ni-ma _ugu_ gi-mir a-szib pa-rak-ki u2-szar-ba-a _(gesz)tukul-mesz_-ia

i-na _sag lugal_-ti-ia sza i-na _(gesz)gu-za_ be-lu-ti u2-szi-bu-ma _ug3-mesz kur_ asz-szur(ki) asz2-ta-nap-pa-ru i-na tasz-me-e u3 sa-li-me (disz)(d)marduk-ibila-szum2-na _lugal_ (kur)kar2-dun-ia-asz2 a-a-bu lem-nu ba-ra-nu-u2 ka-rasz sur-ra-a-ti e-pisz le-mut-ti sza an-zil-la-szu kit#-tu (disz)szu-tur2-(d)na-hu-du (lu2)e-la-mu-u2 a-na ib-ru-ti-szu2 is-hur-ma _ku3-sig17 ku3-babbar_ ni-siq-ti _na4-mesz_ u2-szat-lim-szu-ma e-ter-ri-su kit-ru

(disz)im-ba-ap-pa (lu2)tur-ta-nu-szu2 it-ti gi-pisz um-ma-na-ti-szu2 (disz)ta-an-na-a-nu (lu2)_3(disz)-u5_ 1(u)? _(lu2)gal ki-s,ir-mesz_ a-di (disz)(d)u-gur-na-s,ir (lu2)su-tu-u a-lik mah-ri-szu2-un

u3 szu-u2 (lu2)kal-du lem-nu e-pisz _hul_-tim _numun_ ne2-er-ti unu(ki) ararma(ki) uri2(ki) eridu(ki) kul-aba4(ki) ki-is-sik(ki) (iri)ne2-med-(d)la-gu-da (kur)e2-(disz)ia-ki-ni (kur)e2-(disz)a-muk-ka-a-ni (kur)e2-(disz)a-szil-a-ni (kur)e2-(disz)sa-'a-al (kur)e2-(disz)dak-ku-ri si-hir-ti (lu2)kal-di ma-la ba-szu-u2 sza _gu2 (i7)idigna_ (lu2)tu-'u-mu-na (lu2)ri-hi-hu (lu2)ia-daq-qu (lu2)gib-re-e (lu2)ma-li-hu

sza _gu2_ (i7)su-rap-pi (lu2)gu-ru-mu (lu2)u2-bu-lum (lu2)da-mu-nu (lu2)gam-bu-lu (lu2)hi-in-da-ru (lu2)ru-'u-u-a (lu2)pu-qu-du sza _gu2_ (i7)buranun(ki) (lu2)ha-am-ra-a-nu (lu2)ha-ga-ra-a-nu (lu2)na-ba-tu (lu2)li-i'-ta-a-a (lu2)a-ra-mu sza2 la i-du-u2 mi-tu-tum nibru(ki) dil-bat(ki) marad-da(ki) kisz(ki) (iri)hur-sag-kalam-ma babila2(ki) bar2-sipa(ki) gu2-du8-a(ki) gi-mir (kur)kar2-dun-ia-asz2 isz-te-nisz u2-pa-hir-ma u2-szak-s,ir ta-ha-zu

ia-a-ti (disz)(d)suen-szesz-mesz#-eri-ba zi-kar _edin#_ na-a'-du ep-sze-ti-szu2 lem-ne2-e-ti u2-sza2-an-nu-nim-ma la-ab-bisz an-na-dir-ma qe2#-reb# babila#(ki) a-na mah-ri-szu aq-ta-bi a-la-ku szu-u2 hi-ri-is, gal-le-e lem-ni a-lak ger-ri-ia isz-me-ma _ansze-kur-ra-mesz erim-mesz (gesz)pan_ (lu2)e-la-mu-u2 (lu2)a-ra-mu (lu2)kal-(du) it-ti (disz)(d)u-gur-na-s,ir u3 1(u)? _(lu2)gal ki-s,ir-mesz lugal_ (kur)elam-ma(ki) sza la i-du-u2 mi-tu-tu2

e-mu-qi2 la ni-bi it-ti szu2-nu-ti-ma u2-dan-ni-in ki-is,-ri-szu-un qe2-reb gu2-du8-a(ki) mit-ha-risz u2-sze-rib-ma a-na me2-te-eq ger-ri-ia u2-sza2-an-s,ir ka-a-di# s,i-in-di-ia usz-te-sze-ra _ud 2(u)?-kam2_ sza _(iti)ziz2 ta_ bal-til(ki) _gin7 (gu4)am_ gap-szi meh-ret _erin2-hi-a_-ia as,-bat-ma pa-an gi-ip-szi-ia ul u2-szad-gil ar-ka-a ul u2-qi2 _(lu2)gal sag (lu2)en-nam-mesz_-ia a-na kisz(ki) u2-ma-'e-er mah-ru-u-a t,e3-em#? (disz)(d)marduk-ibila-szum2-na li-in-da-ma e te-ga-a dun-ni-na ma-s,ar-tusz

szu-u2 _(lu2)en-nam-mesz_-ia e-mur-ma a-di gi-mir um-ma-na-ti-szu2 _ka2-gal_ (d)za-ba4-ba4 us,-s,a-am-ma i-na ta-mir-ti kisz(ki) it-ti _(lu2)gal-mesz_-ia e-pu-usz ta-ha-zu _(lu2)gal-mesz_-ia qit-ru-bu ta-ha-zi _(lu2)kur2 ugu_-szu2-un id-nin-ma ip-la-hu qa?-bal? x-szu _(lu2)a_ szip-ri-szu2-un sza ha-mat i-na qe2-reb ta-mir-ti gu2-du8-a(ki) s,e-ru-u-a isz-pu-ru-u-ni

i-na ug-gat lib3-bi-ia _ugu_ gu2-du8-a(ki) ti-bu szam-ru asz2-kun-ma (lu2)mun-dah-s,i sa-hi-ir _bad3_-szu2 as-li-isz u2-t,a-ab-bi-ih-ma as,-s,a-bat _iri_ _ansze-kur-ra-mesz erim-mesz (gesz)pan_ (lu2)e-la-me-e (lu2)a-ra-mu (lu2)kal-du _(lu2)gal_ ki-s,ir-mesz (lu2)(kur)elam-ma(ki) u3 (disz)(d)u-gur-na-s,ir a-di _dumu-mesz iri en_ hi-it,-t,i u2-sze-s,a-am-ma szal-la-ti-isz am-nu

la-ab-bisz an-na-dir-ma al-la-bi-ib a-bu-bisz it-ti (lu2)qu-ra-di-ia la ga-me-lu-ti _ugu_ (disz)(d)marduk-ibila-szum2-na a-na kisz(ki) asz2-ta-kan pa-ni-ia u3 szu-u2 e-pisz lem-ne2-e-ti hi-il-lu a-na ru-qe2-e-ti e-mur-ma pu-luh-du im-qu-su gi-mir um-ma-na-ti-szu2 u2-masz-szir-ma a-na (kur)gu-zu-um-ma-ni in-na-bit (disz)ta-an-na-a-nu a-di _erin2-hi-a_ elam-ma(ki) (lu2)kal-du u3 (lu2)a-ra-mu sza i-da-szu2 iz-zi-zu-ma il-li-ku re-s,u-us-su _bad5-bad5_-szu2-un asz2-kun-ma u2-par-ri-ir el-lat-su

(disz)a-di-nu _dumu_ nin (disz)(d)marduk-ibila-szum2-na a-di (disz)ba-as-qa-a-nu _szesz_ (munus)ia-ti-i'-e szar-rat (kur)a-ri-bi it-ti um-ma-na-ti-szu2-nu bal-t,u-su-un ina qa-ti as,-bat _(gesz)gigir-mesz_ (gesz)s,u-um-bi _ansze-kur-ra-mesz ansze-kunga-mesz ansze-mesz ansze-gam-mal-mesz_ (ansze)ud-ri sza qe2-reb tam-ha-ri musz-szu-ru ik-szu-da _szu-min_-a-a

i-na hu-ud lib3-bi u3# nu-um#-mur# pa-ni a-na babila2(ki) a-hi-isz-ma a-na _e2-gal_ (disz)(d)marduk-ibila-szum2-na asz2-szu sza2-lal _nig2-szu_ u3 _nig2-ga_ e-te-ru-ub qe2-reb-sza2 ap-te-e-ma _e2_ ni-s,ir-te-szu2 _ku3-sig17 ku3-babbar_ u2-nu-ut _ku3-sig17 ku3-babbar na4-mesz_ a-qar-tu _(gesz)na2-mesz (gesz)gu-za-mesz_ ne2-me-de-e (gesz)sza2 sza2-da-di (gesz)ga-szi-ru-ut _lugal_-ti-szu2 sza ih-zu-szu2-nu _ku3-sig17 ku3-babbar_

mim-ma szum-szu _nig2-szu nig2-ga_ ni-s,ir-tum ka-bit-tum _dam_-su _(munus)erim-mesz e2-gal_-szu2 _(munus)agrig-mesz_ (lu2)szu-ut _sag-mesz (lu2)tirum-mesz_ (lu2)man-za-az pa-ni _(lu2)nar-mesz (munus)nar-mesz_ _(lu2)arad e2-gal_ mu-nam-mi-ru t,e3-mu ru-bu-ti-szu2 si-hi-ir-ti (lu2)um-ma-a-ni ma-la ba-szu-u2 mut-tab-bi-lu-tu2 _e2-gal_-szu2 u2-sze-s,a-am-ma szal-la-ti-isz am-nu

as,-bat-ma ar-ki-szu2 a-na (kur)gu-zu-um-ma-ni (lu2)mun-dah-s,i a-na qe2-reb (i7)a-gam-me u3 ap-pa-ra-a-te asz2-pur-ma 5(disz) u4-me u2-ba-'u-u2-szu-ma ul in-na-mir a-szar-szu si-te-et _ansze-kur-ra-mesz_ u3 _erin2-hi-a_-szu2 sza ia-'a-szu ma-na-ah-tum na-a-lisz ip-par-szi-du-szu-ma la il-li-ku i-da-a-szu isz-tu qe2-reb _edin_ u3 ba-ma-a-ti mit-ha-risz# u2-pah-hir

i-na me-ti-iq ger-ri-ia (iri)a-ma-at-tu (iri)ha-u2-a-e (iri)su-pa-pu (iri)e2-(disz)sa-an-na-bi (iri)qu-da-a-a-in (iri)kid-ri-na (iri)bad3-(disz)la-di-ni (iri)bi-ta-a-te (iri)ba-ni-tu (iri)gu-zu-um-ma-nu (iri)bad3-(disz)ia-an-s,u-ri (iri)bad3-(disz)a-bi-ia-ta-a' (iri)bad3-(disz)ru-du-um-me (iri)e2-(disz)ra-he-e (iri)ha-pi-sza2 (iri)sa-di-an (iri)hu-ru-du (iri)s,a-ah-ri-na

(iri)il-tu-uk (iri)al-la-al-lu (iri)sa-ab-ha-nu (iri)kar-(d)igi-du (iri)a-pa-ak (iri)e2-(disz)dan-na-a-a (iri)e2-ab-da-a-a (iri)ba-hi-i-ir (iri)ma-ri-ra-a marad-da(ki) (iri)ia-qi-mu-na (iri)ku-up-ru-na (iri)e2-(disz)ku-dur2-ri (iri)sila-qa-(disz)ma-ru-si nap-har 3(u)? 4(disz) _iri-mesz_ dan-nu-ti _e2 bad3-mesz_-ni sza (kur)e2-(disz)dak-ku-ri a-di 2(disz) _me_ 5(u)? _iri-mesz tur-mesz_ sza li-me-ti-szu2-nu

(iri)bad3-(disz)ap-pe-e (iri)bad3-(disz)ta-ne2-e (iri)bad3-(disz)sa-ma-a' (iri)sa-ar-ra-ba-tu (iri)s,a-la-ha-tu (iri)bad3-(disz)ab-da-a-a (iri)sa-ap-pi-hi-ma-ri (iri)s,ib-tu2-sza-(disz)ma-ak-ka-me-e nap-har 8(disz) _iri-mesz_ dan-nu-ti _e2 bad3-mesz_-ni sza _kur_ e2-(disz)sa-'a-al-li a-di 1(disz) _me_ 2(u)? _iri-mesz tur-mesz_ sza li-me-ti-szu2-nu

(iri)sa-pi-a (iri)sa-ar-ra-ba-nu _ud-ud-ag(ki) bara2_-mar-ri(ki) (iri)e2-(disz)dingir-ba-ni (iri)a-hu-du (iri)sza-is,-s,ur-(d)iszkur (iri)sza2-har-ra-tu2 (iri)ma-na-ah-hu (iri)sza-a-me-le-e (iri)bad3-(disz)aq-qi2-ia (iri)na-gi-tu (iri)nu-ur-a-bi-nu (iri)ha-ar-s,u-ar-ra bad3-(disz)ru-uk-bi (iri)da-an-da-hul-la (iri)bad3-(disz)bir-da-da (iri)e2-re-'e-e (iri)bad3-(disz)u2-gur-ri (iri)gi-in-da-i-na

(iri)bad3-(disz)u2-a-a-it (iri)e2-(disz)ta-u2-ra-a (iri)sa-ap-hu-na (iri)bu-ha-ar-ru (iri)har-bat-(disz)szum2-na (iri)har-bat-(disz)kal-bi (iri)sza2-bar-re-e (iri)e2-(disz)ba-ni-dingir-u2-a (iri)su-la-a-du (iri)e2-(disz)il-ta-ma-sa-ma-'a (iri)e2-(disz)di-ni-dingir (iri)da-qa-lu? (iri)ha-me-za (iri)be-la-a (iri)ta#-i-ru# (iri)kip-ra-a-nu (iri)il-ta-ra-tu (iri)aq-qar-sza2-ki-na (iri)sa-ga-ba-tu-sza-(disz)mar-duk-ia

nap-har 3(u)? 9(disz) _iri-mesz_ dan-na-ti _e2 bad3-mesz_-ni sza _kur_ e2-(disz)a-muk-ka-a-ni a-di 3(disz) _me_ 5(u)? _iri-mesz tur-mesz_ sza li-me-ti-szu2-nu (iri)e2-(disz)za-bi-di-ia ararma(ki) kul-aba4(ki) eridu(ki) ki-is-sik(ki) (iri)ne2-med-(d)la-gu-da (iri)bad3-(disz)ia-ki-ni a-di (iri)kar-(d)ag sza ki-szad (i7)mar-ra-ti nap-har 8(disz) _iri-mesz_ dan-nu-ti _e2 bad3-mesz_-ni sza (kur)e2-(disz)ia-ki-ni a-di 1(disz) _me iri-mesz tur-mesz_ sza li-me-ti-szu2-nu

nap-har 1(gesz2) 2(u)? 8(disz) _uru-me_-ni dan-nu-ti _e2 bad3-mesz_-ni sza (kur)kal-di a-di 8(disz) _me_ 2(u)? _iri-mesz tur-mesz_ sza li-me-ti-szu2-nu al-me ak-szu-ud asz2-lu-la szal-la-su-un _sze-im zu2-lum-ma_ sza qe2-reb ki-ra-te-szu2-nu _buru14_-szu2-nu sza _edin erin2-hi-a_ u2-sza2-kil ap-pul aq-qur i-na (d)gesz-bar aq-mu a-na _du6-mesz_ ma-szu-u2-ti u2-ter

(lu2)ur2-bi (lu2)a-ra-mu (lu2)kal-du sza qe2-reb unu(ki) nibru(ki) kisz(ki) hur-sag-kalam-ma(ki) a-di _dumu-mesz iri en_ hi-it,-t,i u2-sze-s,a-am-ma szal-la-ti-isz am-nu _sze-im zu2-lum-ma_ sza qe2-reb ki-ra-te-szu2-nu me-resz ma-na-hi-szu2-nu _buru14 edin_ ba-lat, na-pisz-ti-szu2-nu _erin2-hi-a_-ni u2-sza2-kil (disz)en-du3 _dumu (lu2)gal-du3_ pe-re-'i szu-an-na(ki) sza2 ki-ma mi-ra-ni s,a-ah-ri qe2-reb _e2-gal_-ia ir-bu-u2 a-na _lugal_-ti _kur eme-gi7_ u3 uri(ki) al-ta-kan _ugu_-szu2-un

i-na ta-a-a-ar-ti-ia (lu2)tu-'u-mu-na (lu2)ri-hi-hu (lu2)u2-bu-du (lu2)gib-re-e (lu2)ma-li-hu (lu2)gu-ru-mu (lu2)u2-bu-lum (lu2)da-mu-nu (lu2)gam-bu-lu (lu2)hi-in-da-ru (lu2)ru-'u-u-a (lu2)pu-qu-du (lu2)ha-(am)-ra-a-nu (lu2)ha-ga-ra-a-nu (lu2)na-ba-tu (lu2)li-i'-ta-a-a (lu2)a-ra-mu la kan#-szu2 mit-ha-risz ak-szud(ud)-ma asz2-lu-la szal-la-su-un

i-na me-ti-iq ger-ri-ia sza (disz)(d)ag-en-mu-mesz (lu2)qi2-pi (iri)ha-ra-ra-ti _ku3-sig17 ku3-babbar_ (gesz)mu-suk-kan-ni _gal-mesz ansze-mesz ansze-gam-mal-mesz gu4-mesz_ u3 _u8-udu-hi-a_ man-da-ta-szu2 ka-bit-tum am-hur ba-hu-la-ti (iri)hi-rim-me _(lu2)kur2_ ak-s,u sza (ul-tu) ul-la a-na _lugal-mesz_-ni _ad-mesz_-ia la ik-nu-szu i-na _(gesz)tukul_ u2-(szam-qit-ma) na-pisz-tu ul e-zib

na-gu-u2 szu-a-tu a-na esz-szu-ti as,-bat 1(disz)-en _gu4-nita2_ 1(u)? _udu-mesz_ 1(u)? _ansze gesztin-mesz_ 2(u)? _ansze zu2-lum-ma_ re-sze-te-szu2 a-na gi-ne2-e _dingir-mesz kur_ asz-szur(ki) _en-mesz_-ia u2-kin da3-ri-szam

e-zib _un#-mesz# ansze#-mesz ansze-gam-mal-mesz gu4-mesz_ u3 s,e-e-ni sza gi-mir um-ma-ni-ia e-bu-ku-nim-ma a-na ra-ma-ni-szu2-nu is-ki-lu si-kil-tu u3 ba-hu-la-a-te na-ki-ri szep-s,u mit-ru sza ur-ru-hisz a-na ni-ri-ia la ik-nu-szu i-na _(gesz)tukul_ u2-ra-si-ib-ma a-lul (gesz)ga-szi-szisz i-na u4-mi-szu-ma e2-gal-lam-mes _e2_ (d)nergal sza qe2-reb (iri)tar-bi-s,i sza (disz)(d)silim-ma-nu-masz _nun_ a-lik mah-ri-ia _dumu_ (disz)asz-szur-pap-ir-a _dumu_ (disz)tukul-ti-(d)masz e-pu-szu e-na-ah-ma

_e2_ szu-a-tum a-na si-hi-ir-ti-szu2 aq-qur dan-na-su ak-szud(ud) 2(disz) _me_ ina _1(disz) kusz3_ szid-du 1(disz) _me_ ina _1(disz) kusz3 sag-ki_ qaq-qa-ru tam-la-a u2-mal-li-ma _ugu_ tar-pa-asz2 _e2_ mah-re-e u2-rad-di e2-gal-lam-mes e-li sza u4-mu pa-ni u2-rab-bi-ma i-na e-pisz-ti _(lu2)szitim-gal_-le-e en-qu#-ti isz-tu _usz8_-szu a-di na-bur-ri-szu2 ar-s,ip u2-szak-lil

szi-ip-ru na-as-qu sza _ugu_ mah-re-e szu-tu-ru u3 a-na ta-na-da-a-ti szu-lu-ku a-na (d)nergal sza qe2-reb (iri)tar-bi-s,i _en_-ia e-pu-usz (d)nergal _en_ e-mu-qan s,i-ra-a-ti dan-dan-nu git2-ma-lum a-sza2-red la mah-ri i-na qer#-bi-szu2 u2-sze-rib-ma t,a-bisz u2-szar-ma-a szu-bat-su s,ir-tum le-e kab-ru-ti szu-'e-e ma-ru-ti _(udu)siskur-mesz_ tasz-ri-ih-ti eb-bu-ti ma-har-szu aq-qi2-ma qe2-reb _e2_ szu-a-tum asz2-ta-kan ta-szil-tu

le-e-tu ki-szit-ti qa-ti sza i-na tu-kul-ti-szu2 _gal_-ti _ugu_ kul-lat na-ki-ri asz2-ta-ka-nu i-na _mu-sar_-e u2-sza2-asz2-t,ir-ma a-na _lugal-mesz_-ni _dumu-mesz_-ia e-zib s,a-ti-isz a-na _egir_ u4-me _nun_ ar-ku-u2 e-nu-ma _e2_ szu-a-tum i-lab-bi-ru-ma en-na-hu _mu-sar_-a-a li-mur-ma _i3-gesz_ lip-szu-usz _(udu#)[siskur_] liq#-qi2 it-ti _mu-sar_-e szi-t,ir szu-me-szu2 li-kin (d)nergal ik-ri-bi-szu2 i-szem-me

[x]-na# (d)u-gur _en#_-szu2# (disz#)(d#)suen#-szesz-mesz-eri#-ba _man kur#_ [...] [x]-na# _ti-la_-ia# sza2-lam _numun#_-ia# sa2-kap _(lu2)kur2-mesz_-ia _si#-[..._]

[...] (iri)tar-bi-s,i _ta usz8_-szu2 a-di# [...] [...]-lam# _kur_ asz-szur(ki#) _du3_-usz si2-ka4-a-te# [x x]

(disz)(d)sin-pap-mesz-su _man gal_ _man_ dan-nu _man szu2 man kur_ asz e2-gal-lam-mes _e2 (d)u-gur_ sza qe2-reb (iri)tar-bi-s,i u2-sze-pisz-ma _gin7_ u4-me usz-nam-mir

(disz)(d)sin-pap-mesz#-su _man gal# man#_ dan#-nu# _man szu2 man kur#_ asz e2-gal#-lam#-mes# _e2#_ (d#)u#-gur# sza# qe2#-reb#? (iri)[x x]-s,i# u2#-[x x]-ma# [...]-mir#

a-na (d)nergal _en_-szu2 (disz)(d)sin-szesz-mesz-eri-ba _man kur_ asz-szur e2-gal-lam-mes sza2 qe2-reb (iri)tar-bi-s,i ul-tu2 _usz8_-szu2 a-di gaba-dib-bi-szu2 _du3_-usz u2-szak-lil

a-na (d)u-gur _en_-szu2 (disz)(d)sin-szesz-mesz-eri#-ba _man kur_ asz-szur# e2-gal#-lam-mes sza2# qe2#-reb (iri#)tar-bi-s,i# ul-tu2 _usz8#_-szu2 a#-di gaba-dib#-bi-szu2 _du3_-usz# u2#-szak-lil#

a-na# (d)u-gur _en_-szu2 (disz)(d)sin-szesz-mesz-eri-ba _man kur_ asz-szur e2-gal-lam-mes sza2 qe2-reb (iri)tar-bi-s,i ul-tu2 _usz8#_-szu2 a-di gaba-dib-bi-szu2 _du3_-usz u2-szak-lil

(disz)(d)sin-pap-mesz-eri-ba _man gal_-u _man_ kisz-sza2-ti _man kur_ asz-szur _bad3_ szal-hu-u sza2 (iri)du3-zi esz-szisz u2-sze-pisz-ma u2-zaq-qir hur-sza2-nisz

(disz)(d)sin-pap#-mesz#-su# _man szu2 man kur_ asz#-szur# bad3-szul#-hu# sza# (iri#)du3#-zi# i#-na# a#-gur2#-ri# u2#-sze#-pisz#

(disz)(d)sin-pap-mesz-su _man szu2 man kur_ asz-szur bad3-szul-hu sza# (iri)du3-zi i-na a-gur2-ri u2-sze-pisz

(disz)(d)sin-pap-mesz-su# _man szu2# man kur_ asz-szur# bad3-szul#-hu# sza# (iri#)du3-zi# i-na a#-gur2#-ri# u2#-sze-pisz#

(disz)(d#)sin#-pap#-mesz#-su# _man szu2 man kur_ asz-szur# bad3#-szul#-hu# sza# (iri#)du3-zi i#-na# a#-gur2#-ri# u2#-sze#-pisz

[...]-pap-mesz-su _man szu2 man kur_ asz-szur [x]-szul#-hu sza (iri)du3-zu [...]-gur2-ri u2#-sze-pisz#

(disz#)(d#)sin#-pap#-mesz#-su# _man# szu2# man# kur#_ asz#-szur# bad3#-szul#-hu# sza# (iri#)du3#-zu# i#-na# a#-gur2#-ri# u2#-sze#-pisz#

(disz)(d)sin-pap-mesz#-su# _man# szu2 man kur_ asz-szur bad3-szul-hu sza# (iri#)du3-zu i-na a-gur2-ri u2-sze-pisz

(disz)(d)sin-pap-mesz-su _man szu2 man kur#_ asz#-szur# bad3-szul#-hu sza (iri#)du3#-zi# i-na a#-gur2-(ri) u2#-sze#?-pisz#

[x (d)]sin-pap-mesz-su# _man szu2 man kur#_ asz#-szur# bad3#-szul#-hu# sza# (iri#)du3#-zi# i#-na# a#-gur2-ri# u2#-sze#-pisz#

(disz)(d#)sin#-pap#-mesz#-su# [...] bad3-szul#-hu# [...] i-na a#-gur2#-ri# [...]

(disz#)(d#)sin#-pap#-mesz#-su# _man# [..._] bad3#-szul#-hu# sza (iri)du3#-[x] i#-na# a#-gur2#-ri# u2#-[...]

[...]-su# _man szu2 man kur_ asz-szur(ki) [...] sza (iri)du3-zi [...] u2#?-sze#-pisz

[...] _kur_ asz-szur(ki#) [... (iri)]du3-zu# [...]-pisz

(d)asz-szur (d)sin (d)utu (d)iszkur (d)masz u (d)inanna _dingir-mesz gal#-mesz_ sza i-di _lugal_ mi3-ig-ri#-szu2-un i-za-zu-ma _ugu_ kul-lat na#-ki-ri u2-szam-ra-ru _(gesz)tukul-mesz_-szu2 (disz)(d)sin-pap-mesz-su _lugal gal# man_ dan-nu _man szu2 man kur_ asz-szur(ki) _nun_ na-a'-du ti-ri-is, _szu-min_-ku-un# sza2 i-na an-ni-ku-un [...] i-tal#-la-ku-ma _kur-mesz_ la ma-gi-ri _erim-mesz#_ hur-sza2-ni la kan-szu-ti u2-szak-ni-szu# sze-pu-usz-szu2 ina u4-me-szu2-ma (iri)tu#-mur-ra

(iri)ki-ib-sza2 (iri)e-za-a-ma (iri)qu-u-a (iri)qa-na sza mi3-s,ir (kur#)kat-mu-hi sza _gin7_ qin-ni _ti8(muszen#)_ s,e-er _szu-si-mesz_ (kur)ni-pur szad-di-i szit-ku-na-at szu-bat-su-un sza ul-tu2 ul-la ina _lugal-mesz ad-mesz_-ia2 szep-s,u mit-ru la i-du-u2 pa-lah be-lu-ti ina _bala en_-ti-ia2 _dingir-mesz_-szu2-un i-zi-bu szu2-nu-ti-ma u2-szab-szu2-u ri-qu2-ut-su#-un# [...] sze x [x x] bal [x x?] x [x?] x ki x x ul-tu2 re-sze x-u2 (i7)idigna u2-x [...] a#?-na bal-til(ki) x x x [...] szap#?-la#?-ni#?

x-u2 _dumu-mesz_ [...]-u2 _dumu_-szu2 [x?] x-[x?]-pu-su x [x]-ri u2-t,a-bu-[u2 ina] (i7)[hal]-hal? x x x [x x x?] x [x x?]-x-ia s,e-ru#-usz#-szu2#-un# al-lik [x x] _giri3-min_ (kur)ni-pur _kur_-i ka-ra-szi u2-sza2-asz2-kin-ma u2-x-x-x _erim-mesz_ i-pisz _me3_-a git2-ma-lu#-ti (kur)ni-pur [x x] gi-ni-x x [...]-ti al-me har#-ri# na-at-ba-ki _kur-mesz_ u2#-x-x [x x? x] s,e-er _szu-si-mesz_ sza2-qa-ti x x _id_ [x x]-ti _mul-mesz an#_ x x a-na x x [x x] i-na _(gesz)gu-za_ x x [...]-x re-sza2-szu2-[x]

[...] _gin7 (gu4)am_ pa#-[x x]-szun# [x x] a-szar ina _(gesz)gu-za_ [...] szup#-szu-qu ina [x x]-ia# asz2-tah-hi-it, [...] ar#-me a-[x] bir#-ka-a-a [...] i-sza2-a ma-na-ah-[x] s,e#-[x] _na4# kur_-e u2-szib-ma _a-mesz_ (kusz#)na#-a#-di ka-s,u-ti a#-na s,u-um-me-ia lu# asz2-ti x x x x x [_x]-mesz_ sza2-a-tu-nu al-me _kur_-ud aq-qu2-ur# x x x la x ina la ra#? x x x x mul#-tah#-t,i-szu2-nu [x? x?] s,e-er _szu-si-[x x]-ni_-pur x x x x-li-szu2-nu s,e-er zuq-ti _kur_-e ar-de-ma# x x _(na4)na-ru2-a_ u2-sze-pisz-ma

li-i-tu da-na-nu sza2 asz-szur _en_-ia u2-sza2-asz2-t,ir# _ugu_ zuq#-ti# (kur)ni-pur a-szar x x ti ra asz ul-[x x]-ra-[x] mu#-[x]-kir szi-t,ir-ia asz-szur _dingir-mesz gal-mesz_ [x x] lik#-kil-mu-szu2 lis-ki-[x x]

(d)asz-szur (d)sin (d)utu (d)iszkur (d)masz u3 (d)inanna _dingir-mesz_ _gal-mesz_ sza u2?-kan#-na-bu-u2? ma#-al#-ki# sza i-di _lugal_ mi3-ig-ri-szu2-un i-za-zu-ma _ugu_ kul-lat na-ki-ri u2-szam-ra-ru _(gesz)tukul-mesz_-szu2 (disz)(d)sin-pap-mesz-[x] _lugal gal_ [x] dan-nu _man szu2_ [...]-du# [x]-ri-is, _szu-min_-ku-un sza2 ina an-[...] i-[...] la# [...] x x [...] [...] x [...] x x [...] [...] x _hi ki_ x [x x?] _a_ x i#-na (iri)[...] _dingir-mesz_-szu2-un [...] _kur_ asz#-szur# it#-ti su#-[...]

(d)asz-szur _en#-[..._] u2-sza2-asz2-kin-ma# u2#-[...] u3 _gesz_ x x x [...] na-at-ba#-[...] re-sza2-szu2-un#? [...] szup-szu-[...] ma-na-ah-[...] a-na [...] _kur_-ud [...] mul-[...] _edin#?_ [...] a-na hi-[...] u2-[...] u3 x [...] u (iri)[...] ul-ziz# [...] u3 _dingir-mesz gal-mesz_ x [...] ag-gesz li-ir-ru-[...]

[...] (d)masz [x x] inanna# _dingir-mesz gal-mesz_ [...] ma#-[x]-ki# sza i-di _lugal_ mi3-ig-ri-szu2-un [...] u2#-szam#-ra#-ru _(gesz)tukul-mesz_-szu2 [...] dan-nu _man szu2 man kur_ asz-szur(ki) [...]-ku#-un sza ina an-ni-ku-un [...]-la#-ku-ma _lugal-mesz_ [x?] x x [...] x _sag#_ [x x?] x x _za_ [_...]-mesz_ sza2 [x?] x _szu_ [...] [...] te x [...] x [...] x x [...] x ti x

(d)asz-szur (d)sin (d)utu (d)iszkur (d)masz u (d)inanna _dingir-mesz gal-mesz_ sza i-di _lugal_ mi3-ig-ri-szu2-un i-za-zu-ma _ugu_ kul-lat na-ki-ri u2-szam-ra-ru _(gesz)tukul-mesz#_-szu2 (disz)(d)sin-pap-mesz-su _man gal man_ dan-nu _man szu2 man kur_ asz-szur(ki) _nun_ na-a'-du ti-ri-is,# _szu#-min#_-ku-un [x] i#-[x] an-ni-ku-un# [x]-e-[x] [x]-tal#-ku-[x] [...] ma-gi-ri [...] hur#-sza2-ni [x x]-szu-te u2-[x]-ni-szu2 [x]-pu-usz-szu2 ina u4#-[x x]-ma [_x]-tu#_-mur-ra (iri)[x]-ri#-im

[x x]-bu-da (iri)ki-ib#-sza2 (iri)e-za-a#-ma# [x x]-u-a (iri)qa-na sza2 mi3-s,ir [x x]-mu#-hi sza _gin7_ qin-ni _ti8(muszen)_ s,e-er _szu-si-mesz_ (kur)ni#-[x] [...] szit-ku-na-at szu#-bat-su-[x] sza2 ul-tu2 ul#-[x x] [x x?] _lugal-mesz ad-mesz_-ia# szep-s,u mit-ru la# [x]-du#-[x x]-lah be-lu-ti ina [...] _dingir-mesz_-szu2-un i#-zi#-bu szu2-nu-ti-ma u2-szab-szu2-u2 ri#-qu2#-ut#-su#-un# [...] x ti _kur_ x [...] u2-szah-x x? x x na x [x?] x _masz_ x [...] x [...] u2-ma ir-pu#-su x x x u2-t,a-bu-[...]

s,e#-[x]-usz#-szu2-un al#-[...] _giri3#-min#_ (kur)ni-pur _kur-[..._] u2#?-x x-ma _erim-mesz_ i#-[...] git2-ma-lu-[...] x x x? x-ti [...] x [...] s,e-er [...]-ti sza2 [...] x sza2 x [...] _gesz#-gu-za_ x [...] x [x?] la# [...] _(gesz)gu-za_ szu-[...] s,e-er _szu-si-mesz_ (kur)ni-pur [...]

[...] (d#)sin [...] _lugal_ mi3-ig-ri-szu2-un i-za-zu-ma [...] _(gesz)tukul-mesz_-szu2 [...] _szu2_ [...]-ku-un [...] _lugal-mesz_ [...] x-ri [...] x-ti-x [...] x-di [...] x? x-ti [...] x _za#?_ [...]-nisz [...]-szu2-ma (iri)tu-mur-ra [...]-bu-da (...) (iri)e-za-a-ma [...]-u2-a (iri)qa-na sza2 mi3-s,ir [...] _ti8#(muszen)_ s,e-er _szu-si-mesz_ [...]-at szu-bat-su-un [...]-reb#?

[...] szu-bat-su#-un# [...] [...] sza qe2-reb _kur_ x x [...] [...] szu-u _gin7 muszen_ s,i-[...]-tar [...] x-ra-szu [...] tu [...] [...] s,e-ru-usz_-[...]-mesz?-[..._] [...] u2-szab-szu2-u ri-[...] re [...] [...] (i7)idigna u2-x [...] a-na bal-til(ki) [...] [...] x _dumu-mesz kur_ asz-szur ka-[...] hi? [...] ta [...] [...] u2-t,a-bu-u ina (i7)[...]-ia s,e-ru-usz-szu2-un [...] [...] ka-ra-szi u2-sza2-asz2-kin-[...]-usz#-szu#-ma# _erim-mesz_ ta-ha-zi-ia [...] (kur)ni-pur a-na gi#-[...]-ti [...]

[...] har-ri na-at-bak _kur_-i u2-[...]-ti# s,e-er _szu-si-mesz_ sza2-qa#-ti [...]-it? re-sza2-szun a-na-ku ina _(gesz)gu-za_ [...] pa-nu-usz-szu-un as,-bat [...] asz2-tah-hi-it, _gin7_ ar#-[x] a-szar [x x]-a-a ir-ma-a i-sza2-a [...] _kur_-i u2-szib-ma _a-mesz_ (kusz)na-a-di [x x]-ti# a-na# s,u#-um#-me#-ia [...]-ia _iri-mesz_ sza2-tu-nu al-me _kur_-ud [...] asz2-lu-la szal-la-sun ap-pul aq-qur [...] mul-tah-t,i-szu2-nu [...]-de-szu-nu-ti-ma asz2-ta-kan

[...]-kul-li-szu-nu [x x] zuq-ti# _kur_-i ar#-[...] _na-ru2#-[..._] [...] ir [...]-pur [...] [...] _ug3-mesz_ [...] _na4_ [...] li-i-tu u [...] [...] (kur)ni-pur [...] sza [...] u ma [...] [...] szit [...] _dingir-mesz gal-mesz_ [...] [...] li-ru-[...] li-[...] a-di la [...] li-[...]-szu

(d)asz-szur (d)a-nu-um (d)e2-a (d)sin (d)utu (d)iszkur [...] (d)marduk (d)ag# (d#)[u]-gur# (d)isz#-tar# (d)_7(disz)-bi dingir-mesz gal-mesz_ sza ina gi-mir ad-na-a-ti a-na i#-tar-re-e s,al-mat# [_x]-du#_ e#-[x] i-na-asz2-szu-u2 i-nam-bu-u mal-ku (disz)(d)sin-pap-mesz-su _lugal gal_ [x] dan-nu# _lugal#_ [...] _nun_ za-nin-szu2-un i-na an-ni-ku-nu ke-nim ul-tu tam-tim e_-ab2_ [...] mal-ki sza kib-rat sze-pu-u-a u2-szak-nisz-ma i-szu-t,u ab-sza2-ni i-na [...]

usz-rab-bi _bad3_-szu2 u3 szal-hu-szu2 sza ina mah-re-e la ep-szu2 esz-szisz [...] ta-me-ra-tu-szu2 sza i-na la ma-mi na-mu-ta [...] u3 _ug3-mesz_-szu2 _a-mesz_ szi-qi la i-da-a-ma a-na zu-un-ni [...] ul-tu _sza3_ (iri)ma-si-ti (iri)ban-ba-kab-na (iri)sza2-ap-pa-ri-szu2 (iri#)[...] (iri)ha-ta-a (iri)da-la-a-in (iri)re-esz-e-ni (iri)su-lu (iri)bad3#-[...] (iri)gi-in-gi-li-nisz (iri)nam-pa-ga-a-te (iri)du6 (iri)a-lum-[x x] _a-mesz_ [...] a-na _sza3_ (i7)hu-su-ur u2-sze-szir# ma-lak-szin ul-tu [...]

u2-szah-ra-a _a-mesz_ szu-nu-ti u2-szar-da-(a) qe2-reb-sza2 [...] _a-mesz_ sza2-tu-nu ul-tu _sza3_ (kur)ta#-as# [...] i-nam-bu-u _mu-ne_ e-nen#-[...] x x [...] sza i-ta-tu-usz-szu2 [...] usz-rad-di i-na _sza3#_ [...] _ugu#_ [...] [_...]-mesz#_-ia# szu-bat-su la u2-szar#-[...] x x [...] x [...]-mesz#-su _lugal kur_ asz-szur(ki) a-sza2-red [x x]-ki sza ul#-tu# s,i-it _(d)utu_-szi [x x] e-[...] pat#-ta-a-ti sza u2-szah-ru-u2 nina(ki#) a-na li-me-ti-szu2 _(gesz)kiri6-mesz_ [...] u2-[...] x _szab?_ x x

szu#-be-lat hur-sza2-a-ni ka-li-szu2-un _gurun#_ ad-na-a-ti ka-la-[...] u3 [...]-qup a#-di# _a-mesz_ la i-kasz-sza2-du a-na s,u-ma-me-ti u2-masz-szir#-ma am-[...] x [...]-x gi-mir s,ip-pa-a-ti ina e-re-bi e-re-s,e-ti e-le-en _iri_ u3 _ki#-[...] iri_ sza2 _(lu2)sza3-iri_-a-a a-na me2-resz _sze-am_ u3 _(sze)gesz-i3_ u2-szam-ka-ra szat-ti-szam# [x x]-ku#-u2# [_...]-mesz#_-ni _dumu-mesz_-ia sza it-ti lib3-bi usz-tam-mu-ma a-na qa-a-pi la tur-ru [...] a-ki#-i i#-[x x] _(lu2)erim-mesz_ an-nu-ti e-s,u-ti

_i7_ szu-a-tu u2-szah-ri ni-isz (d)asz-szur _dingir_-ia _gal_ [...] szum-ma ina _sza3_ (lu2)[_x]-mesz#_ an-nu-ti _i7_ szu-a-tu la ah-ru-u u3 i-na _mu-an-na_ 3(disz) _iti_ la u2-qat-tu-u2 szi-pir-sza2 la# [...] ig-gam-ru-u2 u2-qat-tu-u2 hi-ru-sa a-na pa-te-e _i7_ szu-a-tu _(lu2)masz-masz (lu2)gala_ u2-ma-'e-er-ma u2-szat-[...] _(na4)gug (na4)za-gin3 (na4)musz-gir2 (na4)nir2 (na4)babbar-dili-mesz_

_na4-mesz_ ni-siq-ti _bal-gi(ku6) nig2-bun2-na(ku6)_ tam-szil pi2-[x x] _ku3-sig17 szim-hi-a i3-gesz dug3-ga an-na_ (d)e2-a _en_ nag-bi kup-pi u3 ta-[x]-mi#?-ti (d)en-bi-lu-lu _gu2-gal i7-mesz_ (d)en-e-em-du [...] u2-qa-a-a-isz qi2-sza2-a-ti a-na _dingir-mesz gal-mesz_ ut-nin-ma su-up-pi-ia isz-mu-ma u2-sze-szi-ru li-pit _szu-min_-ia _ka2 i7 [...]-mar#_ u3 _(gesz)mar-sze-ra-ah_ a-na ra-ma-ni-szu ip-pe-te9-ma

u2-szar-da-a _a-mesz he2-nun_ i-na szi-pir _szu-min lu2_-tim _ka2_-szu2 la ip-[...] _dingir-mesz_ u2-szah-bab ma-a-me isz-tu _i7_ ap-pal-su-ma usz-te-esz-sze-ra szi-pir-sza2 a-na _dingir-mesz gal-mesz_ a-lik i-di-ia [...] _niga-mesz udu-mesz_ du-usz-szu2-ti _(udu)siskur-mesz_ eb-be2-ti lu aq-qi2 _(lu2)erim-mesz_ szu-nu-ti sza _i7_ szu-a-tu ih-ru-u2 _(tug2)gada tug2-mesz_ [...] _har-mesz ku3-sig17 gaba-mesz ku3-sig17_ asz2#-kun-szu2-nu-ti ina _mu-an-na u2_-ma

it-ti ar _i7_ szu-a-tu sza ah-ru-u2 it-ti (disz)um-ma-an-[...] u3 _lugal_ babila2(ki) a-di _lugal#-mesz_-ni ma-a'-du-ti sza _kur_-i u3 _kur_ tam-tim sza re-s,u-ti-szu2-nu i-na ta-mir-ti [...] asz2-ta-kan si-dir-ta ina qi2-bit# (d)asz-szur _en gal_-e _en_-ia ki-i (gesz)szil-ta-hi szam-ri i-na lib3-bi-szu2-nu al-lik-ma si-kip-ti [...] asz2-kun pu-hur-szu2-nu u2-sap-pi-ih-ma u2-par-ri-ir

el-lat-su-un _(lu2)gal-mesz lugal_ (kur)elam-ma(ki) a-di (disz)(d)ag-mu-gar-un [...] _lugal_ (kur)kar2-(d)dun-ia2-asz3 bal-t,u-su-un qe2-reb tam-ha-ri ik-szu-da _szu-min_-a-a _lugal_ (kur)elam-ma(ki) u3 _lugal_ babila2(ki) hur-ba#-[...] is-hup-szu2-nu-ti-ma qe2-reb _(gesz)gigir-mesz_-szu2-nu u2-masz-sze-ru-u2-ni# zu#-u2#-szu2#-un a-na szu-zu-ub nap-sza2-te-szu2-nu ma-tu-usz-szu2-un in#-[...] la i-tu-ru-ni ar-kisz min3-de-ma (disz)(d)sin-szesz-mesz-su

_lugal kur_ asz-szur(ki) ag-gesz i-ziz-ma a-na (kur)elam-ma(ki) i-szak-ka-nu ta-a-[...] hat-tu pu-luh-tu _ugu_ (kur)elam-ma(ki) ka-li-szu2-un it-ta-bi-ik-ma _kur_-su-nu u2-masz-sze-ru-ma a-na szu-zu-ub nap-sza2-te-szu2-nu ki-i _ti8-[...]_-a mar-s,u in-nen-du-ma ki-i a-na is,-s,u-ri kusz-szu-di i-tar-ra-ku# lib#-bu-szu2-un a-di u4-mi szi-tim-ti-szu2-nu t,u-du [...]-ma la e-pu-szu ta-ha-zu i-na 2(disz)-i _kaskal_-ia a-na babila2(ki)

sza a-na ka-sza2-di u2-s,a-am-me-ru-szu hi-it-mu-t,isz al-lik-ma ki-ma [x x] me-he-e a-ziq-ma ki-ma im-ba-ri as-hu-up-szu2 _iri_ ni-i-ti al-me-ma i-na pil-szi u3 na-bal-kat2#-ti _szu-min-[...] ug3-mesz_-szu2 _tur_ u3 _gal_-a la e-zib-ma _adda-mesz_-szu2-nu re-bet _iri_ u2-mal-li (disz)szu-zu-bu _lugal_ babila2(ki) qa2-du kim-ti-szu2 [...] bal-t,u-su-un a-na qe2-reb _kur_-ia u2-bil-szu _nig2-ga_

_iri_ szu-a-tu _ku3-babbar ku3-sig17 na4-mesz_ [x x]-ti _nig2-szu nig2-ga_ a-na _szu-min_ [...] a-na i-di ra-ma-ni-szu2-nu u2-ter-ru _dingir-mesz_ a-szib lib3-bi-szu2 _szu-min ug3-mesz_-ia ik-szu-su#-nu-ti-ma u2-szab-bi-ru-ma [...] il-qu-u2 (d)iszkur (d)sza-la _dingir-mesz_ sza (iri)e2-gal-mesz sza (disz)(d)marduk-szum2-szesz-mesz _lugal kur_ uri(ki) a-na tar-s,i (disz)tukul-ti-a-e2-szar2-ra [...] a-na babila2(ki) u2-bil-lu i-na 4(disz) _me_ 1(u)? 8(disz)

_mu-an-na-mesz_ ul-tu babila2(ki) u2-sze-s,a-am-ma a-na (iri)e2-[...] u2-ter-szu2-nu-ti _iri_ u3 _e2-mesz_ ul-tu _usz8_-szu2 a-di gaba-dib-bi-szu2 ap-pul aq-qur i-na (d)gesz-bar aq-mu _bad3_ u3 szal-hu-u _e2-mesz_ [...] ma-la ba-szu-u2 as-suh-(ma) a-na (i7)a-ra-ah-ti ad-di# i#-na# qe2#-reb# _iri_ szu-a-tu hi#-ra#-a-ti ah-re-e-ma er-[...] szi-kin usz-sze-szu2 u2-hal-liq-ma _ugu_ sza a-bu-bu

u2-szal-lisz i-na pi-i _i7_ sza u2-szah-ru-u2 i-na qe2-reb _kur_-i# [...] s,a-lam _dingir-mesz gal-mesz en-mesz_-ia ab-ta-ni qe2-reb-szu2-un u3 s,a-lam _lugal_-ti-ia la-bi-in ap-pi ma-har-szu2-un ul-ziz mim-ma lip-[...] i-tep-pu-szu2 s,e-ru-usz-szu2-un u2-sza2-asz2-t,ir-ma a-na _lugal-mesz_-ni _dumu-mesz_-ia e-zib# s,a#-ti-isz ma-ti-ma _nun_ ar-ku-u [...] sza2 e-pisz-ti e-pu-szu2 u2-sah-hu-u2 rik-sa-te ar-ku-sa

i-pat,#-t,a#-ru _a-mesz_ pat-ta#-a#-ti sza2-ti-na ul-tu ta-mir-ti nina(ki) [...] _dingir-mesz gal-mesz_ ma-la i-na _(na4)na-ru3_-e an-ne2-e szu-mu na-bu-u2# i#-na# s,i-it pi-i-szu2-nu el-li sza la na-[...] li-ru-ru-szu2-ma lis-ki#-pu _bala_-[x]

(d)asz-szur (d)a-nu-um (d)[x]-a# (d#)sin (d)utu (d)iszkur (d)marduk (d)[...] isz-tar (d)7(disz)-bi dingir-mesz gal-mesz_ sza ina gi-mir ad-na-a-ti a-na# [x]-tar-re-e s,al-mat _sag-du_ e-nu i-[...]-u2# i-nam-bu-u mal-ku (disz)(d)sin-szesz-mesz-eri-ba _lugal gal lugal_ dan#-nu# _lugal# szu2 lugal kur_ asz-szur _lugal_ kib-rat _limmu2_-tim _nun_ za-nin-szu2#-un# ina an-ni-ku-nu ke-nim ul-tu tam-tim e_-ab2_ a-di tam-tim# szap_-ab2_ szal#-mesz lu at-ta-lak-ma mal-ki sza kib-rat sze-pu-u-a u2-szak-nisz-ma

i-szu-t,u ab-sza2-a-ni i-na u4-me-szu-ma sza nina(ki) szu-bat-su ma-gal usz-rab-bi _bad3_-szu2 u3 szal-hu-szu2 sza ina mah-re-e la ep-szu2 esz-szisz u2-sze-pisz-ma u2-zaq-qir hur-sza2-nisz ta-me-ra-tu-szu2 sza i-na la ma-mi na-mu-ta szu-lu-ka-ma sza2-ta-a qe2-e et-tu-ti u3 _un#-mesz_-szu2 _a-mesz_ szi-qi la i-da-a-ma a-na zu-un-ni ti-iq _an_-e tur-ru-s,a _igi-min-mesz_-szun

asz2-qu-ma ul#-tu# _sza3_ (iri)ma-si-ti# (iri)ban-ba-ri-na (iri)sza2-ap-pa-ri-szu2 [x x]-(disz)(d)utu-pap-ir (iri)kar-nu-u2-ri (iri)tal-mu-sa (iri)ha-ta-a (iri)da-la-a-in (iri)re-esz-e-ni (iri)su-lu (iri)bad3-[x x] (iri)szi-ba-ni-ba (iri)is-pa-ri-ir-ra (iri)gi-in-gi#-li#-nisz# (iri#)nam#-pa-ga-a-te (iri)du6 (iri)a-lum-s,u-si _a-mesz_ [...] (iri)ha-da-bi-ti 1(u)? 8(disz) _i7-mesz_ u2-szah-ra-a a-na _sza3_

(i7)hu-su-ur u2-sze#-szir# ma#-lak-szin ul-tu pa-a-t,i (iri)ki-si-ri a-di nina(ki) (i7)hi-ri-tu2 u2-szah-ra-a _a-mesz_ szu-nu-ti u2-szar-da#-a# qe2#-reb# sza2#-a#-szu2# pat#-ti#-(disz#)(d#)sin-pap-mesz-su at-ta-bi ni-bit-su [...] gu-pu-usz _a-mesz_ sza2-tu-nu ul-tu _sza3_ (kur)ta-as _kur_-i mar-[x] sza# i#-te#-e# [x] qe2#-reb# _kur_-ia# pa-na-ma _i7#_ szu-a-tu2 (i7)[...] i#-nam-bu-u _mu#-ne_ e-nen-na# a#-na#-ku ina qi2-bit

(d)asz-szur _en# gal# en#_-ia# _a#-mesz#_ [x x] u3# szu#-me-li _kur_-i sza2 i-ta-tu-szu2 [...] (iri)me-e-su# (iri)ku-uk-ki#-nu# (iri#)pi2#-it-ur-ra _iri-mesz_-[...] i#-[x] _sza3_ 1(gesz2) 1(u)? _(lu2)erim-mesz i7_ [...] ah-[...] i7-(disz)(d)sin-pap-mesz-su az-ku-ra ni-bit-su# [...]-pi# mah-ru-ti sza ah-ru#-[x] u2-rad#-[x]-ma# u2#-sze#-szir# ma#-lak-szu2-un a-na nina[(ki) ...] _lugal#_-[x x] sza ul-tu ul#-[x _x]-mesz#_-[x _x]-mesz_-[x] szu-bat-su# la# u2-szar-bu-u

la u2-nak#-[...]-na a-na-ku (disz)(d)sin-pap-mesz#-su _lugal_ [...] mal#-ki sza ul#-tu# s,i#-it _(d)utu_-szi a-di e-[...]-lak#-ma# ina _a-mesz_ pat-[x]-a-ti [_...]-ki#_ a#-na# li#-[x]-ti-szu2 _(gesz#)kiri6#-mesz (gesz)gesztin-mesz_ gi-mir _gurun#_ [...] x-lisz i-na s,i-x [x?] x x [...]-sza2#-a-ni ka-[x x]-un _gurun#_ ad-na-a-ti ka-la-ma#? _szim#?-[..._] szi-qi x x x x _a-[..._] x [...]-masz-szir#-ma am-ba-su _mu-ne_ x [...]-x [...]-te ina e-reb# [...]-en#? _iri#?_ u3#? _ki#?-ta (ta) sza3_ (iri)tar-bi-s,i

a-di _uru [...]-gesz#-i3#?_ [x]-szam-ka-ra# [...] _nun#_ ar#-[x x] i-na _lugal-mesz_-ni _dumu-mesz_-ia# [...] tur#?-ru i#-[...]-na [x] _lu2#-[x]-mesz#_ an-nu-ti e-s,u-ti# _i7_ [...] szum-ma [...] _i7#_ szu-[x]-tu2 la u2-szah-ru-u u3 i#-na# [...]-qat-tu#-[...]-qat-tu#-u hi-ru-sa a-na [...]-tap#-pi szu2_-[...]-gug na4#-[x_ x] _(na4#)musz#-gir2#? ((na4)nir2) na4#-babbar-dili-mesz_ _na4-[...] ku3-babbar_ [...] _i3#-gesz# [x]-ga_ a-[x] (d#)e2-a _en_ nag#-bi kup-pi

[x] ta#?-[...]-em-du _en_ [...] qi2#-sza2#-a#-ti [x]-na _dingir-mesz gal#-mesz#_ ut-nin-ma [x]-up-[...] szu-a-tu [...] _(gesz)mar-sze-ra-ah#_ ina ra-ma-ni-szu2 ip#-pe#-te9#-ma# u2#-[...] _lu2_-tim _ka2_-[...] ki#-ma bi#-bil# lib3-bi _dingir-mesz_ u2#-[x]-bab ma#-a-mi isz-[...]-sze-ra szi-pir-sza2 [...] a-lik i#-[x]-ia mu-kin-nu _bala_-ia# _gu4-mesz niga-mesz_ _udu#-mesz_ [...] aq#-qi2 _(lu2)erim-mesz#_ [...] ih-ru-u2# _(tug2)gada tug2-mesz_ bir-me u2-hal-lip-szu2-nu-ti

_har-mesz_ [...] i-na szat-ti [...] szu-a-tu sza ah-ru-u2 it-ti (disz)um-ma-an-me-na-nu _lugal#_ [x _x]-ma-[...]-mesz#_ ma-a'-du-ti# [...] sza re-s,u-ti-szu2-nu i-na ta-mir-ti (iri)ha-lu-le-e [...] _en# gal_-e _en_-ia# [...] i-na lib3-bi-szu2-nu al-lik-ma si-kip-ti _erin2-hi-a-mesz_-szu2-nu [...]-par-ri-ir el-[...] a-di (disz)(d)ag-mu-gar-un _dumu_ (disz)(d)marduk-a-szum2-na _lugal#_ [...-(d)]dun#-ia2#-[...]-reb# tam-ha-ri ik-szu-da# [...] u3 _lugal_ babila2(ki) hur-ba-szu _me3_-ia dan-[x]

is-hup#-[x x]-ti#-ma qe2-reb# [...]-masz-sze-ru#-ni# zu#-u2-szu2-un# [...] nap-sza2-te-szu2-nu ma-tu-usz-szu2-un in-nab-tu-ma la i-tu#-ru-ni ar#-[...] (disz#)(d#)sin#_-szesz#-mesz#-su lugal kur#_ [...] a-na (kur)elam-ma(ki) i-szak-ka-nu ta-a-a-ar-tu2 hat-tu pu-luh-tu _ugu_ [...]-szu2-un it#-ta#-bi-ik#-[...]-sze-ru-ma a-na szu-zu-ub nap-sza2-te-szu2-nu ki-i _ti8(muszen)_ szad-da-a mar-s,u in-nen#-[...] is,#-s,u#-ri# [x]-szu-di [...] lib-bu-szu2-un a-di u4-mi szi-tim-ti-szu2-nu t,u-du

la ip-tu-ma la e-pu-[...]-na [x]-i# _kaskal#_-ia a-na _ka2-[x_ x](ki) sza2 a-na ka-sza2-di u2-s,a-am-me-ru-szu# hi-it-mu-t,isz al-lik-ma ki#-ma# [...]-ziq#-ma ki-ma [x]-ba-ri as-hu-up-szu _iri_ ni-i-ti al-me-ma i-na pil-szi [x x]-bal#-[...] hu-bu-ut [...]-szu2 _tur_ u3 _gal_-a la e-zib-ma _adda-mesz_-szu2-nu re-bet _iri_ u2_-[...]-ra#-[x_] qa2-du kim-ti-szu2 [_...]-mesz#_-szu2# bal-t,u-su-un a-na qe2-reb _kur_-ia u2-bil-szu

_nig2-ga iri# [...]-mesz#_ ni-siq#-ti _nig2-szu nig2-ga#_ [...]-ia# am-ni-i-ma a-na i-di ra-ma-ni-szu2-nu u2-ter-ru _dingir-mesz_ a-[x] lib3#-bi#-[...] ik-szu-su-nu-ti-ma [...] _nig2-ga_-szu2-nu il-qu-ni (d)iszkur (d)sza-la _dingir-mesz_ sza (iri)e2-gal-mesz [...]-pap-mesz _lugal kur_ uri(ki) a-na [...] _lugal# kur_ asz-szur(ki) il-qu-ma a-na babila2(ki) u2-bil-lu i-na 4(disz) _me_ 1(u)? 8(disz) _mu-an#_-[...] babila2#(ki) u2#_-[...]-mesz#_ a-na asz2-ri-szu2-nu u2-ter-szu2-nu-ti _iri_ u3 _e2-mesz_

ul-tu _usz8_-szu2 a-di [...]-pul# aq#-qur# i-na (d)gesz#-[...]-mesz# _dingir-mesz_ ziq-qur-rat _sig4_ u _sahar-hi-a_ ma-la ba-szu-u2 as-suh-ma a-na [x x]-ah#-[x x]-di# i#-na# qe2-reb _iri_ [...]-e-ma er-s,e-es-su-nu ina _a-mesz_ as-pu-un szi-kin usz-sze-szu2 u2-hal-liq-[...] na#-al-pan-ta#-szu2 u2-[...] u4#-me# [x]-qar _iri_ szu#-a#-tu u3 _e2-mesz dingir-mesz_ la musz-szi-i (i)-na# [...] ag-da-mar [...] sza# u2#-szah-ru-u2# [...] qe2#-reb szad-di-i

ap-pi ma-har#-[...]-ta-at _szu-min_-ia sza [...]-tep-[x]-szu s,e#-ru#-szu2#-un u2-sza2-asz2-t,ir-ma a-na _lugal-[..._] e#-zib s,a-ti-isz ma-ti-ma _nun [...]-mesz#_-ni _dumu-mesz_-ia [x] e-pisz-ti e-pu-szu2 u2-sah#-[...] i#-pat,-t,a-[x] _a-mesz_ pat-ta-a-ti [...] ul-tu ta#-mir#-ti# [x](ki) i#-par#-[x]-su# ma-lak-szin _dingir-mesz# gal#-[...] (na4#)na#-ru3#_-e an-ne2-e [...]-u2# [x]-na s,i#-[x] pi#-i-szu2-un el-li# sza# [...] ma-ru-usz-ti [...]-ma# [x]-ki#-pu _bala_-szu2

(d)asz-szur [...] _(d#)en#-lil2# [...]-utu# (d)ag_ (d#)[...] sza i-na gi#-[x x]-na#-a-ti a-[...] _sag-du_ e#-nu i-na-asz2-[x]-u2# [...] (disz)(d)sin-pap-mesz-[x x] _gal lugal_ dan-nu _lugal# szu2#_ [...] _lugal_ kib-rat _limmu2#_-tim _nun_ za-nin#-[x]-un# [...]-ku-nu ke#-[x] ul-tu tam-tim e#-[x] a#-di tam-tim szap#-[x x]-mesz lu at#-[...] ma-al-ki sza kib-ra-a-ti [...]-nisz-ma i-szu-t,u ab-sza2#-[x x] i#-na u4-mi-szu-ma [x] nina#(ki) szu-[x x] ma-gal usz#-rab#-bi# _bad3#_-[...] mah#-re#-e#

la ep-szu2 esz-szisz# [x x]-pisz-ma u2-zaq-[x] hur#-sza2-nisz ta-mi-[...] sza i-na [...]-ka#-ma# sza2-ta#-[x] qe2-e et-tu-ti [x _x]-mesz_-szu2 _a-mesz_ szi-[x x] i#-da#-a#-[x] a-na zu-[...] _an#_-e# tur#-ru#-s,a _igi-min-mesz_-szun asz2-qu-ma ul-tu _sza3_ (iri)ma-si#-[x] _iri#-ban_-ba-ri-na# [x x]-ap-pa-ri#-[x] (iri#)kar#-(disz)(d)[...]-u2-ri (iri)tal-mu-sa (iri)ha-ta-a (iri)da-la-a-a-in _iri#-re_-esz-e-ni (iri)su-lu (iri)bad3-(d)1(u)?-5(disz)# [...] (iri)is-pa-ri#-[...]-in-gi-li-nisz

(iri)nam-pa-ga-ti (iri)du6 (iri)a-lum-s,u-si _a-mesz_ sza s,e-er [...] 1(u)? 8(disz)# _i7-mesz_ [...]-na _sza3_ (i7)hu-su-ur u2-sze-szir ma-lak-szin ul-tu pa-a-t,i (iri)ki-si-ri a-di nina#(ki#) [...] u2#-szah#-ra-a _a-mesz_ szu-[x]-ti u2-szar-da-a qe2-reb-sza2 pat-ti-(disz)(d)sin-szesz-mesz-su at-ta-bi ni-bit-su [...] x [...]-tu _sza3 kur#-ta_-as _kur_-i mar-s,i sza i-te-e _tilla_ qe2-reb _kur_-ia pa-na-ma _i7_ [...] (i7)[...]-u2# _mu-ne_ e-nen-na a-na-ku

i-na qi2-bit (d)asz-szur _en gal_-e _en_-ia _a-mesz_ im-na u3 szu-me-li# [...] sza (iri)me-su# (iri)ku-uk-[x]-nu (iri)pi2#-it-ur-ra _iri-mesz_-ni sza li-me-ti-szu2 _ugu_-szu2 usz-rad-di i-[...]-e#-ma [x]-(disz)(d)sin-szesz-mesz#-[x] az-[x]-ra ni-bit-su _ugu a-mesz_ ku-up-pi u3 a-tap-pi# [...]-sze-szir ma#-lak#-[x x] a-na# nina#(ki) ma-ha-zu s,i-i-ru szu-bat _lugal_-ti-ia sza [...]-su# la u2-szar#-[x x] la u2#-nak#-ki-lu nik-la-su e-ne-na a#-na#-ku# (disz)(d)sin-szesz#-[...] ul-[x]

s,i-it _(d)utu_-szi a#-di# [x]-reb# (d)[...]-lak#?-[...] nina#(ki) a-na li-[...] _(gesz)kiri6-mesz (gesz)gesztin-[..._] ka#-li#-[x x] _gurun_ ad-na-a-ti [...]-me#-ti# u2#-masz-szir-ma am#-[...] e#?-[x x] [x x]-le-[...] x [x?] [...] [...]-x [x?] [...] [...] i-na [...] [...]-a-tu [...] [_...]-mesz_ ni-siq-[...] [...]-pi# u3 [...] [...] _dingir-mesz_ [...] [x x?] _(gesz)mar_ [x] _gesz#-mar-[...] lu2#_-tim# [x x] [x] ip-pe-[x x]-ma bi-[...] isz#-tu [...]-sze-ra [...]

[x x] _dingir-mesz [x]-mesz#_ a#-lik# i-di#-[...] _udu#-mesz_ du-[...]-be2-ti lu# aq#-[x] [_x]-erim-mesz_ szu#-nu#-ti# [x] _i7_ [...] u2#-hal#-lip#_-[...]-mesz# ku3-sig17 gaba-mesz_ [x x] [x]-kun-szu2-nu-ti [x]-na# szat-ti [...]-ti (disz)um#-[...] _lugal#_ (kur)elam-ma#-[x] [x] _lugal# babila2#(ki#)_ [x x] _lugal-mesz_-ni [...] re#-s,u-ti#-[...]-mir#-ti (iri)ha-lu-[x x] [x]-ta#-kan si-dir#-ta i-na qi2-bit (d)[...] i-[...]-ma# si-kip-ti _erim#-hi#-a#-mesz_-szu2-nu#

asz2#-kun# pu-hur-szu2-nu u2-sap-pi-ih-[...] (d)ag-[x]-gar-un _dumu#_ [x] (d#)marduk#-a-szum2-na _lugal_ kur#-kar2-(d)dun-[...](ki#) u3 _lugal#_ babila2#(ki) hur-ba-szu# _me3_-ia dan-ni is-hup-szu-nu-ti-[...]-te-szu2-nu ma#-tu-usz-szu2-nu# in-nab#-tu-ma la i#-tu#-ru-ni ar#-[...]-na (kur)[x]-ma-[x] i#-szak#-ka-nu ta-a#-a#-ar#-tu2 hat-tu# [...] it-[x x]-ik#-[x] _kur_-su#-nu u2-masz#-sze#-ru-ma a-na szu-[...] x [x]-i a-na# is,#-s,u-ri kusz#-szu#-di# [...]-du [x] ip-[x]-ma# la# e-pu#-[...] u2#-[...]-ru-szu

[x]-it-mu-t,isz [x x]-ma# [...]-ma# i#-na# pil-szi [x] na-bal-[...] ah#-bu#-[...] re#-bet _iri_ u2#-mal#-li# [_...]-ra#-[x_] qa2#-du kim#-[...]-szu# _nig2-ga iri_ szu#-a-tu# [x x] _ku3-sig17 na4#-[x_] ni-siq-ti [_x]-szu nig2-ga#_ [...] u2#-ter-ru _dingir-mesz_ a-szib [x x]-szu2 _szu-min un#-mesz_-ia ik-szu-su-nu-[...] _(d#)iszkur_ (d)sza-la# _dingir-mesz_ [x] (iri)e2-gal-mesz sza (disz)(d)marduk-szum2-pap-mesz# [...]-na# babila[(ki)] u2#-bil-lu

[x]-na 4(disz) _me_ 1(u)? 8(disz) _mu-an-na-mesz_ ul-tu _ka2-dingir#-[...]_-nu u2-ter-szu2-nu-ti _iri#_ u3 _e2-mesz_ ul-tu _usz8_-szu2 a-di gaba-dib-bi#_-[...]-mesz# dingir-mesz_ ziq-qur-rat _sig4_ u _sahar-hi-a_ ma-la ba-szu-u2 as-suh-ma# a#-na# [...] hi#-ra#-a-ti ah-re-e-ma er-s,e-es-su i-na _a-mesz_ as-pu-un# szi-kin [...] u2#-sza2-tir asz2#-szu ah-rat u4-me qaq-qar _iri_ szu-a-tu u3 _e2-mesz_ [...] i-na# [...] usz#-[x x]-su-ma ag-da-mar

u2-szal-lisz i-na pi-i _i7_ sza u2#-szah#-ru-u2 [...] 6(disz) _(na4)na#-[...]_-usz#? s,a-lam _dingir-mesz gal-mesz_ _en-mesz_-ia ab-ta-ni qe2-reb-szu2-un u3 s,a-lam# _lugal#_-ti-ia [...] ap#-pi [...] lip-ta-at _szu-min_-ia sza qe2-reb nina(ki) i-tep-pu-szu2 s,e-ru-usz-szu2-un [...] a-na _lugal-[..._] e#-zib# s,a-ti-isz ma-ti-ma _nun_ ar-ku-u2 i-na _lugal-mesz_-ni _dumu-mesz_-ia sza2 e#-pisz#-[...]-sah#-hu-u2 rik-sa-te ar-ku-su

i-pat,-t,a-ru _a-mesz_ pat-ta-a-ti sza2-ti-na ul-tu ta#-mir#-[...] i#-par#-[x x] ma#-lak-szin _dingir-mesz gal-mesz_ ma-la i-na _(na4)na-ru3_-e an-ne2-e szu-mu na-bu-u2 i-na s,i-it pi#-i#-szu2#-nu# el#-li# [x] la# na-[...] ma#-ru#-usz#-ti li-ru-ru-szu-ma lis-ki-pu _bala_-szu2

_kur_ (disz)(d)sin-pap-mesz-su _man szu2 man kur_ asz

_kur_ (disz)(d)sin-pap-mesz-su _man kur_ asz

(disz)(d)sin-pap-mesz-su _man szu2 man kur_ asz-szur a-na szid-di ru-u2-qi2 _a-mesz_ (i7)ha-zu-ur ki-lal-la-an _a-mesz_ (i7)pul-pul-li-ia _a-mesz_ (iri)ha-nu-sa _a-mesz_ (iri)gam-ma-ga-ra _a-mesz_ kup-pa-ni sza _kur-mesz_ sza im-na u3 szu-me-li sza i-ta-tu-usz-szu2 _ugu_-szu2 usz-rad-di pat-tum u2-szah2-ra-a a-na ta-mir-ti nina(ki) _ugu_ na-ah-li hu-du-du-ti sza (na4)pi-i-li pe-s,i-i u2-szak-bi-is ti-tur-ru _a-mesz_ sza2-tu-nu u2-sze-ti-iq s,e-ru-usz-szu2

[...] a-na szid#-di ru-u2-qi2 ul-tu (i7)ha-zu-[ur pat]-tum u2-szah2#-[ra-a ...] [... _ugu_ na-ah-li hu-du-du]-ti sza (na4)pi-i-li u2-sza2-ak-bi-is ti-tur-ri _a-[mesz_ ...]

i-na u4-[mi?]-im#?-ma#? [...] a-na babila2#(ki) hi-it-mu#-[t,isz al-lik-ma? ...] _lugal_ (kur)kar2-(d)dun#-ia3-asz2 sza [...]

[...] ti# ik#?-szu#?-du#? a#-[x x] x x a x [...] [... szu]-u2 (disz)(d)marduk#-[ibila]-szum2-na# [...] [... a-lak ger-ri-ia isz]-me-ma hat-tu u3# [pu]-luh-[tu im-qut-su? ...]

[...] x _ka2-gal#-mesz_-szu2 [...] (disz)(d)marduk-ibila-szum2-na [...] szu-a-tu2 u2-sze-s,a-am-ma szal-la-tisz am-nu

[... _na4_] a#-qar-tu u2-nu-ut# x x [...] [...] (lu2#)man-za-az pa-ni _(lu2#)nar-mesz#_ [...] [...] x u2#-sze-s,a-am-ma szal-la-[tisz am-nu ...]

[_...]-mesz#_-szu2 _(gesz#)gigir#-mesz_-szu2 [...] [...] u2#-nu-ut _e2-[gal_-szu ...] [...] i-na qe2#-reb babila2#[(ki) ...]

[i-na 2(disz)-e ger-ri-ia (d)]asz-szur# be-li2# [u2-tak]-kil#-an#-[ni-ma] [a-na _kur_ (lu2)kasz-szi-i u3] _kur_ (lu2)ia-[su-bi]-gal-la-[a-a] [sza ul-tu ul-la a-na _lugal-mesz] ad-mesz_-ia la [kit-nu]-usz lu [al-lik]

[...] _ansze#-nun-na-mesz ansze-mesz# gu4#-mesz#_ u3 [s,e-e-ni ul-tu qer-bi-szu2-un u2]-sze-s,a-am-ma szal-la-tisz am-nu [u3 _iri-mesz_-ni?-szu2-nu _tur-mesz_ sza] ni#-ba la i-szu-u2 ap#-pul# aq#-qur#

gim#-[ri _kur]_-szu2 _dagal_-ti# [...]-ma _gin7_ im-ba-ri# [as-hu-up (iri)]mar-u2-bisz-ti (iri)[ak-ku]-ud-du _(iri#)[e2?-(disz?)bar?]-ra-a sza2 ku-tal _kur_-[i? _iri-mesz_-ni?] _e2 lugal_-ti-[szu] a-[di 3(u)? 4(disz)] _iri#-mesz# [tur-mesz_] sza2 li-me-ti-[szu2-nu al]-me ak-szu-du

a#-di# a#-na#-ku# a#-na# [...] (iri)e-le-en-zi-[asz2 ...] as,-bat-ma _bad3#?_ x [...]

[...] _sag_ mul#-mul#-[li ...] [... i?]-na _me3# edin_ [...] [...]-ma usz-[te]-sze-ru har-[ra-nu ...]

[... _(lu2?)masz?]-masz? (lu2)a-zu_ (lu2)da-gil2# _muszen_ [...] [...] _(lu2)nagar (lu2)ku3-dim2 (lu2)simug_ (lu2)[...] [...] szi-pir _(lu2)usz-bar_-u2-tu mu-du#-u2 [...]

(disz)(d)sin-pap-mesz-su _man szu2 man kur_ asz-szur(ki)

sza _sag (iri)limmu2-dingir a-mesz_ ku-up-pi sza _za3_ u _gub3_ sza i-ta-at _i7-mesz_ sza2-ti-ni# ah-re-ma _ugu_-szi?-na? usz-rad-di _i7_ ah-re-ma a-na qa-bal-ti (iri)limmu2-dingir szu-bat (d)isz-tar _gaszan_ s,ir-ti u2-sze-szir ma-lak-szin

[...] (d)utu (d)iszkur [...] [...] _ugu_ kul-lat na-[...] [...] _kur_ asz-szur(ki) _lugal_ kib-rat _limmu2_-tim _lugal_ [...] [...] tap-pu-ut a-ki-i sa-hi-ru dam-qa-[...] [...]-it, la ma-gi-ri mu-szab-ri-qu# [...] [...] gi-mir a-szib pa-rak-ki u2-szar-ba-a [...] [...] szap-li-ti sza s,i-it _(d)utu_-szi [...] [...] i-na er-bet ger-ra-ni-ia sza [...] [...]-li-[...]-ni-szu2-nu ak-szu-[...] [...]-na sze-lal-ti ger-ra-ni-ia sza [...] [...] ger-ri-ia a-[x] babila2(ki) a-[...]

[...] (d)zar-pa-ni-tum a-na mu-'u-de-e u2-[...] [...] a-na re#-[x]-ti-ni a-na _babila2-[..._] [...] _lugal_ (kur)elam-ma(ki) [x x]-sis a-ma-ti [...] [...] a-na na-gi-szu2 ur-du-ma [_x]-na-[..._] [...]-a-ni-szu2 [x] e-ber-[...] [...] aq-mu-u2 sza2-[...] [...] (iri#)ra-s,a-[...]

[...] mu-sza2-ru-u2 u2-sze-pisz-ma [...] [...] _ugu#_ na-ki-re-e-a asz2-tak-ka-nu [...] [...] _lugal-mesz dumu-mesz_-ia sza (d)asz-szur [...] [...]-kir-szu2 e-nu-ma _bad3_ sza2-a-tu i-[...] [...] szi-[x] szu-me-ia li-mur-ma [...] [...]-na asz2-ri-[...]-ter (d)asz-szur [...] [...] _(lu2)en-nam_ (iri)sa-me-ri-na _mu-an-na_ 1(u)? 4(disz) [...]

[_e2-gal (disz)(d)suen-szesz-mesz-eri-ba _lugal gal] lugal_ dan-nu _lugal szu2 lugal kur_ asz-szur[(ki)] [_lugal_ kib-rat _limmu2_-tim mi-gir _dingir]-mesz# gal-mesz_ lu-li-mu er-szu2 ma-al-[ku] [pit-qu-du _re-e2-um_ ba-hu-la]-a-ti mut-tar-ru-u2 _ug3-mesz_ rap-sza2-a#-[ti a-na-ku] [(d)asz-szur _ad dingir-mesz_ i-na kul-lat ma]-li-ki ke-nisz# _igi-bar_-ni-ma _ugu_ gi#-[mir] [a-szib pa-rak-ki u2-szar-ba-a _(gesz)]tukul#-mesz_-ia id-di-nam# _(gesz)gidri_ i-szar#-[tu]

[mu-rap-pi-szat mi-is,-ri szi-bir]-ru# la pa-du-u2 a-na szum#-qut# za#-['i-ri] [u2-szat-me-eh rit-tu-u2-a i]-na# ta-ha-az _edin (disz#)(d#)amar#-utu#-ibila#-sum#-[na_] [_lugal_ (kur)]kar2#-(d#)dun#-ia2#-asz3# na-gab# (lu2)kal-du [u3] [(lu2)a-ra-me a-di _erin2-hi-a_ elam-ma(ki) re-s,i-szu2] a#-bu#-bisz as-pu-un szu-u2 a-na# [_kur_] [tam-tim e-disz ip-par-szid-ma _dingir-mesz_ ma-rak _kur_-szu2 it-ti _giri3]-pad#-du#-mesz ad-mesz_-szu2 mah#-[ru-ti] [ul-tu qe2-reb _ki-mah_ ih-pi-ir-ma ...] x x x [...]

[_ugu_ na-ki-re-e-a asz2-tak]-ka-nu s,e#-ru#-[usz-szu2 u2-sza2-asz2-t,ir-ma] [i-na? usz-szi-szu? e-zib?] ah#-ra-tasz ma-te-ma [i-na _lugal-mesz dumu-mesz_-ia] [sza (d)asz-szur a-na _re-e2-um_-ut _kur_ u3] _un#-mesz_ i-nam-bu-u2 [zi-kir-szu2] [e-nu-ma x x? sza2-a-tu] i-lab-bi-ru-ma [en-na-hu] [an-hu-us-su lu-ud-disz] _mu-sar_-e szi-t,ir szu-me-ia# [li-mur-ma] [_i3-gesz_ lip-szu-usz _(udu)siskur2_ liq-qi2 a]-na# asz2-ri-szu2 lu-ter (d)asz-szur ik-ri#-[bi-szu2 i-szem-me]

(d#)sin-pap-mesz-su# _man kur_ asz

(disz)(d#)[sin]-pap-mesz-su# _man szu2 [man kur_ asz ana (disz)(d)]asz-szur#?-pap-asz _dumu_-szu2 _gal?_ i?-din

_e2-gal_ (disz)(d)sin-pap-mesz-su_ _lugal gal lugal_ dan-nu _lugal szu2 lugal kur_ asz-szur(ki) _lugal_ kib-rat _limmu2_-tim mi-gir _dingir-mesz gal-mesz_ (d)asz-szur _ad dingir-mesz_ ina kul-lat ma-li-ki ke-nisz _igi-bar_-ni-ma _ugu_ gi-mir a-szib pa-rak-ki u2-szar-ba-a _(gesz)tukul-mesz_-ia i-na u4-me-szu-ma _e2-gal murub4 iri_ sza (iri)ni-na-a sza _lugal-mesz_-ni _ad-mesz_-ia u2-sze-pi-szu-ma s,u-uh-hu-rat szu-bat-sa (i7)te-bil-ti i-ta-a-sza2 i-ba-'u-u2-ma ina _illu_-sza2

_e2-gal_ sza2-a-tu a-na si-hir-ti-sza2 aq-qur sza (i7)te-bil-ti ma-lak-sza2 usz-t,ib-ma u2-sze-szir mu-s,u-sza2 qe2-reb a-sur-rak-ki-sza2 szap-la-a-nu _gi-mesz_ e-la-nisz _esir2 had2-a_ it-ti (na4)pi-i-li _gal-mesz_ dun-nu-nisz ak-si _3(disz) me 4(u)_ ina _1(disz) kusz3 gid2-da_

qaq-qa-ru ul-tu qe2-reb ma-a-me u2-sze-lam-ma a-na tar-pa-szi-i u2-ter s,e-er me-szi-ih-ti tam-li-i mah-ri-i lu u2-rad-di-ma a-na _7(disz) me_ ina _as4-lum_ _gal_-ti _usz_ u3 _4(disz) me 4(u)_ ina _as4-lum gal_-ti _sag-ki_ si-hir-ti tam-le-e u2-ter-ma i-na _1(disz) me 1(gesz2) 3(u)_ ti-ib-ki ul-la-a re-szi-szu2 _e2-gal_ _(na4)dur2-mi-na-ban3-da (na4)gesz-nu11-gal zu2 am-si (gesz)esi (gesz)taszkarin (gesz)mes-ma2-kan-na_ (gesz)ere-ni _(gesz)szur-min3 (szim)li_ (gesz)e-lam-ma-ku a-na mu-szab _lugal_-ti-ia

ab-ta-ni qe2-reb-szu2 _e2_ ap-pa-a-ti tam-szil _e2-gal_ (kur)ha-at-ti me2-eh-ret ba*-ba-a-ti u2-sze-pisz _gesz-ur3-mesz_ (gesz)ere-ni _(gesz)szur-min3_ u2-szat-ri-s,a e-li-szin _(gesz)ig-mesz_ (gesz)li-ia-ri _(gesz)szur-min3_ me-ser _ku3-babbar_ u3 _uruda_ u2-rak-kis-ma u2-rat-ta-a ba-bi-szin i-na ba-rak-ka-ni ap-ti bi-ir-ri u2-pat-ta-a _(d)lamma-mesz (na4)gesz-nu11-gal zu2 am-si_ ina* ba-bi-szin ul-ziz sik-kat3 kar-ri kas-pi u3 _uruda_ qe2-reb-szin u2-szal-me i-na a-gur-ri _(na4)zu2 (na4)za-gin3_ us-si-ma

se-el-lum ne2-be2-hi u3 gi-mir pa-as-qi2-szin asz2-szu2 szip-ri _e2-gal_-ia szu-te-szu2-ri i-na u4-me-szu2-ma (d)asz-szur u3 (d)isz-tar ra-'i-mu _(lu2)sanga_-ti-ia gesz-mah-hi (gesz)ere-ni sza ul-tu _u4-mesz su3-mesz_ ik-bi-ru qe2-reb (kur)si-ra-ra _kur_-i na-an-zu-zu u2-szak-li-mu-in-ni s,i-i-su-un sza _(na4)gesz-nu11-gal_ sza ina tar-s,i _lugal-mesz ad-mesz_-ia a-na kar-ri nam-s,a-ri szu-qu-ru ina sa-pan (kur)am-ma-na-na u2-szap-tu-ni pa-ni-szu u3 _(na4)dur2-mi-na-ban3-da_ ma-la (dug)bur-zi-gal-li

sza la in-nam-ru ma-ti-ma ina (iri)kap-ri-da-ar-gi-la-a u2-kal-lim ra-ma-nu-usz ina er-s,e-et (iri)ba-la-t,a-a-a (na4)pi-i-lu pe-s,u-u2 a-na mu-'u-de-e in-na-mir-ma _(d)alad-(d)lamma-mesz (munus)ab2-za-za_-a-ti _(na4)gesz-nu11-gal_ u3 _kun4-mesz (na4)gesz-nu11-gal_ a-di _kun4-mesz (na4)dur2-mi-na-ban3-da_ s,i-ra-a-ti ab-ni ki-lal-la-an ina szad-di-szu2-un ab-tuq-ma a-na szip-ri _e2-gal_-ia u2-szal-di-da qe2-reb nina(ki) (na4)pi-i-lu pe-s,u-u2

sza ina er-s,e-et (iri)ba-la-t,a-a-a in-nam-ru a-na _(d)alad-(d)lamma-mesz_ u3 _(munus)ab2-za-za_-a-te u2-sze-pisz ki-i t,e3-em _dingir_-ma sza gesz-mah-hi u3 a-la-mit-ta _1(u) 2(disz) ur-mah-mesz_ ne2-'i-ru-ti a-di

t,i-it,-t,i ab-ni-ma e-ra-a qe2-reb-szu2 asz2-tap-pa*-ka u2-szak-li-la nab-nit-sun2 _(d)alad-(d)lamma-mesz_ _(na4)gesz-nu11-gal_ u3 _uruda_ sza 2(disz) ina lib3-bi za-ha-lu-u lit-bu-szu2 _(d)alad-(d)lamma-mesz_ u3 _(munus)ab2-za-za_-a-te (na4)pi-i-li pe-s,e-e sza _e2-gal-mesz_-ia u2-sza2-as,-bi-ta _si-gar_-szin _(munus)ab2-za-za_-a-ti _(na4)gesz-nu11-gal_ u3 pi-ti-iq u2-ru-de-e ih-ze-et kas-pi eb-bi _(munus)ab2-za-za_-a-te pi-ti-iq _gu-an-na_ a-di _1(u) 2(disz) ur-mah-mesz zabar_ ne2-'i-ru-u2-ti

tim-me _uruda_ s,i-ru-ti (gesz)tim-me _(gesz)erin gal-mesz_ a-di tim-me _(gesz)esi (gesz)szur-min3_ (gesz)dup-ra-ni (gesz)ta-ti-di ih-ze-et pa-szal-li kas-pi u3 _uruda_ s,e-ru-usz-szu2-un ul-ziz-ma dap2-pi ku-lul _ka2-mesz_-szin e-mid _kun4-mesz (na4)dur2-mi-na-ban3-da (na4)gesz-nu11-gal_ u3 _kun4-mesz_ (na4)pi-i-li _gal-mesz_ u2-sza2-as-hi-ra a-sur-ru-szi-in asz2-szu2 u4-me-szam-ma _a-mesz_ di-lu-ti da-lum eb-li gu-has,-s,a-te _zabar_ u3 har-ha-ri _zabar_ u2-sze-pisz-ma ki-mu-u2 ma-ka-a-ti

gesz-mah-hi a-la-mit-ta s,e-er _pu2-mesz_ ul-ziz _e2-gal-mesz_ sza-ti-na u2-sza2-lik as-mi3-isz si-hir-ti _e2-gal_ a-na tab-rat kisz-szat _ug3-mesz_ ul-la-a re-szi-sza2 _e2-gal_ sza sza2-ni-na la i-szu-u2 ni-bit-sa az-kur i-na qi2-bit (d)asz-szur _ad dingir-mesz_ u3 (d)isz-tar szar-ra-ti _(d)alad_ dum-qi2 (d)lamma dum-qi2 qe2-reb-sza2 lisz-tab-ru-u2 a-a ip-par-ku-u2 i-da-a-sza2

ul-la-a re-szi-szu a-na _7(disz) me_ i-na _as4-lum gal_-ti _usz_ u3 _4(disz) me 4(u)_ i-na _as4-lum gal_-ti _sag-ki_ szi-kit-ti _e2-gal_ u2-ter-ma szu-bat-sa usz-rab-bi _e2-gal (na4)dur2-mi-na-ban3-da (na4)gesz-nu11-gal_ _zu2 am-si (gesz)esi (gesz)taszkarin (gesz)mes-ma2-kan-na (gesz)erin (gesz)szur-min3 (szim)li_ (gesz)e-lam-ma-ku a-na mu-szab be-lu-ti-ia ab-ta-ni qe2-reb-szu2 _e2_ ap-pa-a-ti tam-szil _e2-gal_ (kur)ha-at-ti me2-eh-ret ba-ba-a-ti u2-sze-pisz

_gesz-ur3-mesz_ (gesz)ere_-igi? (gesz)szur-min3_ u2-szat-ri-s,a e-li-szin _(gesz)ig-mesz_ (gesz)li-ia-ri _(gesz)szur-min3_ me-ser _ku3-babbar_ u3 _uruda_ u2-rak-kis-ma u2-rat-ta-a ba-bi-szin i-na ba-rak-ka-ni-szin ap-ti bi-ir-ri u2-pat-ta-a _(d)lamma-mesz (na4)gesz-nu11-gal zu2 am-si_ sza kit-mu-sa rit-ta-szin bal-tu ku-uz-bu hi-it-lu-pa lu-le-e ma-la-a i-na _ka2-mesz_-szi-in ul-ziz-ma a-na tab-ra-a-ti u2-sza2-lik sik-kat3 kar-ri kas-pi u3 _uruda_ qe2-reb-szin u2-szal-me ... asz2-szu2 szip-ri _e2-gal_-ia

szu-te-szu2-ri u3 li-pit _szu-min_-ia szul-lu-me i-na u4-me-szu2-ma (d)asz-szur u3 (d)isz-tar ra-'i-mu _(lu2)sanga_-ti-ia na-bu-u2 _mu_-ia gesz-mah-hi (gesz)ere_-igi_ sza ul-tu _u4-mesz_ ru-qu-u2-ti i-szi-hu-ma ik-bi-ru ma-gal (i-na) qe2-reb (kur)si-ra-ra szad-di-i i-na pu-uz-ri na-an-zu-zu u2-szak-li-mu-in-ni s,i-i-su-un sza _(na4)gesz-nu11-gal_ sza i-na tar-s,i _lugal-mesz_ _ad-mesz_-ia a-na kar-ri nam-s,a-ri szu-qu-ru ina sa-pan (kur)am-ma-na-na u2-szap-tu2-ni pa-ni-szu u3 _(na4)dur2-mi-na-ban3-da_

ma-la (dug)bur-zi-gal-li sza la in-nam-ru ma-ti-ma i-na (iri)kap-ri-da-ar-gi-la-a u2-kal-li-im ra-ma-nu-usz i-te-e (iri)ni-na-a i-na er-s,e-et (iri)ba-la-t,a-a-a ki-i t,e3-em _dingir_-ma (na4)pi-i-lu pe-s,u-u2 a-na mu-'u-de-e in-na-mir-ma _(d)alad-(d)lamma-mesz_ _(munus)ab2-za-za_-a-ti _(na4)gesz-nu11-gal_ u3 _kun4-mesz (na4)gesz-nu11-gal_ a-di _kun4-mesz_ _(na4)dur2-mi-na-ban3-da_ s,i-ra-a-ti ab-ni ki-lal-la-an i-na szad-di-szu-un ab-tuq-ma a-na szip-ri _e2-gal_-ia u2-szal-di-da qe2-reb (iri)ni-na-a

(na4)pi-i-lu pe-s,u-u2 sza i-na er-s,e-et (iri)ba-la-t,a-a-a in-nam-ru a-na _(d)alad-(d)lamma-mesz_ u3 _(munus)ab2-za-za_-a-te u2-sze-pisz-ma nab-ni-ta-szu-un u2-szar-ri-ih ki-i t,e3-em _dingir_-ma sza gesz-mah-hi u3 a-la-mit-ta _1(u) 2(disz) ur-mah-mesz_ ne2-'i-ru-ti a-di _1(u) 2(disz) (d)alad-(d)lamma-mesz mah-mesz_

zi-i'-pi t,i-it,-t,i ab-ni-ma e-ra-a qe2-reb-szu asz2-tap-pa-ka u2-szak-li-la nab-ni-su-un _(d)alad-(d)lamma-mesz (na4)gesz-nu11-gal_ u3 _uruda_ sza 2(disz) i-na lib3-bi za-ha-lu-u2 lit-bu-szu2 _(d)alad-(d)lamma-mesz (munus)ab2-za-za_-a-ti (na4)pi-i-li pe-s,e-e sza _e2-gal-mesz_ be-lu-ti-ia u2-sza2-as,-bi-ta _si-gar_-szi-in _(munus)ab2-za-za_-a-ti _(na4)gesz-nu11-gal_ u3 pi-ti-iq u2-ru-de-e ih-ze-et kas-pi eb-bi _(munus)ab2-za-za_-a-ti pi-ti-iq _gu-an-na_ a-di _1(u) 2(disz) ur-mah-mesz zabar_

ne2-'i-ru-ti sza ra-mu-u2 nam-ri-ir-ri tim-me _uruda mah-mesz_ tim-me (gesz)ere_-igi gal-mesz_ a-di tim-me _(gesz)esi (gesz)szur-min3_ (gesz)dup-ra-ni (gesz)ta-ti-du ih-ze-et pa-szal-li kas-pi u3 _uruda_ s,e-ru-usz-szu2-un ul-ziz-ma dap2-pi ku-lul _ka2-mesz_-szin e-mid _kun4-mesz (na4)dur2-mi-na-ban3-da (na4)gesz-nu11-gal_ u3 _kun4-mesz_ (na4)pi-i-li _gal-mesz_ u2-sza2-as-hi-ra a-sur-ru-szin asz2-szu u4-mi-szam-ma _a-mesz_ di-lu-u2-ti da-lum

eb-li gu-has,-s,a-a-ti _zabar_ u3 har-ha-ri _zabar_ u2-sze-pisz-ma ki-mu-u2 ma-ka-a-ti gesz-mah-hi u3 a-la-mit-ta s,e-er _pu2-mesz_ usz-ziz u3 a-na (munus)(d)tasz-me-tum-szar-rat _munus-e2-gal_ hi-ir-tu na-ram-ti-ia sza (d)be-let-dingir-mesz _ugu_ gi-mir _munus-mesz_ u2-szak-li-la nab-ni-sa _e2-gal_ ru-'a-a-me hi-da-a-ti u3 ri-sza2-a-ti u2-sze-pisz-ma _(munus)ab2-za-za_-a-ti (na4)pi-i-li pe-s,i-i ina _ka2-mesz_-sza2 ul-ziz

i-na qi2-bit (d)asz-szur _ad dingir-mesz_ u3 (d)isz-tar szar-ra-ti i-na t,u-ub _uzu_ u3 hu-ud lib3-bi qe2-reb _e2-gal-mesz_ szi-na-a-ti ki-lal-la-an _u4-mesz_ nu-sza2-ri-ka ni-isz-ba-a bu-'a-a-ri _(d)alad_ dum-qi2 (d)lamma dum-qi2 i-da-at _e2-gal-mesz_ sza2-ti-na da-a-risz lit-tas-ha-ru a-a ip-par-ku-u2 i-da-a-szi-in

a-na tab-ra-a-ti u2-sza2-lik sik-kat3 kar-ri kas-pi u3 _uruda_ qe2-reb-szin u2-szal-me i-na _sig4-al-ur3-ra_ _(na4)zu2 (na4)za-gin3_ us-si-ma se-el-lum ne2-be2-hi u3 gi-mir pa-as-qi2-szin asz2-szu2 szip-ri _e2-gal_-ia szu-te-szu-ri u3 li-pit _szu-min_-ia szul-lu-me i-na u4-me-szu-ma (d)asz-szur u3 (d)isz-tar ra-'i-mu _(lu2)sanga_-ti-ia na-bu-u2 _mu_-ia gesz-mah-hi (gesz)ere-ni sza ul-tu u4-me _su3-mesz_ i-szi-hu-ma ik-bi-ru ma-gal i-na qe2-reb (kur)si-ra-ra szad-di-i i-na pu-uz-ri

s,i-i-su-un sza _(na4)gesz-nu11-gal_ sza i-na tar-s,i _lugal-mesz_-ni _ad-mesz_-ia a-na kar-ri nam-s,a-ri szu-qu-ru i-na sa-pan (kur)am-ma-na-na u2-szap-tu-ni pa-ni-szu u3 _(na4)dur2-mi-na-ban3-da_ ma-la (dug)bur-zi-gal-li _(d)alad-(d)lamma-mesz_ u3 _(munus)ab2-za-za_-a-ti (na4)pi-i-li pe-s,e-e sza _e2-gal-mesz_-ia u2-sza2-as,-bi-ta _si-gar_-szi-in tim-me _uruda mah-mesz_ a-di (gesz)tim-me (gesz)ere-ni _gal-mesz_ bi-ib-lat (kur)ha-ma-nim me-ser _uruda_ u2-rak-kis-ma s,e-er pirig-gal-le-e

ul-ziz-ma dap2-pi ku-lul _ka2-mesz_-szin e-mid _(munus)ab2-za-za_-a-ti _(na4)gesz-nu11-gal_ a-di _(munus)ab2-za-za_-a-ti pi-ti-iq u2-ru-de-e sza za-ha-lu-u2 lit-bu-sza2 u3 _(munus)ab2-za-za_-a-ti pi-ti-iq _gu-an-na_ sza nu-um-mu-ru gat-ta-szin (gesz)tim-me _(gesz)esi (gesz)szur-min3 (gesz)eren_ (gesz)dup-ra-ni _(szim)li_ u3 (gesz)ta-ti-du ih-ze-et pa-szal-li u3 kas-pi s,e-ru-usz-szin ul-ziz-ma sza kum2-me mu-szab be-lu-ti-ia e-mid _(gesz)gan-du7-mesz_-szu2-un _kun4-mesz_

_(na4)dur2-mi-na-ban3-da (na4)gesz-nu11-gal_ u3 _kun4-mesz_ (na4)pi-i-li _gal-mesz_ a-sur-ru-szin u2-sza2-as-hi-ra a-na tab-ra-a-ti u2-sza2-lik asz2-szu2 u4-me-szam-ma _a-mesz_ di-lu-u2-ti da-lum eb-li gu-has,-s,a-a-ti _zabar_ u3 har-ha-ri _zabar_ u2-sze-pisz-ma ki-mu-u2? ma-ka-a-ti gesz-mah-hi u3 a-la-mit-ta s,e-er _pu2-mesz_ usz-ziz _e2-gal-mesz_ sza2-ti-na u2-sza2-lik as-mi3-isz si-hir-ti _e2-gal_ a-na tab-rat kisz-szat _ug3-mesz_ ul-la-a re-szi-sza2 _e2-gal_ sza sza2-ni-na la i-szu-u2 ni-bit-sa az-kur

i-na qi2-bit (d)asz-szur _ad dingir-mesz_ u3 (d)isz-tar szar-ra-ra-ti _(d)alad_ dum-qi2 (d)lamma dum-qi2 qe2-reb _e2-gal_ sza2-a-tu da-a-risz lisz-tab-ru-u2 a-a ip-par-ku-u2 i-da-a-sza2

_e2-gal (d)suen-szesz-mesz_-eri-ba _lugal gal lugal_ dan-nu _lugal szu2 lugal kur_ asz-szur(ki) _lugal_ kib-rat _limmu2_-tim mi-gir _dingir-mesz gal-mesz_ (d)asz-szur _ad dingir-mesz_ i-na kul-lat ma-li-ki ke-nisz _igi-bar_-ni-ma _ugu_ gi-mir a-szib pa-rak-ki u2-szar-ba-a _(gesz)tukul-mesz_-ia i-na ta-ha-az _edin_ i-na ta-mir-ti kisz(ki) as-kip _(disz)(d)marduk-ibila-szum2-na lugal_ (kur)kar2-dun-ia2-asz3

e-ki-ma be-lut-su gim-ri _kur_ (lu2)kal-di a-di gi-pisz um-ma-na-a-ti _(lu2)elam-ma(ki)_ re-s,i-szu u2-ra-sib i-na _(gesz)tukul-mesz_ (disz)(d)asz-szur_-szum2-mu dumu_ resz-tu-u2 tar-bit bir-ki-ia i-na _(gesz)gu-za lugal_-ti-szu u2-sze-szib-ma _kur uri(ki) dagal_-tum u2-szad-gil pa-nu-usz-szu2 as-suh na-gab (lu2)ah-la-mi3-i (lu2)su-ti-i ba-hu-la-ti (iri)hi-rim-me i-na _(gesz)tukul_ u2-szam-qit-ma la ez-zi-ba pe-re-'i-szu2-un

ak-szud(ud) _kur_ (lu2)ia-su-bi-gal-la-a-a _(lu2)kur2_ ak-s,i (kur)el-li-pi u2-szal-pit-ma u2-ab-bit da-ad2-me-sza2 u3 (disz)lu-li-i _lugal_ (iri)s,i-du-un-ni e-du-ra ta-ha-zi a-na (kur)ia-ad-na-na sza qe2-reb tam-tim in-na-bit-ma i-hu-uz mar-qi2-tu i-na _kur_-tim-ma sza2-a-tu i-na ra-szub-bat _(gesz)tukul_ (d)asz-szur _en_-ia e-mid szad-da-szu2 (disz)tu-ba-a'-lu i-na _(gesz)gu-za lugal_-ti-szu2

u2-sze-szib-ma man-da-at-tu be-lu-ti-ia u2-kin s,e-ru-usz-szu2 u2-szal-pit rap-szu na-gu-u2 (kur)ia-u2-di szep-s,u mit-ru (disz)ha-za-qi-a-a-u2 _lugal_-szu sze-pu-u-a u2-szak-nisz-ma i-sza2-t,a ab-sza2-a-ni _lu2-mesz_ (iri)tu-mur-ra-a-a a-szi-bu-ut (kur)ni-pur _kur_-i mar-s,i i-na _(gesz)tukul_ u2-szam-qit (iri)uk-ku a-di nap-har da-ad2-me-szu2 ki-ma _du6_ a-bu-bi u2-ab-bit i-na u4-me-szu-ma te-ne-szet

na-ki-ri ki-szit-ti _szu-min_-ia tup-szik-ku u2-sza2-asz2-szi-szu2-nu-ti-ma il-bi-nu _sig4 e2-gal murub4 iri_ sza (iri)ni-na-a sza _3(disz) me 1(gesz2)_ i-na _1(disz) kusz3 usz 1(gesz2) 3(u) 5(disz)_ ina _1(disz) kusz3 sag-ki_ ma-ra-ku szit-ku-na-at-ma s,u-uh-hu-rat szu-bat-sa sza _lugal-mesz_ a-li-kut mah-ri _ad-mesz_-ia a-na ri-mit be-lu-ti-szu2-un u2-sze-pi-szu-ma la u2-nak-ki-lu szi-pir-sza2 _udu-mesz_ szad-di (d)lamma sza (na4)pi-i-li pe-s,e-e

i-na (iri)ta-as-ti-a-te ib-tu-qu a-na mu-kil _ka2-mesz_-szi-in a-na szu-pu-usz _(gesz)ma2-mesz_ qe2-reb _(gesz)tir-mesz gesz-mesz gal-mesz_ u2-qe2-ru i-na nap-har _kur-mesz_-szu2-un i-na _(iti)gu4_ u4-mu a-dan-ni e-de-e pa-an szat-ti i-na _(gesz)ma2-mesz_ s,i-ra-a-ti a-na a-ha-an-na-a u2-szeb-bi-ru-ni mar-s,i-isz i-na ne2-ber ka-a-ri _(gesz)ma2-gu-la-mesz_ u2-t,e-eb-bu-u2 ba-hu-la-ti-szu2-un u2-sza2-ni-hu u2-lam-me-nu ka-ras-sin i-na da-na-ni u3 szup-szu-qi mar-s,i-isz u2-bi-lu-nim-ma

u2-sza2-as,-bi-tu _ka2-mesz_-szi-in (i7)te-bil-ti a-gu-u2 szit-mu-ru sza ul-tu _u4-mesz su3-mesz_ t,e-eh _e2-gal_ i-ba-'u-u2-ma i-na _illu_-sza2 gap-szi u2-ri-ib-bu tem-me-en-sza2 _e2-gal-tur-ra_ sza2-a-tu a-na si-hir-ti-sza2 aq-qur sza (i7)te-bil-ti ma-lak-sza2 usz-te-esz-na-a u2-sze-szir mu-s,u-sza2 qe2-reb a-sur-rak-ki-sza2 szap-la-nu _gi-mesz_ e-la-nisz _esir?-ud?-a_

it-ti (na4)pi-i-li _gal-mesz_ dun-nu-nisz ak-si? _3(disz) me 4(u)_ ina _1(disz) kusz3 gid2-da 2(disz) me 1(gesz2) 2(u) 9(disz)_ ina _1(disz) kusz3 dagal a-sza3_ ul-tu ma-a-me u2-sze-lam-ma na-ba-lisz u2-ter tar-pa-szu-u2 _ugu_ sza u4-me pa-ni u2-szar-bi s,e-er me-szi-ih-ti _e2-gal_ mah-ri-ti u2-rad-di-ma i-na _1(disz) me 1(gesz2) 3(u)_ ti-ib-ki ul-la-a re-szi-szu2 la-ba-risz _u4-mesz_ i-na _illu_ kisz-sza2-ti

tem-me-en-szu la e-ne2-sze (na4)pi-i-li _gal-mesz_ ki-su-szu u2-sza2-as-hi-ra u2-dan-ni-na szu-pu-uk-szu2 a-na _7(disz)? me_ i-na _as4-lum gal_-ti _usz_ u3 _4(disz) me 4(u)_ i-na _as4-lum gal_-ti _sag-ki_ szi-kit-ti _e2-gal_ u2-ter-ma szu-bat-sa usz-rab-bi _e2-gal (na4)dur2-mi-na-ban3-da (na4)gesz-nu11-gal zu2 am-si (gesz)esi (gesz)taszkarin (gesz)mes-ma2-kan-na_ _(gesz)erin (gesz)szur-min3 (szim)li_ (gesz)e-lam-ma-ku a-na mu-szab be-lu-ti-ia ab-ni-ma _e2_ ap-pa-a-ti

tam-szil _e2-gal_ (kur)ha-at-ti me2-eh-ret ba-ba-a-ti u2-sze-pisz _gesz-ur3-mesz_ (gesz)ere-ni _(gesz)szur-min3_ sza i-ri-su-un t,a-a-bu bi-nu-ut (kur)ha-ma-nim (kur)si-ra-ra _kur-mesz ku3-mesz_ u2-szat-ri-s,a e-li-szin [...] i-te-e nina(ki) ina er-s,e-et (iri)ba-la-t,a-a-a ki-i t,e3-em _dingir_-ma (na4)pi-i-lu pe-s,u-u2 a-na mu-'u-de-e in-na-mir-ma _(d)alad-(d)lamma-mesz_ u3 s,a-lam mesz-re-te _(na4)gesz-nu11-gal_ sza i-na 1(disz)-en _na4_ ib-ba-nu-u2 mi-na-a-ti szuk-lu-lu

i-na ki-gal-li ra-ma-ni-szu2-nu sza2-qisz na-an-zu-zu _(munus)ab2-za-za_-a-ti _(na4)gesz-nu11-gal_ sza2 zi-i-me nu-us-su-qa _gin7_ u4-me na-par-de-e nu-um-mu-ru zu-mur-szi-in _kun4-mesz (na4)dur2-mi-na-ban3-da_ s,i-ra-a-ti ab-ni ki-lal-la-an i-na szad-di-szu-un ab-tuq-ma a-na szip-ri _e2-gal_-ia u2-szal-di-da qe2-reb (iri)ni-na-a _(d)alad-(d)lamma-mesz gal-mesz_ u3 _(munus)ab2-za-za_-a-ti (na4)pi-i-li pe-s,e-e i-na lip-ta-at (d)nin-kur-ra i-na er-s,e-et (iri)ba-la-t,a-a-a u2-sza2-a'-lid-ma u2-szak?-li-la

gat-ta-szu2-un sza ul-tu2 ul-la _lugal-mesz_-ni _ad-mesz_-ia s,a-lam _uruda_ tam-szil gat-ti-szu2-un a-na szu-zu-zi qe2-reb _e2-kur-mesz_ ib-nu-ma i-na e-pisz-ti-szu2-nu u2-sza2-ni-hu gi-mir _dumu-mesz_ um-ma-a-ni i-na la bi-szit uz-ni la ha-sa-as a-ma-ti a-na szip-ri hi-szih-ti-szu2-nu _i3-gesz_ isz-ku-ru na-al-ba-asz2 s,e-e-ni u2-qe2-ru qe2-reb _kur-mesz_-szu2-un ia-a-ti (disz)(d)3(u)_-szesz-mesz_-eri-ba a-sza2-red kal mal-ki mu-de-e szip-ri ka-la-ma tim-me _uruda gal-mesz_ ur-mah-hi

pe-tan bir-ki sza ma-na-ma la ip-ti-qu _lugal_ pa-ni mah-ri-ia i-na uz-ni ni-kil-ti sza u2-szat-li-ma ru-bu-u2 (d)nin-szi-ku3 i-na szi-tul-ti ram-ni-ia a-na e-pesz szip-ri szu-a-tu ra-bisz am-tal-lik-ma i-na mi3-lik t,e3-me-ia u3 me-resz ka-bat-ti-ia pi-ti-iq _uruda_ u2-ba-asz2-szim-ma u2-nak-ki-la nik-la2-su sza gesz-mah-hi u3 a-la-mit-ta _gesz_ mesz-re-e

u3 ul-s,u hi-it-lu-pa bal-tu la-la-a kum2-mu-ru s,e-ru-usz-szin ki-i t,e3-em _dingir_-ma zi-i'-pi t,i-it,-t,i ab-ni-ma e-ra-a qe2-reb-szu2 asz2-tap-pa-ka ki-i pi-ti-iq _1/2(disz) gin2-ta-am3_ u2-szak-li-la nab-ni-su-un _(d)alad-(d)lamma-mesz_ nab-ni-it _uruda_ sza 2(disz) ina lib3-bi za-ha-lu-u lit-bu-szu2 _(d)alad-(d)lamma-mesz (na4)gesz-nu11-gal_ a-di _(d)alad-(d)lamma-mesz_ u3 _(munus)ab2-za-za_-a-ti

(na4)pi-i-li pe-s,e-e sza _e2-gal-mesz_-ia u2-sza2-as,-bi-ta _si-gar_-szi-in tim-me _uruda mah-mesz_ a-di (gesz)tim-me (gesz)ere-ni _gal-mesz_ bi-ib-lat (kur)ha-ma-nim me-ser _uruda_ u2-rak-kis-ma s,e-er pirig-gal-le-e ul-ziz-ma dap2-pi ku-lul _ka2-mesz_-szi-in e-mi3-id _(munus)ab2-za-za_-a-ti _(na4)gesz-nu11-gal_ a-di _(munus)ab2-za-za_-a-ti pi-ti-iq u2-ru-de-e sza za-ha-lu-u2 lit-bu-sza2

u3 _(munus)ab2-za-za_-a-ti pi-ti-iq _gu-an-na_ sza nu-um-mu-ru gat-ta-szin (gesz)tim-me _(gesz)esi (gesz)szur-min3_ (gesz)ere-ni (gesz)dup-ra-ni _(szim)li_ u3 (gesz)ta?-ti?-du ih-ze-et pa-szal-li u3 kas-pi s,e-ru-usz-szin ul-ziz-ma sza kum2-me mu-szab be-lu-ti-ia e-mid _(gesz)gan-du7-mesz_-szu2-un _kun4-mesz (na4)dur2-mi-na-ban3-da (na4)gesz-nu11-gal_ u3 _kun4-mesz_ (na4)pi-i-li _gal-mesz_ a-sur-ru-szin u2-sza2-as-hi-ra a-na tab-ra-a-te u2-sza2-lik asz2-szu2 u4-mi-szam-ma _a-mesz_ di-lu-u2-ti da-lum

eb-li gu-has,-s,a-a-ti _zabar_ u3 har-ha-ri _zabar_ u2-sze-pisz-ma ki-mu-u2 ma-ka-a-ti gesz-mah-hi u3 a-la-mit-ta s,e-er _pu2-mesz_ ul-ziz _e2-gal-mesz_ sza2-ti-na u2-sza2-lik as-mi3-isz si-hir-ti _e2-gal_ a-na tab-rat kisz-szat _ug3-mesz_ ul-la-a re-szi-sza2 _e2-gal_ sza sza2-ni-na la i-szu-u2 ni-bit-sa az-kur _(gesz)kiri6-mah_-hu tam-szil (kur)ha-ma-nim sza gi-mir _szim-hi-a gurun_ s,ip-pa-a-ti _gesz-mesz_ tuk-lat szad-di-i u3 (kur)kal-di qe2-reb-szu2 hur-ru-szu2 i-ta-a-sza2 az-qup a-na mit,?-ra-a-ti

szum-mu-hi ul-tu pa-a-t,i (iri)ki-si?-ri a-di ta-mir-ti _nina(ki) kur_-a i-na ak-ku-la-ti _an-bar_ u2-szat-tir-ma u2-sze-szir (i7)har-ru _1(disz) 1/2(disz) danna2_ qaq-qa-ru ul-tu qe2-reb (i7)hu-su-ur ma-a-me da-ru-u2-ti a-szar-sza2 u2-szar-da-a qe2-reb mit,-ra-a-ti sza2-ti-na u2-szah-bi-ba pat-ti-isz a-na szup-szu-uh a-lak-ti _a-mesz_ sza _(gesz)kiri6-mesz_ (i7)a-gam-mu u2-szab-szi-ma s,u-s,u-u2 qe2-reb-sza as-ti-il _igira2(muszen)-mesz szah2-mesz (gesz)gi_ a-lap qi2-i-szi

i-na lib3-bi u2-masz-szir i-na t,e3-em _dingir_-ma qe2-reb _(gesz)kiri6-mesz (gesz)gesztin_ u gi-mir _gurun_ (gesz)se-er-du u3 _szim-hi-a_ ma-gal isz-mu-hu _(gesz)szur-min3 (gesz)mes-ma2-kan-na_ nap-har _gesz-mesz_ i-szi-hu-ma u2-s,ar-ri-szu2 pa-pa-al-lum ap-pa-ra-a-ti ma-gal i-szi-ra _muszen an_-e _igira2(muszen)_ qin-na iq-nun-ma _szah2 (gesz)gi_ a-lap qi2-i-szi u2-rap-pi-szu2 ta-lit-tu _(gesz)mes-ma2-kan-na (gesz)szur-min3_

tar-bit s,ip-pa-a-ti _gi ambar-mesz_ sza qe2-reb (i7)a-gam-me ak-szit,-ma a-na szip-ri hi-szih-ti _e2-gal-mesz_ be-lu-ti-ia lu _du3_-usz ul-tu szip-ri _e2-gal_-ia u2-qat-tu-u2 asz-szur _en gal dingir-mesz_ u3 _(d)isz-tar-mesz_ a-szi-bu-ut _kur_ asz-szur(ki) i-na qer-bi-sza2 aq-re-ma _(udu)siskur-mesz_ tasz-ri-ih-ti aq-qi2-ma u2-szat-lim kad3-ra-a-a _i3-gesz_ (gesz)ser2-di u3 hi-bi-isz-ti u2-raq-qa-a

du-usz-szu-pu s,ur-ra-szin am-kir i-na qi2-bit asz-szur a-bu _dingir-mesz_ u3 (d)isz-tar szar-ra-ti _(d)alad_ dum-qi2 (d)lamma dum-qi2 qe2-reb _e2-gal_ sza2-a-tu da-a-risz lisz-tab-ru-u2 a-a ip-par-ku-u2 i-da-a-sza2

_e2-gal (disz)(d)suen-szesz-mesz-su lugal gal lugal_ dan-nu _lugal szu2 lugal kur_ asz-szur(ki) _lugal_ kib-rat _limmu2_-ti mi-gir _dingir-mesz gal-mesz_ lu-li-mu er-szu mal-ku pit-qu-du _re-e2-um_ ba-hu-la-ti mut-ta-ru-u2 _ug3-mesz_ rap-sza2-a-ti a-na-ku (d)be-let_-dingir-mesz_ be-let nab-ni-ti i-na _sza3-tur3_ a-ga-ri-in-ni a-lit-ti-ia ke-nisz _igi-bar_-an-ni-ma u2-s,ab-ba-a

nab-ni-ti u3 (d)nin-szi-ku3 id-di-na kar-szu rit-pa-szu2 szin-na-at _abgal_ a-da-pa3 isz-ru-ka pal-ka-a ha-sis-su (d)asz-szur _ad dingir-mesz_ gi-mir s,al-mat _sag-du_ u2-szak-nisz sze-pu-u2-a a-na _re-e2-um_-ut _kur_ u3 _ug3-mesz_ ul-la-a re-szi-ia id-di-na _(gesz)gidru_ i-szar-tu mu-rap-pi-szat ma-a-ti _(gesz)tukul_ la pa-du-u2 a-na szum-qut za-'i-ri u2-szat-me-eh rit-tu-u2-a ina u4-me-szu-ma te-ne-szet na-ki-ri ki-szit-ti _szu-min_-ia

tup-szik-ku u2-sza2-asz2-szi-szu2-nu-ti-ma il-bi-nu _sig4 e2-gal murub4 iri_ sza (iri)ni-na-a sza _3(disz) me 1(gesz2)_ ina _1(disz) kusz3 usz 1(gesz2) 3(u) 5(disz)_ ina _1(disz) kusz3 sag-ki_ ma-ra-ku szit-ku-na-at-ma s,u-uh-hu-rat szu-bat-sa sza _lugal-mesz_ a-li-kut mah-ri _ad-mesz_-ia a-na ri-mit be-lu-ti-szu2-un u2-sze-pi-szu-ma la u2-nak-ki-lu szi-pir-sza2 _udu-mesz_ szad-di (d)lamma sza (na4)pi-i-li pe-s,e-e i-na (iri)ta-as-ti-a-te ib-tu-qu a-na mu-kil _ka2-mesz_-szi-in

a-na szu-pu-usz _(gesz)ma2-mesz_ qe2-reb _(gesz)tir-mesz gesz-mesz gal-mesz_ u2-qe2-ru i-na nap-har _kur-mesz_-szu2-nu i-na _(iti)gu4_ u4-mu a-dan-ni e-de-e pa-an szat-ti i-na _(gesz)ma2-mesz_ s,i-ra-a-ti a-na a-ha-an-na-a u2-szeb-bi-ru-ni mar-s,i-isz i-na ne2-ber ka-a-ri _(gesz)ma2-gu-la-mesz_ u2-t,e-eb-bu-u2 ba-hu-la-ti-szu2-un u2-sza2-ni-hu u2-lam-me-nu ka-ras-sin i-na da-na-ni u3 szup-szu-qi mar-s,i-isz u2-bi-lu-nim-ma

u2-sza2-as,-bi-tu _ka2-mesz_-szi-in (i7)te-bil-ti a-gu-u2 szit-mu-ru sza ul-tu _u4-mesz su3-mesz_ t,e-eh _e2-gal_ i-ba-'u-u2-ma i-na _illu_-sza2 gap-szi u2-ri-ib-bu tem-me-en-sza2 _e2-gal-tur-ra_ sza2-a-tu a-na si-hir-ti-sza2 aq-qur sza (i7)te-bil-ti ma-lak-sza2 usz-te-esz-na-a u2-sze-szir mu-s,u-sza2 qe2-reb a-sur-rak-ki-sza2 szap-la-nu _gi-mesz_ e-la-nisz _esir2 had2-a_

it-ti (na4)pi-i-li _gal-mesz_ dun-nu-nisz ak-si _5(disz) me 5(u) 4(disz)_ ina _1(disz) kusz3 gid2-da 2(disz) me 1(gesz2) 2(u) 9(disz)_ ina _1(disz) kusz3 dagal a-sza3_ ul-tu ma-a-me u2-sze-lam-ma na-ba-lisz u2-ter tar-pa-szu-u2 _ugu_ sza2 u4-me pa-ni u2-szar-bi s,e-er me-szi-ih-ti _e2-gal_ mah-ri-ti u2-rad-di-ma i-na _1(disz) me 1(gesz2) 3(u)_ ti-ib-ki ul-la-a re-sze-szu ana la-ba-risz u4-me i-na _illu_ kisz-sza2-ti tem-me-en-szu la e-ne2-sze

(na4)pi-i-li _gal-mesz_ ki-su-szu u2-sza2-as-hi-ra u2-dan-ni-na szu-pu-uk-szu2 a-na _9(disz) me 1(u) 4(disz)_ ina _as4-lum gal_-ti _usz_ u3 _4(disz) me 4(u)_ ina _as4-lum gal_-ti _sag-ki_ szi-kit-ti _e2-gal_ u2-ter-ma szu-bat-sa usz-rab-bi _e2-gal (na4)dur2-mi-na-ban3-da_ _(na4)gesz-nu11-gal zu2 am-si (gesz)esi (gesz)taszkarin (gesz)mes-ma2-kan-na (gesz)erin (gesz)szur-min3 (szim)li_ (gesz)e-lam-ma-ku a-na mu-sza2-ab

be-lu-ti-ia ab-ni-ma _e2_ ap-pa-a-ti tam-szil _e2-gal_ (kur)ha-at-ti me2-eh-ret ba-ba-a-ti u2-sze-pisz _gesz-ur3-mesz_ (gesz)ere-ni _(gesz)szur-min3_ sza i-ri-su-un t,a-a-bu bi-nu-ut (kur)ha-ma-nim (kur)si-ra-ra _kur_-e _ku3-mesz_ u2-szat-ri-s,a e-li-szi-in _(gesz)ig-mesz_ (gesz)ere-ni _(gesz)szur-min3 (szim)li_ me-ser _ki-sag_ u3 _uruda_ u2-rak-kis-ma u2-rat-ta-a ba-bi-szin i-na ba-rak-ki sza qe2-reb _(e2)pa-pah-mesz_-ni ap-ti bi-ir-ri u2-pat-ta-a _(munus)(d)lamma-mesz (na4)gesz-nu11-gal zu2 am-si_

sza il-lu-ru na-sza2-a kit-mu-sa rit-ta-szin bal-tu ku-uz-bu hi-it-lu-pa lu-le-e ma-la-a i-na _ka2-mesz_-szi-in ul-ziz-ma a-na tab-ra-a-ti u2-sza2-lik s,u-lul ta-ra-a-ni sza qe2-reb ba-rak-ka-a-ni e-t,u-su-un u2-szah-la-a u4-mi3-isz usz-nam-mir sik-kat3 kar-ri kas-pi u3 _uruda_ qe2-reb-szin u2-szal-me i-na _sig4-al-ur3-ra (na4)zu2 (na4)za-gin3_ us-si-ma si-il-lum ne2-be2-hi u3 gi-mir pa-as-qi2-szin asz2-szu szip-ri _e2-gal_-ia szu-te-szu2-ri u3 li-pit _szu-min_-ia szul-lu-me i-na u4-me-szu2-ma

(d)asz-szur u3 (d)isz-tar ra-'i-mu _lu2_-sanga_-ti-ia na-bu-u2 _mu_-ia gesz-mah-hi (gesz)ere-ni sza ul-tu _u4-mesz_ _su3-mesz_ i-szi-hu-ma ik-bi-ru ma-gal i-na qe2-reb (kur)si-ra-ra _kur_-i i-na pu-uz-ri na-an-zu-zu u2-szak-li-mu-in-ni s,i-i-su-un sza _(na4)gesz-nu11-gal_ sza i-na tar-s,i _lugal-mesz_ _ad-mesz_-ia a-na kar-ri nam-s,a-ri szu-qu-ru i-na sa-pan (kur)am-ma-na-na u2-szap-tu-ni pa-ni-szu2 u3 _(na4)dur2-mi-na-ban3-da_ ma-la (dug)bur-zi-gal-li sza la in-nam-ru ma-ti-ma

i-na (iri)kap-ri-da-ar-gi-la-a sza2 pa-a-t,i _(iri)du6_-bar-si-ip u2-kal-lim ra-ma-nu-usz i-te-e nina(ki) i-na er-s,e-et (iri)ba-la-t,a-a-a ki-i t,e3-em _dingir_-ma (na4)pi-i-lu pe-s,u-u2 a-na mu-'u-de-e in-na-mir-ma _(d)alad-(d)lamma (d)lamma-mesz_ u3 s,a-lam mesz-re-ti _(na4)gesz-nu11-gal_ sza i-na 1(disz)-en _na4_ ib-ba-nu-u2 mi-na-a-ti szuk-lu-lu i-na ki-gal-li ra-ma-ni-szu2-nu sza2-qisz na-an-zu-zu _(munus)ab2-za-za_-a-ti _(na4)gesz-nu11-gal_ sza zi-i-me nu-us-su-qa _gin7_ u4-me na-par-de-e

nu-um-mu-ru zu-mur-szi-in _kun4-mesz_ _(na4)dur2-mi-na-ban3-da_ s,i-ra-a-ti ab-ni ki-lal-la-an i-na szad-di-szu-un ab-tuq-ma a-na szip-ri _e2-gal_-ia u2-szal-di-da qe2-reb (iri)ni-na-a _(d)alad-(d)lamma-mesz gal-mesz_ u3 _(munus)ab2-za-za_-a-ti (na4)pi-i-li pe-s,e-e i-na lip-ta-at (d)nin-kur-ra i-na er-s,e-et (iri)ba-la-t,a-a-a u2-sza2-a'-lid-ma u2-szak-li-la gat-ta-szu2-un sza ul-tu2 ul-la _lugal-mesz_-ni _ad-mesz_-ia s,a-lam _uruda_ tam-szil gat-ti-szu2-un a-na szu-zu-zi qe2-reb

_e2-kur-mesz_ ib-nu-ma ina e-pisz-ti-szu2-nu u2-sza2-ni-hu gi-mir _dumu-mesz_ um-ma-a-ni i-na la bi-szit uz-ni la ha-sa-as a-ma-ti a-na szip-ri hi-szih-ti-szu2-nu _i3-gesz_ isz-ku-ru na-al-ba-asz2 s,e-e-ni u2-qe2-ru qe2-reb _kur-mesz_-szu2-un ia-a-ti _(disz)(d)suen-szesz-mesz_-eri-ba a-sza2-red kal mal-ki mu-de-e szip-ri ka-la-ma tim-me _uruda gal-mesz_ ur-mah-hi pe-tan bir-ki sza ma-na-ma la ip-ti-qu _lugal_ pa-ni mah-ri-ia i-na uz-ni ni-kil-ti sza u2-szat-li-ma ru-bu-u2

a-na e-pesz szip-ri szu-a-tu ra-bisz am-tal-lik-ma i-na mi3-lik t,e3-me-ia u3 me-resz ka-bat-ti-ia pi-ti-iq _uruda_ u2-ba-asz2-szim-ma u2-nak-ki-la nik-la2-su sza gesz-mah-hi u3 a-la-mit-ta _gesz_ mesz-re-e

sza ku-uz-bu u3 ul-s,u hi-it-lu-pa bal-tu la-la-a kum2-mu-ru s,e-ru-usz-szin ki-i t,e3-em _dingir_-ma zi-i'-pi t,i-it,-t,i ab-ni-ma e-ra-a qe2-reb-szu2 asz2-tap-pa-ka ki-i pi-ti-iq _1/2(disz) gin2-ta-am3_ u2-szak-li-la nab-ni-su-un _(d)alad-(d)lamma-mesz_ nab-nit _uruda_ sza 2(disz) ina lib3-bi za-ha-lu-u2 lit-bu-szu2 _(d)alad-(d)lamma-mesz_ _(na4)gesz-nu11-gal_ a-di _(d)alad-(d)lamma-mesz_ u3 _(munus)ab2-za-za_-a-ti (na4)pi-i-li pe-s,e-e sza _e2-gal-mesz_-ia u2-sza2-as,-bi-ta

_si-gar_-szi-in tim-me _uruda mah-mesz_ a-di (gesz)tim-me (gesz)ere-ni _gal-mesz_ bi-ib-lat (kur)ha-ma-nim me-ser _uruda_ u2-rak-kis-ma s,e-er pirig-gal-le-e ul-ziz-ma dap2-pi ku-lul _ka2-mesz_-szin e-mid _(munus)ab2-za-za_-a-ti _(na4)gesz-nu11-gal_ a-di _(munus)ab2-za-za_-a-ti pi-ti-iq u2-ru-de-e sza za-ha-lu-u lit-bu-sza2 u3 _(munus)ab2-za-za_-a-ti pi-ti-iq _gu-an-na_ sza nu-um-mu-ru gat-ta-szin

(gesz)tim-me _(gesz)esi (gesz)szur-min3 (gesz)eren_ (gesz)dup-ra-ni _(szim)li_ u3 (gesz)ta-ti-du ih-ze-et pa-szal-li u3 kas-pi s,e-ru-usz-szin ul-ziz-ma sza kum2-me mu-szab be-lu-ti-ia e-mid _(gesz)gan-du7-mesz_-szu2-un _kun4-mesz (na4)dur2-mi-na-ban3-da (na4)gesz-nu11-gal_ u3 _kun4-mesz_ (na4)pi-i-li _gal-mesz_ a-sur-ru-szin u2-sza2-as-hi-ra a-na tab-ra-a-te u2-sza2-lik asz2-szu2 u4-mi-szam-ma _a-mesz_

di-lu-u2-ti da-lum eb-li gu-has,-s,a-a-ti _zabar_ u3 har-ha-ri _zabar_ u2-sze-pisz-ma ki-mu-u2 ma-ka-a-ti gesz-mah-hi u3 a-la-mit-ta s,e-er _pu2-mesz_ usz-ziz _e2-gal-mesz_ sza2-ti-na u2-sza2-lik as-mi3-isz si-hir-ti _e2-gal_ a-na tab-rat kisz-szat _ug3-mesz_ ul-la-a re-szi-sza2 _e2-gal_ sza sza2-ni-na la i-szu-u ni-bit-sa az-kur _(gesz)kiri6-mah_-hu tam-szil (kur)ha-ma-nim sza gi-mir _szim-hi-a gurun_ s,ip-pa-a-ti _gesz-mesz_

tuk-lat szad-di-i u3 (kur)kal-di qe2-reb-szu2 hur-ru-szu2 i-ta-a-sza2 az-qup a-na mit,-ra-a-ti szum-mu-hi ul-tu pa-a-t,i (iri)ki-si-ri a-di ta-mir-ti _nina(ki) kur_-a i-na ak-kul-la-ti _an-bar_ u2-szat-tir-ma u2-sze-szir (i7)har-ru _1(disz) 1/2(disz) danna2_ qaq-qa-ru ul-tu qe2-reb (i7)hu-su-ur ma-a-me da-ru-u2-ti a-szar-sza2 u2-szar-da-a qe2-reb mit,-ra-a-te sza2-ti-na u2-szah-bi-ba pat-ti-isz a-na szup-szu-uh

a-lak-ti _a-mesz_ sza _(gesz)kiri6-mesz_ (i7)a-gam-mu u2-szab-szi-ma s,u-s,u-u2 qe2-reb-sza as-ti-il _igira2(muszen)-mesz szah2-mesz (gesz)gi_ a-lap qi2-i-szi i-na lib3-bi u2-masz-szir i-na t,e3-em _dingir_-ma qe2-reb _(gesz)kiri6-mesz (gesz)gesztin_ u gi-mir _gurun_ (gesz)se-er-du u3 _szim-hi-a_ ma-gal isz-mu-hu _(gesz)szur-min3 (gesz)mes-ma2-kan-na_ nap-har _gesz-mesz_ i-szi-hu-ma u2-s,ar-ri-szu2 pa-pa-al-lum ap-pa-ra-a-ti ma-gal i-szi-ra _muszen an_-e

_igira2(muszen)_ qin-na iq-nun-ma _szah2 (gesz)gi_ a-lap qi2-i-szi u2-rap-pi-szu2 ta-lit-tu _(gesz)mes-ma2-kan-na (gesz)szur-min3_ tar-bit s,ip-pa-a-ti _gi_ _ambar-mesz_ sza qe2-reb (i7)a-gam-me ak-szit,-ma a-na szip-ri hi-szih-ti _e2-gal-mesz_ be-lu-ti-ia lu e-pu-usz ul-tu szip-ri _e2-gal_-ia u2-qat-tu-u2 asz-szur _en gal dingir-mesz_ u3 _(d)isz-tar-mesz_ a-szi-bu-ut _kur_ asz-szur(ki) i-na qer-bi-sza2 aq-re-ma

_(udu)siskur-mesz_ tasz-ri-ih-te aq-qi2-ma u2-szat-lim kad3-ra-a-a _i3-gesz_ (gesz)ser2-di u3 hi-bi-isz-ti u2-raq-qa-a a-na ru-usz-te i-na tasz-ri-it _e2-gal_ sza ba-hu-la-te _kur_-ia u2-sza2-asz2-qa-a muh-ha-szi-in _gesztin-mesz_ du-usz-szu-pu s,ur-ra-szi-in am-kir i-na qi2-bit asz-szur a-bu _dingir-mesz_ u3 (d)isz-tar szar-ra-ti _(d)alad_ dum-qi2 (d)lamma dum-qi2 qe2-reb _e2-gal_ sza2-a-tu da-risz lisz-tab-ru-u2 a-a ip-par-ku-u2 i-da-a-sza2

_e2-gal_ (disz)(d)sin-pap-mesz-su _lugal gal lugal_ dan-nu _lugal szu2 lugal kur_ asz-szur(ki) _lugal_ kib-rat _limmu2_-tim mi-gir _dingir-mesz gal-mesz_ (d)asz-szur _ad dingir-mesz_ ina kul-lat ma-li-ki ke-nisz _igi-bar_-ni-ma _ugu_ gi-mir a-szib pa-rak-ki u2-szar-ba-a _(gesz)tukul-mesz_-ia i-na ta-ha-az _edin_ as-kip (disz)(d)marduk-ibila-szum2-na _lugal_ (kur)kar2-dun-ia2-asz3 e-ki-ma be-lut-su gim-ri (lu2)kal-di a-di gi-pisz um-ma-na-a-ti (lu2)elam-ma(ki) re-s,i-szu u2-ra-sib

i-na _(gesz)tukul-mesz_ (disz)asz-szur-na-din-mu _dumu_-u2-a resz-tu-u2 i-na _(gesz)gu-za lugal_-ti-szu u2-sze-szib-ma _kur_ uri(ki) _dagal_-tum u2-szad-gil pa-nu-usz-szu2 as-suh na-gab (lu2)ah-la-me-e (lu2)su-ti-i ba-hu-la-ti (iri)hi-rim-me i-na _(gesz)tukul_ u2-szam-qit-ma la ez-zi-ba pe-re-'i-szu2-un ak-szud(ud) (lu2)ia-su-bi-gal-la-a-a _(lu2)kur2_ ak-s,i (kur)el-li-pi u2-szal-pit-ma u2-ab-bit da-ad2-me-sza2 u3 (disz)lu-li-i _lugal_ (iri)s,i-du-un-ni e-du-ra ta-ha-zi a-na (kur)ia-ad-na-na

sza qe2-reb tam-tim in-na-bit-ma i-hu-uz mar-qi2-tum i-na _kur_-tim-ma sza2-a-tu i-na ra-szub-bat _(gesz)tukul_ (d)asz-szur _en_-ia e-mid szad-da-szu2 (disz)tu-ba-a'-lu i-na _(gesz)gu-za_ _lugal_-ti-szu2 u2-sze-szib-ma man-da-at-tu be-lu-ti-ia u2-kin s,e-ru-usz-szu u2-szal-pit rap-szu na-gu-u2 (kur)ia-u2-di szep-s,u mit-ru (disz)ha-za-qi-a-a-u2 _lugal_-szu u2-szak-nisz sze-pu-u2-a _lu2-mesz_ (iri)tu-mur-ra-a-a a-szi-bu-ut (kur)ni-pur _kur_-i mar-s,i ina _(gesz)tukul_

u2-szam-qit (iri)uk-ku a-di nap-har da-ad2-me-szu2 ki-ma _du6_ a-bu-bi u2-ab-bit _ug3-mesz_ (kur)hi-lak-ki a-szi-bu-ut hur-sza2-ni zaq-ru-ti u2-t,eb-bi-ih as-li-isz (iri)du6-ga-rim-me sza pa-a-t,i (kur)ta-ba-li _kur_-ud-ma u2-sze-me kar-mesz ba-hu-la-a-ti (kur)kal-di sza ti-ib ta-ha-zi-ia e-du-ru-ma _dingir-mesz_ nap-har _kur_-szu-un i-na szub-ti-szu2-un id-ku-u2 tam-tim i-bi-ru-ma i-na (iri)na-gi-a-ti id-du-u2 szu-bat-sun i-na _(gesz)ma2-mesz_ (kur)ha-at-ti _egir_-szu2-un e-bir (iri)na-gi-a-tu

(iri)na-gi-a-tu-di-i'-bi-na (kur)hi-il-mu (kur)pil-la-tu u3 (kur)hu-pa-pa-nu na-ge-e sza e-ber-tan (i7)mar-ra-ti ak-szud(ud)-ma te-ne-szet (kur)kal-di a-di _dingir-mesz_-ni-szu2-nu _ug3-mesz lugal_ (kur)elam-ma(ki) asz2-lu-lam-ma la ez-zi-ba mul-tah-t,u i-na u4-me-szu-ma te-ne-szet na-ki-ri ki-szit-ti _szu-min_-ia tup-szik-ku u2-sza2-asz2-szi-szu2-nu-ti-ma il-bi-nu _sig4 e2-gal murub4 iri_ sza (iri)ni-na-a sza _3(disz) me 1(gesz2)_ ina _1(disz) kusz3 usz_

i-na usz-szi-sza2 ab-bu u2-szab-szu-u2 u2-ri-ib-bu tem-me-en-sza2 sza _lugal-mesz_ a-li-kut mah-ri _ad-mesz_-ia a-na ri-mit be-lu-ti-szu-un u2-sze-pi-szu-ma la u2-nak-ki-lu szi-pir-sza2 _e2-gal-tur-ra_ sza2-a-tu a-na si-hir-ti-sza aq-qur sza (i7)te-bil-ti ma-lak-sza2 ul-tu qa-bal-ti _iri_ ap-ru-us-ma i-na ta-mir-ti ku-tal _iri_ u2-sze-szir mu-s,u-sza qe2-reb ka-tim-ti a-sur-rak-ki-sza2 szap-la-nu _gi-mesz_

e-la-nisz _esir2 had2-a_ it-ti (na4)pi-i-li _gal-mesz_ dun-nu-nisz ak-si _5(disz) me 5(u) 4(disz)_ i-na _1(disz) kusz3 gid2-da 2(disz) me 1(gesz2) 2(u) 9(disz)_ ina _1(disz) kusz3 dagal_ _a-sza3_ ul-tu ma-a-me u2-sze-lam-ma a-na tar-pa-sze20-e u2-ter s,e-er me-szi-ih-ti tam-li?-i mah-re-e lu u2-rad-di-ma a-na si-hi-ir-ti-szu i-na _1(disz) me 1(gesz2) 3(u)_ ti-ib-ki ul-la-a re-szi-szu2 a-na _9(disz) me 1(u) 4(disz)_ ina _as4-lum gal_-ti _usz_ u3 _4(disz) me 4(u)_

ina _as4-lum gal_-tim _sag-ki_ szi-kit-ti _e2-gal_ u2-ter-ma szu-bat-sa usz-rab-bi _e2-gal-mesz ku3-sig17 ku3-babbar zabar (na4)an-za-gul-me_ _(na4)dur2-mi-na-ban3-da (na4)gesz-nu11-gal zu2 am-si (gesz)esi (gesz)taszkarin (gesz)mes-ma2-kan-na_ (gesz)ere-ni _(gesz)szur-min3 (szim)li_ (gesz)e-lam-ma-ku (gesz)si-in-da-a a-na mu-szab be-lu-ti-ia ab-ni-ma _e2_ mu-ter-re-e-ti tam-szil _e2-gal_ (kur)hat-ti me2-eh-ret ba-ba-a-ti u2-sze-pisz

_gesz-ur3-mesz_ (gesz)ere-ni _(gesz)szur-min3_ u2-szat-ri-s,a e-li-szin _(gesz)ig-mesz_ (gesz)li-ia-ri _(gesz)szur-min3_ me-ser _ku3-babbar_ u3 _uruda_ u2-rak-kis-ma u2-rat-ta-a ba-bi-szin i-na ba-rak-ka-a-ni ap-ti bi-ir-ri u2-pat-ta-a _(munus)(d)lamma-mesz (na4)gesz-nu11-gal zu2 am-si_ sza kit-mu-sa rit-ta-szin i-na _ka2-mesz_-szi-in ul-ziz-ma a-na tab-ra-a-ti u2-sza2-lik sik-kat3 kar-ri kas-pi _uruda_ qe2-reb-szin u2-szal-me

i-na _sig4-al-ur3-ra (na4)zu2 (na4)za-gin3_ us-si-ma se-el-lum ne2-be2-hi u3 gi-mir pa-as-qi2-szi-in asz2-szu2 szip-ri _e2-gal_-ia szu-te-szu-ri i-na u4-me-szu-ma (d)asz-szur u3 (d)isz-tar ra-'i-mu _(lu2)sanga_-ti-ia na-bu-u2 _mu_-ia gesz-mah-hi (gesz)ere-ni sza ul-tu _u4-mesz su3-mesz_ ik-bi-ru qe2-reb (kur)si-ra-ra _kur_-i i-na pu-uz-ri na-an-zu-zu u2-szak-li-mu-in-ni s,i-i-su-un

sza _(na4)gesz-nu11-gal_ sza i-na tar-s,i _lugal-mesz_-ni _ad-mesz_-ia a-na kar-ri nam-s,a-ri szu-qu-ru i-na sa-pan (kur)am-ma-na-na u2-szap-tu-ni pa-ni-szu u3 _(na4)dur2-mi-na-ban3-da_ ma-la (dug)bur-zi-gal-li sza la in-nam-ru ma-ti-ma i-na (iri)kap-ri-da-ar-gi-la-a u2-kal-lim ra-ma-nu-usz i-te-e nina(ki) i-na er-s,e-et (iri)ba-la-t,a-a-a ki-i t,e3-em _dingir_-ma (na4)pi-i-lu pe-s,u-u2 a-na mu-'u-de-e in-na-mir-ma

_(d)alad-(d)lamma-mesz (na4)gesz-nu11-gal_ sza i-na 1(disz)-en _na4_ ib-ba-nu-u2 mi-na-a-ti szuk-lu-lu _(munus)ab2-za-za_-a-ti _(na4)gesz-nu11-gal_ sza zi-i-me nu-us-su-qa ki-ma u4-me na-par-de-e nu-um-mu-ru zu-mur-szin _kun4-mesz (na4)dur2-mi-na-ban3-da_ s,i-ra-a-ti ab-ni ki-lal-la-an i-na szad-di-szu-un ab-tuq-ma a-na szip-ri _e2-gal_-ia u2-szal-di-da qe2-reb nina(ki) _(d)alad-(d)lamma-mesz_

_gal-mesz_ u3 _(munus)ab2-za-za_-a-ti (na4)pi-i-li pe-s,e-e i-na lip-ta-at (d)nin-kur-ra i-na? er-s,e-et (iri)ba-la-t,a-a-a u2-sza2-a'-lid-ma u2-szak-li-la gat-ta-szu-un ki-i t,e3-em _dingir_-ma sza gesz-mah-hi a-di a-la-mit-ta _gesz_ mesz-re-e

u3 ul-s,u hi-it-lu-pa bal-tu la-la-a kum2-mu-ru s,e-ru-usz-szin zi-i'-pi t,i-it,-t,i ab-ni-ma e-ra-a qe2-reb?-szu2 asz2-tap-pa-ka ki-i pi-ti-iq _1/2(disz) gin2-ta-am3_ u2-szak-li-la nab-ni-su-un _(d)alad-(d)lamma-mesz_ nab-nit _uruda_ sza 2(disz) ina lib3-bi za-ha-lu-u2 lit-bu-szu2 _(d)alad-(d)lamma-mesz (na4)gesz-nu11-gal_ a-di _(d)alad-(d)lamma-mesz_ u3 _(munus)ab2-za-za_-a-ti (na4)pi-i-li pe-s,e-e

sza _e2-gal-mesz_-ia u2-sza2-as,-bi-ta _si-gar_-szi-in tim-me _uruda mah-mesz_ a-di (gesz)tim-me (gesz)ere-ni _gal-mesz_ bi-ib-lat (kur)ha-ma-nim me-ser _uruda_ u2-rak-kis-ma s,e-er pirig-gal-le-e ul-ziz-ma dap2-pi ku-lul _ka2-mesz_-szin e-mid _(munus)ab2-za-za_-a-ti _(na4)gesz-nu11-gal_ a-di _(munus)ab2-za-za_-a-ti pi-ti-iq u2-ru-de-e sza za-ha-lu-u2 lit-bu-sza2 u3 _(munus)ab2-za-za_-a-ti pi-ti-iq _gu-an-na_ sza nu-um-mu-ru gat-ta-szi-in

(gesz)tim-me _(gesz)esi (gesz)szur-min3 (gesz)eren_ (gesz)dup-ra-ni _(szim)li_ u3 (gesz)si-in-da-a ih-ze-et pa-szal-li u3 kas-pi s,e-ru-usz-szin ul-ziz-ma sza kum2-me mu-szab be-lu-ti-ia e-mid _(gesz)gan-du7-mesz_-szu-un _kun4-mesz (na4)dur2-mi-na-ban3-da_ a _(na4)gesz-nu11-gal_ u3 _kun4-mesz_ (na4)pi-i-li _gal-mesz_ a-sur-ru-szi-in u2-sza2-as-hi-ra a-na tab-ra-a-ti u2-sza2-lik asz2-szu u4-me-szam-ma _a-mesz_ di-lu-u2-ti

da-lum eb-li gu-has,-s,a-a-ti _zabar_ u3 har-ha-ri _zabar_ u2-sze-pisz-ma ki-mu-u2 ma-ka-a-ti gesz-mah-hi u3 a-la-mit-ta _uruda_ s,e-er _pu2-mesz_ usz-ziz _e2-gal-mesz_ sza2-ti-na u2-sza2-a-lik as-mi3-isz si-hir-ti _e2-gal_ a-na tab-ra-a-ti kisz-szat _ug3-mesz_ ul-la-a re-szi-sza2 _e2-gal_ sza sza2-ni-na la i-szu-u2 ni-bit-sa az-kur i-na qi2-bit (d)asz-szur _ad dingir-mesz_ u3 (d)isz-tar szar-ra-ti _(d)alad_ dum-qi2

(d)lamma dum-qi2 qe2-reb _e2-gal_ sza2-a-tu da-a-risz lisz-tab-ru-u2 a-a ip-par-ku-u2 i-da-a-sza2

_(lu2)kur2_ ak-s,i (kur)el-li-pi u2-szal-pit-ma u2-ab-bit da-ad2-me-sza2 u3 (disz)lu-li-i _lugal_ (iri)s,i-du-un-ni e-du-ra ta-ha-zi a-na (kur)ia-ad-na-na sza qe2-reb tam-tim ki-ma nu-u2-ni ip-par-szid-ma i-hu-uz mar-qi2-tum i-na _kur_-tim-ma sza2-a-tu i-na ra-szub-bat _(gesz)tukul_ (d)asz-szur _en_-ia e-mid szad-da-szu2 (disz)tu-ba-a'-lu i-na _(gesz)gu-za_ _lugal_-ti-szu2 u2-sze-szib-ma man-da-at-tu be-lu-ti-ia u2-kin s,e-ru-usz-szu u2-szal-pit rap-szu na-gu-u2 (kur)ia-u2-di ...

_e2-gal (disz)(d)suen-szesz-mesz_-eri-ba _lugal gal lugal_ dan-nu _lugal szu2 lugal kur_ asz-szur _lugal_ kib-rat _limmu2_-tim mi-gir _dingir-mesz gal-mesz_ er-szu it-pe-szu2 zi-ka-ru qar-du a-sza2-red kal mal-ki rap-pu la-'i-it, la ma-gi-ri mu-szab-ri-qu za-ma-a-ni (d)asz-szur _kur gal lugal_-ut la sza2-na-an u2-szat-li-ma-an-ni-ma _ugu_ gi-mir a-szib pa-rak-ki u2-szar-ba-a _(gesz)tukul-mesz_-ia

ul-tu _a-ab-ba_ e-le-ni-ti sza szul-mu _(d)utu_-szi a-di tam-tim szap-li-ti sza s,i-it _(d)utu_-szi gim-ri ma-al-ki sza kib-ra-a-ti u2-szak-nisz sze-pu-u-a i-na mah-ri-i ger-ri-ia sza _(disz)(d)marduk-ibila-szum2-na lugal_ (kur)kar2-(d)dun-ia2-asz3 a-di _erin2-hi-a_ elam-ma(ki) re-s,i-szu i-na ta-mir-ti kisz(ki) asz2-ta-kan _bad5-bad5_-szu2 szu-u2 a-na szu-zu-ub na-pisz-ti-szu2 e-disz

ip-par-szid-ma _(gesz)gigir-mesz_ (gesz)s,u-um-bi _ansze-kur-ra-mesz ansze-kunga-mesz_ sza u2-masz-szi-ru ik-szu-da _szu-min_-a-a a-na _e2-gal_-szu2 sza qe2-reb babila2(ki) e-ru-um-ma ap-te-e-ma _e2_ ni-s,ir-ti-szu2 _ku3-sig17 ku3-babbar_ u2-nu-ut _ku3-sig17 ku3-babbar na4_ a-qar-tu2 _nig2-szu nig2-ga e2-gal_-szu2 asz2-lu-la _iri-mesz_-szu2 dan-nu-ti _e2 bad3-mesz_ sza (kur)kal-di a-di _iri-mesz tur-mesz_ sza li-mi-ti-szu2-nu

_kur_-ud-ma asz2-lu-la szal-la-su-un i-na ta-a-a-ar-ti-ia (lu2)a-ra-me sza szid-di (i7)idigna (i7)buranun(ki) ak-szud(ud)-ma asz2-lu-la szal-la-su-un i-na me2-ti-iq ger-ri-ia sza (lu2)qi2-pi (iri)ha-ra-ra-ti man-da-ta-szu2 ka-bit-tu am-hur ba-hu-la-a-ti (iri)hi-rim-me _(lu2)kur2_ ak-s,i i-na _(gesz)tukul-mesz_ u2-szam-qit-ma e-du ul e-zib _iri_ szu-a-tu a-na esz-szu-ti

as,-bat 1(disz)-en _gu4_ 1(u) _udu-mesz_ 1(u) _ansze gesztin-mesz_ 2(u) _ansze zu2-lum-ma_ re-sze-ti-szu2 a-na _dingir-mesz kur_ asz-szur(ki) u2-kin i-na 2(disz)-e ger-ri-ia a-na _kur_ (lu2)kasz-szi-i u3 _kur_ (lu2)ia-su-bi-gal-la-a-a lu al-lik qe2-reb hur-sza2-a-ni _a-sza3_ nam-ra-s,i i-na _ansze-kur-ra_ ar-kab asz2-ru szup-szu-qu i-na _giri3-min_-ia ri-ma-nisz at-tag-gesz (iri)e2-(disz)ki-lam-za-ah (iri)har-disz-pi (iri)e2-(disz)ku-bat-ti _iri-mesz_-szu2-nu _e2 bad3-mesz_-ni dan-nu-ti

_kur_-ud-ma asz2-lu-la szal-la-su-nu u3 _iri-mesz_-szu2-nu _tur-mesz_ sza ni-ba la i-szu-u2 ap-pul aq-qur _e2 edin_ kul-ta-ri-szu2-nu i-na (d)gesz-bar aq-mu u2-ter-ma (iri)e2-(disz)ki-lam-za-ah szu-a-tu a-na bir-tu-ti as,-bat _ug3-mesz kur-kur_ ki-szit-ti _szu-min_-ia i-na lib3-bi u2-sze-szib i-na _szu-min (lu2)en-nam (iri)limmu2_-ha am-nu-szu2-nu-ti pa-an ni-ri-ia u2-ter-ma a-na (kur)el-li-pi

as,-s,a-bat har-ra-nu el-la-mu-a (disz)is-pa-ba-a-ra _lugal_-szu2-un _iri-mesz_-szu2 dan-nu-ti u2-masz-szir-ma a-na ru-qe2-e-ti in-na-bit (iri)mar-u2-bisz-ti (iri)ak-ku-ud-du _iri-mesz e2 lugal_-ti-szu2 a-di _iri-mesz_ sza li-mi-ti-szu2-nu _kur_-ud-ma asz2-lu-la szal-la-su-un ap-pul aq-qur i-na (d)gesz-bar aq-mu (iri)s,i-s,i-ir-tu2 (iri)ku-um-ma-ah-lu _iri-mesz_ dan-nu-ti a-di _iri-mesz tur-mesz_

sza li-mi-ti-szu2-nu _kur_-ud (kur)e2-(disz)ba-ar-ru-u2 na-gu-u2 a-na gi-mir-ti-szu2 ul-tu qe2-reb _kur_-szu2 ab-tuq-ma _ugu_ mi-s,ir _kur_ asz-szur(ki) u2-rad-di (iri)el-en-za-asz2 a-na dan-na-at na-ge-e szu-a-tu as,-bat _mu_-szu2 u2-nak-kir-ma (iri)kar-(disz)(d)suen-szesz-mesz-eri-ba at-ta-bi ni-bit-su _ug3-mesz kur-kur_ ki-szit-ti _szu-min_-ia i-na lib3-bi u2-sze-szib i-na _szu-min (lu2)en-nam_ (iri)har-har

am-nu i-na ta-a-a-ar-ti-ia sza (kur)ma-da-a-a ru-qu-u2-ti sza _lugal-mesz ad-mesz_-ia la isz-mu-u2 zi-kir _kur_-szu2-un man-da-ta-szu2-nu am-hur a-na ni-ri-ia u2-szak-ni-su-nu-ti i-na szal-szi ger-ri-ia a-na (kur)ha-at-ti lu al-lik (disz)lu-li-i _lugal_ (iri)s,i-du-un-ni pu-luh-ti me-lam-me-ia is-hup-szu-ma ul-tu qe2-reb (iri)s,ur-ri a-na (kur)ia-ad-na-na

sza _murub4_ tam-tim in-na-bit-ma _kur_-szu2 e-mid (disz)tu-ba-a'-lu i-na _(gesz)gu-za lugal_-ti-szu2 u2-sze-szib-ma man-da-at-tu be-lu-ti-ia u2-kin s,e-ru-usz-szu2 _lugal-mesz kur_ mar-tu(ki) bi-lat-su-un ka-bit-tu2 i-na ta-mir-ti (iri)u2-szu-u2 a-di mah-ri-ia u2-bi-lu-ni u3 (disz)s,i-id-qa-a _lugal_ (iri)is-qa-al-lu-na sza la ik-nu-szu2 a-na ni-ri-ia _dingir-mesz e2 ad_-szu2 sza2-a-szu a-di ki-im-ti-szu

as-su-ha-am-ma a-na _kur_ asz-szur(ki) u2-rasz-szu _(disz)lugal_-lu-da3-a-ri _dumu_ (disz)ru-kib-ti _lugal_-szu2-nu mah-ru-u2 _ugu ug3-mesz_ (iri)is-qa-al-lu-na asz2-kun-ma man-da-at-tu be-lu-ti-ia u2-kin s,e-ru-usz-szu i-na me2-ti-iq ger-ri-ia _iri-mesz_-szu2 sza a-na _giri3-min_-ia la ik-nu-szu-ma? asz2-lu-la szal-la-su-un _gir3-nita2-mesz_ u3 _ug3-mesz_ (iri)am-qar-ru-na sza (disz)pa-di-i _lugal_-szu-nu

_en_ a-de-e sza _kur_ asz-szur(ki) bi-re-tu _an-bar_ id-du-ma a-na (disz)ha-za-qi-a-u2 (kur)ia-u2-da-a-a id-di-nu-szu2 a-na an-zil-li e-pu-szu2 ip-lah3 _sza3_-szu2-nu _lugal-mesz_ (kur)mu-s,u-ri _erin2-mesz (gesz)pan_ _(gesz)gigir-mesz ansze-kur-ra-mesz_ sza _lugal_ (kur)me-luh-ha e-mu-qi2 la ni-bi ik-te-ru-ni i-na ta-mir-ti (iri)al-ta-qu-u2 it-ti-szu2-un am-da-hi-is,-ma asz2-ta-kan _bad5-bad5_-szu2-un _(lu2)en (gesz)gigir-mesz_

u3 _dumu-mesz lugal_ (kur)mu-s,u-ra-a-a a-di _(lu2)en (gesz)gigir-mesz_ sza _lugal_ (kur)me-luh-ha bal-t,u-su-un i-na qa-ti as,-bat a-na (iri)am-qar-ru-na aq-rib-ma _gir3-nita2-mesz_ sza hi-it,-t,u u2-szab-szu-u2 i-na _(gesz)tukul-mesz_ a-duk _dumu-mesz iri_ e-pisz an-ni a-na szal-la-ti am-nu si-it-tu-te-szu2-nu sza gul-lul-ta-szu2-un la ib-szu-u2 usz-szur-szu-un aq-bi (disz)pa-di-i _lugal_-szu2-nu

ul-tu qe2-reb (iri)ur-sa-li-im-ma u2-sze-s,a-am-ma i-na _(gesz)gu-za ugu_-szu2-un u2-sze-szib-ma man-da-at-tu2 be-lu-ti-ia u2-kin s,e-ru-usz-szu2 sza (disz)ha-za-qi-a-u2 (kur)ia-u2-da-a-a sza la ik-nu-szu2 a-na ni-ri-ia 4(u) 6(disz) _iri-mesz_-szu2 _e2 bad3-mesz_ dan-nu-ti u3 _iri-mesz_ sza li-me-ti-szu2-nu sza ni-ba la i-szu-u2 al-me _kur_-ud asz2-lu-la szal-la-tisz am-nu sza2-szu _gin7 muszen_ qu-up-pi qe2-reb

(iri)ur-sa-li-im-ma _iri lugal_-ti-szu2 e-sir2-szu (iri)hal-s,u-_mesz ugu_-szu u2-rak-kis _iri-mesz_-szu2 sza asz2-lu-la ul-tu qe2-reb _kur_-szu2 ab-tuq-ma a-na _lugal-mesz_ (iri)as-du-di (iri)is-qa-al-lu-na (iri)am-qar-ru-na (iri)ha-zi-ti ad-din-ma u2-s,a-ah-hi-ir _kur_-su e-li _gun_ mah-ri-ti na-dan szat-ti-szu2-un man-da-at-tu2 u2-rad-di-ma u2-kin s,e-ru-usz-szu-un szu-u2 (disz)ha-za-qi-a-u2 pul-hi me-lam-me

be-lu-ti-ia is-hu-pu-szu-ma (lu2)ur2-bi u3 _(lu2)erin2-mesz_-szu2 _saga-mesz_ sza a-na qe2-reb (iri)ur-sa-li-im-ma _iri lugal_-ti-szu2 u2-sze-ri-bu-ma it-ti 3(u) _gun ku3-sig17_ 8(disz) _me gun ku3-babbar_ mim-ma szum-szu ni-s,ir-ti _e2-gal_-szu2 u3 _dumu-munus-mesz_-szu2 _(munus)ug3-mesz e2-gal_-szu2 _(lu2)nar-mesz (munus)nar-mesz_ a-na qe2-reb nina(ki) u2-sze-bi-lam-ma a-na na-dan man-da-at-ti isz-pu-ra rak-bu-szu2

i-na 4(disz)-e ger-ri-ia a-na (kur)e2-(disz)ia-kin7 lu al-li-ik i-na me2-ti-iq ger-ri-ia sza (disz)szu-zu-bi (lu2)kal-da-a-a a-szib qe2-reb (i7)a-gam-me i-na (iri)bi-it-tu-ti asz2-ta-kan _bad5-bad5_-szu2 szu-u2 _(gesz)tukul-mesz_-ia e-dur2-ma e-disz ip-par-szid-ma ul in-na-mir a-szar-szu2 pa-an ni-ri-ia u2-ter a-na (kur)e2-(disz)ia-kin7 as,-s,a-bat har-ra-nu szu-u2

_(disz)(d)marduk-ibila-szum2-na_ sza i-na a-lak ger-ri-ia mah-re-e asz2-ku-nu _bad5-bad5_-szu2 ri-gim _(gesz)tukul-mesz_-ia dan-nu-ti e-dur2-ma a-na (iri)na-gi-i-ti sza _murub4_ tam-tim in-na-bit _szesz-mesz_-szu2 _numun e2 ad_-szu2 sza u2-masz-szi-ru a-hi tam-tim si-it-ti _ug3-mesz kur_-szu2 ul-tu (kur)e2-ia-kin7 qe2-reb (i7)a-gam-me u ap-pa-ra-a-ti asz2-lu-la u2-ter-ma _iri-mesz_-szu2

ap-pul i-na (d)gesz-bar aq-mu i-na ta-a-a-ar-ti-ia (disz)asz-szur-na-din_-mu dumu_-u2-a i-na _(gesz)gu-za_ be-lu-ti-szu2 u2-sze-szib-ma u2-szad-gi-la pa-nu-usz-szu2 i-na 5(disz) ger-ri-ia _lu2-mesz_ (iri)tu-mur-ra-a-a sza2 _gin7_ qin-ni _ti8(muszen)_ s,e-er zuq-ti (kur)ni-pur _kur_-i mar-s,i szu-bat-su-un szit-ku-na-at-ma la kit-nu-szu a-na ni-ri-ia i-na _giri3-min_ (kur)ni-pur ka-ra-szi

u2-sza2-asz2-kin-ma it-ti _(lu2)erin2-mesz me3_-ia la ga-me-lu-ti a-na-ku _gin7 (gu4)am_ ek-di pa-nu-usz-szu2-un as,-bat hur-ri me-le-e _kur-mesz_ mar-s,u-ti i-na _(gesz)gu-za_ asz2-ta-am-di-ih a-szar a-na _(gesz)gu-za_ szup-szu-qu i-na _giri3-min_-ia asz2-tah-hi-it, _gin7_ ar-me a-szar bir-ka-a-a ir-ma-a i-sza2-a ma-na-ah-tu2 s,e-er _na4 kur_-i u2-szib-ma _a-mesz (kusz)ummu3_

ka-s,u-ti a-na s,u-me-ia lu asz2-ti i-na _szu-si-mesz_ hur-sza2-a-ni ar-de-szu2-nu-ti-ma asz2-ta-kan tah-ta-szu2-un _iri-mesz_-szu2-nu _kur_-ud-ma asz2-lu-la szal-la-su-un ap-pul aq-qur i-na (d)gesz-bar aq-mu pa-an ni-ri-ia u2-ter-ma s,e-er (disz)ma-ni-ia-e _lugal_ (iri)uk-ki la kan-sze as,-s,a-bat har-ra-nu ur-hi pa-asz2-qu-ti sza la-pa-an _kur-mesz_

mar-s,u-ti qe2-reb-szu2-un ma-nam-ma la il-li-ku _lugal_ pa-ni mah-ri-ia i-na _giri3-min_ (kur)a-na-ra u3 (kur)up-pa _kur-mesz_ dan-nu-ti ka-ra-szi u2-sza2-asz2-kin-ma a-na-ku i-na _(gesz)gu-za_ ne2-me-di it-ti _(lu2)erin2-mesz me3_-ia mar-s,i-isz i-te-el-la-a _szu-si-mesz kur-mesz_ pa-asz2-qa-a-ti szu-u2 (disz)ma-ni-ia-e a-lak ge-er-ri-ia isz-me-ma (iri)uk-ku _iri lugal_-ti-szu2 e-zib-ma a-na ru-qe2-ti in-na-bit e-ru-um-ma

a-na qe2-reb _e2-gal_-szu2 mim-ma szum-szu2 _nig2-szu nig2-ga_ la ni-bi asz2-lu-la ni-s,ir-ta-szu2 ka-bit-tu2 _iri-mesz_-szu2 ap-pul aq-qur i-na (d)gesz-bar aq-mu-ma ki-ma _du6_ a-bu-bi u2-sze-me i-na 6(disz) ger-ri-ia a-na (iri)na-gi-ti (iri)na-gi-ti-di-i'-bi-na _iri-mesz_ sza _lugal_ (kur)e-lam-ti sza i-na e-ber-tan (i7)mar-ra-ti szit-ku-na-at szu-bat-su-un _ug3-mesz_ (kur)e2-(disz)ia-kin7 la-pa-an _(gesz)tukul_ (d)asz-szur dan-nu-ti isz-hu-tu-ma ez-ze-bu da-ad2-me-szu-nu (i7)mar-ra-tu3 i-bi-ru-u2-ma

ki-sza2-da a-he-en-na-a x x x-u2 x x ni-ih-ti (d)asz-szur be-li2 u2-tak-kil-an-ni-ma s,e-ru-usz-szu2-un a-na (kur)na-gi-ti a-la-ku aq-bi _(lu2)erin2-mesz_ (kur)ha-at-ti hu-bu-ut _(gesz)pan-mesz_-ia i-na nina(ki) u2-sze-szib-ma _(gesz)ma2-mesz_ s,i-ra-a-ti e-pisz-ti _kur_-szu-un ib-nu-u2 nak-lisz _(lu2)ma2-lah5-mesz_ (iri)s,ur-ra-a-a (iri)s,i-du-un-na-a-a (kur)ia-am?-na-a-a ki-szit-ti _szu-min_-ia u2-sza2-hi-su-nu-ti ur-tum qe2-reb (i7)idigna it-ti szi-na-ti a-na qid-da-ti a-di (iri)u2-pi-a

u2-sze-qel-pu-u2 u3 _ta_ (iri)u2-pi-a na-ba-lisz u2-sze-lu-szi-na-ti-ma s,e-er (gesz)gur2-gu-ge? a-na? _zimbir(ki?)_ il-du-du-szi-na-ti-ma qe2-reb (i7)a-rah-ti id-du-szi-na-ti a-na har-ri _e2_-dak-ku-ri sza (kur)kal-di u2-sze-qel-pu-u2 szu-x i-na x an al-lik x x ma qu x x? _mesz_-ia szam-ru-ti sza2 la i-du-u2 a-da?-ru (lu2)qur-bu-ti _giri3-min_-ia git2-ma-lu-ti u3 _(lu2)erin2-mesz_ ta-ha-zi-ia qar-du-ti sza la i-na qe2-reb _(gesz)ma2-mesz_ u2-szar-kib-szu-nu-ti-ma

s,i-di-tu ad-din-szu-nu-ti _sze-im_ u3 _(sze)in-nu-hi-a_ a-na mu-ur-ni-is-qi2 u2-sze-la-a it-ti-szu2-un qu-ra-du-u2-a i-na _(gesz)ma2-mesz_ i-qel-pu-u2 (i7)pu-rat-tu a-na-ku a-na i-ti-szu2-un na-ba-lu s,ab-ta-ku-ma a-na (iri)ka2-sa-li-me-ti u2-szar-da-a ur-hi i-na ul-lu-u2 re-szi-ia ul-tu a-hi (i7)pu-rat-ti a-di kib-ri tam-tim ma-lak 2(disz) _danna2_ qaq-qa-ru ka-li ka-lu...- sza2 i-na a-a-ri-du-u2-a a-mat a-na lib3-bi-ia ul asz2-du-ud

i-na asz2-ri szu-a-tu3 at-ta-di ka-ra-szi e-du-u2 ta-ma-ti gap-szisz isz-sza2-am-ma qe2-reb (gesz)za-ra-ti-ia e-ru-um-ma ni-ti-isz il-ma-a gim-ri ka-ra-szi-ia i-na _a-mesz_ dan-nu-ti

a-na raq-qa-at pi-i _i7_ ik-szu-da a-szar (i7)pu-rat-tu _a-mesz_-sza2 u2-szesz-sze-ru qer-bu-usz tam-tim ga-lit-ti a-na-ku a-na me2-he-er-ti-szu2-un i-na _gu2_ (i7)mar-ra-ti az-ziz-ma a-na (d)e2-a _lugal? zu-ab_ u2-sze-pi-sza2 _(udu)siskur-mesz ku3-mesz_ it-ti _(gesz)ma2 ku3-sig17 ku6 ku3-sig17_ al-lut-tu2 _ku3-sig17_ a-na qe2-reb tam-tim ad-di-ma _(gesz)ma2-mesz_-ia a-na _ugu kur_ (iri)na-gi-i-ti ur-ru-hi-isz u2-sze-bir i-na kib-ri tam-tim gal-la-ti sza a-na szi-ik-nu a-na e-le-e

_ansze-kur-ra-mesz_ u3 szit-kun _giri3-min lu2_ la na-t,u ma-gal szum-ru-us,-ma ba-hu-la-ti (kur)kal-di a-szib (iri)na-gi-ti (iri)na-gi-ti-di-i'-bi-na _ug3-mesz_ (kur)hi-il-mu (kur)pil-la-tu2 u3 (kur)hu-pa-pa-nu _(gesz)ma2-mesz_ qu-ra-di-ia i-mu-ru-ma _erin2-mesz (gesz)pan_ (gesz)s,u-um-bi _ansze-kur-ra-mesz ansze-kunga-mesz_ e-muq la ni-bi u2-kap-pi-tu2 mit-ha-risz el-la-me-szu2-un i-na (i7)u2-la-a na-a-ru sza kib-ru-sza2 _dug3-ga_ si-id-ru szit-ku-nu me-le-e _erin2-hi-a_-ia s,ab-tu-ma

u2-sza2-'a-lu _(gesz)tukul-mesz_-szu2-un qu-ra-du-u2-a a-na ka-a-ri ma-kal-le-e ik-szu-du s,e-ru-usz-szu2-un ul-tu qe2-reb _(gesz)ma2-mesz_ a-na kib-ri a-ri-bisz ip-par-szu-ma isz-ku-nu tah-ta-szu2-un (iri)na-gi-tu (iri)na-gi-tu-di-i'-bi-na (kur)hi-il-mu (kur)pil-la-tu u3 (kur)hu-pa-pa-nu _iri-mesz_ sza _lugal_ (kur)e-lam-ti ik-szu-du dan-nu-su-un te-ne-szet (lu2)kal-di _dingir-mesz_ gim-ri (kur)e2-(disz)ia-kin7 a-di _nig2-ga_-szu2-nu u3 _ug3-mesz_ e-la-mi3-i (gesz)s,u-um-bi _ansze-kur-ra-mesz_

_ansze-kunga-mesz ansze-nita2-mesz_ isz-lu-lu-ni qe2-reb _(gesz)ma2-mesz_-szu2-nu u2-sze-lu-ma a-ha-an-na-a a-na (iri)ka2-sa-li-me-ti a-di mah-ri-ia u2-sze-bi-ru-ni _iri-mesz_ sza2-tu-nu ip-pu-lu iq-qu-ru i-na (d)gesz-bar aq-mu _ugu_ (kur)elam-ma(ki) _dagal_-tim it-bu-ku sza2-ah-ra-ar-tu2 i-na szal-lat _kur-mesz_

_lugal_-ti-ia u2-rad-di si-it-ti szal-lat na-ki-ri ka-bit-ti a-na gi-mir _karasz_-ia _(lu2)en-nam-mesz_-ia u3 _ug3-mesz_ ma-ha-za-ni-ia _gim?_ s,e-e-ni lu u2-za-'i-iz i-na u4-me-szu2-ma _e2-gal murub4 iri_ sza nina(ki) sza 3(disz) _me_ 1(gesz2) ina _1(disz) kusz3 usz_

a-li-kut mah-ri _ad-mesz_-ia a-na ri-mit be-lu-ti-szu2-un u2-sze-pi-szu2-ma la u2-nak-ki-lu szi-pir-sza2 _(d)alad-(d)lamma-mesz_ sza (na4)pi-i-li pe-s,e-e i-na (iri)ta-as-ti-a-te ib-tu-qu a-na mu-kil _ka2-mesz_-szin a-na szu-pu-usz _(gesz)ma2-mesz_ qe2-reb _(gesz)tir-mesz gesz-mesz gal-mesz_ u2-qe2-ru i-na nap-har _kur-me_-szu2-un i-na _(iti)gu4_ u4-mu a-dan-ni e-de-e pa-an szat-ti i-na _(gesz)ma2-mesz_ s,i-ra-a-ti a-na a-ha-an-na-a u2-szeb-bi-ru-ni mar-s,i-isz i-na ne2-ber ka-a-ri

_(gesz)ma2-gu-la-mesz_ u2-t,e-eb-bu-u2 ba-hu-la-ti-szu2-un u2-sza2-ni-hu u2-lam-me-nu ka-ras-sin i-na da-na-ni u3 szup-szu-qi2 mar-s,i-isz u2-bi-lu-nim-ma u2-sza2-as,-bi-tu _ka2-mesz_-szi-in (i7)te-bil-ti a-gu-u2 szit-mu-ru sza ul-tu _u4-mesz su3-mesz_ t,e-eh _e2-gal_ i-ba-'u-u2-ma i-na _illu_-sza2 gap-szi u2-rib-bu tem-me-en-sza2 _e2-gal-tur-ra_ sza2-a-tu a-na si-hi-ir-ti-sza2 aq-qur sza (i7)te-bil-ti ma-lak-sza2 ul-tu qa-bal-ti _iri_

ap-ru-us-ma i-na ta-mir-ti ku-tal _iri_ u2-sze-szir mu-s,u-sza2 i-na 1/2(disz) _GAN2_ ma-lak _a-mesz_

ta-mir-ti _iri_ ki-ma a-tar-tim-ma lu as,-ba-ta s,e-er me-szi-ih-ti tam-li-i mah-re-e lu u2-rad-di-ma a-na si-hi-ir-ti-szu i-na 1(disz) _me_ 1(gesz2) 3(u) ti-ib-ki ul-la-a re-szi-szu a-na 9(disz) _me_ 1(u) 4(disz) i-na _as4-lum gal_-tim _usz_ u3 4(disz) _me_ 4(u) ina _as4-lum_ _gal_-tim _sag-ki_ szi-kit-ti _e2-gal_ u2-ter-ma szu-bat-sa usz-rab-bi _e2-gal-mesz ku3-sig17 ku3-babbar zabar (na4)an-za-gul-me (na4)dur2-mi-na-ban3-da_

_(na4)gesz-nu11-gal zu2 am-si (gesz)esi (gesz)taszkarin (gesz)mes-ma2-kan-na_ (gesz)ere-ni _(gesz)szur-min3 (szim)li_ (gesz)e-lam-ma-ku (gesz)si-in-da-a a-na mu-szab be-lu-ti-ia ab-ni-ma _e2_ mu-ter-re-te tam-szil _e2-gal_ (kur)ha-at-ti me2-eh-ret ba-ba-a-ti u2-sze-pisz _gesz-ur3-mesz_ (gesz)ere-ni _(gesz)szur-min3_ sza e-ri-su-un t,a-a-bu bi-nu-ut (kur)ha-ma-nim (kur)si-ra-ra _kur-mesz ku3-mesz_ u2-szat-ri-s,a e-li-szin _(gesz)ig-mesz_ (gesz)ere-ni _(gesz)szur-min3 (szim)li_ me-ser _ki-sag_ u3 _uruda_

u2-rak-kis-ma u2-rat-ta-a ba-bi-szin i-na ba-rak-ki sza qe2-reb _(e2)pa-pah-mesz_-ni ap-ti bi-ir-ri u2-pat-ta-a _(munus)(d)lamma-mesz (na4)gesz-nu11-gal_ _zu2 am-si_ sza il-lu-ru na-sza2-a kit-mu-sa rit-ta-szin bal-tu ku-uz-bu hi-it-lu-pa lu-le-e ma-la-a i-na _ka2-mesz_-szi-in ul-zi-iz-ma a-na tab-ra-a-ti u2-sza2-lik s,u-lul ta-ra-a-ni sza qe2-reb ba-rak-ka-ni e-t,u-su-un u2-szah-la-a u4-mi3-isz usz-nam-mir sik-kat3 kar-ri

kas-pi u3 _uruda_ qe2-reb-szin u2-szal-me i-na _sig4-al-ur3-ra (na4)zu2 (na4)za-gin3_ us-si-ma se-el-lum ne2-be2-hi u3 gi-mir pa-as-qi2-szu asz2-szu2 szip-ri _e2-gal_-ia szu-te-szu-ri u3 li-pit _szu-min_-ia szul-lu-me i-na u4-me-szu-ma (d)asz-szur u3 (d)isz-tar ra-'i-mu _(lu2)sanga_-ti-ia na-bu _mu_-ia gesz-mah-hi (gesz)ere-ni sza ul-tu _u4-mesz su3-mesz_ i-szi-hu-ma ik-bi-ru ma-gal i-na qe2-reb (kur)si-ra-ra szad-di-i i-na pu-uz-ri na-an-zu-zu u2-szak-li-mu-in-ni

s,i-i-su-un sza _(na4)gesz-nu11-gal_ sza i-na tar-s,i _lugal-mesz_-ni _ad-mesz_-ia a-na kar-ri nam-s,a-ri szu-qu-ru i-na sa-pan (kur)am-ma-na-na u2-szap-tu-ni pa-ni-szu u3 _(na4)dur2-mi-na-ban3-da_ ma-la (dug)bur-zi-gal-li sza la in-nam-ru ma-ti-ma i-na (iri)kap-ri-da-ar-gi-la-a sza2 pa-a-t,i (iri)du6-bar-si-ip u2-kal-lim ra-ma-nu-usz i-te-e nina(ki) i-na er-s,e-et (iri)ba-la-t,a-a-a ki-i t,e3-em _dingir_-ma (na4)pi-i-lu pe-s,u-u2 a-na mu-'u-de-e

in-na-mir-ma _(d)alad-(d)lamma-mesz_ u3 s,a-lam mesz-re-ti _(na4)gesz-nu11-gal_ sza i-na 1(disz)-en _na4_ ib-ba-nu-u2 mi-na-a-ti szuk-lu-lu i-na ki-gal-li ram-ni-szu2-nu sza2-qisz na-an-zu-zu _(munus)ab2-za-za_-a-ti _(na4)gesz-nu11-gal_ sza zi-i-me nu-us-su-qa _gin7_ u4-me na-par-de-e nu-um-mu-ru zu-mur-szin _kun4-mesz (na4)dur2-mi-na-ban3-da_

s,i-ra-a-ti ab-ni ki-lal-la-an i-na szad-di-szu2-un ab-tuq-ma a-na szip-ri _e2-gal_-ia u2-szal-di-da qe2-reb nina(ki) _(d)alad-(d)lamma-mesz gal-mesz_ u3 _(munus)ab2-za-za_-a-ti (na4)pi-i-li pe-s,e-e i-na lip-ta-at (d)nin-kur-ra i-na er-s,e-et (iri)ba-la-t,a-a-a u2-sza2-a'-lid-ma u2-szak-li-la gat-ta-szu2-un sza ul-tu ul-la _lugal-mesz ad-mesz_-ia s,a-lam _uruda_

tam-szil gat-ti-szu2-un a-na szu-zu-zi qe2-reb _e2-kur-mesz_ ib-nu-ma i-na e-pisz-ti-szu2-nu u2-sza2-ni-hu gi-mir _dumu-mesz_ um-ma-a-ni i-na la bi-szit uz-ni la ha-sa-as a-ma-ti a-na szip-ri hi-szih-ti-szu2-nu _i3-gesz_ isz-ku-ru na-al-ba-asz2 s,e-e-ni u2-qe2-ru qe2-reb _kur-mesz_-szu2-un ia-a-ti (disz)(d)sin_-pap-mesz-su_ a-sza2-red kal mal-ki mu-de-e szip-ri ka-la-ma tim-me _uruda gal-mesz_

ur-mah-hi pe-tan bir-ki sza ma-na-ma la ip-ti-qu _lugal_ pa-ni mah-ri-ia i-na uz-ni ni-kil-ti sza u2-szat-li-ma ru-bu-u2 (d)nin-szi-ku3 i-na szi-tul-ti ram-ni-ia a-na e-pesz szip-ri szu-a-tu ra-bisz am-tal-lik-ma i-na mi3-lik t,e3-me-ia u3 me-resz ka-bat-ti-ia pi-ti-iq _uruda_ u2-ba-asz2-szim-ma u2-nak-ki-la nik-la2-su sza gesz-mah-hi

u3 a-la-mit-ta _gesz_ mesz-re-e 1(u) 2(disz) _ur-mah-mesz_ ne2-'i-ru-ti a-di 1(u) 2(disz) _(d)alad-(d)lamma-mesz mah-mesz_ sza szuk-lu-lu nab-ni-tu 2(u) 2(disz) _(munus)ab2-za-za_-a-ti sza ku-uz-bu u3 ul-s,u hi-it-lu-pa bal-tu la-la-a kum2-mu-ru s,e-ru-usz-szin ki-i t,e3-em _dingir_-ma zi-i'-pi t,i-it,-t,i ab-ni-ma e-ra-a qe2-reb-szu2 asz2-tap-pa-ka ki-i pi-ti-iq 1/2(disz) _gin2-ta-am3_

u2-szak-li-la nab-ni-su-un _(d)alad-(d)lamma-mesz_ nab-nit _uruda_ sza 2(disz) ina lib3-bi za-ha-lu-u2 lit-bu-szu2 _(d)alad-(d)lamma-mesz (na4)gesz-nu11-gal_ a-di _(d)alad-(d)lamma-mesz (munus)ab2-za-za_-a-ti (na4)pi-i-li pe-s,e-e sza _e2-gal-mesz_-ia u2-sza2-as,-bi-ta _si-gar_-szi-in tim-me _uruda mah-mesz_ a-di (gesz)tim-me (gesz)ere-ni _gal-mesz_ bi-ib-lat (kur)ha-ma-nim me-ser _uruda_

u2-rak-kis-ma s,e-er pirig-gal-le-e ul-ziz-ma dap2-pi ku-lul _ka2-mesz_-szin e-mid _(munus)ab2-za-za_-a-ti _(na4)gesz-nu11-gal_ a-di _(munus)ab2-za-za_-a-ti pi-ti-iq u2-ru-de-e sza za-ha-lu-u2 lit-bu-sza2 u3 _(munus)ab2-za-za_-a-ti pi-ti-iq _gu-an-na_ sza nu-um-mu-ru gat-ta-szin (gesz)tim-me _(gesz)esi (gesz)szur-min3 (gesz)eren_ (gesz)dup-ra-ni _(szim)li_

u3 (gesz)si-in-da-a ih-ze-et pa-szal-li u3 kas-pi s,e-ru-usz-szin ul-ziz-ma sza kum2-me mu-szab be-lu-ti-ia e-mid _(gesz)gan-du7-mesz_-szu2-un as-kup-pa-a-ti _(na4)dur2-mi-na-ban3-da (na4)gesz-nu11-gal_ u3 _kun4-mesz_ (na4)pi-i-li _gal-mesz_ a-sur-ru-szin u2-sza2-as-hi-ra a-na tab-ra-a-ti u2-sza2-lik asz2-szu u4-mi-szam-ma _a-mesz_ di-lu-ti

da-lum eb-li gu-has,-s,a-a-ti _zabar_ u3 har-ha-ri _zabar_ u2-sze-pisz-ma ki-mu-u2 ma-ka-a-ti gesz-mah-hi u3 a-la-mit-ta s,e-er _pu2-mesz_ usz-ziz _e2-gal-mesz_ sza2-ti-na u2-sza2-lik as-mi-isz si-hir-ti _e2-gal_ a-na tab-rat kisz-szat _ug3-mesz_ ul-la-a re-szi-sza2 _e2-gal_ sza sza2-ni-na la i-szu-u2 ni-bit-sa az-kur _(gesz)kiri6-mah_-hu tam-szil (kur)ha-ma-nim sza gi-mir _szim-hi-a gurun_ s,ip-pa-a-ti _gesz-mesz_ tuk-lat szad-di-i u3 (kur)kal-di qe2-reb-szu2 hur-ru-szu i-ta-a-sza2 az-qup a-na mit,-ra-a-ti

szum-mu-hi ul-tu pa-a-t,i (iri)ki-si-ri a-di ta-mir-ti (iri)ni-na-a _kur_-a i-na ak-kul-la-ti _an-bar_ u2-szat-tir-ma u2-sze-szir (i7)har-ru

a-na szup-szu-uh a-lak-ti _a-mesz_ sza _(gesz)kiri6-mesz_ (i7)a-gam-mu u2-szab-szi-ma s,u-s,u-u2 qe2-reb-sza as-ti-il _igira2(muszen)-mesz szah2-mesz (gesz)gi_ a-lap qi2-i-szi i-na lib3-bi u2-masz-szir i-na t,e3-em _dingir_-ma qe2-reb _(gesz)kiri6-mesz (gesz)gesztin_ gi-mir _gurun_ (gesz)se-er-du u3 _szim-hi-a_ ma-gal isz-mu-hu _(gesz)szur-min3_ _(gesz)mes-ma2-kan-na_ nap-har _gesz-mesz_ i-szi-hu-ma u2-s,ar-ri-szu pa-pa-al-lum ap-pa-ra-a-te ma-gal i-szi-ra _muszen an_-e _igira2(muszen)_ qin-na iq-nun-ma

_szah2 (gesz)gi_ a-lap qi2-i-szi u2-rap-pi-szu ta-lit-tu _(gesz)mes-ma2-kan-na (gesz)szur-min3_ tar-bit s,ip-pa-a-ti _gi ambar-mesz_ sza qe2-reb (i7)a-gam-me ak-szit,-ma a-na szip-ri hi-szih-ti _e2-gal-mesz_ be-lu-ti-ia lu _du3_-usz ul-tu szip-ri _e2-gal_-ia u2-qat-tu-u2 (d)asz-szur _en gal dingir-mesz_ u3 _(d)isz-tar-mesz_ a-szi-bu-ut _kur_ asz-szur(ki) i-na qer-bi-sza2 aq-re-ma _(udu)siskur-mesz_ tasz-ri-ih-te aq-qi2-ma u2-szat-lim kad3-ra-a-a _i3-gesz_ (gesz)ser2-di u3 hi-bi-isz-ti

u2-raq-qa-a a-na ru-usz-te i-na tasz-ri-it _e2-gal_ sza ba-hu-la-ti _kur_-ia u2-sza2-asz2-qa-a muh-ha-szin _gesztin-mesz_ du-usz-szu-pu s,ur-ra-szin am-kir i-na qi2-bit asz-szur a-bu _dingir-mesz_ u3 (d)isz-tar szar-ra-ti _(d)alad_ dum-qi2 (d)lamma dum-qi2 qe2-reb _e2-gal_ sza2-a-tu da-a-risz lisz-tab-ru-u2 a-a ip-par-ku-u2 i-da-a-sza2

[...] x x [...] sza _(na4)gesz-nu11-gal_ sza i-na tar-s,i _lugal-mesz_-ni _ad-mesz_-ia a-na kar-ri nam-s,a-ri szu-qu-ru i-na sa-pan (kur)am-ma-na-na u2-szap-tu-ni pa-ni-szu u3 _(na4)dur2-mi-na-ban3-da_ ma-la (dug)bur-zi-gal-li sza la in-nam-ru ma-ti-ma i-na (iri)kap-ri-da-ar-gi-la-a u2-kal-lim ra-ma-nu-usz i-te-e nina(ki) i-na er-s,e-et (iri)ba-la-t,a-a-a ki-i t,e3-em _dingir_-ma (na4)pi-i-lu pe-s,u-u2 a-na mu-'u-de-e in-na-mir-ma

_(d)alad-(d)lamma-mesz (na4)gesz-nu11-gal_ sza i-na 1(disz)-en _na4_ ib-ba-nu-u2 mi-na-a-ti nu-uk-ku-lu _(munus)ab2-za-za_-a-ti _(na4)gesz-nu11-gal_ sza zi-i-me nu-us-su-qa ki-ma u4-me na-par-de-e nu-um-mu-ru zu-mur-szin _kun4-mesz (na4)dur2-mi-na-ban3-da_ s,i-ra-a-ti ab-ni [...] [...] x x [...]

_e2-gal (disz)(d)suen-szesz-mesz-su lugal gal? lugal_ dan-nu _lugal szu2 lugal kur_ asz-szur(ki) _lugal_ kib-rat _limmu2_-ti mi-gir _dingir-mesz gal-mesz_ lu-li-mu er-szu mal-ku pit-qu-du _re-e2-um_ ba-hu-la-ti mut-ta-ru-u2 _ug3-mesz_ rap-sza2-a-ti a-na-ku (d)be-let_-dingir-mesz_ be-let nab-ni-ti i-na _sza3-tur3_ a-ga-ri-in-ni a-lit-ti-ia ke-nisz _igi-bar_-an-ni-ma u2-s,ab-ba-a nab-ni-ti u3 (d)nin-szi-ku3 id-di-na kar-szu rit-pa-szu2 szin-na-at _abgal_ a-da-pa3 isz-ru-ka pal-ka-a ha-sis-su

(d)asz-szur _ad dingir-mesz_ gi-mir s,al-mat _sag-du_ u2-szak-nisz sze-pu-u2-a a-na _re-e2-um_-ut _kur_ u3 _ug3-mesz_ ul-la-a re-szi-ia [...] x x x x x? _(gesz)tukul_ la pa-du-u2 a-na szum-qut za-'i-ri u2-szat-me-eh rit-tu-u2-a [...] x x [...] [...] [...]-nu [...] [...] x x ri x x x [...] [...] x a-na x x? sza2 i x x [...] sza _lugal-mesz_ a-li-kut mah-ri _ad-mesz_-e-a a-na ri-mit be-lu-ti-szu-un u2-sze-pi-szu-ma la u2-nak-ki-lu szi-pir-sza2 _e2-gal-tur-ra_ sza2-a-tu aq-qur

sza (i7)te-bil-ti ma-lak-sza2 ul-tu qa-bal-ti _iri_ ap-ru-us-ma s,e-er ta-mir-ti ku-tal _iri_ u2-sze-szir mu-s,u-sza2 i-na 1/2(disz) _GAN2_ ma-lak _a-mesz_ 4(disz) (na4)pi-i-li _gal-mesz_ it-ti _esir2 had2-a_ ak-si-ma _gi-mesz_ a-pe u3 ku-pe-e u2-szat-ri-s,a _ugu_-szu2-un 5(disz) _me_ x x? ina _1(disz) kusz3 gi7-da_ 2(disz) _me_ 1(gesz2) 2(u) i-na _1(disz) kusz3 dagal_ qaq-qa-ru ul-tu ta-mir-ti _iri gim_ a-tar-tim-ma lu as,-ba-ta s,e-er me-szi-ih-ti _e2-gal_ mah-ri-ti u2-rad-di-ma

a-na 9(disz)? _me_ 1(u) 4(disz)? ina _as4-lum gal_-ti _usz_ u3 4(disz) _me_ 1(gesz2) i-na _as4-lum gal_-ti _sag-ki_ u2-ter szu-bat-sa usz-rab-bi a-na si-hir-ti-szu2 e-la-nisz i-na 1(disz) _me_ 1(gesz2) 3(u) ti-ib-ki ul-la-a re-szi-szu2 la-ba-risz u4-me i-na _illu_ kisz-sza2-ti tem-me-en-szu la e-ne2-sze (na4)pi-i-li _gal-mesz_ ki-su-szu2 u2-sza2-as-hi-ra u2-dan-ni-na szu-pu-uk-szu2 _e2-gal ku3-sig17? e2-gal? ku3-babbar? e2-gal? zabar? e2-gal (na4)an-za-gul-me e2-gal (na4)dur2-mi-na-ban3-da_

[...] _e2-gal_ (na4)a-lal-lum _e2-gal (na4)gesz-nu11-gal e2-gal zu2? am-si?_ _e2-gal? (gesz)esi? e2-gal? (gesz)taszkarin? e2-gal? (gesz)mes-ma2-kan-na? e2-gal?_ (gesz)ere-ni _e2-gal (gesz)szur-min3 e2-gal (szim)li e2-gal?_ (gesz)e-lam-ma-ku? _e2-gal?_ (gesz)si-in-da-a? a-na? mu-szab? be-lu-ti-ia? ab-ni-ma? _e2_ mu-ter-re-e-ti tam-szil _e2-gal_ (kur)hat-ti me2-eh-ret ba-ba-a-ti u2-sze-pisz _gesz-ur3-mesz_ (gesz)ere-ni _(gesz)szur-min3_ u2-szat-ri-s,a e-li-szin _(gesz)ig-mesz_ (gesz)li-ia-ri _(gesz)szur-min3_

me-ser _ku3-babbar_ u3 _uruda_ u2-rak-kis-ma u2-rat-ta-a ba-bi-szin i-na ba-rak-ka-ni ap-ti bi-ir-ri u2-pat-ta-a _(munus)(d)lamma-mesz (na4)gesz-nu11-gal zu2 am-si_ sza il-lu-ru na-sza2-a kit-mu-sa rit-ta-szin i-na _ka2-mesz_-szin ul-ziz-ma a-na tab-ra-a-ti u2-sza2-lik [...] sik-kat3 kar-ri kas-pi u3 _uruda_ qe2-reb-szin u2-szal-me i-na _sig4-al-ur3-ra (na4)zu2 (na4)za-gin3_ us-si-ma se-el-lum ne2-be2-hi u3 gi-mir pa-as2-qi2-szin asz2-szu szip-ri _e2-gal_-ia [...] x [...] i-na sa-pan (kur)am-ma-na-na

u2-szap-tu-ni pa-ni-szu2 _(na4)(d)sze-tir_ sza _gin7 numun_ qisz-sze-e _gar_-szu2 nu-su-qu ma-la _na4 gu2_ aq-ru _na4_ qa-be2-e ma-ga-ri u3 ri-ih-s,i szu-tu-qi mur-s,u a-na _lu2 nu te_-e i-na _giri3-min_ (kur)ni-pur _kur_-i ra-ma-nu-usz ud-dan-ni _(na4)dur2-mi-na-ban3-da_ sza _gin7_ kap-pi kal-lat (d)sza2-masz _gar_-szu2? a-na s,i-bit nak-kap-ti nu-uh-hi _na4_ hu-ud lib-bi na-mar ka-bat-ti ma-la (na4)bur-zi-gal-li sza la in-nam-ru ma-te-ma ina (iri)kap-ri-da-ar-gi-la-a sza pa-at, (iri)du6-bar-si-ip

u2-kal-lim ra-ma-nu-usz (na4)a-lal-lum sza _gin7_ s,u-bat _(gesz)geszimmar gar_-szu2? u3 _(na4)gi-rim-hi-li-ba_ sza _gin7 gurun (gesz)nu-ur2-ma gar_-szu2 ba-nu-u2 la-lu-u2 a-na da-ga-li _na4 nam-usz2-mesz_ a-na _lu2 nu te_-e ki-lal-la-an ab-ni i-na [...] _kur_-i in-nam-ru ma-gal i-te-e (iri)ni-na-a i-na er-s,e-et (iri)ba-la-t,a-a-a ki-i t,e3-em _dingir_-ma (na4)pi-i-lu pe-s,u-u2 [...] x x ab [...] nu-um-mu-ru zi-mu-szu2-un _kun4-mesz_ _(na4)gi-rim-hi-li-ba_ (na4)a-lal-lum

ab-ni ki-lal-la-an i-na szad-di-szu-un ab-tuq-ma [...] x-isz u2-szal-di-da qe2-reb (iri)ni-na-a _(d)alad-(d)lamma-mesz_ u3 _(munus)ab2-za-za_-a-ti (na4)pi-i-li pe-s,e-e i-na lip-ta-at (d)nin-kur-ra ina _ki_-tim (iri)ba-la-t,a-a-a [...] _gal?_ x [...] [...] (gesz)si-in-da-a [...] [...] x [...] _gesztin_ [...] x x x x x ([...]) i-na? qi2-bit? (d)asz-szur? a-bu? _dingir-mesz?_ u3? (d)isz-tar? szar-ra?-tim? qe2?-reb? _e2-gal_-ia [...] i-na t,u-ub _uzu-mesz_

hu-ud lib-bi _u4-mesz?_ lu-sza2-ri-ka? li-pu-u2-a? du-ri2? da-ri2? a-na _u4-mesz_ ba-szu-ti li-ku-nu qe2-reb-sza2 _(d)alad_ dum-qi2 (d)lamma dum-qi2 qe2-reb _e2-gal_ sza2-a-tu da-a-risz lisz-tab-ru-u2 a-a ip-par-ku-u2 i-da-a-sza2

_e2-gal (disz)(d)suen-szesz-mesz-su lugal gal lugal_ dan-nu _lugal szu2 lugal kur_ asz-szur(ki) _lugal_ kib-rat _limmu2_-ti mi-gir _dingir-mesz gal-mesz_ lu-li-mu er-szu mal-ku pit-qu-du _re-e2-um_ ba-hu-la-ti mut-ta-ru-u2 _ug3-mesz_ rap-sza2-a-ti a-na-ku (d)be-let_-dingir-mesz_ be-let nab-ni-ti i-na _sza3-tur3_ a-ga-ri-in-ni a-lit-ti-ia ke-nisz _igi-bar_-an-ni-ma u2-s,ab-ba-a nab-ni-ti u3 (d)nin-szi-ku3 id-di-na kar-szu rit-pa-szu2 szin-na-at _abgal_ a-da-pa3 isz-ru-ka pal-ka-a ha-sis-su

(d)asz-szur _ad dingir-mesz_ gi-mir s,al-mat _sag-du_ u2-szak-nisz sze-pu-u2-a a-na _re-e2-um_-ut _kur_ u3 _ug3-mesz_ ul-la-a re-szi-ia id-di-na _(gesz)gidru_ i-szar-tu mu-rap-pi-szat ma-a-ti _(gesz)tukul_ la pa-du-u2 a-na szum-qut za-'i-ri? u2-szat-me-eh rit-tu-u2-a [...] gim-ri ma-al-ki kib-ra-a-ti ar-ba-tim [...] ina u4-me-szu-ma te-ne-szet na-ki-ri ki-szit-ti _szu-min_-ia tup-szik-ku

u2-sza2-asz2-szi-szu2-nu-ti-ma il-bi-nu _sig4 e2-gal murub4 iri_ sza (iri)ni-na-a sza 3(disz) _me_ 1(gesz2) ina _1(disz) kusz3 usz_ 1(gesz2) 2(u) i-na _1(disz) kusz3 sag-ki_ ma-ra-ku szit-ku-na-at-ma s,u-uh-hu-rat szu-bat-sa (i7)te-bil-ti i-ta-a-sza2 i-ba-'u-u2-ma i-na _illu_-sza2 gap-szi i-na usz-szi-sza2 ab-bu u2-szab-szu-u2 u2-ri-ib-bu tem-me-en-sza2 sza _lugal-mesz_ a-li-kut mah-ri _ad-mesz_-e-a

a-na ri-mit be-lu-ti-szu-un u2-sze-pi-szu-ma la u2-nak-ki-lu szi-pir-sza2 _e2-gal-tur-ra_ sza2-a-tu a-na si-hi-ir-ti-sza2 x x? x _szur szu_ [...] sza (i7)te-bil-ti ma-lak-sza2 ul-tu qa-bal-ti _iri_ ap-ru-us-ma s,e-er ta-mir-ti ku-tal _iri_ u2-sze-szir mu-s,u-sza2 i-na 1/2(disz) _GAN2_ ma-lak _a-mesz_ 4(disz) (na4)pi-i-li _gal-mesz_ it-ti _esir2 had2-a_ ak?-si?-ma _gi-mesz_ a?-pe

u3 ku-pe-e u2-szat-ri-s,a _ugu_-szu2-un 5(disz) _me_ x x? ina _1(disz) kusz3 gi7-da_ 2(disz) _me_ 1(gesz2) 2(u) ina _1(disz) kusz3 dagal_ qaq-qa-ru ul-tu qe2-reb (i7)hu-su-ur u3 ta-mir-ti _iri_ ki-ma a-tar-tim-ma lu as,-ba-ta [...] x na x x u [...] x-ku? [...]-ti [...]-qa i-na sa-pan (kur)am-ma-na-na u2-szap-tu-ni pa-ni-szu2 _(na4)(d)sze-tir_ sza _gin7 numun_ qisz-sze-e _gar_-szu2 nu-su-qu ma-la _na4 gu2_ aq-ru _na4_ qa-be2-e ma-ga-ri u3 ri-ih-s,i szu?-tu-qi mur-s,u a-na _lu2 nu te_-e

i?-na _giri3-min_ (kur)ni-pur _kur_-i ra-ma-nu-usz ud-dan-ni [...] [...] x [...] x [...]

_e2-gal_ (disz)(d)sin-pap-mesz-su _man gal_ _man_ dan-nu _man szu2 man kur_ asz-szur _(na4)(d)sze-tir_ sza2 _gin7 sze_-im s,a-ah-ha-ri szi-kin-szu2 nu-us-su-qu sza ina tar-s,i _lugal-mesz_ _ad-mesz_-ia ma-la _na4 gu2_ szu-qu-ru i-na _giri3-min_ (kur)ni-pur _kur_-i ra-ma-nu-usz ud-dan-ni a-na _(munus)ab2-za-za_-a-ti u2-sze-pisz-ma u2-szal-di-da qe2-reb (iri)ni-na-a

_e2-gal (disz)(d)suen-szesz-mesz-eri-ba [...] [...] mi-gir _dingir-mesz gal-mesz_ [...] u2-szat-li-ma?-an?-ni-ma ana ul-tu s,i-tasz a-di szil-la-an [...] sze-pu-u2-a u2-szak-nisz-ma i-szu-t,u ab-sza2-a-ni i-na u4-me-szu-ma [...] _lugal-mesz_ a-li-kut mah-ri _ad-mesz_-ia u2-sze-pi-szu-ma [...] [...] e-pisz-tasz u3 ul-tu [...]

(disz)(d)sin-pap-mesz-su _man szu2 man kur_ asz-szur (disz)ma-ni-ia-e _man_ (iri)uk-ki ti-ib ta-ha-zi-ia e-dur2-ma (iri)uk-ku? _iri?_ tuk-la-te-szu2 e-zib-ma a-na ru-qe2-te in-na-bit ba-hu-la-te a-szib _sza3_-szu2 sza a-na zuq-ti _kur_-i mar-s,i is,-s,u-risz ip-par-szu2 ar-ki-szu2-un ar-de-ma i-na zuq-ti _kur_-i asz2-ta-kan tah-ta-szu2-un (iri)uk-ku _iri lugal_-ti-szu2 i-na (d)gesz-bar aq-mu

(disz)(d)sin-pap-mesz-su man szu2 man kur asz-szur [...]-ti a-na ka-sza2-di il-lak

asz2-lu-la szal-la-su ap-pul aq-qur ina (d)gesz-bar aq-mu

(iri)e2-(disz)ku-bat-ti al-me _kur_-ud asz2-lu-la szal-la-su ina (d)gesz-bar aq-mu

dil-bat(ki) al-me _kur_-ud asz2-lu-la szal-la-su

(iri)a-ta-un?-[...] al-me _kur_-ud asz2-lu-la szal-la-su

(iri)al-am-mu al-me ak-szud asz2-lu-la szal-la-su

(iri)a-ra-an?-zi-a-szu al-me _kur_-ud asz2-lu-la szal-la-su

(disz)(d)sin-pap-mesz-su _man szu2 man kur_ asz-szur szal-la-at (i7)a-gam-me sza (iri)sa-ah-ri-na ma-ha-ar-szu e-ti-iq

(disz)(d)sin-pap-mesz-su _man szu2_ _man kur_ asz-szur(ki) szal-la-at (iri)ka-su-s,i ma-har-szu e-ti-iq

(disz)(d)sin-pap-mesz-su _man szu2_ _man kur_ asz-szur(ki) szal-la-at (iri)x x x x?-bu-x ma-har-szu e-ti-iq

(disz)(d)sin-pap-mesz-su _man szu2 man kur_ asz-szur szal-la-at [...] (iri)[...] ma?-ha-ar-szu? e-ti-iq?

[...] [...] szal-la-at [...] ma-ha-ar-szu e-ti-iq

(disz)(d)sin-pap-mesz-su _man szu2 man kur_ asz-szur ina _(gesz)gu-za_ ne2-me-di u2-szib-ma szal-la-at (iri)la-ki-su ma-ha-ar-szu e-ti-iq

za-ra-tum sza2 (disz)(d)sin-pap-mesz-su _lugal kur_ asz-szur

usz-man-nu sza2 (disz)(d)sin-pap-mesz-su _man_ asz-szur

(disz)(d)sin-pap-mesz-su _man szu2 man kur_ asz-szur _(d)alad-(d)lamma-mesz_ _gal-mesz_ sza i-na er-s,e-et (iri)ba-la-t,a-a-a ib-ba-nu-u2 a-na _e2-gal_ be-lu-ti-szu2 sza qe2-reb nina(ki) ha-di-isz u2-szal-da-da

(disz)(d)sin-pap-mesz-su _man szu2 man kur_ asz-szur (na4)pi-i-lu pe-s,u-u2 sza ki-i t,e3-em _dingir_-ma a-na szip-ri _e2-gal_-ia ina er-s,e-et (iri)ba-la-t,a-a-a in-nam-ru ba-hu-la-ti da-ad2-me na-ki-ri u3 _erin2-mesz_ hur-sza2-a-ni la kan-szu-ti _kur_-ti _szu-min_-ia qul-me-e u3 ak-kul-la-ti _an-bar_ u2-sza2-asz2-szi-szu2-nu-ti-ma _(d)alad-(d)lamma-mesz gal-mesz_ a-na _ka2-mesz e2-gal_-ia ib-tu-qu

(disz)(d)sin-pap-mesz-su _man szu2 man kur_ asz-szur (gesz)tim-me ere-ni _gal-mesz_ sza ul-tu qe2-reb (i7)idigna u2-sze-el-la-a s,e-er (gesz)ia-nu-si u2-szar-kib-ma ul-tu qe2-reb (i7)har-ri u2-szal-da-da

(disz)(d)sin-pap-mesz-su _man szu2 man kur_ asz-szur (gesz)tim-me ere-ni _gal-mesz_ bi-ib-lat (kur)si-ra-ra (kur)lab-na-na ul-tu qe2-reb (i7)idigna u2-sze-el-la-a

(disz)(d)sin-pap-mesz-su _man szu2 man kur_ asz-szur e2-gal-za3-di-nu-tuku-a a-na mu-szab be-lu-ti-szu2 qe2-reb nina(ki) esz-szisz u2-sze-pisz

(disz)(d)sin-pap-mesz-su _man gal man_ dan-nu _man szu2 man kur_ asz-szur e2-gal-za3-di-nu-tuku-a a-na mu-szab be-lu-ti-szu2 qe2-reb _murub4 iri_ sza nina(ki) esz-szisz u2-sze-pisz

_e2-gal_ (disz)(d)sin-pap-mesz-su _man gal man_ kisz-sza2-ti _man kur_ asz-szur dan-dan-nu e-tel kal mal-ki

(disz)(d)sin-pap-mesz-su _man szu2_ _man kur_ asz _bad3_ u3 szal-hu-u sza2 nina(ki) esz-szisz u2-sze-pisz-ma u2-zaq-qir hur-sza2-nisz

(disz)(d)sin-pap-mesz-su _man kur_ asz _bad3_ u3 szal-hu-u sza2 nina(ki) esz-szisz u2-sze-pisz-ma u-zaq-qir hur-sza2-nisz

(disz)(d)sin-pap-mesz-su _man kur_ asz-szur _bad3_ nina(ki) esz-szisz u2-sze-pisz

_e2-gal_ (disz)(d)sin-pap-mesz-su _man kur_ asz-szur sza2 i-na [...]-x-szu2 u2-sze-pi-szu2

_e2-gal_ (disz)(d)sin-pap-mesz-su _man_ dan-nu _man szu2_ _man kur_ asz-szur ina me-tel szi-bir-ri-ia sza2 isz-ru-ka _ad dingir-dingir an-szar2_ (na4)ka-szur-ru-u a-qa-ru sza2 _kur_-szu2 ru-u-qu u2-ra-am-ma ina _ki-ta_ s,er-ri _(gesz)ig-mesz_ _ka2-mesz e2-gal_-ia u2-kin

_kur_ (disz)(d)sin-pap-mesz-su _man szu2 man kur_ asz

_e2-gal_ (disz)(d)sin-pap-mesz-su _man gal man_ dan-nu _man szu2 man kur_ asz-szur

_e2-gal_ (disz)(d)sin-szesz-mesz-eri-ba _man gal_-u _man_ dan-nu _man kur_ asz-szur(ki)

(disz)(d)sin-pap-mesz-su _man szu2 man kur_ asz_ _e2-gal_ qe2-reb (iri)ni-na-a esz-szisz _du3_-usz

_e2-gal_ (disz)(d)sin-pap-mesz-su _man gal man_ dan-nu _man szu2 man kur_ asz-szur e2-gal-za3-di-nu-tuku-a a-na mu-szab _en_-ti-szu2 qe2-reb (iri)ni-na-a _gibil_-isz3 lu _du3_-usz

_e2-gal_ (disz)(d)sin-pap-mesz-su [...] _e2-gal_ a-na mu-szab _en_-ti-szu2 qe2-reb (iri)ni-na-a _gibil_-isz3 lu _du3_-usz

(disz)(d)sin-pap-mesz-su _man gal_-u _man_ dan-nu _man szu2_ _man kur_ asz-szur _bad3_ u szal-hu-u sza nina(ki) esz-szisz u2-sze-pisz-ma u-zaq-qir hur-sza2-nisz

_bad3_ u3 szal-hu-u sza2 (iri)nina(ki) sza2 i-na mah-re-e la ep-szu2 (disz)(d)sin-pap-mesz-su _man kur_ asz esz-szisz u2-sze-pisz-ma u2-zaq-qir hur-sza2-nisz

(disz)(d)sin-pap-mesz-su _man szu2 man kur_ asz-szur _bad3_ sza (iri)ni-na-a _gibil_-isz3 _du3_-usz

(disz)(d)sin-pap-mesz-su _man gal man_ dan-nu _man szu2 man kur_ asz-szur _bad3_ u3 szal-hu-u sza2 (iri)nina _gibil_-isz3 _du3_-usz

(disz)(d)sin-pap-mesz-su _man szu2 man kur_ asz_ _ta_ s,a-bat _bad3_ sza2 (iri)ni-na?-a _e2_ a-na _dumu?_-szu2? _du3?_-ma? id-di-in

(disz)(d)sin-pap-mesz-su _man kur_ asz it-ti _szub_-e _usz8_ sza2 _nina(ki) e2 du3_-ma a-na (disz)asz-szur-mu-i3-gal2 _dumu_-szu2 _szum2_

(disz)(d)sin-pap-mesz-su _man kur_ asz it-ti _szub_-e _usz8_ sza2 nina(ki) _e2 du3_-ma a-na _dumu_-szu2 _szum2_

_kur_ (disz)(d)sin-pap-mesz-su _man kur_ asz na-mur-tu2 sza2 (disz)a-bi-ba-a'-al _lugal_ (kur)sa-am-si-mur-ru-na u2-qar-ri-ba-an-ni

_kur_ (disz)(d)sin-pap-mesz-su _man kur_ asz na-mur-tu2 sza2 (disz)ka-ri-bi-dingir _man_ (kur)sa-ba-a' u2-qar-ri-ban-ni sza2 ana dul-li sza2 _dingir_ _lu2_-ti _du3_-szu2 szu-mi3 szat,-ru i-pa-szi-t,u _an-szar2_ x x x? (d)sin (d)utu _mu_-szu2 _numun_-szu2 lu-hal-li-qu

_kur_ (disz)(d)sin-pap-mesz-su _man kur_ asz na-mur-tu2 sza2 (disz)ka-rib-dingir _man_ (kur)sa-ba-a' u2-qar-ri-ba [...] [...] [...] (d)utu [...] (d)muati (d)urasz _mu_-szu2 _numun_-szu2 lu-hal-li-qu

_kur_ (disz)(d)sin-pap-mesz-su _man kur_ asz na-mur-tu2 sza2 (disz)ka-ri-bi-dingir _man_ (kur)sa-ba-a' [...] x a [...] u2-szap-t,ar sza2 szu-mi3 szat,-ru i-pa-szi-t,u [...] [...] [...] (d)urasz _mu_-szu2 _numun_-szu2 lu-hal-li-qu

_kur_ (disz)(d)sin-pap-mesz-su _man kur_ asz na-mur-tu2 sza2 (disz)ka-ri-bi-dingir _man_ (kur)sa-ba-a' [...] x u2-szap-t,ar sza2 szu-mi3 szat,-ru i-pa-szi-t,u ana dul-li sza2 _dingir lu2_-ti _du3_-szu2 x x x? _mu_-szu2 _numun_-szu2 lu-hal-liq

_kur_ (disz)(d)sin-pap-mesz-su _man kur_ asz na-mur-tu2 sza2 (disz)ka-ri-bi-dingir _man_ (kur)sa-ba-a' u2-qar-ri-ba sza2 ana dul-li sza2 _dingir_ _lu2_-ti _du3_-szu2 szu-mi3 szat,-ru i-pa-szi-t,u _an-szar2_ (d)a-num (d)sin

_kur_ (disz)(d)sin-pap-mesz-su _man kur_ asz na-mur-tu2 sza2 (disz)ka-rib-dingir _man_ (kur)sa-ba-a' u2-qar-ri-ba sza2 ana dul-li sza2 _dingir_ _lu2_-ti _du3_-szu2 x x

_kur_ (disz)(d)sin-pap-mesz-su _man kur_ asz na-mur-tu2 sza2 (disz)numun-zi-si-sa2 _dumu (disz)(d)marduk-a-asz?_ u2-qar-rib-an-ni sza2 _mu_ szat,-ru i-pa-szi-t,u ana dul-li sza2 _dingir lu2_-ti _du3_-szu2 _an-szar2 mu_-szu2 _numun_-szu2 lu-hal-liq

_kur_ (disz)(d)sin-pap-mesz-su _man kur_ asz na-mur-tu2 sza2 (disz)x-[...] x x [...] u2-qar-ri-ban-ni man-nu sza2 _mu_ szat,-ru i-pa-szi-t,u ana dul-li sza2 _dingir lu2_-ti _du3_-szu2 _an-szar2 mu_-szu2 _numun_-szu2 lu-hal-liq

_kur_ (disz)(d)sin-pap-mesz-su _man kur_ asz sza2 _mu_ szat,-ru i-pa-szi-t,u ana dul-li? sza2 _dingir lu2_-ti _du3_-szu2 x x x? _mu_-szu2 _numun_-szu2 lu-hal-liq _kur_-ti (iri)du-me-ti

_kur_ (disz)(d)sin-pap-mesz-su _man kur_ asz sza2 _mu_ szat,-ru i-pa-szi-t,u ana dul-li sza2 _dingir lu2_-ti _du3_-u-ni [...] (d)utu (d)iszkur [...] (d)u-gur _mu_-szu2 _numun_-szu2 lu-hal-li-qu _kur_-ti (iri)du-me-ti

_kur_ (disz)(d)sin-pap-mesz-su _man kur_ asz _kur_-ti (iri)du-me-ti sza2 _mu_ szat,-ru i-pa-szi-t,u ana dul-li sza2 _dingir lu2_-ti _du3_-szu2 [...] (d)sin (d)utu (d)iszkur [...] (d)x x _mu_-szu2 _numun_-szu2 lu-hal-li-qu

_kur_ (disz)(d)sin-pap-mesz-su _man kur_ asz _kur_-ti (iri)du-me-ti sza2 _mu_ szat,-ru i-pa-szi-t,u ana dul-li sza2 _dingir_ _lu2_-ti _du3_-szu2 _an-szar2_ (d)sin (d)utu _mu_-szu2 _numun_-szu2 lu-hal-li-qu

_kur_ (disz)(d)sin-pap-mesz-su _man kur_ asz-szur _kur_-ti (iri)du-ma sza2 _mu_ szat,-ru i-pa-szi-t,u ana dul-li sza2 _dingir lu2_-ti _du3_-szu2 [...] (d)1(u)-5(disz) [...] (d)muati (d)urasz _mu_-szu2 _numun_-szu2 lu-hal-li-qu

_kur_ (disz)(d)sin-pap-mesz-su _man kur_ asz _kur_-ti x [...] sza2 _mu_ szat,-ru i-pa-szi-t,u ana dul-li sza2 _dingir lu2_-ti _du3_-szu2 _an-szar2 mu_-szu2 _numun_-szu2 lu-hal-liq

_kur_ (disz)(d)sin-pap-mesz-su _man kur_ asz _(na4)nir2_ bi-nu-ut (kur)[...] [...] x-s,i-ia [...] [...] ina mah-ri-ia u2-szap-t,ar? sza2 _mu_ szat,-ru i-pa-szi-t,u ana dul-li sza2 _dingir lu2_-ti _du3_-szu2 _an-szar2_ (d)sin (d)utu [...] (d)1(u)-5(disz) (d)en? (d)[...] _mu_-szu2 _numun_-szu2 lu-hal-li-qu

_kur_ (disz)(d)sin-pap-mesz-su _man kur_ asz [...] _sza3_ (kur)za-x x? [...] _en ni_ x? sza2 ana dul-li sza2 _dingir_ _lu2_-ti _du3_-szu2 szu-mi3 szat,-ru i-pa-szi-t,u _an-szar2_ [...] (d)utu (d)x _mu_-szu2 _numun_-szu2 lu-hal-li-qu

_kur_ (disz)(d)sin-pap-mesz-su _man kur_ asz _(na4)babbar-min5?_ bi-nu-ut [...] [...] i-[...] [...] [...] x x? x? x [...] _mu_-szu2 _numun_-szu2 lu-hal-x x?

_kur_ (disz)(d)sin-pap-mesz-su _man kur_ asz sza2 _mu_ szat,-ru i-pa-szi-t,u ana dul-li sza2 _dingir_ _lu2_-ti _du3_-szu2 _an-szar2 mu_-szu2 _numun_-szu2 lu-hal-liq

_kur_ (disz)(d)sin-pap-mesz-su _man kur_ asz sza2 _mu_ szat,-ru i-pa-szi-t,u ana dul-li sza2 _dingir_ _lu2_-ti _du3_-szu2 _an-szar2_ (d)sin (d)utu? _mu_-szu2 _numun_-szu2 lu-hal-li-qu

_kur_ (disz)(d)sin-pap-mesz-su _man kur_ asz sza2 _mu_ szat,-ru i-pa-szi-t,u ana dul-li sza2 _dingir lu2_-ti _du3_-szu2 _an-szar2 mu_-szu2 _numun_-szu2 lu-hal-liq

_kur_ (disz)(d)sin-pap-mesz-su _man kur_ asz sza2 _mu_ szat,-ru i-pa-ti-szi-t,u ana dul-li sza2 _dingir lu2_-ti _du3_-szu2 _an-szar2_ (d)sin (d)utu (d)iszkur [...] (d)urasz _mu_-szu2 _numun_-szu2 lu-hal-li-qu

_kur_ (disz)(d)sin-pap-mesz-su _man kur_ asz sza2 _mu_ szat,-ru i-pa-szi-t,u [...] x [...]

_kur_ (disz)(d)sin-pap-mesz-su [...] x x x [...]

[...] x x a x [...] sza2 _mu?_-i szat,-ru i-pa-szi-t,u ana dul-li sza2 _dingir lu2_-ti _du3_-szu2 [...] (d)sin (d)utu x x x [...] (d)en (d)x x x _mu_-szu2 _numun_-szu2 lu-hal-li-qu

[...] x [...] ina mah-ri-ia? u2-szap-t,ar sza2 _mu_ szat,-ru i-pa-szi-t,u ana dul-li sza2 _dingir lu2_-ti _du3_-szu2

ana dul-li sza2 _dingir lu2_-ti _du3_-szu2 _an-szar2_ (d)sin (d)utu (d)iszkur? [...] (d)en (d)[...] _mu_-szu2 _numun_-szu2 lu-hal-li-qu

ana dul-li sza2 _dingir lu2_-ti _du3_-szu2 _an-szar2_ (d)sin (d)utu (d)iszkur? [...] (d)muati (d)urasz? _mu_-szu2 _numun_-szu2 lu-hal-li-qu

[...] x [...] [...] sza2 a-na [...] [...] _lu2_-ti _du3_-szu2 [...] [...] x [...]

[...] _du3_-szu2 [...] (d)iszkur [...] x

_e2-gal_ (disz)(d)sin-pap-mesz-su _man szu2 man kur_ asz-szur u2-ra-a-ti (na4)pi-i-li pe-s,e-e sza a-na s,a-at u4-me la u2-tab-ba-la ka-mu-nu u2-sze-pisz _(na4)dag-gaz (na4)babbar-dili (na4)babbar-min5 (na4)nir2_ szi-hi-il ni-siq-ti _na4-mesz_-ia u3 (na4)asz-pu-u2 _(na4)dur2-mi-na (na4)dur2-mi-na-banda3(+da)_ _(na4)(d)sze-tir_ (na4)a-lal-lum _(na4)gi-rim-hi-li-ba (na4)en-gi-sa6 (na4)gesz-nu11-gal_ (na4)sa-a-bu (na4)hal-tum

nu-sa-a-ti (na4)as-kup-pa-a-ti _e2-gal_-ia pa-na-at u2-ra-a-ti sza2-szi-na szap-la-a-ni _giri3-min_ mur-ni-is-qi2-ia usz-mal-li

a-na-ku (disz)(d)sin-pap-mesz-su _man kur_ asz (na4)na-ah-bu-s,u an-ni-u a-na (disz)asz-szur-dingir-mu-ti-la-bi _dumu_-ia at-ti-din man-nu sza2 _ta_ pa-ni-szu2 _ta dumu-mesz_-szu2 _dumu-me dumu-me_-szu2 i-na-asz2-szu2-u-ni _an-szar2 man dingir-mesz_ a-di _dumu-mesz_-szu2 _ti-la_ li-ki-mu-szu2-nu a-du ma-li-ke-e-szu2 _mu_-szu2-nu _numun_-szu2-nu ina _kur_ lu-hal-li-qu

a-na-ku (disz)(d)sin-pap-mesz-su _man kur_ asz (na4)kap-pu an-nu-u a-na asz-szur-dingir-mu-ti-la-bi _dumu_-ia at-ti-din man-nu sza2 _ta_ pa-ni-szu2 _ta dumu-mesz_-szu2 _dumu-me dumu-me_-szu2 i-na-asz2-szu2-u-ni _an-szar2 man dingir-mesz_ a-di _dumu-mesz_-szu2 _ti-la_ li-kim-szu2-nu a-du ma-li-ke-e-szu2 _mu_-szu2-nu _numun_-szu2-nu ina _kur_ lu-hal-li-qu

(disz)(d)sin-pap-mesz-su _man gal_-u2 _man_ dan-nu _man szu2 man kur_ asz-szur _man_ kib-rat _limmu2_-tim [...] _dumu (disz)lugal-gi-na_ [...] _man gal_-u2 _man_ dan-nu _man szu2 man kur_ asz-szur _man_ kib-rat _limmu2_-tim i-na mah-re-e ger-ri-ia sza2 (disz)(d)marduk-ibila-szum2-na _man_ (kur)kar2-(d)dun-ia2-asz3 [...] asz2-tak-an _bad5-bad5_-szu2 [...] x x x x x x x? [...] x x [...] _bur_ at-ti _ud ud_ di-ni [...] szi-pir? _szu-min_-ia2 ta-mur i-li2 [...] suk-ki ina _kur_ uri(ki) _ki_-tim

(disz)(d)suen-szesz-mesz-su _lugal gal_-u2 _lugal_ dan-nu _lugal szu2 lugal kur_ asz-szur(ki) _lugal_ kib-rat _limmu2_-tim _re-e2-um_ it-pe-szu2 mi-gir _dingir-mesz gal-mesz_ na-s,ir kit-ti ra-'i-im mi-sza2-ri e-pisz u2-sa-a-ti a-lik tap-pu-ti a-ki-i sa-hi-ru dam-qa-a-ti et,-lu git2-ma-lum zi-ka-ru qar-du a-sza2-red kal ma-al-ki rap-pu la-'i-it, la ma-gi-ri mu-szab-ri-qu za-ma-a-ni (d)asz-szur sza2-du-u2 _gal_-u2 _lugal_-ut la sza2-na-an u2-szat-li-ma-an-ni-ma _ugu_ gi-mir

a-szib pa-rak-ki u2-szar-ba-a _(gesz)tukul-mesz_-ia ul-tu _a-ab-ba_ e-le-ni-ti sza sza2-lam _(d)utu_-szi a-di _a-ab-ba_ szap-li-ti sza s,i-it _(d)utu_-szi gim-ri s,al-mat _sag-du_ u2-szak-nisz sze-pu-u2-a u3 mal-ki szep-s,u-ti e-du-ru ta-ha-zi x x? [...] u2?-zaq?-qir? hur-sza2-nisz? [...] asz2-szu2 ina ra-a-di [...] isz-de-e-szu2 la e-ne2-sze (ana?) li-me-et _bad3 iri_ [...] ki-su-u u2-sze-pi-sza2 u2-[...] sza2 _murub4 iri_ u _nina(ki) iri_ be-lu-ti-ia szu-bat-su-nu usz-rab-bi

re-ba-ti-szu2-un u2-sza2-an-dil-ma bi-re-e-ti u3 su-qa-a-ti usz-par-di-ma u2-nam-mir _gin7_ u4-me ina me2-eh-ret _abul murub4 iri_ ina a-gur2-ri (na4)pi-i-li pe-s,e-e a-na me-ti-iq _(gesz)gigir en_-ti-ia u2-sze-pisz ti-tur-ru _mu-sar_-a ab-ni-ma li-i-tu2 u da-na-nu sza [...] _ugu_ kul-lat na-ki-ri asz2-tak-ka-nu u3 mim-ma e-pisz-ti? _szu?-min_-ia u2-sza2-asz2-t,ir qe2-reb-szu2 it-ti _mu-sar_-e sza2? mal-ki a-li-kut mah-ri _ad-mesz_-ia ina _bad3 murub4 iri_ sza2 _nina(ki) iri_ be-lu-ti-ia

a-na _lugal-mesz dumu-mesz_-ia e-zib ah-ra-tasz ma-ti-ma ina _dumu-mesz_-ia ar-ku-ti sza2 _an-szar2_ a-na be-lut _kur_ u _ug3-mesz_ i-nam-bu-u zi-kir-szu e-nu-ma _bad3_ szu2-a-tu2 i-lab-bi-ru-ma en-na-hu an-hu-us-su lu-ud-disz _mu-sar_-u szi-t,ir _mu_-ia li-mur-ma _i3-gesz_ lip-szu-usz _(udu)siskur_ liq-qi2 a-na asz2-ri-szu2 li-ter (d)asz-szur u (d)isz-tar ik-ri-bi-szu i-szem-mu-u sza _ugu mu-sar_-e sza2 [...] sza2 (disz)(d)sin-pap-mesz-su [...]

[...] x x x [...] e-disz ip-pa-ar-szu2 a-szar la 'a-a-ri i-na mah-re-e-ia ger-ri-ia sza (disz)(d)mes-a-szum2-na _lugal_ (kur)kar2-(d)dun-ia2-asz3 a-di _erin2-hi-a_ elam-ma(ki) re-s,i-szu2 i-na ta-mir-ti kisz(ki) asz2-ta-kan _bad5-bad5_-szu2 i-na _murub4_ tam-ha-ri szu-a-tu e-zib _karasz_-su e-disz ip-par-szid-ma na-pisz-tusz e-t,i2-ir _(gesz)gigir-mesz ansze-kur-ra-mesz_ (gesz)s,u-um-bi _ansze-kunga-mesz_ sza i-na qit-ru-ub ta-ha-zi u2-masz-szi-ru ik-szu-da

(lu2)u2-bu-lum (lu2)da-mu-nu (lu2)gam-bu-lum (lu2)hi-in-da-ru (lu2)ru-'u-u-a (lu2)pu-qu-du (lu2)ha-am-ra-a-nu (lu2)ha-ga-ra-a-nu (lu2)na-ba-tu (lu2)li-i'-ta-a-u2 (lu2)a-ra-mu la kan-szu-ti mit-ha-risz ak-szud(ud)

_ansze-kur-ra-mesz ansze-kunga-mesz ansze-mesz ansze-gam-mal-mesz_ _gu4-nita2-mesz u8-udu-hi-a_ szal-la-tu ka-bit-tu asz2-lu-la a-na qe2-reb _kur_ asz-szur(ki) i-na me-ti-iq ger-ri-ia sza (disz)(d)muati-en-mu-mesz (lu2)qi2-pi (iri)ha-ra-ra-te _ku3-sig17 ku3-babbar_ (gesz)mu-suk-kan-ni _gal-mesz_ _ansze-mesz ansze-gam-mal-mesz gu4-mesz_ u _u8-udu-hi-a_ man-da-ta-szu2 ka-bit-tu am-hur ba-hu-la-ti (iri)hi-rim-me _(lu2)kur2_ ak-s,i i-na _(gesz)tukul-mesz_ u2-szam-qit-ma e-du ul e-zib

pag-ri-szu-un i-na ga-szi-szi a-lul-ma si-hir-ti _iri_ u2-szal-me na-gu-u2 szu-a-tu a-na esz-szu-ti as,-bat

re-sze-e-te-szu2 a-na _dingir-mesz kur_ asz-szur(ki) _en-mesz_-ia u2-kin da3-ri-szam i-na 2(disz)-e ger-ri-ia asz-szur be-li2 u2-tak-kil-an-ni-ma a-na _kur_ (lu2)kasz-szi-i u3 _kur_ ia-su-bi-gal-la-a-a sza ul-tu ul-la a-na _lugal-mesz ad-mesz_-ia la kit-nu-szu2 lu al-lik qe2-reb hur-sza2-a-ni zaq-ru-ti _a-sza3_ nam-ra-s,i i-na _ansze-kur-ra_ ar-kab-ma _(gesz)gigir giri3-min_-ia x x x? [...] _ugu_ ki-s,ir _lugal_-ti-ia u2-rad-di si-it-ti szal-la-ti na-ki-ri ka-bit-tu

sza ul-tu ul-la it-ti szi-t,ir bu-ru-u2-me es,-rat-su es,-ret-ma szu-pu-u2 s,i-in-du-szu2 asz2-ru nak-lu szu-bat pi-risz-te sza mim-ma szum-szu2 szi-pir ni-kil-ti gi-mir pel-lu-de-e ni-s,ir-ti lal3-gar szu-ta-bu-lu4 qe2-reb-szu2 am-szu-uh me-szi-ih-ta la-ba-risz _u4-mesz_ ina _illu_ kisz-sza2-ti tem-me-en-szu la e-ne2-sze as-kup-pat (na4)pi-i-li rab-ba-a-te ki-su-u-szu2 u2-sza2-as-hi-ra u2-dan-ni-na szu-pu-uk-szu2 _mu-sar_-e szi-t,ir _mu_-ia 1(disz) _me_ 1(gesz2) ti-ib-ki tam-li-i

qe2-reb-szu2 al-t,u-ur-ma szap-la-nu ina _usz8_-szu2 e-zib ah-ra-tasz ar-ka-nu szu-usz-qu-u2 tam-li-i ka-bat-ti ub-lam-ma

tar-pa-szu-u2 _ugu_ sza u4-me pa-ni u2-szar-bi s,e-er me-szi-ih-ti _e2-gal_ mah-ri-ti u2-rad-di-ma u2-sza2-an-di-la szi-kit-ta-sza2 _e2-gal (na4)dur2-mi-na-banda3(+da) (na4)gesz-nu11-gal zu2 am-si_ _(gesz)esi (gesz)taszkarin_ (gesz)mu-suk-kan-ni _(gesz)erin (gesz)szur-min3_ _(szim)li_ u3 (gesz)e-lam-ma-ku e2-gal-za3-di-nu-tuku-a a-na mu-szab _lugal_-ti-ia u2-sze-pi-sza2 qe2-reb-szu2 _(gesz)kiri6-mah_-hu tam-szil (kur)ha-ma-nim sza2 gi-mir _szim-hi-a_

qe2-reb-szu2 hur-ru-szu i-ta-a-sza2 az-qu-up asz2-szu2 za-qa-ap s,ip-pa-a-ti _a-sza3_ ta-mir-ti e-le-en _iri_ 4(disz) _pi-ta-am3_ a-na _dumu-mesz_ nina(ki) pil-ku u2-pal-lik-ma u2-szad-gi-la pa-nu-usz-szu2-un a-na mit,-ra-a-ti szum-mu-hi ul-tu pa-a-t,i (iri)ki-si-ri a-di ta-mir-te nina(ki) _kur_-a u3 bi-ru-tu2 ina ak-kul-la-te _an-bar_ u2-szat-tir-ma u2-sze-szir (i7)har-ru 1(disz) 1/2(disz) _danna2_ qaq-qa-ru ul-tu qe2-reb (i7)hu-su-ur ma-a-me da-ru-u-te a-szar-sza2 u2-szar-da-a qe2-reb s,ip-pa-a-ti

sza2-ti-na u2-szah-bi-ba pat-ti-isz ina t,e3-em _dingir_-ma qe2-reb _(gesz)kiri6-mah_-hi _gesztin_ gi-mir _gurun_ (gesz)se-er-du u _szim-hi-a_ ma-gal isz-mu-hu _(gesz)szur-min3 (gesz)mes-ma2-kan-na_ nap-har _gesz-mesz_ i-szi-hu-ma u2-s,ar-ri-szu2 pa-pa-al-lum a-na szup-szu-uh a-lak-ti _a-mesz_ sza _(gesz)kiri6-mah_-hi (i7)a-gam-mu u2-szab-szi-ma s,u-s,u-u2

[...] x x x x [...] a-na ru-qe2-e-ti in-na-bit gim-ri _kur_-szu2 _dagal_-tim _gin7 muru9_ as-hu-up (iri)mar-u2-bisz-ti (iri)ak-ku-du _iri-mesz e2 lugal_-ti-szu2 a-di 3(u) 4(disz) _iri-mesz tur-mesz_ sza li-me-ti-szu2-nu al-me _kur_-ud ap-pul aq-qur i-na (d)gesz-bar aq-mu _ug3-mesz tur gal nita_ u _munus_ _ansze-kur-ra-mesz ansze-kunga-mesz ansze-mesz ansze-gam-mal-mesz_ _gu4-mesz_ u3 _u8-udu-hi-a_ la mi-nam asz2-lu-lam-ma a-di la ba-szi-i u2-sza2-lik-szu-ma u2-s,a-hir _kur_-su [...] x [...]

[...] x x [...] x x? x [...] qe2-reb hur-sza2-a-ni zaq-ru-ti _a-sza3_ nam-ra-s,i i-na _ansze-kur-ra_ ar-kab-ma _(gesz)gigir giri3-min_-ia i-na ti-ik-ka-ti u2-sza2-asz2-szi asz2-ru szup-szu-qu i-na _giri3-min_-ia2 ri-ma-nisz at-tag-gesz (iri)e2-(disz)ki-lam-za-ah (iri)ha-ar-disz-pi (iri)e2-(disz)ku-bat-ti _iri-mesz_-ni-szu2-nu _e2 bad3-mesz_ dan-nu-ti al-me _kur_-ud _ug3-mesz ansze-kur-ra-mesz ansze-kunga-mesz ansze-mesz gu4-mesz_ u3 _u8-udu-hi-a_ ul-tu qer-bi-szu2-un u2-sze-s,a-am-ma szal-la-tisz am-nu

u3 _iri-mesz_-szu2-nu _tur-mesz_ sza ni-ba la i-szu-u2 ap-pul aq-qur u2-sze-me kar-mesz _e2 edin_ kul-ta-ri mu-sza2-bi-szu2-nu i-na (d)gesz-bar aq-mu-ma di-tal-lisz u2-sze-mi u2-ter-ma (iri)e2-(disz)ki-lam-za-ah szu-a-tu a-na bir-tu-ti as,-bat _ugu_ sza u4-me pa-ni _bad3-mesz_-szu2 u2-dan-nin-ma _ug3-mesz kur-kur_ ki-szit-ti _szu-min_-ia ina lib3-bi u2-sze-szib

_ug3-mesz kur_ (lu2)kasz-szi-i u3 _kur_ (lu2)ia-su-bi-gal-la-a-a sza la-pa-an _(gesz)tukul-mesz_-ia ip-par-szid-du ul-tu qe2-reb _kur_-i u2-sze-ri-dam-ma ina (iri)har-disz-pi (iri)e2-(disz)ku-bat-ti u2-szar-me i-na _szu-min_ (lu2)szu-ut _sag_-ia _(lu2)en-nam_ (iri)ar-rap-ha am-nu-szu2-nu-ti _(na4)na-ru2-a_ u2-sze-pisz-ma li-i-tum ki-szit-ti _szu-min_ sza2 _ugu_-szu2-un asz2-tak-ka-nu s,e-ru-usz-szu2 u2-sza2-asz2-t,ir-ma ina qer-bi _iri_ ul-ziz

pa-an ni-ri-ia2 u2-ter-ma a-na (kur)el-li-pi as,-s,a-bat har-ra-nu el-la-mu-u-a (disz)is-pa-ba-a-ra _lugal_-szu2-un _iri-mesz_-szu2 dan-nu-ti _e2_ ni-s,ir-ti-szu2 u2-masz-szir-ma a-na ru-qe2-e-ti in-na-bit gim-ri _kur_-szu _dagal_-ti _gin7 muru9_ as-hu-up (iri)mar-u2-bisz-ti (iri)ak-ku-ud-du _iri-mesz e2 lugal_-ti-szu2 a-di 3(u) 4(disz) _iri-mesz tur-mesz_ sza2 li-me-ti-szu2-nu al-me _kur_-ud ap-pul aq-qur ina (d)gesz-bar aq-mu

_ug3-mesz tur gal nita_ u _munus ansze-kur-ra-mesz ansze-kunga-mesz ansze-mesz ansze-gam-mal-mesz gu4-mesz_ u3 _u8-udu-hi-a_ la-a mi-nam asz2-lu-lam-ma a-di la ba-szi-i u2-sza2-lik-szu2-ma u2-s,a-ah-hi-ir ma-a-su (iri)s,i-s,i-ir-tu2 (iri)ku-um-ma-ah-lum _iri-mesz_ dan-nu-ti a-di _iri-mesz_-ni _tur-mesz_ sza li-me-ti-szu2-nu (kur)e2-(disz)ba-ar-ru-u2 na-gu-u a-na gi-mir-ti-szu2 ul-tu qe2-reb _kur_-szu2 ab-tuq-ma _ugu_ mi-s,ir _kur_ asz-szur(ki) u2-rad-di

(iri)el-en-za-asz2 a-na _iri lugal_-ti u3 dan-na-at na-ge-e szu-a-te as,-bat-ma _mu_-szu2 mah-ra-a u2-nak-kir-ma (iri)kar-(disz)(d)suen-szesz-mesz-eri-ba at-ta-bi ni-bit-su _ug3-mesz kur-kur_ ki-szit-ti _szu-min_-ia i-na lib3-bi u2-sze-szib i-na _szu-min_ (lu2)szu-ut _sag_-ia _(lu2)en-nam_ (iri)har-har am-nu-ma u2-rap-pisz ma-a-ti

i-na ta-a-a-ar-ti-ia sza (kur)ma-da-a-a ru-qu-ti sza i-na _lugal-mesz ad-mesz_-ia ma-am-man la isz-mu-u zi-kir _kur_-szu2-un man-da-at-ta-szu2-un ka-bit-tu am-hur a-na ni-ri be-lu-ti-ia u2-szak-ni-su-nu-ti i-na szal-szi ger-ri-ia a-na (kur)ha-at-ti lu al-lik (disz)lu-li-i _lugal_ (iri)s,i-du-un-ni pul-hi me-lam-me be-lu-ti-ia2 is-hu-up-szu2-ma a-na ru-uq-qi2 _murub4_ tam-tim in-na-bit

(iri)s,i-du-un-nu _gal_-u2 (iri)s,i-du-un-nu s,e-eh-ru (iri)e2-zi-it-te (iri)s,a-ri-ip-tu2 (iri)ma-hal-li-ba (iri)u2-szu-u2 (iri)ak-zi-bi (iri)ak-ku-u _iri-mesz_-szu2 dan-nu-ti _e2 bad3-mesz_-ni a-szar ri-i-ti u3 masz-qi2-ti _e2_ tuk-la-a-te-szu2 ra-szub-bat _(gesz)tukul_ (d)asz-szur _en_-ia is-hu-up-szu2-nu-ti-ma ik-nu-szu2 sze-pu-u-a (disz)tu-ba-a'-lu i-na _(gesz)gu-za lugal_-ti-szu2 _ugu_-szu2-un u2-sze-szib-ma _gun_ man-da-at-tu2 be-lu-ti-ia2 szat-ti-szam la ba-t,a-lu u2-kin s,e-ru-usz-szu2

sza (disz)mi-nu-hi-im-mu (iri)sam-si-mu-ru-na-a-a (disz)tu-ba-a'-lu (iri)s,i-du-un-na-a-a (disz)ab-di-li-i'-ti (iri)a-ru-da-a-a (disz)u2-ru-mil-ki (iri)gu-ub-la-a-a (disz)mi-ti-in-ti (iri)as-du-da-a-a (disz)bu-du-dingir (kur)e2-am-ma-na-a-a (disz)kam-mu-su-na-ad-bi (kur)ma-'a-ba-a-a (disz)(d)a-a-ram-mu (kur)u2-du-um-ma-a-a _lugal-mesz_-ni _kur_ mar-tu(ki) ka-li-szu2-nu _igi-sa2_-e szad-lu-ti ta-mar-ta-szu2-nu ka-bit-tu a-di 4(disz)-szu2 a-na mah-ri-ia isz-szu-nim-ma isz-szi-qu _giri3-min_-ia

u3 (disz)s,i-id-qa-a _lugal_ (iri)is-qa-lu-na sza la ik-nu-szu2 a-na ni-ri-ia2 _dingir-mesz e2 ad_-szu2 sza2-a-szu _dam_-su _dumu-mesz_-szu2 _dumu-munus-mesz_-szu2 _szesz-mesz_-szu2 _numun e2 ad_-szu2 as-su-ha-am-ma a-na _kur_ asz-szur(ki) u2-ra-asz2-szu2 (disz)lugal-lu-da3-ri _dumu_ (disz)ru-kib-ti _lugal_-szu2-nu mah-ru-u2 _ugu ug3-mesz_ (iri)is-qa-lu-na asz2-kun-ma na-dan _gun_ kad3-re-e be-lu-ti-ia2 e-mid-su-ma i-sza2-at, ab-sza2-a-ni

i-na me-ti-iq ger-ri-ia (iri)e2-da-gan-na (iri)ia-pu-u (iri)ba-na-a-a-bar-qa (iri)a-zu-ru _iri-mesz_ sza2 (disz)s,i-id-qa-a sza2 a-na _giri3-min_-ia2 ar2-hisz la ik-nu-sza2 al-me _kur_-ud asz2-lu-la szal-la-su-un _(lu2)szagina-mesz (lu2)nun-mesz_ u3 _ug3-mesz_ (iri)am-qar-ru-na sza (disz)pa-di-i _lugal_-szu2-nu _en_ a-de-e u3 ma-mit sza2 asz-szur(ki) bi-re-tu2 _an-bar_ id-du-ma a-na (disz)ha-za-qi-a-u (kur)ia-u2-da-a-a id-di-nu-szu2 nak-risz

a-na an-zil-li e-pu-szu ip-lah3 lib3-ba-szu2-un _lugal-mesz_ (kur)mu-s,u-ri _(lu2)erin2-mesz (gesz)pan (gesz)gigir-mesz ansze-kur-ra-mesz_ sza2 _lugal_ (kur)me-luh-ha e-mu-qi2 la ni-bi ik-te-ru-nim-ma il-li-ku re-s,u-su-un i-na ta-mir-ti (iri)al-ta-qu-u el-la-mu-u-a si-id-ru szit-ku-nu u2-sza2-'a-lu _(gesz)tukul-mesz_-szu2-un i-na tukul-ti (d)asz-szur _en_-ia it-ti-szu2-un am-da-hi-is,-ma asz2-ta-kan _bad5-bad5_-szu2-un

_(lu2)en (gesz)gigir-mesz_ u3 _dumu-mesz lugal-mesz_ (kur)mu-s,u-ra-a-a a-di _(lu2)en (gesz)gigir-mesz_ sza2 _lugal_ (kur)me-luh-ha bal-t,u-us-su-un i-na _murub4_ tam-ha-ri ik-szu-da _szu-min_-a-a (iri)al-ta-qu-u2 (iri)ta-am-na-a al-me _kur_-ud asz2-lu-la szal-la-su-un a-na (iri)am-qar-ru-na aq-rib-ma _(lu2)szagina-mesz (lu2)nun-mesz_ sza2 hi-it,-t,u u2-szab-szu-u2 a-duk-ma i-na di-ma-a-te si-hir-ti _iri_ a-lul pag-ri-szu2-un

_dumu-mesz iri_ e-pisz an-ni u3 gil2-la-ti a-na szal-la-ti am-nu si-it_-ti_-tu-te-szu2-nu la ba-bil hi-t,i-ti u3 gul-lul-ti sza2 a-ra-an-szu2-nu la ib-szu2-u usz-szur-szu-un aq-bi (disz)pa-di-i _lugal_-szu2-nu ul-tu qe2-reb (iri)ur-sa-li-im-mu u2-sze-s,a-am-ma i-na _(gesz)gu-za_ be-lu-ti _ugu_-szu2-un u2-sze-szib-ma man-da-at-tu2 be-lu-ti-ia2 u2-kin s,e-ru-usz-szu2

sza (disz)ha-za-qi-a-u2 (kur)ia-u2-da-a-a sza2 la ik-nu-szu2 a-na ni-ri-ia2 4(u) 6(disz) _iri-mesz_-szu2 _e2 bad3-mesz?_ dan-nu-ti u3 _iri-mesz tur-mesz_ sza li-me-ti-szu2-nu sza2 ni-ba la i-szu-u i-na szuk-bu-us a-ram-me u3 qur-ru-ub szu-pe-e mit-hu-us, zu-uk _giri3-min_ pil-szi nik-si u3 kal-ba-na-ti al-me ak-szud(ud)

sza2-a-szu2 _gin7 muszen_ qu-up-pi qe2-reb (iri)ur-sa-li-im-ma _iri lugal_-ti-szu2 e-sir2-szu (iri)hal-s,u-_mesz ugu_-szu2 u2-rak-kis-ma a-s,e-e _abul iri_-szu2 u2-ter-ra ik-ki-bu-usz _iri-mesz_-szu2 sza asz2-lu-la ul-tu qe2-reb _kur_-szu2 ab-tuq-ma a-na (disz)mi-ti-in-ti _lugal_ (iri)as-du-di u3 (disz)pa-di-i _lugal_ (iri)am-qar-ru-na (disz)gissu-en _lugal_ (kur)ha-zi-te ad-din-ma u2-s,a-ah-hir _kur_-su

e-li _gun_ mah-ri-ti na-da-an szat-ti-szu2-un man-da-at-ti kad3-re-e be-lu-ti-ia2 u2-rad-di-ma u2-kin s,e-ru-usz-szu2 szu-u2 (disz)ha-za-qi-a-u2 pu-ul-hi me-lam-me be-lu-ti-ia is-hu-pu-szu2-ma (lu2)ur2-bi u3 _(lu2)erin2-mesz_-szu2 _saga-mesz_ sza a-na dun-nu-un (iri)ur-sa-li-im-mu _iri lugal_-ti-szu2 u2-sze-ri-bu-u-ma ir-szu-u til-la-a-ti

it-ti 3(u) _gun ku3-sig17_ 8(disz) _me gun ku3-babbar_ ni-siq-ti gu-uh-li tak2-kas3-si _(na4)an-za-gul-me gal-mesz (gesz)na2-mesz zu2 (gesz)gu-za-mesz_ ne2-me-di _zu2 kusz am-si zu2 am-si (gesz)esi (gesz)taszkarin_ mim-ma szum-szu2 ni-s,ir-tu ka-bit-tu u3 _dumu-munus-mesz_-szu2 _(munus)ug3-mesz e2-gal_-szu2 _(lu2)nar-mesz (munus)nar-mesz_ a-na qe2-reb _nina(ki) iri_ be-lu-ti-ia2 _egir_-ia u2-sze-bi-lam-ma a-na na-dan man-da-at-ti u3 e-pesz _arad_-u-ti isz-pu-ra rak-bu-szu

i-na 4(disz)-e ger-ri-ia [...] u2-szad-gi-lu pa-nu-usz-szu2 [...] x x [...]

[...] al-lik x [...] [...] mim-ma szum?-szu2? ni-s,ir-tu ka-bit-tu [...] [...] x x x u3 _kur_ uri?(ki?) [...] [...] a-na na-gi-te-ra-aq-qi sza2 qe2-reb _a-ab-ba_ [...] [...] (kur)e2-ia-kin7 u3 qe2-reb (i7)a-gam-me [...] [...] _ugu en_ sa-li-mi3-i-szu2 _lugal_ elam-ma(ki) na-mur-ra-tum at-bu-uk [...] [...] qe2-reb (i7)a-gam-me e-sir-szun? x [...]

si-it-ti szal-la-ti na-ki-ri ka-bit-tu a-na gi-mir _karasz_-ia u3 _(lu2)en-nam-mesz_-ia _ug3-mesz_ ma-ha-za-a-ni-ia _gal-mesz_ ki-ma s,e-e-ni lu u2-za-'i-iz [...] x x [...]

(disz)bu-du-dingir (kur)e2-am-ma-na-a-a (disz)kam-mu-su-na-ad-bi (kur)ma-'a-ba-a-a (disz)(d)a-a-ram-mu (kur)u2-du-um-ma-a-a _lugal-mesz kur_ mar-tu(ki) ka-li-szu2-nu _igi-sa2_-e szad-lu-ti ta-mar-ta-szu2-nu ka-bit-tu a-di 4(disz)-szu2 a-na mah-ri-ia isz-szu-nim-ma isz-szi-qu _giri3-min_-ia u3 (disz)s,i-id-qa-a _lugal_ (iri)is-qa-al-lu-na sza la ik-nu-szu2 a-na ni-ri-ia

_dingir-mesz e2 ad_-szu2 sza2-a-szu _dam_-su _dumu-mesz_-szu2 _dumu-munus-mesz_-szu2 _szesz-mesz_-szu2 _numun e2 ad_-szu2 as-su-ha-am-ma a-na _kur_ asz-szur(ki) u2-ra-asz2-szu2 (disz)lugal-lu-da3-ri _dumu_ (disz)ru-kib-ti _lugal_-szu2-nu mah-ru-u2 _ugu ug3-mesz_ (iri)is-qa-al-lu-na asz2-kun-ma na-dan _gun_ kad3-re-e be-lu-ti-ia e-mid-su-ma i-sza2-t,a ab-sza2-a-ni i-na me-ti-iq ger-ri-ia (iri)e2-da-gan-na (iri)ia-pu-u (iri)ba-na-a-a-bar-qa (iri)a-zu-ru

_iri-mesz_ sza (disz)s,i-id-qa-a sza a-na _giri3-min_-ia ar2-hisz la ik-nu-szu2 al-me _kur_-ud asz2-lu-la szal-la-su-un _(lu2)szagina-mesz (lu2)nun-mesz_ u3 _ug3-mesz_ (iri)am-qar-ru-na sza (disz)pa-di-i _lugal_-szu2-nu _en_ a-di-i u3 ma-mit sza2 _kur_ asz-szur(ki) bi-re-tu2 _an-bar_ id-du-ma a-na (disz)ha-za-qi-a-u2 (kur)ia-u2-da-a-a id-di-nu-szu2 nak-risz a-na an-zil-li e-pu-szu ip-lah3 _sza3_-szu2-un _lugal-mesz_ (kur)mu-s,u-ri _(lu2)erin2-mesz (gesz)pan (gesz)gigir-mesz ansze-kur-ra-mesz_

sza _lugal_ (kur)me-luh-ha e-mu-qi2 la ni-bi ik-te-ru-nim-ma il-li-ku re-s,u-su-un i-na ta-mir-ti (iri)al-ta-qu-u2 el-la-mu-u-a si-id-ru szit-ku-nu u2-sza2-'a-lu _(gesz)tukul-mesz_-szu2-un i-na tukul-ti (d)asz-szur _en_-ia it-ti-szu2-un am-da-hi-is,-ma asz2-ta-kan _bad5-bad5_-szu2-un _(lu2)en (gesz)gigir-mesz_ u3 _dumu-mesz lugal-mesz_ (kur)mu-s,u-ra-a-a a-di _(lu2)en (gesz)gigir-mesz_ sza _lugal_ (kur)me-luh-ha bal-t,u-su-un i-na _murub4_ tam-ha-ri ik-szu-da _szu-min_-a-a

(iri)al-ta-qu-u2 (iri)ta-am-na-a al-me _kur_-ud asz2-lu-la szal-la-su-un a-na (iri)am-qar-ru-na aq-rib-ma _(lu2)szagina-mesz (lu2)nun-mesz_ sza hi-it,-t,u u2-szab-szu-u2 a-duk-ma ina di-ma-a-ti si-hir-ti _iri_ a-lul pag-ri-szu2-un _dumu-mesz iri_ e-pisz an-ni u3 gil2-la-ti a-na szal-la-ti am-nu si-it-tu-te-szu2-nu la ba-bil hi-t,i-ti u3 gul-lul-ti sza a-ra-an-szu2-nu la ib-szu-u2 usz-szur-szu2-un aq-bi (disz)pa-di-i _lugal_-szu2-nu ul-tu qe2-reb (iri)ur-sa-li-im-ma u2-sze-s,a-am-ma

i-na _(gesz)gu-za_ be-lu-ti _ugu_-szu2-un u2-sze-szib-ma man-da-at-tu2 be-lu-ti-ia u2-kin s,e-ru-usz-szu2 sza (disz)ha-za-qi-ia-u2 (kur)ia-u2-da-a-a 4(u) 6(disz) _iri-mesz_-szu2 _e2 bad3-mesz_ dan-nu-ti u3 _iri-mesz tur-mesz_ sza li-me-ti-szu2-nu sza ni-ba la i-szu-u2 i-na szuk-bu-us a-ram-me u3 qur-ru-ub szu-pe-e mit-hu-us, zu-uk _giri3-min_ pil-szi nik-si u3 kal-ba-na-ti al-me ak-szud(+ud)

sza2 la ni-bi ul-tu qer-bi-szu2-un u2-sze-s,a-am-ma szal-la-tisz am-nu

u2-szal-pit rap-szu2 na-gu-u2 (kur)ia-u2-di (disz)ha-za-qi-a-u2 _lugal_-szu e-mid ab-sza2-a-ni _lu2-mesz_ (iri)tu-mur-ra-a-a a-szi-bu-ut _kur_-i mar-s,i i-na _(gesz)tukul_ u2-szam-qit (iri)uk-ku a-di nap-har da-ad2-me-szu2 ki-ma _du6_ a-bu-bi u2-ab-bit _ug3-mesz_ (kur)hi-lak-ki a-szi-bu-ut hur-sza2-a-ni zaq-ru-ti a-nar i-na _(gesz)tukul (iri)du6_-ga-rim-mu sza pa-at, (kur)ta-ba-li _kur_-ud-ma asz2-lu-la szal-la-su (iri)na-gi-tu (iri)na-gi-tu-di-i'-bi-na (kur)hi-il-mu (kur)pil-la-tu2 (kur)hu-pa-pa-nu

na-ge-e sza _lugal (kur)elam-ma(ki)_ sza i-na e-ber-tan _a-ab-ba_ szit-ku-na-at szu-bat-sun2 sza _ug3-mesz_ (kur)e2-(disz)ia-kin7 la-pa-an _(gesz)tukul-mesz_-ia dan-nu-ti _dingir-mesz_ ma-rak _kur_-szu2-un i-na _tusz-tusz_-szu2-nu id-ku-u2 tam-tim e-bi-ru-ma u2-szi-bu qe2-reb-szu2-un i-na _(gesz)ma2-mesz_ (kur)hat-ti sza i-na nina(ki) u3 (iri)du6-bar-si-ip e-pu-szu2 tam-tim lu e-bir-ma _iri-mesz_ sza qe2-reb na-ge-e sza2-tu-nu _kur_-ud-ma i-na _gesz-bar_ aq-mu a-na _du6_ u kar-me u2-ter

_ug3-mesz_ (kur)e2-(disz)ia-kin7 u3 _dingir-mesz_-szu2-nu a-di ba-hu-la-a-te _lugal_ (kur)elam-ma(ki) asz2-lu-lam-ma a-na _kur_ asz-szur(ki) u2-ra-a [...] x [...] x x [...] sza la-pa?-an? [...] i-na mi-[...] x x x x [...]

x [...] al?-lik? [...] ar?-ka? szu?-u2? _lugal_ (kur)elam-ma(ki) (kur)par-su-asz2 (kur)an-za-an (kur)pa-szi-ru (kur)el-li-pi nap-har (lu2)kal-di u3 (lu2)a-ra-me ka-li-szu2-un kit-ru _gal_-u2 ik-te-ra it-ti-szu2 a-di _lugal_ babila2(ki) _dumu-mesz_ babila2(ki) bar2-sipa(ki) a-na a-ha-mesz iq-ri-bu-ma a-na e-pesz ta-ha-zi a-di (iri)ha-lu-le-e [...] a-na-ku a-na (d)asz-szur (d)sin (d)utu (d)en (d)muati (d)u-gur

(d)inanna sza nina(ki) (d)inanna sza (iri)limmu2-dingir _dingir-mesz_ ti-ik-li-ia a-na ka-sza2-di _(lu2)kur2_ dan-ni am-hur-szu2-nu-ti-ma su-pe-e-a ur-ru-hi-isz isz-mu-u2 il-li-ku re-s,u-ti [...] x szu-zu-zu an-na-an-dir-ma at-tal-bi-sza2 si-ri-ia-am hu-li-ia-am si-mat s,i-il-te a-pi-ra ra-szu-u2-a i-na _(gesz)gigir me3_-ia s,ir-ti sa-pi-na-at za-'i-i-ri i-na ug-gat lib3-bi-ia ar-ta-kab ha-an-t,isz _(gesz)pan_ dan-na-tu2 sza (d)asz-szur u2-szat-li-ma i-na _szu-min_-ia as,-bat

(gesz)szil-ta-hu pa-ri-i' nap-sza2-ti at-muh rit-tu-u-a [...] x x? _gin7?_ (d)iszkur asz2-gu-um [...] x [...] x [...] x? x [...]-i x x x x? sza _(gesz)gigir me3_-ia sa-pi-na-at rag-gi u3 s,e-ni da-mu u par-szu2 rit-muk ma-gar-ru-usz pag-ri qu-ra-di-szu2-nu ki-ma ur-qi2-ti u2-mal-la-a s,e-e-ru sa-ap-sa-pa-te u2-na-kis-ma (bal-ta-szu2-un a-bu-ut) ki-ma bi-ni qisz-sze-e u2-na-kis rit-ti-szu2-un? _har-mesz_ as-pi _ku3-sig17 ki-sag_ eb-bi sza2 rit-ti-szu2-nu am-hur

i-na nam-s,a-ri zaq-tu-ti hu-s,a-an-ni-szu2-nu u2-par-ri-i' _gir2-mesz_ szib-bi _ku3-sig17 ku3-babbar_ sza2 _murub4-mesz_-szu2-nu e-kim si-it-ti _(lu2)gal-mesz_-szu2 a-di (disz)(d)muati-mu-isz-kun _dumu_ (disz)(d)marduk-ibila-szum2-na sza la-pa-an _me3_-ia ip-la-hu id-ku-u2 _a2-min_-szu2-un [...] bal-t,u-su-un ik-szu-da _szu-min_-a-a [...] a-di _ansze-kunga-mesz_ _lugal_ babila2(ki) u3 _lugal_ (kur)elam-ma(ki) (gesz)za-ra-te-szu2-un u2-masz-sze-ru-(ma)

a-na szu-zu-ub _zi-mesz_-szu2-nu pag-ri _erin2-hi-a_-szu2-un u2-da-'i-i-szu2 e-ti-qu ki-i sza at-mi _tu(muszen)_ kusz-szu-di i-tar-ra-ku _sza3-mesz_-szu2-un szi-na-te-szu2-un u2-s,ar-ra-pu qe2-reb _(gesz)gigir-mesz_-szu2-nu u2-masz-szi-ru-ni zu-u2-szu2-un [...] u2 x x x [...] x x x x x [...] x x x x x x [...] x x x x?

(lu2)kal?-da?-a?-a? [...]-nu la ha-sis a-ma-ti _(lu2)a sig arad_ da-gil2 pa-ni _(lu2)en-nam_ (iri)la-hi-ri [...] sza i-na _sza3_ u4-me sza _ad_-ia la?-pa-an t,a-re-e u3 ba-qa-me sza (lu2)x x [...] is,-s,u-risz in-nab-tu-ma i-rap-pu-du ka-ma-a-ti i-na si-hi u3 bar-ti [...] qe2-reb babila2(ki) e-ru-bu-ma im-ma-nu-u it-ti-szu2-un _ugu_-szu2-nu u2-szar-bu-szu2-ma _lugal_-ut _kur eme-gi7_ u3 uri(ki) u2-szad-gi-lu pa-nu-usz-szu2

a-na babila2(ki) sza hi-t,i-tu ma-gal ir-szu-u2 [...] (disz)szu-zu-bu? (lu2)kal-da-a-a _dumu_ la mam2-ma-na-ma et,-lu dun-na-mu-u2 sza la i-szu-u2 e-mu-qi [...] x-ut babila2(ki) isz-szak-nu _lu2?-mesz_ babila2(ki) sza si-hi i-pu-szu2 (lu2)kal-du (lu2)a-ra-mu? [...] hal-qu (lu2)mun-nab-tu sza ina _sza3 igi-sa2_-e u3 t,a-a'-ti it-ti-szu2-nu in-nen-du [...]-x-tu-ma isz-ku-nu ma-mi-tu2 _e2 nig2-gur11_ e2-sag-il2 ip-tu-ma _ku3-babbar ku3-sig17_ ni-siq-ti _na4-mesz_ sza a-na (d)en u (d)zar-pa-ni-tum

u2-qa-i-sza2 qi-sza2-a-ti _nig2-szu nig2-gur11 e2 dingir-mesz_-szu2-nu a-na (disz)um-man-me-na-nu _lugal_ elam-ma(ki) la ra-asz2 t,e3-e-mi u3 mil-ki kad3-ra-a u2-sze-bi-lu-usz t,a-a'-tu2? [...] x-a pa-na-tu-ma isz-ku-nu ma-mi-ti a-na di-ku-ti um-ma-ni-szu2 a-na [...] u2-ma-'e-ru-szu2? ur-tu um-ma-an-szu2 u2-pa-ah-hir-ma _(gesz)gigir-mesz_ (gesz)s,u-um-bi e-szu-ra [...] (kur)par-su-asz2 (kur)an-za-an (kur)pa-szi-ru (kur)el-li-pi (lu2)ia-as-il3 (lu2)la-kab-ra (lu2)ha-ar-zu-nu

[...] x ru-um-mu-ku? [...]-si-isz [...] x x [...] a-na _hul_-tim a-na _kur_ x [...] a-a-um-ma _nun_-u2 _egir_-u2 [...] u2-nak-ka-ru-ma i-na mim-ma szi-pir ni-kil-ti [...] i-pa-asz2-szi-t,u _an-szar2_ (d)a-nim (d)sin (d)utu (d)iszkur [...] _dingir-mesz kur_ asz-szur(ki) _du3_-szu2-nu _mu_-szu2-nu _numun_-szu2-nu _nunuz_-szu2-nu (u3) na-an-nab-szu2-nu [...] li-hal-li-qu

(lu2)kal-da-a-a? [...]-nu la ha-sis a-ma-ti _(lu2)a sig (lu2)arad_ da-gil2 pa-ni _(lu2)en-nam_ (iri)la-hi-ri [...] sza i-na _sza3_ u4-me sza _ad_-ia la-pa-an t,a-re-e u3 ba-qa-me sza _lu2_ [...] is,-s,u-risz in-nab-tu-ma i-rap-pu-du ka-ma-a-ti i-na si-hi u3 bar-ti [...] qe2-reb babila2(ki) e-ru-bu-ma im-ma-nu-u it-ti-szu2-un _ugu_-szu2-nu u2-szar-bu-szu2-ma _lugal_-ut _kur eme-gi7_ u3 uri(ki) u2-szad-gi-lu pa-nu-usz-szu2

a-na babila2(ki) sza hi-t,i-tu ma-gal ir-szu-u2 [...] (disz)szu-zu-bu? (lu2)kal-da-a-a _dumu_ la mam2-ma-na-ma et,-lu dun-na-mu-u2 sza la i-szu-u2 e-mu-qi [...] x-ut babila2(ki) isz-szak-nu _lu2-mesz?_ babila2(ki) sza si-hi i-pu-szu2 (lu2)kal-du (lu2)a-ra-mu? [...] hal-qu (lu2)mun-nab-tu sza ina _sza3 igi-sa2_-e u3 t,a-a'-ti it-ti-szu2-nu in-nen-du [...]-x-tu-ma isz-ku-nu ma-mi-tu2 _e2 nig2-gur11_ sza e2-sag-il2 ip-tu-ma _ku3-babbar ku3-sig17_ ni-siq-ti _na4-mesz_ sza a-na (d)en u (d)zar-pa-ni-tum

u2-qa-i-sza2 qi-sza2-a-ti _nig2-szu nig2-gur11 e2 dingir-mesz_-szu2-nu a-na (disz)um-man-me-na-nu _lugal_ elam-ma(ki) la ra-asz2 t,e3-e-mi u3 mil-ki kad3-ra-a u2-sze-bi-lu-usz t,a-a'-tu2? [...] x-a pa-na-tu-ma isz-ku-nu ma-mi-ti a-na di-ku-ti um-ma-ni-szu2 a-na [...] u2-ma-'e-ru?-szu2? ur-tu um-ma-an-szu2 u2-pa-ah-hir-ma _(gesz)gigir-mesz_ (gesz)s,u-um-bi e-szu-ra [...] x x x? a-a-um-ma _nun_-u2 _egir_-u2 [...] u2-nak-ka-ru-ma i-na mim-ma szi-pir ni-kil-ti [...] i-pa-asz2-szi-t,u

_an-szar2_ (d)a-nim (d)sin (d)utu (d)iszkur [...] _dingir-mesz kur_ asz-szur(ki) _du3_-szu2-nu _mu_-szu2-nu _numun_-szu2-nu _nunuz_-szu2-nu (u3) na-an-nab-szu2-nu [...] li-hal-li-qu [...] x

[...] x [...] [...] _gin7_ [...] [...]-di it-tak-lu-ma a-na e-muq _an_ x [...] [...] szit-ku-nu-ma ul-lu-s,u ma-lu-u ri-sza2-a-ti [...] [...] x a-na e-mu-qi-ia rab-ba-a-ti sza _an-szar2 lugal dingir-mesz_ [...] [...] ul ar-hu-us,-ma a-na _an-szar2 dingir_-ia at-kil a-na-ku a-na _an-szar2?_ (d)sin? (d)utu? (d)u-gur? [...] (d)1(u)-5(disz) sza nina(ki) (d)1(u)-5(disz) sza (iri)limmu2-dingir (d)en (d)muati sza _an_ [...] [...] _dingir-mesz_ ti-ik-le-e-a a-na ka-sza2-di um-man _(lu2)kur2_ am-hur-szu-nu-ti-ma

su-pe-e-a ur-ru-hisz isz-mu-u2 il-li-ku re-s,u-u2-ti ki-ma la-ab-bi na-ad-ri [...] [...] at-tal-bi-sza2 si-ri-ia-am hu-li-ia-am si-mat ta-ha-zi a-pi-ra ra-szu-u2-a i-na _(gesz)gigir me3_-ia s,ir-ti sa-pi-na-at za-'i-i-ri i-na ug-gat lib3-bi-ia ar-ta-kab

(disz)(d)sin-pap-mesz-su _man szu2 man kur_ asz_ i-na _kur-mesz_ dan-nu-ti sza bal-t,i sza re-'i ha-a-mu hu-s,a-bu i-na lib3-bi la-asz2-szu-ni (gesz)gu-up-ni dan-nu-ti sza (gesz)e-e'-ri i-na lib3-bi sze-ru-'u-u2-ni sza2-a-ru dan-nu ka-a-a-ma-nu i-na bir-tu-usz-szu-nu a-la-ku la i-par-ra-as i-na sza2-ka-a-ni sza ma-dak-ti-ia bal-t,u 2(disz)-u2 i-na _sza3_-szu masz-ka-na la ub-la ana-ku a-di _erin2-hi-a_-ia u2-sa-am-ri-is, ina muh-hi-szu2-nu ($erasure$) ar-ti-di _e2_-ku-bat

(disz)(d)marduk-a-szum2-na _lugal_ (kur)kar2-(d)dun-ia2-asz3 ti-ib _me3_-ia e-dur2-ma (tug2)s,u-ba-tu2 be-lu-ti-szu2 u2-szar-rit,-ma ($erasure$) _ta_ babila-min(ki) ur-ru-hi-isz u2-s,i (disz)szu-zu-bu _lugal ni2-gi_ sza _lugal_-ut babila2(ki) ra-ma-nu-usz u2-ter-ru hur-ba-szu2 ta-ha-zi-ia im-qu-su-ma ir-sza2-a ma-na-ah-tu2 ul-tu s,e-er _ansze-kur-ra_ qaq-qa-risz im-qu-ut x x _kur eme-gi7_ x x (kur)eme-luh-ha

(disz)(d)suen?-szesz-mesz-eri-ba? [...] (disz)(d)marduk-ibila-szum2-na [...] ti-ib ta-ha-zi-szu e-du-ur-ma [...] _ta_ babila-min(ki) ur-ru-hi-isz u2-s,i [...] (disz)(d)sin-pap-mesz-eri-ba _man szu2 man_ asz-szur(ki) [...] i-na ul-s,i u3 ri-sza2-a-ti [...] i-na qe2-reb babila-min(ki) a-na _e2?-gal?_ [...] _i3-gesz-mesz du10-ga_ pi-szat _lugal_-u-ti [...]

me2-eh-ret za-me-e at-man-ni ku-tal (d)isz-tar

sza2-ni-tum mu-uh-hur-ti sza2-a-ri a-mur-ri ku-tal _e2_ ziq-qur-rat _e2_ (d)isz-tar

_us2-sa-du_ (i7)idigna tam-la-a u2-mal-li am-szu-uh me-szi-ih-ta asz2-szu2 szip-ri _e2-gal_-ia szu-te-szu-ri u3 li-pit _szu-min_-ia szul-lu-me i-na u4-me-szu-ma (d)asz-szur u3 (d)isz-tar sza (na4)pi-i-li pe-s,e-e ina (iri)ba-la-t,a-a-a [...] x [...] [...] x [...] _szunigin 8(disz) abul-mesz (d)utu-e3_ me2-eh-ret (tu15)szu-u2-ti u3 (tu15)sza2-de-e az-ku-ra ni-bit-si-in (d)iszkur sza2-ri-ik _he2-gal2_ a-na _kur_ _abul_ (d)iszkur sza (kur)am-ba-si (d)er3-ra mu-szam-qit a-a-bi-ia

(d)igi-sig7-sig7 mu-szam-me-eh s,ip-pa-a-ti _abul (gesz)kiri6-mesz szunigin 3(disz) abul-mesz_ sza me2-eh-ret (tu15)il-ta-ni at-ta-bi zi-kir-szin (d)e2-a mu-sze-szir kup3-pi-ia _abul_ ma-as-qe2-e mu-sze-ri-bat mi-szir3-ti da-ad2-me _abul_ ka-a-ri

(disz)(d)sin-pap-mesz-eri-ba _lugal gal lugal_ dan-nu _lugal szu2 lugal kur_ asz-szur(ki) _lugal_ kib-rat _limmu2_-tim mi-gir _dingir-mesz gal-mesz_ (d)asz-szur [...] _ta_ s,i-it (d)szam-szi a-di e-reb (d)szam-szi _lugal-mesz_-ni la ma-gi-ri sze-pu-usz-szu2 u2-szak-nisz-ma i-szu-t,u ab-sza2-an-szu2 e-nu-szu2 ina x [...] _e2-gal?_ ku-tal-li? sza qe2-reb (iri)ni-na-a a-na? [...] x _ansze-kunga-mesz_ asz2-szu2 x [...] szuk-nu-szi a-na ni-i-ri u3 [...] sa-naq mim-ma szum-szu2 ma-la ba-szu-u2 [...]

u2-szak-ni-szu2 sze-pu-u2-a x x x x? x [...] _(na4)(d)sze-tir na4_ qa-be2-e ma-ga-a-ri ri-ih-s,u szu-tu-qi _maszkim2_ a-na _lu2 nu te_-e sza ul-tu _giri3-min_ (kur)ni-pur _kur_-i t,a-bisz ib-bab-la _(na4)dur2-mi-na-banda3(+da)_ (na4)[...] ziq-ti pu-luh-ti a-na _lu2 nu te_-e [...] x x x x x x x x [...] [...] x x x x [...] [...] s,e-ru-usz-szu2? [...] [...] x x x [...]

e-nu _an-szar2 lugal dingir-mesz_ sza2 _an_-e u3 _ki_-tim [...] _ad du3 dingir-mesz_ a-sza2-red mah-[...] mut-tal-ku s,i-i-ru sza a-na mil-ki szu-tu-ru [...] na-din _(gesz)gidru (gesz)gu-za bala_-e [...] (d)nin-lil2 hi-rat _an-szar2_ ma-al-kat3 _du3 dingir-mesz_ [...] sza ina qi2-bit pi-i-sza2 x [...] (d)sin _en esz-bar_ na-asz2 qar-ni gasz-ra-a-ti [...] sza a-na na-dan ur-ti [...] (d)utu _di-ku5-gal dingir-mesz_ mu-sze-s,u-u nu?-ri? [...] sza a-na nu-ri-szu2 nam-ri bu-[...]

(d)a-num be-lum szur-bu-u2 i-lit-ti _an-szar2_ a-bi _dingir-mesz_ [...] (d)iszkur _gu2-gal an_-e u _ki_-tim _en im_ u _nim-gir2_ [...] na-din te-'u-u2-ti a-na bu-ul (d)szakkan2 [...] (d)isz-tar szar-rat sza2-ma-mi u _mul-mesz_ sza2 ru-x [...] (d)marduk _abgal dingir-mesz masz-masz_ (d)i2-gi3-gi3 u (d)a-nun-na-ki [...] (d)nin-urta _dumu_ (d)en-lil2 git2-ma-lu a-sza2-red x [...] iz-za-zu-ma u2-x [...] (d)ag _sukkal an-szar2_ [...] (d)u-gur _en_ a-ba-ri u du-un-ni sza2 [...]

(d)7(disz)-bi _dingir-mesz_ qar-du-ti x [...] _dingir-mesz gal-mesz en-mesz_-ia [...] ib-ru-u2-ma kul-lat [...] ip-pal-su-in-ni [...] (d)sin (d)nin-gal [...] _e2?-gal?_-szu2? [...] 6(disz) _(na4)na-ru2_-e _du3?_-usz? s,a-lam _dingir-mesz gal-mesz en-mesz_-ia ab-ta-ni qe2-reb-szu2-un u3 s,a-lam _lugal_-ti-ia la-bi-in ap-pi ma-har-szu2-un ul-ziz mim-ma lip-ta-at _szu-min_-ia sza qe2-reb nina(ki) i-tep-pu-szu2 s,e-ru-usz-szu2-un u2-sza2-asz2-t,ir-ma

a-na _lugal-mesz_-ni _dumu-mesz_-ia e-zib s,a-ti-isz ma-ti-ma _nun_ ar-ku-u i-na _lugal-mesz_-ni _dumu-mesz_-ia sza2 e-pisz-ti e-pu-szu2 u2-sah-hu-u2 rik-sa-te ar-ku-sa i-pat,-t,a-ru _a-mesz_ pat-ta-a-ti sza2-ti-na ul-tu ta-mir-ti nina(ki) i-par-ra-su ma-lak-szin _dingir-mesz gal-mesz_ ma-la ina _sza3 (na4)na-ru2_-e an-ne2-e szu-mu na-bu-u2 ina s,i-it pi-i-szu2-nu el-li sza la na-ka-ri ar-rat ma-ru-usz-ti li-ru-ru-szu2-ma (lis-ki-pu _bala_-szu2)

sza2-a-szu2 u ma-li-ki-szu2 _mu_-szu2-nu _numun_-szu2-nu _nunuz_-szu2-nu (u3) na-an-nab-szu2-nu [...] li-hal-li-qu sza ina _ugu_ [...]

[...] x x [...] [...] sza2 pa-an x x x x ta-ma-a-ti [...] [...] sza ina [...] ma-ta-a-ti ma-hi-ra la i-szu-u2 x [...] [...] ra-'i-im mi-sza2-ri a-lik tap-pu-ut a-ki-i [...] [...]-dun-ni zaq-ru u2-[...] [...] rap-pu la-'i-it, la ma-gi-ri mu-szab-ri-qu za-ma-a-ni [...] x nu-'u-da-at be-lut-su e-pisz _kur_ asz-szur(ki) [...] mu-ab-bit da-ad2-me-szu2 mu-szah-ru-u2 _i7-mesz_ pe-tu-u mit,-ra-a-ti [...] sza2-kin nu-uh-szu2 u3 t,uh-du x x x x [...] [...] _kur_ asz-szur(ki) x [...] [...] x [...] [...] x x [...]

[...] i-na szi-pir _szu-min lu2_-tim _ka2_-szu2 la ip-pe-te9 ki-ma bi-bil lib3-bi _dingir-mesz_ u2-szah-bab ma-a-me isz-tu _i7_ ap-pal-su-ma usz-te-esz-sze-ra szi-pir-sza2 a-na _dingir-mesz gal-mesz_ a-lik i-di-ia mu-kin-nu _bala_-ia _gu4-mesz niga-mesz udu-mesz_ du-usz-szu2-ti _(udu)siskur-mesz_ eb-be2-ti lu aq-qi2 _(lu2)erin2-mesz_ szu-nu-ti sza _i7_ szu-a-tu ih-ru-u2 _(tug2)gada tug2-mesz_ bir-me u2-hal-lip-szu2-nu-ti _har-mesz_ _ku3-sig17 gaba-mesz ku3-sig17_ asz2-kun-szu2-nu-ti ina x [...]

[...] x x x [...] [...] la? i-du-u hi-ri-s,u [...] mu-szar-szid szi-pir (d)kulla ul-tu2 szi-pir bal-t,u-ti a-di _ki-mah_ si-mat mi-tu-tu ina (na4?)pi-i-li? [...] _an-szar2_ pa-qid (d)i2-gi3-gi3 u (d)a-nun-na-ki _ad du3 dingir-mesz_ [...] _ugu_ gim-ri a-szib pa-rak-ki u2-szar-ba-a _(gesz)tukul-mesz_-ia [...] ul-tu tam-tim e-li-ti sza2 e-reb _(d)utu_-szi a-di tam-tim szap-li-ti sza2 s,i-it _(d)utu_-szi (gi-mir) mal-ki sza kib-ra-a-ti sze-pu-u-a u2-szak-nisz-ma i-szu-t,u ab-sza2-a-ni i-na u4-me-szu-ma nina(ki)

ma-ha-zu s,i-i-ru szu-x [...] szu-bat-su? s,u-uh-hu-rat _iri_ szu-pu-u [...] x x x _du6?_ u3 sza2 u4-me pa-ni szu-bat-su ma-am?-man? [...] [...] x x x x? e2-gal-za3-di-nu-tuku-a [...] [...] x-de-e-ma? [...] u3? _ug3-mesz_-szu2? _a-mesz?_ szi-qi? la? i-da-a-ma? a-na? zu-un-ni? ti-ik? _an_-e? tur-ru-s,a? _igi-min-mesz_-szun? [...] [...] x [...] [...] a-na me2-resz _sze_-am u3 _sze-gesz-i3_ u2-szam-ka-ra szat-ti-szam _nun_ ar-ku-u2 i-na _lugal-mesz_-ni _dumu-mesz_-ia

sza it-ti lib3-bi usz-tam-mu-ma a-na qa-a-pi la tur-ru i-tam-ma? a-ki-i i-na _sza3? (lu2)erin2-mesz_ an-nu-ti e-s,u-ti _i7_ szu-a-tu u2-szah-ri ni-isz (d)asz-szur _dingir_-ia _gal_ at-ta-ma-a szum-ma ina _sza3 (lu2)erin2-mesz_ an-nu-ti _i7_ szu-a-tu la ah-ru-u u3 i-na _mu-an-na 3(disz) iti_ la u2-qat-tu-u2 szi-pir-sza2 [...] la ig-gam-ru-u2 u2-qat-tu-u2 hi-ru-sa a-na pa-te-e _i7_ szu-a-tu2 _(lu2)masz-masz (lu2)gala_ u2-ma-'e-er-ma u2-szat-[...]

_(na4)gug (na4)za-gin3 (na4)musz-gir2 (na4)babbar-dili-mesz na4-mesz_ ni-siq-ti _bal-gi(ku6) nig2-bun2-na(ku6)_ tam-szil pi2-ti-iq _ku3-babbar ku3-sig17 szim-hi-a i3-gesz du10-ga_ a-na (d)e2-a _en_ nag-bi kup-pi u3 ta-[...] (d)en-bi-lu-lu _gu2-gal i7-mesz_ (d)en-e-im-du _en e_ u _pa5_ u2-qa-a-a-isz qi2-sza2-a-ti a-na _dingir-mesz gal-mesz_ ut-nin-ma su-up-pi-ia isz-mu-ma u2-sze-szi-ru li-pit _szu-min_-ia _ka2 i7_ szu-a-tu ba-lu? _(gesz)mar_ u3 _(gesz)mar-sze-ra-ah_ a-na ra-ma-ni-szu

ip-pe-te9-ma u2-szar-da-a _a-mesz he2-nun_ [...] [...] x x? [...]

(d)geszkim-masz _man szar2 a_ (d)silim-nu-masz _man kur_ asz-szur _kur_-ti (kur)kar2-du-ni-szi mu-ne2-kir6 _sar_-ia _mu_-ia asz-szur (d)iszkur _mu_-szu2 _kur_-su lu-hal-li-qu _(na4)kiszib3_ an-nu-u _ta kur_ asz-szur ana _kur_ uri(ki) sza2-ri-ik ta-din ana-ku (disz)(d)sin-pap-mesz-su _man kur_ asz-szur ina _6(disz) me mu-mesz_ babila _kur_-ud-ma _ta nig2-gur11 ka2-dingir_ us-se-s,i-asz2-szu2 _nig2-gur11_ sza-ga-ra-ak-ti-szur-ia-asz _lugal kisz_

_kur_-ti (kur)kar2-du-ni-szi mu-ne2-kir6 _sar_-ia _mu_-ia asz-szur (d)iszkur _mu_-szu2 _kur_-su lu-hal-li-qu _nig2-gur11_ sza-ga-ra-ak-ti-szur-ia-asz _lugal kisz_ sza2 ina _ugu (na4)kiszib3_ sza _za-gin3_

ina _ugu (na4)kiszib3_ qal3 _na4 geszgal_ sza [...] ki-i an-ni-i ta-szat,-t,ar? _kur_ (disz)(d)sin-pap-mesz-su _lugal kur_ asz-szur(ki) _na4_ sza _ta sza3_ (iri)ga-la-x-x? asz2-sza2-an-ni ina _igi_-ia u2-szap-t,ar man-nu sza _mu_ szat,-ru i-pa-(asz2)-szi-t,u a-na dul-li sza2 _dingir_ u3 _lu2_-ti _du3_-szu2 (d)asz-szur (d)sin (d)utu _mu_-szu2 _numun_-szu2 lu-hal-li-qu _e2-gal_ (disz)(d)sin-pap-mesz-su _lugal kur_ asz-szur(ki) _na4_ sza _ta sza3_ (iri)ga-la-x-x? [...] asz2-sza2-an-ni ina _igi_-ia u2-szap-t,ar

man-nu sza _mu_ szat,-ru i-pa-(asz2)-szi-t,u a-na dul-li sza _dingir_ u3 _lu2_-ti _du3_-szu2 (d)asz-szur (d)sin (d)utu (d)iszkur (d)1(u)-5(disz) (d)x x _mu_-szu2 _numun_-szu2 lu-hal-li-qu

a-na te-re-ti? [...] (d)i2-gi3-gi3 _ab_ x [...] a-na nik-la-ti-ia sza2 qe2-reb x [...] (d)a-nun-na-ki pal-hisz li-qu?-lu?

_dub nam-mesz_ ri-kis (d)en-lil2-u2-ti be-lu-ut _dingir-mesz_ sza2 _an_-e u3 er-s,e-ti _lugal_-u2-ut (d)i2-gi3-gi3 u3 (d)a-nun-na-ki pi-risz-ti sza2-ma-mu u3 esz3-mah-(hi) mar-kas2 er-mi a-nu u ga-an-zer3 s,er-ret te-ne2-sze-ti? sza2 _an-szar2 lugal dingir-mesz_ qa-tusz-szu2 is,-ba-tu-ma it-mu-hu ir-tusz-szu2 s,a-lam bi-na-ti-szu2 tam-szil si-ma-ti-szu2 s,e-ru-usz-szu2 x x s,er-re-e-ti _an_-e _gal-mesz_ mar-kas2 (d)i2-gi3-gi3 u (d)a-nun-na-ki u2-kal rit-tusz-szu2

s,a-lam (d)sin-szesz-mesz-su _lugal kisz lugal kur_ asz-szur e-pisz s,a-lam _an-szar2_ (d)a-nim (d)sin (d)utu (d)iszkur _dingir-mah_ (d)1(u)-5(disz) sza2 e2-kid-mur-ri _sipa_ la-bi-in ap-pi mu-ter _sag-din an-szar2 en_-szu2 ina mah-har s,a-lam _an-szar2 en_-szu2 usz-ziz _an-szar2 ad? an_-e _lugal dingir-mesz_ mu-szim _nam-mesz_ e-disz _dub nam-mesz_ sza2 _dingir-mesz_ ina _szu-min_-ka tam-ha-ta _bala_-e (d)sin-szesz-mesz-su _lugal kur_ asz-szur ina _szu-min_-ka s,a-bat-ma

_nam-mesz saga-mesz nam-mesz_ ba?-la?-t,u? _lugal_-ti szi?-i?-ma szim-ti ina nap-har a-szib pa-rak-ki re-szi-ia ul-li-ma _suhusz (gesz)gu-za_-ia2 _gin7 kur_-i li-kun a-na u4-mi re-qu-ti a-na ia-a-szi za-ni-ni-ka ul-tu s,i-it (d)szam-szi a-di e-reb _(d)utu_-szi a-na ni-ri-ia szuk-ni-isz kul-lat? _kur-mesz? ug3-mesz_ s,al-mat _sag-du_ lisz-te-me-qa-ka _dumu-mesz_-e-a _dumu dumu-mesz_-e-a _bala-mesz_-e-a _nunuz-mesz_-e-a? it-ti s,al-mat _sag-du_ li-ku-nu a-na u4-me? s,a-a-ti

a-na _an-szar2 lugal_ kisz-szat _dingir-mesz_ ba-nu-u ram-ni-szu2 _ad dingir-mesz gal-mesz_ sza ina _zu-ab_ isz-mu-hu gat-tu-usz _lugal an_-e u _ki_-tim _en dingir-mesz_ ka-la-ma sza2-pi-ik (d)i2-gi3-gi3 u (d)a-nun-na-ki pa-ti-iq er-mi (d)a-nim u ki-gal-li e-pisz kul-lat da-ad2-me a-szib bu-ru-mu _ku3-mesz (d)en-lil2 dingir-mesz_ mu-szim _nam-mesz_ a-szib e2-szar2-ra sza2 qe2-reb bal-til(ki) _en gal_-i _en_-szu2 (disz)(d)sin-pap-mesz-su

_man kur_ asz-szur(ki) e-pisz s,a-lam _an-szar2_ u _dingir-mesz gal-mesz_ a-na _ti-la_-szu2? _gid2-da u4-mesz_-szu2 _du10_-ub lib3-bi-szu2 _gin bala_-szu2 [...] _li-li-iz3 zabar husz-a_ pi-ti-iq [...] sza2 ina szi-pir (d)szi-ka-gu e-rim _kusz?_ [...] nak-lisz u2-sze-pisz-ma a-na sa-la-mi-szu2 [...] u3 nu-uh lib3-bi-szu2 x x [...] _u4 5(disz)-kam2 u4 7(disz)-kam2_ x [...] u3 i-sin-ni [...]

(disz)(d)sin-pap-mesz-su _man kur_ asz-szur(ki) e-pisz s,a-lam _an-szar2_ u3 _dingir-mesz gal-mesz_ _e2_ a-ki-it _edin_ sza2 _ezen_ qe2-re-ti sza2 ul-tu _u4-mesz su3-mesz_ im-ma-szu-u ina bi-ri qi2-bit (d)utu u (d)iszkur _du3_-usz? e2-(a)-ab?-ba?-ug5-ga _e2_ ka-mu-u tam?-tim _mu_-szu2 am-bi _mu e2_ pa-pa-hi-szu2 e2-dub3-dub3-ab-ba _e2_ mu-ri?-ib? ki-s,ir tam-tim ni-bit-su az-kur _abul zabar husz-a_ sza2 ma-la a-ga-sa-lak-ki ina szi-pir (d)simug

u nik-lat _ni2_-ia u2-sze-pisz-ma s,a-lam _an-szar2_ sza2 a-na _sza3_ ti-amat s,al-ti _du_-ku _(gesz)pan_ ki-i sza2 na-szu-u2 ina _(gesz)gigir_ sza2 ra-ak-bu a-bu-bu sza2 s,a-an-du (d)mar-tu sza2 a-na mu-kil ap-pa-a-ti it-ti-szu2 rak-bu a-na _ugu_ pi-i sza2 (d)utu u (d)iszkur ina bi-ri iq-bu-nim-ma s,e-er _abul_ sza2-a-szu2 e-s,ir _dingir-mesz_ ma-la ina _igi_-szu2 _du_-ku u3 _egir_-szu2 _du_-ku sza2 ru-ku-bu rak-bu sza2 ina _giri3-min_-szu2-nu _du_-ku man-zal-ta-szu2-nu ki-i sza2 ina _igi an-szar2_

si-id-ru u _egir an-szar2_ si-id-ru ti-amat _en_ nab-nit qer-bi-szu2 sza2 _an-szar2 man dingir-mesz_ a-na lib3-bi-szu2 s,al-ti il-la-ku a-na _ugu_ pi-i sza2 (d)utu u (d)iszkur s,e-er _abul_ sza2-a-szu2 e-s,ir si-it-ti _dingir-mesz_ sza2 ina _giri3-min_-szu2-nu il-la-ku ina _ugu_ pi-i sza2 (d)utu u (d)iszkur _ki-min?_ a-di la-a _an-szar2_ ti-amat i-kam-mu-u u2-ma-ma-a-nu sza2 ti-amat i-na-asz2-sza2-a x x? _x-mesz_-szu2 i-nam-di-nu ki-i an-ni-i ina _giri3-min_-szu2-nu i-du-ul-lu

x x x x x? sza2 it-te-szu2-nu la es,-ru a-na _ugu_ pi-i sza2 (d)utu u (d)iszkur la e-s,ir a-na _abul_ szu-a-ti asz2-t,u-ru-ma [...] _ku3-babbar ku3-sig17 zabar_ sze-er-hisz ul-ziz u2-nu-ut _ku3-babbar ku3-sig17 zabar husz-a_ he-pu-u ul-tu _ugu_ 1(disz) _lim gun_ a-di 1(disz) _gin2_ szub-szu-lim-ma a-ha-mesz s,a-ba-tu mu-nak-kil nik-la-te-szu2-nu s,a-bit pit2-qi2-szu2-nu a-le-'e-e a-na-ku szum-ma sza2 bu-szul sza2 _zabar_ sza2-a-szu2

szum-ma a-szar mal2-t,a-ru an-nu-u2 szat,-ru u masz-kan2 s,a-lam _an-szar2_ u s,a-lam _dingir-mesz_ ma-la it-ti-szu2 a-na _sza3_ ti-amat s,al-ti il-la-ku es,-ru la pit2-qa szu-u2 la a-na-ku u2-szab-szi-lu a-na it-hu-ra-nu-ti asz2-szu2 li-ih-ha-kim _an-na_ ina lib3-bi usz-sza2-am-id ina _sza3_ an-nim-ma hi-kim ki-i pit2-qa szu-u ana-ku u2-szab-szi-lu s,a-lam _an-szar2_ sza2 a-na _sza3_ ti-amat s,al-ti _du_-ku s,a-lam (disz)(d)sin-pap-mesz-su _man kur_ asz-szur

(d)szar2-ur4 (d)szar2-gaz (d)ka3-ka3 (d)nusku (d)di-ku5 (d)tiszpak (d)masz sza2 _bad3_ (d)ku3-su3 (d)ha-ia3 (d)7(disz)-bi an-nu-ti _dingir-mesz_ sza2 ina _igi an-szar2_ il-la-ku (d)nin-lil2 (d)sze-ru-u'3-a (d)sin (d)nin-gal (d)utu (d)a-a (d)gur2-kur (d)a-num an-tum (d)iszkur (d)sza-la (d)e2-a (d)dam-qi2-na [...] (d)be-let-dingir-mesz (d)masz an-nu-ti _dingir-mesz_ sza2 _egir an-szar2 du_-ku _(gesz)tukul_ ka-szi-du ina _(gesz)gigir an-szar2_ szak-nu ti-amat a-di nab-nit qer-bi-szu2

a-na _an-szar2 lugal dingir-mesz ad dingir-mesz_ sza2-qu-u ba-nu-u _dingir gal_ sza2-pi-ik? (d)i2-gi3-gi3 u (d)a-nun-na-ki ta-me-eh s,e-rat _an_-e _gal-mesz? sza3_ ru-qu ma-lik ra-ma-ni-szu2 musz-te-e'-u pa-qi2-du mu-szim _nam-mesz_ szar-hu git2-ma-lu mu-ma-'e-er kul-lat gim-ri sa-niq _dingir-mesz_ szu-ut _an ki_ e-mu-qi2 _mah-mesz_ sza2 a-na _kur_ a-szar e-ta-gu ma-ru-usz-tu szak-na-at szu-us-pu-nu a-bu-bisz sza kul-lat kib-rat _limmu2_-tim la ma-gir szak-kan-ki-szu2

a-bu-bu na-as2-pan-ti _ugu_-szu2-nu u2-sza2-asz2-ba-'u-u-ma _gun_ u man-da-tu im-mi3-du s,e-ru-usz-szun u4-me-szam la na-par-ka-a e-zab-bi-lu tup-szik-szun _en_ gim-ri mu-kil s,er-ret _an_-e u _ki_-tim a-szib e2-hur-sag-kur-kur-ra ki-is,-s,u rasz-bu at-ma-nu s,i-i-ru szub-tu2 _ku3_-tu2 sza?-lu?-ma-ta nam-ri-ir-ri sza2 a-na _gir3-nita2_-szu2-un x x? x-ti-szu2 _gal_-te re-e-mu i-rasz-szu-u sza su-up-pi u te-me-qi2 ur-ru-hi-isz i-laq-qu-u un-ni-nu-usz

sza ina _ugu_ asz2-t,u-te u2-szam-ra-ru _(gesz)tukul-mesz_-szu2 ez-zu-te [...] u2-ru-uh ri-sza2-a-ti [...] x? x _uz (gesz)tukul-mesz_ [...] [...] il la x [...]

sza2 _(gesz)na2_

_pap (gesz)gu-za_

da-ba-bu sza ina _ugu (gesz)na2_ sza ina _ugu (gesz)gu-za_ sza sze-pa-a-te 1(disz)-ma szu-u sza _(gesz)na5_ la sza3-t,ir

[...] a-na _kur_-ia [...]-sza2-a-ni [...]-x-szu2 [...] x [...] x x [...] a-na _an-szar2 man? dingir-mesz?_ [...] a-na [...] _gin bala_-ia2 szum-dul x [...] _suhusz (gesz)gu-za_-ia2 a-na u4-me [...] _an-szar2 man dingir-mesz en gal_ x x? ep-sze-ti-ia2 lip-pa-lis dam-qisz ina nap-lu-si-szu2 ep-sze-te bi-bil2 x x? ma-la i-tep-pu-szu2 _ugu_-szu2 li-t,ib-ma lim-ma-hir pa-nu-usz-szu2 _ug3-mesz_ kib-rat er-ba-'i li-szak-ni-sza2-szu2-ma li-szu2-t,a ab-sza2-an-szu2

ina e2-szar2-ra szu-bat _dingir_-ti-szu _gal_-ti li-sza2-az-nin szat-ti-szam (d)nin-lil2 szar-rat e2-szar2-ra hi-rat _an-szar2_ ba-nit _dingir-mesz gal-mesz_ sza2 (disz)(d)sin-pap-mesz-su _man kur_ asz-szur(ki) u4-me-szam a-mat _munus-saga_-szu2 ina _igi an-szar2_ lisz-sza2-kin szap-tu-usz-sza2 x x kisz-szu-ti sze-be-e lit-tu-ti _gi7 u4-mesz_-szu2 _gin bala_-szu2 x x _asz-ti man_-ti-szu2 _an-szar2_ (d)nin-lil2 lit-tas-qa-ru a-na du-u-ri a-na da-a-ri

sze-'i-i-tu na-al-ba-na-a-te x x x _x-mesz (na4)babbar?-dili?_ _(gesz)haszhur_ a-bi _(na4)zu2 (na4)gug (na4)za-gin3_ i-lab-bu-ni sze-'i-i-tu szap-li-tu _ku3-sig17 a-mesz_ ina muh-hi kab-bu-u2 kab-la-a-te _(munus)(d)lamma-mesz ki-ta (munus)(d)lamma-mesz_ s,u-pur x x?

_(munus)(d)lamma-mesz a-mesz_ i-lab-bu-ni? x x gi-sa-a-ni _a-mesz_ kab-bu-u2

da-ba-bu sza2 ina _ugu (gesz)na2_ sza2 ina _ugu (gesz)gu-za_ sza (d)en sza2 ina _e2 an-szar2_ kar-rat-u-ni pa-asz2-szu-t,u-u-ni _mu_ sza2 (disz)an-szar2-du3-a ina muh-hi sza3-t,ir-u-ni (iti)sig4 _u4 2(u) 7(disz)-kam2_ lim-mu (disz)a-u2-ia-nu a-na babila2(ki) [...] u2-ter-ru

mu-szak-lil ma-ha-zi-szu2 mu-ma-ag-gir _kur_ na-ki-ri mu-ab-bit da-ad2-me-szu-un [...] e-nu-ma s,a-lam _an-szar2 en_-ia [...] ud?-di?-szu? pa-ra-as, e2-szar2-ra u2-szak-li-lu ki lugal-gin _lugal kur_ asz-szur(ki) a-bi-ia a-bi lu-u [...] a-szar-szu2? [...] x-pi-ia masz? [...] _an-szar2_ [...] u [...] [...]-a szi-ik-nu sza _ugu (na4)kun4-mesz_ sza (na4)a-lal-lum sza _e2_ (d)asz-szur sza _lugal_ ina muh-hi i-za-zu-ni qaq-qu-ru i-na-asz2-szi-qu-ni

ina u4-me-szu2-ma kum2-mu x x _e2?-gal?_ (iri)bal-til(ki) szu-bat _lugal?-mesz?_ _ad?-mesz_-ia sza? ul?-tu? u4-me? s,a?-a-te sza2? (disz)tukul-ti_-a_-e2-szar2-ra _dumu_ (disz)asz-szur_-sag_-i-szi _man kur_ asz-szur(ki) e-na-ah-(ma) (disz)asz-szur-pap-ibila _man kur_ asz-szur(ki) _dumu_ (disz)tukul-ti-(d)masz _man kur_ asz-szur(ki) an-hu-sa ud-disz kum2-mu sza2-a-tu a-na x x x x x x ul nu-uk-ku-lat e-pisz-tusz ki-is,-s,u sza2?-a?-tu2 aq-qur-(ma)

ina szi-pir _(lu2)szitim-gal_-le-e en-qu-ti ul-tu2 usz-szi-szu2 a-di na-bur-ri-szu2 ar-s,ip u2-szak-lil2 gu_-szur-mesz?_ ere-ni s,i-ru-ti tar-bit (kur)ha-ma-nim u2-szat-ri-s,a ta-ra-an-szu2 _(gesz)ig-mesz_ li-ia-a-ri szu-ta-ha-te u2-ra-kis-ma u2-rat-ta-a _ka2_-szu2 asz-szur _en gal_-u2 _dingir-mesz_ u3? _(d)isz?-tar?-mesz?_ a-szi-bu-ut bal-til(ki) ina qer-bi-szu2 aq-re ri-i?-me? bit-ru-te szu-'e-e ma-ru-ti _(udu)siskur-mesz_ tasz-ri-ih-te ma-har-szu2-nu aq-qi2 ina qi2-bi-ti s,ir-te sza? (d?)asz?-szur?

_en gal_-e a-bu _dingir-mesz_ mu-szim szi-ma-te qe2-reb _e2-gal_ x x x? lit?-tu?-tu lu-ul-lik? sza2 la x x x lu-usz-ba-a bu-'a-(a)-ri?

x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x _(gesz)gigir-mesz ansze-kur-ra-mesz_ (gesz)s,u-um-bi _ansze-kunga-mesz_ sza i-na qit-ru-ub ta-ha-zi u2-masz-szi-ru ik-szu-da _szu-min_-a-a a-na _e2-gal_-szu2 sza qe2-reb babila2(ki) ha-disz e-ru-um-ma ap-te-e-ma _e2_ ni-s,ir-ti-szu2 _ku3-sig17 ku3-babbar_ u2-nu-ut _ku3-sig17 ku3-babbar na4_ a-qar-tu

ka-bit-tu _gun munus-ug3-mesz e2-gal_-szu2 _(lu2)tirum-mesz_ (lu2)man-za-az pa-ni _(lu2)nar-mesz (munus)nar-mesz_ si-hir-ti um-ma-a-ni ma-la ba-szu-u2 mut-tab-bi-lu-tu2 _e2-gal_-usz u2-sze-s,a-am-ma szal-la-tisz am-nu i-na e-muq (d)asz-szur _en_-ia 1(gesz2) 1(u) 5(disz) _iri-mesz_-szu2 dan-nu-ti _e2 bad3-mesz_ sza (kur)kal-di u3 4(disz) _me_ 2(u) _iri-mesz tur-mesz_ sza li-me-ti-szu2-nu al-me _kur_-ud asz2-lu-la szal-la-su-un (lu2)ur2-bi (lu2)a-ra-mu (lu2)kal-du sza qe2-reb unu(ki) nibru(ki) kisz(ki)

(iri)hur-sag-kalam-ma gu2-du8-a(ki) zimbir(ki) a-di _dumu-mesz iri en_ hi-it,-t,i u2-sze-s,a-am-ma szal-la-tisz am-nu i-na ta-a-a-ar-ti-ia (lu2)tu-'u-mu-na (lu2)ri-hi-hu (lu2)ia-daq-qu (lu2)u2-bu-du (lu2)gib-re-e (lu2)ma-la-hu (lu2)gu-ru-mu (lu2)u2-bu-lu (lu2)da-mu-nu (lu2)gam-bu-lu (lu2)hi-in-da-ru (lu2)ru-'u-u2-a (lu2)pu-qu-du (lu2)ha-am-ra-a-nu (lu2)ha-ga-ra-nu (lu2)na-ba-tu (lu2)li-i'-ta-a-u2 (lu2)a-ra-mu la kan-szu-ti mit-ha-risz ak-szud(ud) x x x [...] _ad-mesz_-ia la kit-nu-szu lu al-lik

qe2-reb hur-sza2-a-ni zaq-ru-te _a-sza3_ nam-ra-s,i i-na _ansze-kur-ra_ ar-kab-ma _(gesz)gigir giri3-min_-ia i-na ti-ik-ka-te u2-sza2-asz2-szi asz2-ru szup-szu-qu i-na _giri3-min_-ia ri-ma-nisz at-tag-gesz (iri)e2-(disz)ki-lam-za-ah (iri)ha-ar-disz-pi (iri)e2-(disz)ku-bat-ti _iri-mesz_-szu2-nu _e2 bad3-mesz_ dan-nu-ti al-me _kur_-ud _ug3-mesz ansze-kur-ra-mesz_ _ansze-kunga-mesz ansze-mesz gu4-mesz_ u3 _u8-udu-hi-a_ ul-tu qer-bi-szu2-un u2-sze-s,a-am-ma szal-la-tisz am-nu u3 _iri-mesz_-szu2-nu _tur-mesz_

sza ni-ba la i-szu-u2 ap-pul aq-qur u2-sze-me kar-mesz _e2 edin_ kul-ta-ri mu-sza2-bi-szu2-nu i-na (d)gesz-bar aq-mu-ma di-tal-lisz u2-sze-me u2-ter-ma (iri)e2-(disz)ki-lam-za-ah szu-a-tu a-na (iri)bir-tu-ti as,-bat _ugu_ sza u4-me pa-ni _bad3-mesz_-szu2 u2-dan-nin-ma _ug3-mesz kur-kur_ ki-szit-ti _szu-min_-ia ina lib3-bi u2-sze-szib _ug3-mesz kur_ (lu2)kasz-szi-i u3 _kur_ (lu2)ia-su-bi-gal-la-a-a sza la-pa-an _(gesz)tukul-mesz_-ia ip-par-szid-du ul-tu qe2-reb _kur_-i u2-sze-ri-dam-ma

i-na (iri)har-disz-pi (iri)e2-(disz)ku-bat-ti u2-szar-me i-na _szu-min_ (lu2)szu-ut _sag_-ia _(lu2)en-nam_ (iri)ar-rap-ha am-nu-szu2-nu-ti _(na4)na-ru2-a_ u2-sze-pisz-ma li-i-tum ki-szit-ti _szu-min_ sza _ugu_-szu-un asz2-tak-ka-nu s,e-ru-usz-szu2 u2-sza2-asz2-t,ir-ma i-na qer-bi _iri_ ul-ziz pa-an ni-ri-ia u2-ter-ma a-na (kur)el-li-pi as,-s,a-bat har-ra-nu el-la-mu-u2-a (disz)is-pa-ba-a-ra _lugal_-szu-un _iri-mesz_-szu dan-nu-ti _e2_ ni-s,ir-ti-szu2 u2-masz-szir-ma a-na ru-qe2-e-ti in-na-bit

gim-ri _kur_-szu2 _dagal_-tim _gin7 muru9_ as-hu-up (iri)mar-u2-bisz-ti (iri)ak-ku-ud-du _iri-mesz_-ni _e2 lugal_-ti-szu2 a-di 3(u) 4(disz) _iri-mesz_-ni _tur-mesz_ sza li-me-ti-szu2-nu al-me _kur_-ud ap-pul aq-qur i-na (d)gesz-bar aq-mu _ug3-mesz tur gal nita_ u _munus ansze-kur-ra-mesz_ _ansze-kunga-mesz ansze-mesz ansze-gam-mal-mesz_ _gu4-mesz_ u3 _u8-udu-hi-a_ a-na la mi-nam asz2-lu-lam-ma a-di la ba-szi-i u2-sza2-lik-szu-ma u2-s,a-ah-hi-ir _kur_-su (iri)s,i-s,i-ir-tu (iri)ku-um-ma-ah-lum

_iri-mesz_ dan-nu-ti a-di _iri-mesz tur-mesz_ sza li-me-ti-szu2-nu (kur)e2-(disz)ba-ar-ru-u2 na-gu-u2 a-na gi-mir-ti-szu2 ul-tu qe2-reb _kur_-szu2 ab-tuq-ma _ugu_ mi-s,ir _kur_ asz-szur(ki) u2-rad-di (iri)el-en-za-asz2 a-na _iri lugal_-u2-ti u3 dan-na-at na-ge-e szu-a-tu as,-bat-ma _mu_-szu2 mah-ra-a u2-nak-kir-ma x x x [...] (disz)kam-mu-su-na-ad-bi (kur)ma-'a-ba-a-a (disz)(d)a-a-ram-mu (kur)u2-du-um-ma-a-a _lugal-mesz_-ni _kur_ mar-tu(ki) ka-li-szu2-un _igi-sa2_-e szad-lu-ti ta-mar-ta-szu2-nu ka-bit-tu

a-di 4(disz)-szu2 a-na mah-ri-ia isz-szu-nim-ma isz-szi-qu _giri3-min_-ia u3 (disz)s,i-id-qa-a _lugal_ (iri)is-qa-al-lu-na sza la ik-nu-szu2 a-na ni-ri-ia _dingir-mesz e2 ad_-szu2 sza2-a-szu _dam_-su _dumu-mesz_-szu2 _dumu-munus-mesz_-szu2 _szesz-mesz_-szu2 _numun e2 ad_-szu2 as-su-ha-am-ma a-na _kur_ asz-szur(ki) u2-rasz-szu (disz)lugal-lu-da3-ri _dumu_ (disz)ru-kib-ti _lugal_-szu2-nu mah-ru-u2 _ugu ug3-mesz_ (iri)is-qa-al-lu-na asz2-kun-ma na-dan _gun_ kad3-re-e be-lu-ti-ia

i-na me-ti-iq ger-ri-ia (iri)e2-da-gan-na (iri)ia-ap-pu-u2 (iri)ba-na-a-a-bar-qa (iri)a-zu-ru _iri-mesz_-ni sza (disz)s,i-id-qa-a sza a-na _giri3-min_-ia ar2-hisz la ik-nu-szu al-me _kur_-ud asz2-lu-la szal-la-su-un _(lu2)szagina-mesz (lu2)nun-mesz_ u3 _ug3-mesz_ (iri)am-qar-ru-na sza (disz)pa-de-e _lugal_-szu2-nu _en_ a-de-e u3 ma-mit sza _kur_ asz-szur(ki) bi-re-tu _an-bar_ id-du-ma a-na (disz)ha-za-qi-a-u2 (kur)ia-u2-da-a-a id-di-nu-szu2 nak-risz a-na an-zil-li i-pu-szu2

ip-lah3 _sza3_-szu2-un _lugal-mesz_-ni (kur)mu-us,-ri _(lu2)erin2-mesz (gesz)pan (gesz)gigir-mesz ansze-kur-ra-mesz_ sza _lugal_ (kur)me-luh-ha e-mu-qi2 la ni-bi ik-te-ru-nim-ma il-li-ku re-s,u-us-su-un i-na ta-mir-ti (iri)al-ta-qu-u2 el-la-mu-u2-a si-id-ru szit-ku-nu u2-sza2-'a-lu _(gesz)tukul-mesz_-szu2-un i-na tukul-ti (d)asz-szur _en_-ia it-ti-szu2-un am-da-hi-is,-ma [...] x x x [...] x x x [...] x x x [...] ik-szu-da _szu-min_-a-a (iri)al-ta-qu-u2 (iri)ta-am-na-a al-me _kur_-ud asz2-lu-la szal-la-su-un

a-na (iri)am-qar-ru-na aq-rib-ma _(lu2)szagina-mesz (lu2)nun-mesz_ sza hi-it,-t,u u2-szab-szu-u2 a-duk-ma i-na di-ma-a-te [...] x x x [...] x x x [...] [...] x [...] x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x

(disz)(d)sin-pap-mesz-su _man gal man_ dan-nu _man szu2 man kur_ asz-szur(ki) _man_ kib-rat _limmu2_-tim mut-tar-ru-u _ug3-mesz dagal-mesz_ e-pisz s,a-lam _an-szar2_ (d)a-nim (d)sin (d)utu (d)iszkur (d)u-gur (d)1(u)-5(disz) sza2 e2-kid-mu-ri _dingir-mah_ u3 _dingir-mesz gal-mesz_ mu-szak-lil pa-ra-as, e2-szar2-ra u e2-mes-mes sza2 pa-lah3 _dingir-mesz_ sza2 _an_-e u _dingir-mesz_ _kur_ asz-szur(ki) ra-bisz mu-du-u e-pisz _kur_ asz-szur(ki) mu-szak-lil ma-ha-zi-szu2 na-si-ih

na-ki-ri mu-ab-bit da-ad2-me-szu2-un mal-ku pit-qu-du sza2 _ugu lugal-mesz_ a-szib _bara2_ nu-'u-u2-da-at be-lut-su tukul-ti _kur_-szu2 na-a'-id _murub4_ u3 _me3_ s,u-lu-lu _erin2-hi-a_-szu2 a-na-ku i-nu-szu2 e2-hur-sag-gal-kur-kur-ra sza2 qe2-reb ($erasure$) e2-szar2-ra pa-rak _an-szar2_ _en gal_-i _en_-ia sza2 ul-tu _u4-mesz su3-mesz_ si-ma-tu-szu2 im-qu-ta-a-ma _ka2_-szu2 pe-tu-u a-na _(tu15)u18-lu_ ina _igi-min_ ra-pa-asz2-ti sza2 (d)e2-a isz-ru-ka

ina igi-gal2-lu-u2-ti sza2 _an-szar2_ u2-szat-li-man-ni ia-a-szi ina t,e3-em ram-ni-ia am-tal-lik-ma _ka2_ e2-hur-sag-gal-kur-kur-ra a-na na-pa-ah _(d)utu_-szi me2-eh-ret _(tu15)kur-ra_ pe-ta-a-szu2 lib3-bi ub-la-an-ni t,e3-em (d)utu (d)iszkur al-mad-ma an-na ki-i-nu i-pu-lu-in-ni-ma sza2 _ka2_ szu-a-ti a-na na-pa-ah _(d)utu_-szi me2-eh-ret _(tu15)kur-ra_ (d)utu u (d)iszkur iq-bu-u pe-ta-a-szu2 ina u4-me-szu2-ma _e2-gar8_ an-da-ak-kis-ma

a-na _gaba an-szar2 en_-ia me2-eh-ret _(tu15)kur-ra ka2_ esz-szisz ap-te-e-ma _ka2 lugal_-ti _mu_-szu2 am-bi _e2_ sza2-hu-ru esz-szisz e-pu-usz-ma _ka2_-szu2 u2-rap-pisz ina _ka2 e2_ sza2-hu-ru szu-a-tu 4(disz) _gu4 dumu (d)utu zabar husz-a_ e-lisz _szu-min_-szu2-nu _(d)utu_-szi na-szu-u2 u2-kal-lu s,u-lu-lu szap-lisz _gir3_-szu2-nu i-na _ugu_ 2(disz) _bara2 zabar_ sza2 _ku6-lu2-u18-lu zabar_ sza2 _suhur-masz2(ku6) zabar_ szur-szu-du gis-gal-la

_za3_ u _gub3_ sza2 _ka2 ur-idim_ u3 _gir2-tab-lu2-u18-lu_ kul-lu szi-ga-ri _ka2_ szu-nu-tu _ka2 kaskal_ szu-ut (d)en-lil2 az-za-kar _mu_-szu2 _kisal_-szu2 esz-szisz ab-ni-ma _kisal_ si-dir man-za-az (d)i2-gi3-gi3 _mu_-szu2 am-bi _ka2_-szu2 sza2 a-na s,i-it _(d)utu_-szi a-na _ugu i7 ka2_ bu-ru-mu az-za-kar ni-bit-su _ka2_ ne2-re-bi-szu2 a-na _kisal_ ne2-reb (d)i2-gi3-gi3 _mu_-szu2 az-kur _ka2_ sza2 a-na _(tu15)u18-lu ka2_ kan-su (d)i2-gi3-gi3 _mu_-szu2 am-bi _ka2_ ne2-re-bi-szu2 a-na _kisal_

_ka2_ hi-s,ib _kur mu_-szu2 az-kur _ka2_-szu2 sza2 a-na _(tu15)si-sa2 ka2 (mul)mar-gid2-da mu_-szu2 am-bi _ka2_ ne2-re-bi-szu2 a-na _kisal ka2 bara2 nam-mesz mu_-szu2 az-kur _ka2_ pa-pa-hi _e2_ sza2-hu-ru _e2-gar8-mesz_-szu2 a-di _kisal_-szu2 _e2-mesz ka2-mesz_ ul-tu _usz8_-szu2 a-di gaba-dib-bi-szu2 ina szi-pir (d)kulla u2-szak-lil-szu-ma ki-ma _kur_-i re-szi-szu2 ul-li ina nik-lat lib3-bi-ia sza2 _ka2-mesz_

u3 _kisal_-szi-na _mu_-szu2-nu am-bi-ma ni-bit-si-na az-kur te-em-me-en-na at-ta sza2 (disz)(d)sin-pap-mesz-su _man kur_ asz-szur ra-'i-im ki-na-a-ti e-pisz s,a-lam _dingir_-szu2 ba-an _e2_ da-me-eq-ta-szu2 a-na _an-szar2_ qi2-bi it-ti bal-til(ki) u e2-szar2-ra lisz-te-li-pu _nunuz-mesz_-szu2 _dumu-mesz_-szu2 _dumu-mesz dumu-mesz_-szu2 it-ti s,al-mat _sag-du_ li-ku-nu a-na du-ur da-a-ri a-a-um-ma _nun egir_-u2 sza2 _an-szar2_ a-na _sipa_-ut _kur_ u _ug3-mesz_ i-nam-bu-u

_mu_-szu2 sza2 ina _bala_-szu2 _e2_ szu2-a-tu2 in-na-hu an-hu-su lid-disz _mu-sar_-a-a li-mur-ma _i3-gesz_ lip-szu-usz _siskur2_ liq-qi2 ina asz2-ri-szu2 lisz-kun _an-szar2_ ik-ri-bi-szu2 i-szem-me mu-nak-kir3 _mu-sar_-a-a da-a-a-i-s,i a-ma-ti-ia _an-szar2 man dingir-mesz_ u3 _dingir-mesz gal-mesz_ sza2 _an_-e u3 _ki_-tim ar-rat ma-ru-usz-tu li-ru-ru-szu-ma _lugal_-us-su lis-ki-pu _ti-la_-szu2 li-ki-mu-szu2 _mu_-szu2 _numun_-szu2 _nunuz_-szu2 u3 na-an-nab-szu2 i-na _ka ug3-mesz_ li-hal-li-qu

(disz)(d)sin-pap-mesz-eri-ba _man gal man_ dan-nu _man szu2 man kur_ asz-szur e-pisz s,a-lam _an-szar2_ (d)nin-lil2 [...] u _dingir-mesz gal-mesz_ mu-szar-bu-u szu-luh-hi-szu2-un? mu-szak-lil pa-ra-as, e2-szar2-ra ma-szu-ti ina bi-ri ina qi2-bit (d)utu (d)iszkur mu-ud-disz bal-til(ki) mu-x [...] szu-luh-hi-szu2 mu-ter (d)lamma e2-szar2-ra la e-pisz-ti a-na asz2-ri-szu2 a-na-ku e-nu-szu2 isz-tu s,a-lam _an-szar2_ _en gal_-i _en_-ia u s,a-lam _dingir-mesz gal-mesz_ e-pu-szu-ma

u2-szar-me-szu-nu-ti szu-bat-su-nu ne2-eh-ti (iti)bar-sag-sag _iti_ resz-tu-u2 sza2 a-bi (d)en-lil2 _iti_ na-an-mur-ti _(mul)apin_ _ezen_ qe2-re-e-ti sza2 _lugal dingir-mesz an-szar2_ sza2 ul-tu u4-me _su3-mesz_ ina e-sza2-a-ti u sah-ma-sza2-a-ti _e2_ a2-ki-it _edin_ im-ma-szu-u ina qe2-reb _iri_ in-ne2-ep-pu-szu2 pa-ra-as, _lugal dingir-mesz an-szar2_ it-ti szip-ri-im-ma szu-a-ti a-na e-pesz _e2_ a2-ki-it lib3-bi ub-la-ni-ma t,e3-em (d)utu (d)iszkur al-mad-ma an-na ki-i-nu i-pu-lu-in-ni-ma

ina _iti du10-ga_ u4-me szal-mu ina szi-pir i-szip-pu-ti

(disz)(d)sin-pap-mesz-su _man gal man_ dan-nu _man szu2 man kur_ asz-szur(ki) _man_ kib-rat _limmu2_-ti mu-tar-ru-u _ug3-mesz dagal-mesz_ e-pisz s,a-lam _an-szar2_ u _dingir-mesz gal-mesz_ mu-szak-lil pa-ra-as, e2-szar2-ra ma-szu-u-ti ina bi-ri ina qi2-bit (d)utu u (d)iszkur mu-szar-bu-u szu-luh-hi-szu2-un mu-ter (d)lamma e2-szar2-ra ba-t,il-ti a-na asz2-ri-szu2 sza2 pa-lah3 _dingir-mesz_ sza2 _an_-e u _dingir-mesz kur_ asz-szur(ki) ra-bisz mu-du-u mu-ul-li _dingir-mesz gal-mesz_ ina szub-ti-szu2-nu

mu-szar-bu-u si-ma-ti-szu2-nu e-pisz _kur_ asz-szur(ki) mu-szak-lil ma-ha-zi-szu2 mu-ma-gir _kur_ na-ki-ri mu-ab-bit da-ad2-me-szu2-un mu-szah-ru-u _i7-mesz_ pe-tu-u mit,-ra-a-ti mu-szah-bi-ib pat-ta-a-ti sza2-kin nu-uh-szu2 u t,uh-du ina u2-ga-ri _kur_ asz-szur(ki) rap-szu2-ti mu-kin _a-mesz_ szi-qa-a-ti ina qar-ba-a-ti _kur_ asz-szur(ki) sza2 ul-tu2 u4-me pa-ni hi-ri-i-ti u szi-qi ina _kur_ asz-szur(ki) mam-ma-an la i-mu-ru a-a-um-ma la i-du-u szu-ut mah-ri la i-pu-szu2 mu-szar-szid szi-pir (d)kulla

ul-tu2 szi-pir bal-t,u-ti a-di _ki-mah_ si-mat mi3-tu-tu ina (na4)pi-i-li _na4 kur_-i sza2 ma-na-a-ma ina _kur_ asz-szur(ki) la i-pu-szu2 _lugal_ pa-ni mah-ri-ia ma-al-ku pit-qu-du sza2 _ugu lugal-mesz_ a-szib pa-rak-ki nu-'u-da-at be-lut-su tukul-ti _kur_-szu2 na-a'-id qab-li u _me3_ s,u-lul _erin2-hi-a_-szu2 a-na-ku e-nu-szu2 isz-tu s,a-lam _an-szar2 en gal_-i _en_-ia u s,a-lam _dingir-mesz gal-mesz du3_-ma u-szar-me-szu-nu-ti szu-bat-su-nu ne2-eh-ti

(iti)bar-sag-sag _iti_ resz-tu-u sza2 a-bi (d)en-lil2 _iti_ na-an-mur-ti _(mul)apin_ i-sin-ni qe2-re-ti sza2 _lugal dingir-mesz an-szar2_ sza2 ul-tu u4-me _su3-mesz_ ina e-sza2-a-ti u sah-ma-sza2-a-ti _e2_ a-ki-it _edin_ im-ma-szu2-u ina qe2-reb _iri_ in-ne2-ep-pu-szu2 pa-ra-as, _lugal dingir-mesz an-szar2_ it-ti szip-ri-im-ma szu-a-ti a-na e-pesz _e2_ a-kit lib3-bi ub-la-ni-ma t,e3-em (d)utu (d)iszkur al-mad-ma an-na ke-e-nu i-pu-lu-in-ni-ma

iq-bu-u-ni e-pe-e-szu2 ina _iti du10-ga_ u4-me szal-mu ina szi-pir i-szip-pu-ti ne2-me-eq ka-ku3-gal-u-ti ina (na4)pi-i-li _na4 kur_-i _usz8_-szu2 ad-di-ma ul-la-a re-szi-szu2 ul-tu _usz8_-szu2 a-di gaba-dib-bi-szu2 ina _na4 kur_-i u2-szak-lil-szu2-ma u2-saq-qir-szu2 hur-sza2-nisz _2(disz)-ta_ pat-ta-a-ti a-na i-ta-ti-szu2 u2-szah-ri-i-ma _(gesz)kiri6_ nu-uh-szi s,ip-pat _nig2-sa-sa-hi-a_ u2-sza2-as-hir-szu2-ma mu-sa-re-e ku-uz-bi i-ta-ti-szu2 u2-szal-me isz-tu babilax(|_din-tir_|)(ki) ah-pu-u

_dingir-mesz_-sza2 u2-szab-bi-ru _ug3-mesz_-szu2 ina _(gesz)tukul_ as-pu-nu asz2-szu qaq-qar _iri_ szu-a-ti la mus-si-i qaq-qar-szu2 as-suh-ma a-na (i7)pu-rat-ti a-na tam-tim u2-sza2-bil e-pe-ri-szu2 a-na ni-tuk(ki) ik-szu-du-ma ni-tuk(ki)-a-a i-mu-ru-ma hat-ti pu-luh-ti sza2 _an-szar2_ im-qut-su-nu-ti-ma na-mur-ta-szu2-nu ub-lu-u-ni it-ti na-mur-ti-szu2-nu _erin2-hi-a_ di-ku-ut _kur_-szu2-nu za-bil tup-szik-ki _(gesz)mar zabar gag-mesz zabar_ u2-nu-ut szi-pir _kur_-szu2-nu

a-na na-qar babilax(|_din-tir_|)(ki) isz-pu-ru-u-ni a-na nu-uh-hi lib3-bi _an-szar2 en_-ia ta-nit-ti dan-nu-ti-szu2 _ug3-mesz_ a-na da-la-li a-na ta-mar-ti _ug3-mesz_ ah-ra-a-ti _sahar-hi-a_ babilax(|_din-tir_|)(ki) as-su-ha-am-ma ina _e2_ a-ki-ti szu2-a-ti ka-re-e _du6_ u2-gar-ri-in ina na-de-e _usz8_ sza2 _e2_ a-ki-ti na-mur-tu2 sza2 (disz)ka-ri-bi-dingir _lugal_ (kur)sa-ba-a' _(na4)babbar-dili_ ni-siq-ti _na4-mesz szim-mesz du10-mesz_ i-qa-ri-ba-am-ma isz-tu lib3-bi na-mur-ti szu-a-tu2

_na4-mesz szim-mesz_ a-na _sza3 usz8_-szu2 ad-di a-na _sza3 usz8 e2_ a-ki-ti sza2-a-tu2 _ku3-babbar ku3-sig17 (na4)gug (na4)za-gin3 (na4)nir2 (na4)musz-gir2_ _(na4)babbar-dili (na4)babbar-min5 im-sig7-sig7_ nap-har _szim-mesz_ t,a-bu-tu2 ki-ma? x x hi _usz8_ szu-a-ti i3-gu-la-a _i3_ ru-usz-ti ki-ma _a-mesz i7_ lu as-lu-uh te-me2-en-na at-ta sza2 (disz)(d)sin-pap-mesz-su _man kur_ asz-szur(ki) ra-im ki-na-a-ti e-pisz s,a-lam _an-szar2_ ba-an _e2_ da-me-eq-ta-szu2 a-na _an-szar2_ qi2-bi

it-ti bal-til(ki) u e2-szar2-ra lisz-te-li-pu _nunuz-mesz_-szu2 _dumu-mesz_-szu2 _dumu dumu-mesz_-szu2 it-ti s,al-mat _sag-du_ li-ku-nu a-na du-ur da-a-ri a-a-um-ma _nun egir_-u2 sza2 _an-szar2_ a-na _sipa_-ut _kur_ u _ug3-mesz_ i-nam-bu-u _mu_-szu2 sza2 ina _bala_-szu2 _e2_ szu-a-ti in-na-hu an-hu-us-su lid-disz _mu-sar_-a-a li-mur-ma _i3-gesz_ lip-szu-usz _siskur2_ liq-qi2 ina asz2-ri-szu2 lisz-kun _an-szar2_ ik-ri-bi-szu2 i-szem-me mu-ne2-kir _mu-sar_-a-a da-a-a-i-s,i a-ma-ti-ia

e-pisz la _mun_ a-na _x-mesz_ x u _nunuz-mesz_-szu2-nu _an-szar2 lugal dingir-mesz_ u _dingir-mesz gal-mesz_ sza2 _an_-e u _ki_-tim ar-rat la nap-szu-ri ma-ru-usz-ti li-ru-ru-szu2-ma _lugal_-us-su lis-ki-pu _ti-la_-su li-ki-mu-szu2 _mu_-szu2 _numun_-szu2 _nunuz_-szu2 u3 na-an-nab-szu2 ina nap-har _kur-kur_ li-hal-li-qu

(disz)(d)sin-pap-mesz-su _man szu2_ _man kur_ asz-szur e-pisz s,a-lam _an-szar2_ u _dingir-mesz gal-mesz_ ana-ku sza2 _kisal_ e2-szar2-ra _e2-gal dingir-mesz_ ina (na4)pi-li _babbar_-e te-men5-szu2 ad-di

(disz)(d)sin-pap-mesz-su _man szu2_ _man kur_ asz e-pisz s,a-lam _an-szar2_ u _dingir-mesz gal-mesz_

(disz)(d)sin-pap-mesz-su _man szu2_ _man kur asz du3_-isz3 s,a-lam _an-szar2_ u _dingir-mesz gal-mesz_ _e2_ a-ki-ti szu2-a-ti ul-tu2 _usz8_-sza2 a-di gaba-dib-bi-sza2 ina (na4)pi-i-li _na4 kur_-i u2-zaq-qir hur-sza2-nisz

(disz)(d)sin-pap-mesz-su _man szu2 man kur_ asz_ _du3_-isz3 s,a-lam _an-szar2_ (d)a-nim (d)sin (d)utu (d)iszkur (d)u-gur (d)isz-tar sza e2-kid-mu-ri _dingir-mah_ u _dingir-mesz gal-mesz_ ana-ku sza _e2_ a2-ki-it mu-szab _an-szar2 en_-ia ina (na4)pi-li _babbar_-e te-men5-szu2 ad-di

(disz)(d)sin-pap-mesz-su _man szu2 man kur_ asz-szur _du3_-isz3 s,a-lam _an-szar2_ (d)sze-ru-u-a (d)a-nim (d)sin (d)utu (d)iszkur (d)1(u)-5(disz) sza2 e2-kid-mu-ri _dingir-mah_ (d)ka3-ka3 (d)ha-ia3 (d)ku3-su3 (d)lumha (d)dunga2 (d)e2-gal-ki-ba u _dingir-mesz gal-mesz_ a-na-ku te-me-en _e2_ a-ki-ti sza2 i-sin-nu qe2-re-ti _an-szar2_ ina pi-i-lu _na4 kur_-i _usz8_-szu2 ad-di

(disz)(d)sin-pap-mesz-su _man szu2 man kur_ asz-szur e-pisz s,a-lam _an-szar2_ x x x [...] u _dingir-mesz gal-mesz_ ana-ku? _e2_ a-ki-te? _edin_ (sza) i-sin-ni qe2-re-ti _an-szar2 ta usz8_-sza2 a-di gaba-dib-bi-sza2 ina (na4)pi-i-li _na4 kur_-i esz-szisz u2-sze-pisz-ma u2-za-qir hur-sza2-nisz

(disz)(d)sin-pap-mesz-su _man szu2 man kur_ asz_ e-pisz s,a-lam _an-szar2_ (d)nin-lil2 (d)sze-ru-u-a (d)sin (d)nin-gal (d)utu (d)a-a (d)a-num an-tum? (d)iszkur (d)sza-la (d)1(u)-5(disz) sza2 e2-kid-mu-ri _dingir-mah_ (d)ha-ia3 (d)ku3-su3 (d)lumha (d)dunga2 (d)e2-gal-ki?-ba? u _dingir-mesz gal-mesz_ ana-ku _e2_ a-ki-te _edin_ ina (na4)pi-i-li _na4 kur_-i esz-szisz u2-sze-pisz-ma u2-za-qir hur-sza2-nisz

[...] x x? [...] [...] _dingir-mah_ (d)[...] [...] (d)ha-ia3 [...]

ana-ku (disz)sin-pap-mesz-su _man kur asz e2_ a-na (d)za-ba4-ba4 _du3_

(disz)(d)sin-pap-mesz-su _man szu2 man kur_ asz_ _du3_-isz3 s,a-lam _an-szar2_ u _dingir-mesz gal-mesz_ ana-ku musz-la-lum _e2-gal_ sza2 qe2-reb bal-til(ki) ina (na4)pi-i-lu _na4 kur_-i _usz8_-szu2 ad-di

(disz)(d)sin-pap-mesz-su _man kur_ asz-szur _e2_ a-na (disz)an-szar2-dingir-mu-ti-la-bi _du3_-usz

ana-ku (disz)(d)sin-pap-mesz-su _man kur_ asz-szur _du3_-isz3? s,a-lam _an-szar2_ u _dingir-me gal-me e2?_ an-nu-u ana asz-szur_-dingir-mu-ti-la-bi_ _dumu_-ia tar-den-nu _du3_-usz-ma _usz8_-szu2 ad-di

ana-ku (disz)(d)sin-pap-mesz-su _man kur asz du3_-isz3 s,a-lam _an-szar2_ u _dingir-me gal-me e2_ an-nu-u a-na (disz)an-szar2-dingir-mu-ti-la-bi _dumu_-ia tar-den-nu sza2 ina _giri3-min an-szar2_ _du3_-usz-ma ina pi-i-li _na4 kur_-i _usz8_-szu2 ad-di

ana-ku (disz)(d)sin-pap-mesz-su _man kur_ asz-szur _du3_-isz3 s,a-lam _an-szar2_ u _dingir-me gal-me e2_ an-nu-u a-na (disz)an-szar2-dingir-mu-ti-la-bi _dumu_-ia tar-den-nu sza2 ina _giri3-min an-szar2_ ib-ba-nu-u _du3_-ma ina pi-i-li _na4 kur_-i _usz8_-szu2 ad-di

ana-ku (disz)(d)sin-pap-mesz-su _man kur asz du3_-isz3 s,a-lam _an-szar2_ u _dingir-mesz gal-mesz e2 du3_-ma a-na (disz)an-szar2-dingir-mu-ti-la-bi _dumu_-ia tar-den-ni ad-din _usz8_-szu2 ina pi-i-li _na4 kur_-i u2-dan-nin-ma ad-di

ana-ku (disz)sin-pap-mesz-su _man kur asz e2 du3_-ma ana asz-szur_-dingir-mu-ti-la-bi_ _dumu_-ia tar-den-ni ad-din x x

(disz)(d)sin-pap-mesz-su [...] _du3_-isz3 s,a-lam [...] it-ti _du3_ [...] _en_-ia x [...] x _sag_ [...]

(disz)(d)sin-pap-mesz-su [...] x x _an_ x [...] x x _na?_ x [...] [...] x x [...]

(disz)(d)sin-pap-mesz-su _man szu2 man kur_ asz

a-na _an-szar2?_ [...] [...] a-szib e2-szar2-ra _en gal en_-szu2? (disz)(d)sin-pap-mesz-su _man szu2 man kur_ asz _du3_-isz3 s,a-lam _an-szar2_ (d)a-nim (d)sin [...] u _dingir-me gal-me nun_ mun-dal-ku mu-szak-lil pa-ra-as, [...] i man da x u2 x um-mu-lu 1(disz)-et _gesz-[...]_ u2-szar-bu-u u2-szar-ri-hu si-ma?-ku? _ka2_ szu-a-tu2 x [...] x x _dingir-mesz_-ni ne2-reb-szu2 u2-rap-pisz-ma _(gesz)ig masz-tab-ba (gesz)eren_

_gesz ku3_ u2-sze-pisz-ma ina _ka2_ [...] _ugu_ (na4)ka-szur-re-e _na4 kur_-i u2-szar-szid man-za-as-si-in ina _ka2_ bit-a-nu-u sza2 ina [...] a-na a-s,e-e u e-re-bi sza2 _an-szar2 man dingir-mesz_ [...] x x x x x x x x x x x bu x x 'u u x [...] x x x x x [...] a-na s,a-a-ti

a-na _an-szar2 man dingir-mesz_ _en gal_-i _en_-szu2 (disz)(d)sin-pap-mesz-su _man szu2 man kur_ asz-szur(ki) e-pisz s,a-lam _an-szar2_ u3 _dingir-mesz gal-mesz_ a-na _ti_-szu2 _gid2-da u4-mesz_-szu2 _gin bala_-szu2 _silim numun_-szu2 _(gesz)ig masz-tab-ba (gesz)eren_ _gesz ku3_ u2-sze-pisz-ma? ina _ka2 (mul)mar-gid2-da_ _ugu_ (na4)ka-szur-re-e _na4 kur_-i u2-szar-szid man-za-as-si-in

ana _an-szar2 man dingir-mesz ad_ ba-nu-u (d)i2-gi3-gi3 u (d)1(gesz2)-1(u) [...] mu-szim _nam-mesz en kur-kur_ x x x a-szib e2-hur-sag-gal-kur-kur-ra sza2 qe2-reb e2-szar2-ra _en gal en_-szu2 (disz)(d)sin-pap-mesz-su _man gal man_ dan-nu _man szu2 man kur_ asz-szur x x x x x x [...] _du3_-isz3 s,a-lam _an-szar2_ (d)sze-ru-u-a x x x [...] (d)1(u)-5(disz) sza e2-kid-mu-ri _dingir-mah_ (d)ka3-ka3 (d)ha-ia3 (d)ku3-su3 (d)lumha (d)dunga2 (d)e2-gal-ki-ba

u _dingir-mesz gal-mesz_ ana _ti_-szu2 _gi7 ud-me_-szu2 _gin bala_-szu2 _silim numun_-szu2 x x x te-ret-ti ana _ud-me_ s,a-a-ti x x x x x x _zabar_ x x [...] x x x x x?-ti x _bara2_ ina szi-pir (d)nin-a2-gal ip-tiq-ma x [...] x x x x x x _e2_ (d)da-gan-ni [...] x x x x x _bara2 nam-mesz_ ma-lak _an-szar2 en_ [...] x? x x x rit-ti x x x [...] [...] x x x [...]

[...] sza2 x [...] [...] _kur_-szu2 [...] [...] _en gal_ [...] [...] e2-hur-sag-gal-kur-kur-ra sza2 [...] [...] _ka2_-szu2 _bad_-u2 a-na _(tu15)u18-lu_ [...] [...] sza2 e2-hur-sag-gal-kur-kur-ra [...] [...] _ka2_ szu-a-ti x x? s,i? x [...] [...] x x [...]

a-na _an-szar2 ad dingir-mesz en_-szu2 (disz)sin-pap-mesz-su _man kur_ asz-szur e-pisz s,a-lam _an-szar2_ u _dingir-mesz gal-mesz_ ne2-be2-hi sa-mit e2-szar2-ra ina a-gur-ri _na4-mesz_ ma-a'-disz u2-si-im

(disz)(d)sin-pap-mesz-su _man szu2 man kur_ asz-szur _du3_-isz3 s,a-lam _an-szar2_ u _dingir-mesz gal-mesz_ ana-ku _e2_ ti-ka-a-ti sza _kisal_ sa-ad-rum man-za-az (d)i2-gi3-gi3 ina a-gur2-ri _udun ku3_-ti esz-szisz u-sze-pisz-ma u-zaq-qir6 hur-sza2-nisz

(disz)(d)sin-pap-mesz-su _man kur_ asz-szur _du3_-isz3 s,a-lam _an-szar2_ u _dingir-mesz gal-mesz_ ana-ku _e2_ ti-ka-a?-ti sza2 _kisal_ sa-ad-ru man-za-az (d)i2-gi3-gi3 ina a-gur2-ri _udun ku3_-ti esz-szisz u2-sze-pisz-ma u2-zaq-qir6 hur-sza2-nisz

(disz)(d)sin-pap-mesz-su _man szu2_ _man kur_ asz-szur e-pisz s,a-lam _an-szar2_ u _dingir-mesz gal-mesz_ ana-ku x x e2-szar2?-ra? [...] [...] x x [...] [...] x x [...]

(disz)(d)sin-pap-mesz-su _man szu2 man kur_ asz-szur e-pisz s,a-lam _an-szar2_ u _dingir-mesz gal-mesz_ ana-ku musz-la-lu sza _e2-gal_ bal-til(ki) ina a-gur2-ri _udun ku3_-ti esz-szisz u2-sze-pisz

(disz)(d)sin-pap-mesz-su _man szu2 man kur_ asz-szur _du3_-isz3 s,a-lam _an-szar2_ u _dingir-mesz gal-mesz_ (e2)musz-la-lu sza2 _e2-gal_ bal-til(ki) ina a-gur2-ri _udun ku3_-ti esz-szisz ab?-ni?-ma? u2-zaq-qir6 hur-sza2-nisz

(disz)(d)sin-pap-mesz-su _man szu2 man kur_ asz-szur _du3_-isz3 s,a-lam _an-szar2_ u _dingir-mesz gal-mesz_ (e2?)musz?-la?-lu sza2 _e2-gal_ bal-til(ki) ina a-gur2-ri _udun ku3_-ti esz-szisz u2-sze-pisz-ma u2-zaq-qir6 hur-sza2-nisz

(disz)(d)sin-pap-mesz-su _man szu2 man kur_ asz-szur e-pisz s,a-lam _an-szar2_ u _dingir-mesz gal-mesz_ ana-ku musz-la-lu sza _e2-gal_ bal-til(ki) ina a-gur2-ri _udun ku3_-tim u2-zaq-qi-ir hur-sza2-nisz

_e2-gal_ tap-szu-uh-ti szu-bat da-rat _e2_ kim-ti szur-szu-du sza2 (disz)(d)sin-pap-mesz-su _man gal_ _man_ dan-nu _man szu2 man kur_ asz-szur

_e2-gal_ s,a-la-li ki-mah tap-szu-uh-ti szu-bat da-ra-a-ti sza2 (disz)(d)sin-pap-mesz-su _man szu2 man kur_ asz-szur

(disz)(d)sin-pap-mesz-su _man szu2 man kur_ asz-szur e-pisz s,a-lam _an-szar2_ u _dingir-mesz gal-mesz_ ana-ku _e2_ a-na (disz)asz-szur_-mu-mu gal dumu_-ia _du3_-ma ina (na4)pi-i-li _na4 kur_-i _usz8_-szu2 ad-di ina szi-pir (d)kulla u2-sze-pisz-ma u2-zaq-qi-ir hur-sza2-nisz

[...] _ku3-sig17 2(disz) gu4 dumu?_ (d)utu? [...] me2-eh-ret _(tu15)kur-ra ka2_ esz-szisz ap-te9-e-ma _ka2 lugal_-ti _mu_-szu2 am-bi [...] _ka2_ x x e-pu-usz-ma u2?-rap-pisz? [...] _ka2?_ pa?-pa?-hu? szu-a-tu e-na?-ah-ma? [...] [...] _ku3-sig17 gu4 dumu (d)utu ku3-sig17 gir2-tab-lu2-u18-lu_ [...] _ka2_ pa-pa-hu u2-rap-pisz-ma _ka2 kaskal_ szu-ut (d)en-lil2 az-za-kar _mu_-szu2

szap-lisz _gir3_-szu2-nu ina _ugu_ 2(disz) _bara2-mesz zabar_ sza2 _ku6-lu2-u18-lu zabar_ sza2 _suhur-masz2(ku6) zabar_ szur-szu-du gis-gal-la _za3_ u _gub3_ sza _ka2_ [...]

_kisal_-szu2 esz-szisz ab-ni-ma as-kup-pat _ku3-babbar_ x [...] a-na tal-lak-ti _an-szar2 en_-ia ak-si-ir _kisal_ si-dir man-za-az (d)i2-gi3-gi3 _mu_-szu2 am-bi i-na _murub4 kisal_ sza2-a-szu2 _ki-ne zabar_ mut-tal-li-ka [...] a-na na-pa-ah (d)gesz-bar ma-har _an-szar2 en_-ia u2-[...] sza2 rim-ki _an-szar2_ at-ta-[...] _ka2_ sza a-na s,i-it _(d)utu_-szi a-na _ugu i7 ka2_ bu-ru-mu az-za-kar ni-bit-su _ka2_ ne2-re-bi-szu2 a-na _kisal_ ne2-reb (d)i2-gi3-gi3 _mu_-szu2 az-kur

_ka2_ sza a-na _(tu15)u18-lu ka2_ kan-su (d)i2-gi3-gi3 _mu_-szu2 am-bi _ka2_ ne2-re-bi-szu2 a-na _kisal ka2_ hi-s,ib _kur mu_-szu2 az-kur _ka2_ sza a-na _(tu15)si-sa2 ka2 (mul)mar-gid2-da mu_-szu2 am-bi _ka2_ ne2-re-bi-szu2 a-na _kisal ka2 bara2 nam-mesz mu_-szu2 az-kur s,a-al-me-szu [...] ina _ka2-mesz_ x [...] _ka2_ [...]

_kur_ (disz)(d)sin-pap-mesz-su _man kur_ asz _(na4)babbar-min5_ (kur)x [...] man-nu sza2 a-na dul-lu sza2 _dingir lu2_-ti _du3_-szu2 szu-mi3 szat,-ru i-pa-szi-t,u _an-szar2_ (d)nin-lil2 [...] _mu_-szu2 _numun_-szu2 lu-hal-li-qu

_kur_ (disz)(d)sin-pap-mesz-su _man kur_ asz

%arc prsz

sza (d)a-szur3 sza _e2_ a-lim(ki)

(disz)(d)suen-szesz-mesz-eri-ba _lugal gal lugal_ dan-nu _lugal kur_ asz-szur(ki) _lugal_ la sza2-na-an _re-e2-um_ ke-e-nu mi-gir _dingir-mesz gal-mesz_ na-s,ir kit-ti ra-'i-im mi-sza2-ri e-pisz u2-sa-a-ti a-lik tap-pu-ut a-ki-i sa-hi-ru dam-qa-a-ti et,-lum git2-ma-lum zi-ka-ru qar-du a-sza2-red kal ma-al-ki rap-pu la-'i-it, la ma-gi-ri mu-szab-ri-qu za-ma-a-ni (d)asz-szur _kur_-u2 _gal_-u2 _lugal_-ut la sza2-na-an u2-szat-lim-ma-an-ni-ma _ugu_ gi-mir a-szib pa-rak-ki u2-szar-ba-a _(gesz)tukul-mesz_-ia

i-na _sag lugal_-ti-ia sza i-na _(gesz)gu-za_ be-lu-ti u2-szi-bu-ma _ug3-mesz kur_ asz-szur(ki) asz2-ta-nap-pa-ru i-na tasz-me-e u3 sa-li-me (disz)(d)marduk-ibila-szum2-na _lugal_ (kur)kar2-dun-ia-asz2 a-a-bu lem-nu ba-ra-nu-u2 ka-rasz sur-ra-a-ti e-pisz le-mut-ti sza an-zil-la-szu kit-tu (disz)szu-tur2-(d)na-hu-du (lu2)e-la-mu-u2 a-na ib-ru-ti-szu2 is-hur-ma _ku3-sig17 ku3-babbar_ ni-siq-ti _na4-mesz_ u2-szat-lim-szu-ma e-ter-ri-su kit-ru

(disz)im-ba-ap-pa (lu2)tur-ta-nu-szu2 it-ti gi-pisz um-ma-na-ti-szu2 (disz)ta-an-na-a-nu (lu2)_3(disz)-u5_ 1(u) _(lu2)gal ki-s,ir-mesz_ a-di (disz)(d)u-gur-na-s,ir (lu2)su-tu-u a-lik mah-ri-szu2-un

u3 szu-u2 (lu2)kal-du lem-nu e-pisz _hul_-tim _numun_ ne2-er-ti unu(ki) ararma(ki) uri2(ki) eridu(ki) kul-aba4(ki) ki-is-sik(ki) (iri)ne2-med-(d)la-gu-da (kur)e2-(disz)ia-ki-ni (kur)e2-(disz)a-muk-ka-a-ni (kur)e2-(disz)a-szil-a-ni (kur)e2-(disz)sa-'a-al (kur)e2-(disz)dak-ku-ri si-hir-ti (lu2)kal-di ma-la ba-szu-u2 sza _gu2_ (i7)idigna (lu2)tu-'u-mu-na (lu2)ri-hi-hu (lu2)ia-daq-qu (lu2)gib-re-e (lu2)ma-li-hu

sza _gu2_ (i7)su-rap-pi (lu2)gu-ru-mu (lu2)u2-bu-lum (lu2)da-mu-nu (lu2)gam-bu-lu (lu2)hi-in-da-ru (lu2)ru-'u-u-a (lu2)pu-qu-du sza _gu2_ (i7)buranun(ki) (lu2)ha-am-ra-a-nu (lu2)ha-ga-ra-a-nu (lu2)na-ba-tu (lu2)li-i'-ta-a-a (lu2)a-ra-mu sza2 la i-du-u2 mi-tu-tum nibru(ki) dil-bat(ki) marad-da(ki) kisz(ki) (iri)hur-sag-kalam-ma babila2(ki) bar2-sipa(ki) gu2-du8-a(ki) gi-mir (kur)kar2-dun-ia-asz2 isz-te-nisz u2-pa-hir-ma u2-szak-s,ir ta-ha-zu

ia-a-ti (disz)(d)suen-szesz-mesz-eri-ba zi-kar _edin_ na-a'-du ep-sze-ti-szu2 lem-ne2-e-ti u2-sza2-an-nu-nim-ma la-ab-bisz an-na-dir-ma qe2-reb babila2(ki) a-na mah-ri-szu aq-ta-bi a-la-ku szu-u2 hi-ri-is, gal-le-e lem-ni a-lak ger-ri-ia isz-me-ma _ansze-kur-ra-mesz erim-mesz (gesz)pan_ (lu2)e-la-mu-u2 (lu2)a-ra-mu (lu2)kal-du it-ti (disz)(d)u-gur-na-s,ir u3 1(u) _(lu2)gal_ ki-s,ir-_mesz lugal_ (kur)elam-ma(ki) sza la i-du-u2 mi-tu-tu2

e-mu-qi2 la ni-bi it-ti szu2-nu-ti-ma u2-dan-ni-in ki-is,-ri-szu-un qe2-reb gu2-du8-a(ki) mit-ha-risz u2-sze-rib-ma a-na me2-te-eq ger-ri-ia u2-sza2-an-s,ir ka-a-di s,i-in-di-ia usz-te-sze-ra _ud 2(u)-kam2_ sza (iti)ziz2 _ta_ bal-til(ki) _gin7 (gu4)am_ gap-szi meh-ret _erin2-hi-a_-ia as,-bat-ma pa-an gi-ip-szi-ia ul u2-szad-gil ar-ka-a ul u2-qi2 _(lu2)gal sag (lu2)en-nam-mesz_-ia a-na kisz(ki) u2-ma-'e-er mah-ru-u-a t,e3-em? (disz)(d)marduk-ibila-szum2-na li-in-da-ma e te-ga-a dun-ni-na ma-s,ar-tusz

szu-u2 _(lu2)en-nam-mesz_-ia e-mur-ma a-di gi-mir um-ma-na-ti-szu2 _abul_ (d)za-ba4-ba4 us,-s,a-am-ma i-na ta-mir-ti kisz(ki) it-ti _(lu2)gal-mesz_-ia e-pu-usz ta-ha-zu _(lu2)gal-mesz_-ia qit-ru-bu ta-ha-zi _(lu2)kur2 ugu_-szu2-un id-nin-ma ip-la-hu qa?-bal? x-szu _(lu2)a_ szip-ri-szu2-un sza ha-mat i-na qe2-reb ta-mir-ti gu2-du8-a(ki) s,e-ru-u-a isz-pu-ru-u-ni

i-na ug-gat lib3-bi-ia _ugu_ gu2-du8-a(ki) ti-bu szam-ru asz2-kun-ma (lu2)mun-dah-s,i sa-hi-ir _bad3_-szu2 as-li-isz u2-t,a-ab-bi-ih-ma as,-s,a-bat _iri_ _ansze-kur-ra-mesz erim-mesz (gesz)pan_ (lu2)e-la-me-e (lu2)a-ra-mu (lu2)kal-du _(lu2)gal ki-s,ir-mesz (lu2)(kur)elam-ma(ki) u3 (disz)(d)u-gur-na-s,ir a-di _dumu-mesz iri en_ hi-it,-t,i u2-sze-s,a-am-ma szal-la-ti-isz am-nu

la-ab-bisz an-na-dir-ma al-la-bi-ib a-bu-bisz it-ti (lu2)qu-ra-di-ia la ga-me-lu-ti _ugu (disz)(d)marduk-ibila-szum2-na_ a-na kisz(ki) asz2-ta-kan pa-ni-ia u3 szu-u2 e-pisz lem-ne2-e-ti hi-il-lu a-na ru-qe2-e-ti e-mur-ma pu-luh-du im-qu-su gi-mir um-ma-na-ti-szu2 u2-masz-szir-ma a-na (kur)gu-zu-um-ma-ni in-na-bit (disz)ta-an-na-a-nu a-di _erin2-hi-a_ elam-ma(ki) (lu2)kal-du u3 (lu2)a-ra-mu sza i-da-szu2 iz-zi-zu-ma il-li-ku re-s,u-us-su _bad5-bad5_-szu2-un asz2-kun-ma u2-par-ri-ir el-lat-su

(disz)a-di-nu _dumu nin (disz)(d)marduk-ibila-szum2-na_ a-di (disz)ba-as-qa-a-nu _szesz_ (munus)ia-ti-i'-e szar-rat (kur)a-ri-bi it-ti um-ma-na-ti-szu2-nu bal-t,u-su-un ina qa-ti as,-bat _(gesz)gigir-mesz_ (gesz)s,u-um-bi _ansze-kur-ra-mesz ansze-kunga-mesz ansze-mesz ansze-gam-mal-mesz_ (ansze)ud-ri sza qe2-reb tam-ha-ri musz-szu-ru ik-szu-da _szu-min_-a-a

i-na hu-ud lib3-bi u3 nu-um-mur pa-ni a-na babila2(ki) a-hi-isz-ma a-na _e2-gal (disz)(d)marduk-ibila-szum2-na_ asz2-szu sza2-lal _nig2-szu_ u3 _nig2-gur11_ e-te-ru-ub qe2-reb-sza2 ap-te-e-ma _e2_ ni-s,ir-te-szu2 _ku3-sig17 ku3-babbar_ u2-nu-ut _ku3-sig17 ku3-babbar na4-mesz_ a-qar-tu _(gesz)na2-mesz (gesz)gu-za-mesz_ ne2-me-de-e (gesz)sza2 sza2-da-di (gesz)ga-szi-ru-ut _lugal_-ti-szu2 sza ih-zu-szu2-nu _ku3-sig17 ku3-babbar_

mim-ma szum-szu _nig2-szu nig2-gur11_ ni-s,ir-tum ka-bit-tum _dam_-su _(munus)erim-mesz e2-gal_-szu2 _(munus)agrig-mesz_ (lu2)szu-ut _sag-mesz (lu2)tirum-mesz_ (lu2)man-za-az pa-ni _(lu2)nar-mesz (munus)nar-mesz_ _(lu2)arad e2-gal_ mu-nam-mi-ru t,e3-mu ru-bu-ti-szu2 si-hi-ir-ti (lu2)um-ma-a-ni ma-la ba-szu-u2 mut-tab-bi-lu-tu2 _e2-gal_-szu2 u2-sze-s,a-am-ma szal-la-ti-isz am-nu

as,-bat-ma ar-ki-szu2 a-na (kur)gu-zu-um-ma-ni (lu2)mun-dah-s,i a-na qe2-reb (i7)a-gam-me u3 ap-pa-ra-a-te asz2-pur-ma 5(disz) u4-me u2-ba-'u-u2-szu-ma ul in-na-mir a-szar-szu si-te-et _ansze-kur-ra-mesz_ u3 _erin2-hi-a_-szu2 sza ia-'a-szu ma-na-ah-tum na-a-lisz ip-par-szi-du-szu-ma la il-li-ku i-da-a-szu isz-tu qe2-reb _edin_ u3 ba-ma-a-ti mit-ha-risz u2-pah-hir

i-na me-ti-iq ger-ri-ia (iri)a-ma-at-tu (iri)ha-u2-a-e (iri)su-pa-pu (iri)e2-(disz)sa-an-na-bi (iri)qu-da-a-a-in (iri)kid-ri-na (iri)bad3-(disz)la-di-ni (iri)bi-ta-a-te (iri)ba-ni-tu (iri)gu-zu-um-ma-nu (iri)bad3-(disz)ia-an-s,u-ri (iri)bad3-(disz)a-bi-ia-ta-a' (iri)bad3-(disz)ru-du-um-me (iri)e2-(disz)ra-he-e (iri)ha-pi-sza2 (iri)sa-di-an (iri)hu-ru-du (iri)s,a-ah-ri-na

(iri)il-tu-uk (iri)al-la-al-lu (iri)sa-ab-ha-nu (iri)kar-(d)igi-du (iri)a-pa-ak (iri)e2-(disz)dan-na-a-a (iri)e2-ab-da-a-a (iri)ba-hi-i-ir (iri)ma-ri-ra-a marad-da(ki) (iri)ia-qi-mu-na (iri)ku-up-ru-na (iri)e2-(disz)ku-dur2-ri (iri)sila-qa-(disz)ma-ru-si nap-har 3(u) 4(disz) _iri-mesz_ dan-nu-ti _e2 bad3-mesz_-ni sza (kur)e2-(disz)dak-ku-ri a-di 2(disz) _me_ 5(u) _iri-mesz tur-mesz_ sza li-me-ti-szu2-nu

(iri)bad3-(disz)ap-pe-e (iri)bad3-(disz)ta-ne2-e (iri)bad3-(disz)sa-ma-a' (iri)sa-ar-ra-ba-tu (iri)s,a-la-ha-tu (iri)bad3-(disz)ab-da-a-a (iri)sa-ap-pi-hi-ma-ri (iri)s,ib-tu2-sza-(disz)ma-ak-ka-me-e nap-har 8(disz) _iri-mesz_ dan-nu-ti _e2 bad3-mesz_-ni sza _kur_ e2-(disz)sa-'a-al-li a-di 1(disz) _me_ 2(u) _iri-mesz tur-mesz_ sza li-me-ti-szu2-nu

(iri)sa-pi-a (iri)sa-ar-ra-ba-nu _ud-ud-ag(ki) bara2_-mar-ri(ki) (iri)e2-(disz)dingir-ba-ni (iri)a-hu-du (iri)sza-is,-s,ur_-(d)iszkur_ (iri)sza2-har-ra-tu2 (iri)ma-na-ah-hu (iri)sza-a-me-le-e (iri)bad3-(disz)aq-qi2-ia (iri)na-gi-tu (iri)nu-ur-a-bi-nu (iri)ha-ar-s,u-ar-ra (iri)bad3-(disz)ru-uk-bi (iri)da-an-da-hul-la (iri)bad3-(disz)bir-da-da (iri)e2-re-'e-e (iri)bad3-(disz)u2-gur-ri (iri)gi-in-da-i-na

(iri)bad3-(disz)u2-a-a-it (iri)e2-(disz)ta-u2-ra-a (iri)sa-ap-hu-na (iri)bu-ha-ar-ru (iri)har-bat-(disz)szum2-na (iri)har-bat-(disz)kal-bi (iri)sza2-bar-re-e (iri)e2-(disz)ba-ni-dingir-u2-a (iri)su-la-a-du (iri)e2-(disz)il-ta-ma-sa-ma-'a (iri)e2-(disz)di-ni-dingir (iri)da-qa-lu? (iri)ha-me-za (iri)be-la-a (iri)ta-i-ru (iri)kip-ra-a-nu (iri)il-ta-ra-tu (iri)aq-qar-sza2-ki-na (iri)sa-ga-ba-tu-sza-(disz)mar-duk-ia

nap-har 3(u) 9(disz) _iri-mesz_ dan-na-ti _e2 bad3-mesz_-ni sza _kur_ e2-(disz)a-muk-ka-a-ni a-di 3(disz) _me_ 5(u) _iri-mesz tur-mesz_ sza li-me-ti-szu2-nu (iri)e2-(disz)za-bi-di-ia ararma(ki) kul-aba4(ki) eridu(ki) ki-is-sik(ki) (iri)ne2-med-(d)la-gu-da (iri)bad3-(disz)ia-ki-ni a-di (iri)kar_-(d)ag_ sza ki-szad (i7)mar-ra-ti nap-har _8(disz) iri-mesz_ dan-nu-ti _e2 bad3-mesz_-ni sza (kur)e2-(disz)ia-ki-ni a-di 1(disz) _me iri-mesz tur-mesz_ sza li-me-ti-szu2-nu

nap-har _1(gesz2) 2(u) 8(disz) iri-me_-ni dan-nu-ti _e2 bad3-mesz_-ni sza (kur)kal-di a-di 8(disz) _me_ 2(u) _iri-mesz tur-mesz_ sza li-me-ti-szu2-nu al-me ak-szu-ud asz2-lu-la szal-la-su-un _sze-im zu2-lum-ma_ sza qe2-reb ki-ra-te-szu2-nu _buru14_-szu2-nu sza _edin erim-hi-a_ u2-sza2-kil ap-pul aq-qur i-na (d)gesz-bar aq-mu a-na _du6-mesz_ ma-szu-u2-ti u2-ter

(lu2)ur2-bi (lu2)a-ra-mu (lu2)kal-du sza qe2-reb unu(ki) nibru(ki) kisz(ki) hur-sag-kalam-ma(ki) a-di _dumu-mesz iri en_ hi-it,-t,i u2-sze-s,a-am-ma szal-la-ti-isz am-nu _sze-im zu2-lum-ma_ sza qe2-reb ki-ra-te-szu2-nu me-resz ma-na-hi-szu2-nu _buru14 edin_ ba-lat, na-pisz-ti-szu2-nu _erin2-hi-a_-ni u2-sza2-kil (disz)en-du3 _dumu (lu2)gal-du3_ pe-re-'i szu-an-na(ki) sza2 ki-ma mi-ra-ni s,a-ah-ri qe2-reb _e2-gal_-ia ir-bu-u2 a-na _lugal_-ti _kur eme-gi7_ u3 uri(ki) al-ta-kan _ugu_-szu2-un

i-na ta-a-a-ar-ti-ia (lu2)tu-'u-mu-na (lu2)ri-hi-hu (lu2)u2-bu-du (lu2)gib-re-e (lu2)ma-li-hu (lu2)gu-ru-mu (lu2)u2-bu-lum (lu2)da-mu-nu (lu2)gam-bu-lu (lu2)hi-in-da-ru (lu2)ru-'u-u-a (lu2)pu-qu-du (lu2)ha-am-ra-a-nu (lu2)ha-ga-ra-a-nu (lu2)na-ba-tu (lu2)li-i'-ta-a-a (lu2)a-ra-mu la kan-szu2 mit-ha-risz ak-szud(ud)-ma asz2-lu-la szal-la-su-un

i-na me-ti-iq ger-ri-ia sza (disz)(d)ag-en-mu-mesz (lu2)qi2-pi (iri)ha-ra-ra-ti _ku3-sig17 ku3-babbar_ (gesz)mu-suk-kan-ni _gal-mesz ansze-mesz ansze-gam-mal-mesz gu4-mesz_ u3 _u8-udu-hi-a_ man-da-ta-szu2 ka-bit-tum am-hur ba-hu-la-ti (iri)hi-rim-me _(lu2)kur2_ ak-s,u sza ul-tu ul-la a-na _lugal-mesz_-ni _ad-mesz_-ia la ik-nu-szu i-na _(gesz)tukul_ u2-szam-qit-ma na-pisz-tu ul e-zib

na-gu-u2 szu-a-tu a-na esz-szu-ti as,-bat 1(disz)-en _gu4-nita2_ 1(u) _udu-mesz_ 1(u) _ansze gesztin-mesz_ 2(u) _ansze zu2-lum-ma_ re-sze-te-szu2 a-na gi-ne2-e _dingir-mesz kur_ asz-szur(ki) _en-mesz_-ia u2-kin da3-ri-szam

e-zib _ug3-mesz ansze-mesz ansze-gam-mal-mesz gu4-mesz_ u3 s,e-e-ni sza gi-mir um-ma-ni-ia e-bu-ku-nim-ma a-na ra-ma-ni-szu2-nu is-ki-lu si-kil-tu u3 ba-hu-la-a-te na-ki-ri szep-s,u mit-ru sza ur-ru-hisz a-na ni-ri-ia la ik-nu-szu i-na _(gesz)tukul_ u2-ra-si-ib-ma a-lul (gesz)ga-szi-szisz i-na u4-mi-szu-ma e2-gal-lam-mes _e2 (d)nergal_ sza qe2-reb (iri)tar-bi-s,i sza (disz)(d)silim-ma-nu-masz _nun_ a-lik mah-ri-ia _dumu_ (disz)asz-szur-pap-ir_-a dumu_ (disz)tukul-ti_-(d)masz_ e-pu-szu e-na-ah-ma

_e2_ szu-a-tum a-na si-hi-ir-ti-szu2 aq-qur dan-na-su ak-szud(ud) 2(disz) _me_ ina _1(disz) kusz3_ szid-du 1(disz) _me_ ina _1(disz) kusz3 sag-ki_ qaq-qa-ru tam-la-a u2-mal-li-ma _ugu_ tar-pa-asz2 _e2_ mah-re-e u2-rad-di e2-gal-lam-mes e-li sza u4-mu pa-ni u2-rab-bi-ma i-na e-pisz-ti _(lu2)szitim-gal_-le-e en-qu-ti isz-tu _usz8_-szu a-di na-bur-ri-szu2 ar-s,ip u2-szak-lil

szi-ip-ru na-as-qu sza _ugu_ mah-re-e szu-tu-ru u3 a-na ta-na-da-a-ti szu-lu-ku a-na (d)nergal sza qe2-reb (iri)tar-bi-s,i _en_-ia e-pu-usz (d)nergal _en_ e-mu-qan s,i-ra-a-ti dan-dan-nu git2-ma-lum a-sza2-red la mah-ri i-na qer-bi-szu2 u2-sze-rib-ma t,a-bisz u2-szar-ma-a szu-bat-su s,ir-tum le-e kab-ru-ti szu-'e-e ma-ru-ti _(udu)siskur-mesz_ tasz-ri-ih-ti eb-bu-ti ma-har-szu aq-qi2-ma qe2-reb _e2_ szu-a-tum asz2-ta-kan ta-szil-tu

le-e-tu ki-szit-ti qa-ti sza i-na tu-kul-ti-szu2 _gal_-ti _ugu_ kul-lat na-ki-ri asz2-ta-ka-nu i-na _mu-sar_-e u2-sza2-asz2-t,ir-ma a-na _lugal-mesz_-ni _dumu-mesz_-ia e-zib s,a-ti-isz a-na _egir_ u4-me _nun_ ar-ku-u2 e-nu-ma _e2_ szu-a-tum i-lab-bi-ru-ma en-na-hu _mu-sar_-a-a li-mur-ma _i3-gesz_ lip-szu-usz _(udu)siskur_ liq-qi2 it-ti _mu-sar_-e szi-t,ir szu-me-szu2 li-kin (d)nergal ik-ri-bi-szu2 i-szem-me

a-na (d)u-gur _en_-szu2 (disz)(d)suen-szesz-mesz-eri-ba _man kur_ asz-szur(ki) e2-gal-lam-mes sza2 qe2-reb (iri)tar-bi-s,i _ta usz8_-szu2 a-di gaba-dib-bi-szu2 a-na _ti-la_-ia sza2-lam _numun_-ia sa2-kap _(lu2)kur2-mesz_-ia _si-sa2 buru14_ sza2 _kur_ asz-szur(ki) sza2-lam _kur_ asz-szur(ki) _du3_-usz si2-ka4-a-te asz2-kun

(disz)(d)sin-pap-mesz-su _man gal_ _man_ dan-nu _man szu2 man kur_ asz e2-gal-lam-mes _e2 (d)u-gur_ sza qe2-reb (iri)tar-bi-s,i u2-sze-pisz-ma _gin7_ u4-me usz-nam-mir

a-na (d)u-gur _en_-szu2 (disz)(d)sin-szesz-mesz-eri-ba _man kur_ asz-szur e2-gal-lam-mes sza2 qe2-reb (iri)tar-bi-s,i ul-tu2 _usz8_-szu2 a-di gaba-dib-bi-szu2 _du3_-usz u2-szak-lil

(disz)(d)sin-pap-mesz-eri-ba _man gal_-u _man_ kisz-sza2-ti _man kur_ asz-szur _bad3_ szal-hu-u sza2 (iri)du3-zi esz-szisz u2-sze-pisz-ma u2-zaq-qir hur-sza2-nisz

(disz)(d)sin-pap-mesz-su _man szu2 man kur_ asz-szur _bad3-szul-hu_ sza (iri)du3-zi i-na a-gur2-ri u2-sze-pisz

(d)asz-szur (d)sin (d)utu (d)iszkur (d)masz u3 (d)inanna _dingir-mesz gal-mesz_ sza i-di _lugal_ mi3-ig-ri-szu2-un i-za-zu-ma _ugu_ kul-lat na-ki-ri u2-szam-ra-ru _(gesz)tukul-mesz_-szu2 (disz)(d)sin-pap-mesz-su _man gal man_ dan-nu _man szu2 man kur_ asz-szur(ki) _nun_ na-a'-du ti-ri-is, _szu-min_-ku-un sza2 i-na an-ni-ku-un ke-nim i-tal-la-ku-ma _kur-mesz_ la ma-gi-ri _erin2-mesz_ hur-sza2-ni la kan-szu-ti u2-szak-ni-szu sze-pu-usz-szu2 ina u4-me-szu2-ma (iri)tu-mur-ra (iri)sza2-ri-im (iri)hal-bu-da

(iri)ki-ib-sza2 (iri)e-za-a-ma (iri)qu-u-a (iri)qa-na sza mi3-s,ir (kur)kat-mu-hi sza _gin7_ qin-ni _ti8(muszen)_ s,e-er _szu-si-mesz_ (kur)ni-pur szad-di-i szit-ku-na-at szu-bat-su-un sza ul-tu2 ul-la ina _lugal-mesz ad-mesz_-ia2 szep-s,u mit-ru la i-du-u2 pa-lah be-lu-ti ina _bala en_-ti-ia2 _dingir-mesz_-szu2-un i-zi-bu-szu2-nu-ti-ma u2-szab-szu2-u ri-qu2-ut-su-un [...] sze x x x bal x x? x x? x ki x x ul-tu2 re-sze x-u2 (i7)idigna u2-x [...] a?-na bal-til(ki) x x x [...] szap?-la?-ni?

x-u2 _dumu-mesz_ [...]-u2 _dumu_-szu2 x? x-x?-pu-su x x-ri u2-t,a-bu-u2 ina (i7)hal-hal? x x x x x x? x x x?-x-ia s,e-ru-usz-szu2-un al-lik i-na _giri3-min_ (kur)ni-pur _kur_-i ka-ra-szi u2-sza2-asz2-kin-ma u2-x-x-x _erin2-mesz_ i-pisz _me3_-a git2-ma-lu-ti (kur)ni-pur a-na gi-ni-x x x x? x x? x-ti al-me hur-ri na-at-ba-ki _kur-mesz_ u2-x x x x? x s,e-er _szu-si-mesz_ sza2-qa-ti x x _id_ x x-ti _mul-mesz an_ x x a-na x x x x i-na _(gesz)gu-za_ x x [...] x re-sza2-szu2-un?

[...] a-na-ku _gin7 (gu4)am_ pa-nu-usz-szun as,-bat a-szar ina _(gesz)gu-za_ szup-szu-qu ina _giri3-min_-ia asz2-tah-hi-it, ki-ma ar-me a-szar bir-ka-a-a ir-ma-a i-sza2-a ma-na-ah-tu2 s,e-er _na4 kur_-e u2-szib-ma _a-mesz_ (kusz)na-a-di ka-s,u-ti a-na s,u-um-me-ia lu asz2-ti x x x x x _x?-mesz_ sza2-a-tu-nu al-me _kur_-ud aq-qu2-ur x x x la x ina la ra? x x x x mul-tah-t,i-szu2-nu (x x) s,e-er _szu-si-mesz_ (kur)ni-pur x x x x-li-szu2-nu s,e-er zuq-ti _kur_-e ar-de-ma x x _(na4)na-ru2-a_ u2-sze-pisz-ma

li-i-tu da-na-nu sza2 asz-szur _en_-ia u2-sza2-asz2-t,ir _ugu_ zuq-ti (kur)ni-pur a-szar x x ti ra asz ul-ziz ah-ra-tasz mu-nak-kir szi-t,ir-ia asz-szur _dingir-mesz gal-mesz_ ag-gesz lik-kil-mu-szu2 lis-ki-pu-szu2

(d)asz-szur (d)a-nu-um (d)en-lil2 (d)e2-a (d)sin (d)utu (d)iszkur (d)marduk (d)ag (d)u-gur (d)isz-tar (d)7(disz)-bi dingir-mesz gal-mesz_ sza ina gi-mir ad-na-a-ti a-na i-tar-re-e s,al-mat _sag-du_ e-nu i-na-asz2-szu-u2 i-nam-bu-u mal-ku (disz)(d)sin-pap-mesz-su _lugal gal lugal_ dan-nu _lugal szu2 lugal kur_ asz-szur _lugal_ kib-rat _limmu2_-tim _nun_ za-nin-szu2-un i-na an-ni-ku-nu ke-nim ul-tu tam-tim e_-ab2_ a-di tam-tim szap_-ab2_ szal-mesz lu at-ta-lak-ma mal-ki sza kib-rat sze-pu-u-a u2-szak-nisz-ma

i-szu-t,u ab-sza2-ni i-na u4-me-szu-ma sza nina(ki) szu-bat-su ma-gal usz-rab-bi _bad3_-szu2 u3 szal-hu-szu2 sza ina mah-re-e la ep-szu2 esz-szisz u2-sze-pisz-ma u2-zaq-qir hur-sza2-nisz ta-me-ra-tu-szu2 sza i-na la ma-mi na-mu-ta szu-lu-ka-ma sza2-ta-a qe2-e et-tu-ti u3 _ug3-mesz_-szu2 _a-mesz_ szi-qi la i-da-a-ma a-na zu-un-ni ti-ik _an_-e tur-ru-s,a _igi-min-mesz_-szun

asz2-qu-ma ul-tu _sza3_ (iri)ma-si-ti (iri)ban-ba-ri-na (iri)sza2-ap-pa-ri-szu2 (iri)kar-(disz)(d)utu-pap-ir (iri)kar-nu-u2-ri (iri)tal-mu-sa (iri)ha-ta-a (iri)da-la-a-in (iri)re-esz-e-ni (iri)su-lu (iri)bad3-(d)1(u)-5(disz) (iri)szi-ba-ni-ba (iri)is-pa-ri-ir-ra (iri)gi-in-gi-li-nisz (iri)nam-pa-ga-a-te (iri)du6 (iri)a-lum-s,u-si _a-mesz_ sza s,e-er (iri)ha-da-bi-ti 1(u) 8(disz) _i7-mesz_ u2-szah-ra-a a-na _sza3_

(i7)hu-su-ur u2-sze-szir ma-lak-szin ul-tu pa-a-t,i (iri)ki-si-ri a-di nina(ki) (i7)hi-ri-tu2 u2-szah-ra-a _a-mesz_ szu-nu-ti u2-szar-da-a qe2-reb-sza2 pat-ti-(disz)(d)sin-pap-mesz-su at-ta-bi ni-bit-su u2?-sze?-szir?-ma? gu-pu-usz _a-mesz_ sza2-tu-nu ul-tu _sza3_ (kur)ta-as _kur_-i mar-s,i sza i-te-e _tilla_ qe2-reb _kur_-ia pa-na-ma _i7_ szu-a-tu2 (i7)[...] i-nam-bu-u _mu-ne_ e-nen-na a-na-ku i-na qi2-bit

(d)asz-szur _en gal_-e _en_-ia _a-mesz_ im-na u3 szu-me-li _kur_-i sza i-ta-tu-usz-szu2 u3 _a-mesz_ sza (iri)me-e-su (iri)ku-uk-ki-nu (iri)pi2-it-ur-ra _iri-mesz_-ni sza li-me-ti-szu2 _ugu_-szu2 usz-rad-di i-na _sza3_ 1(gesz2) 1(u) _(lu2)erin2-mesz i7_ szu?-a?-tu? ah-re-e-ma i7-(disz)(d)sin-pap-mesz-su az-ku-ra ni-bit-su _ugu a-mesz_ ku-up-pi u3 a-tap-pi mah-ru-ti sza ah-ru-u2 u2-rad-di-ma u2-sze-szir ma-lak-szu2-un

a-na nina(ki) ma-ha-zu s,i-i-ru szu-bat _lugal_-ti-ia sza ul-tu ul-la _lugal-mesz_-ni _ad-mesz_-ia szu-bat-su la u2-szar-bu-u la u2-nak-ki-lu nik-la-su e-ne-na a-na-ku (disz)(d)sin-pap-mesz-su _lugal kur_ asz-szur(ki) a-sza2-red kal mal-ki sza ul-tu s,i-it _(d)utu_-szi a-di e-reb _(d)utu_-szi i-sza2-risz at-ta-lak-ma ina _a-mesz_ pat-ta-a-ti sza u2-szah-ru-u2 nina(ki) a-na li-me-ti-szu2 _(gesz)kiri6-mesz (gesz)gesztin-mesz_

gi-mir _gurun_ [...] u2-[...] x _szab?_ x x szu-be-lat hur-sza2-a-ni ka-li-szu2-un _gurun_ ad-na-a-ti ka-la-ma? _szim?-hi-a?_ u3 (gesz)se-er-di? az-qup a-di _a-mesz_ la i-kasz-sza2-du a-na s,u-ma-me-ti u2-masz-szir-ma am-ba-su _mu-ne_ x [...]-x gi-mir s,ip-pa-a-ti ina e-re-bi e-re-s,e-ti e-le-en _iri_ u3 _ki-ta ta sza3_ (iri)tar-bi-s,i a-di _iri_ sza2 _(lu2)sza3-iri_-a-a a-na me2-resz _sze_-am u3 _sze-gesz-i3_ u2-szam-ka-ra szat-ti-szam _nun_ ar-ku-u2 i-na _lugal-mesz_-ni

_dumu-mesz_-ia sza it-ti lib3-bi usz-tam-mu-ma a-na qa-a-pi la tur-ru i-tam-ma? a-ki-i i-na _sza3? (lu2)erin2-mesz_ an-nu-ti e-s,u-ti _i7_ szu-a-tu u2-szah-ri ni-isz (d)asz-szur _dingir_-ia _gal_ at-ta-ma-a szum-ma ina _sza3 (lu2)erin2-mesz_ an-nu-ti _i7_ szu-a-tu la ah-ru-u u3 i-na _mu-an-na_ 3(disz) _iti_ la u2-qat-tu-u2 szi-pir-sza2 la [...] ig-gam-ru-u2 u2-qat-tu-u2 hi-ru-sa

a-na pa-te-e _i7_ szu-a-tu _(lu2)masz-masz (lu2)gala_ u2-ma-'e-er-ma u2-szat-[...] _(na4)gug (na4)za-gin3 (na4)musz-gir2 (na4)nir2 (na4)babbar-dili-mesz_ _na4-mesz_ ni-siq-ti _bal-gi(ku6) nig2-bun2-na(ku6)_ tam-szil pi2-ti-iq _ku3-babbar ku3-sig17 szim-hi-a i3-gesz du10-ga_ a-na (d)e2-a _en_ nag-bi kup-pi u3 ta-ma?-mi?-ti (d)en-bi-lu-lu _gu2-gal i7-mesz_ (d)en-e-im-du _en e?_ u? _pa5?_ u2-qa-a-a-isz qi2-sza2-a-ti a-na _dingir-mesz gal-mesz_ ut-nin-ma

su-up-pi-ia isz-mu-ma u2-sze-szi-ru li-pit _szu-min_-ia _ka2 i7_ szu-a-tu ba-lu? _(gesz)mar_ u3 _(gesz)mar-sze-ra-ah_ a-na ra-ma-ni-szu ip-pe-te9-ma u2-szar-da-a _a-mesz he2-nun_ i-na szi-pir _szu-min lu2_-tim _ka2_-szu2 la ip-pe-te9 ki-ma bi-bil lib3-bi _dingir-mesz_ u2-szah-bab ma-a-me isz-tu _i7_ ap-pal-su-ma usz-te-esz-sze-ra szi-pir-sza2 a-na _dingir-mesz gal-mesz_ a-lik i-di-ia mu-kin-nu _bala_-ia _gu4-mesz niga-mesz_

_udu-mesz_ du-usz-szu2-ti _(udu)siskur-mesz_ eb-be2-ti lu aq-qi2 _(lu2)erin2-mesz_ szu-nu-ti sza _i7_ szu-a-tu ih-ru-u2 _(tug2)gada tug2-mesz_ bir-me u2-hal-lip-szu-nu-ti _har-mesz ku3-sig17 gaba-mesz ku3-sig17_ asz2-kun-szu2-nu-ti ina _mu-an-na u2_-ma it-ti ar _i7_ szu-a-tu sza ah-ru-u2 it-ti (disz)um-ma-an-me-na-nu _lugal kur_ elam-ma(ki) u3 _lugal_ babila2(ki) a-di _lugal-mesz_-ni ma-a'-du-ti sza _kur_-i u3 _kur_ tam-tim sza re-s,u-ti-szu2-nu i-na ta-mir-ti (iri)ha-lu-le-e

asz2-ta-kan si-dir-ta ina qi2-bit (d)asz-szur _en gal_-e _en_-ia ki-i (gesz)szil-ta-hi szam-ri i-na lib3-bi-szu2-nu al-lik-ma si-kip-ti _erin2-hi-a-mesz_-szu2-nu asz2-kun pu-hur-szu2-nu u2-sap-pi-ih-ma u2-par-ri-ir el-lat-su-un _(lu2)gal-mesz lugal_ (kur)elam-ma(ki) a-di _(disz)(d)ag-mu-gar_-un _dumu (disz)(d)marduk-a-szum2-na_ _lugal_ (kur)kar2-(d)dun-ia2-asz3 bal-t,u-su-un qe2-reb tam-ha-ri ik-szu-da _szu-min_-a-a _lugal_ (kur)elam-ma(ki) u3 _lugal_ babila2(ki) hur-ba-szu _me3_-ia dan-ni

is-hup-szu2-nu-ti-ma qe2-reb _(gesz)gigir-mesz_-szu2-nu u2-masz-sze-ru-u2-ni zu-u2-szu2-un a-na szu-zu-ub nap-sza2-te-szu2-nu ma-tu-usz-szu2-un in-nab-tu-ma la i-tu-ru-ni ar-kisz min3-de-ma (disz)(d)sin-szesz-mesz-su _lugal kur_ asz-szur(ki) ag-gesz i-ziz-ma a-na _kur_ elam-ma(ki) i-szak-ka-nu ta-a-a-ar-tu2 hat-tu pu-luh-tu _ugu_ (kur)elam-ma(ki) ka-li-szu2-un it-ta-bi-ik-ma _kur_-su-nu u2-masz-sze-ru-ma a-na szu-zu-ub nap-sza2-te-szu2-nu ki-i _ti8(muszen)_

szad-da-a mar-s,u in-nen-du-ma ki-i a-na is,-s,u-ri kusz-szu-di i-tar-ra-ku lib-bu-szu2-un a-di u4-mi szi-tim-ti-szu2-nu t,u-du la ip-tu-ma la e-pu-szu ta-ha-zu i-na 2(disz)-i _kaskal_-ia a-na babila2(ki) sza2 a-na ka-sza2-di u2-s,a-am-me-ru-szu hi-it-mu-t,isz al-lik-ma ki-ma ti-ib me-he-e a-ziq-ma ki-ma im-ba-ri as-hu-up-szu _iri_ ni-i-ti al-me-ma i-na pil-szi u3 na-bal-kat2-ti _szu-min_-a-a ik-szu-da hu-bu-ut _iri?_ ah-bu-ut _ug3-mesz_-szu2 _tur_ u3 _gal_-a la e-zib-ma _adda-mesz_-szu2-nu re-bet _iri_

u2-mal-li (disz)szu-zu-bu _lugal_ babila2(ki) qa2-du kim-ti-szu2 _[...]-mesz_-szu2 bal-t,u-su-un a-na qe2-reb _kur_-ia u2-bil-szu _nig2-gur11 iri_ szu-a-tu _ku3-babbar ku3-sig17 na4-mesz_ ni-siq-ti _nig2-szu nig2-gur11_ a-na _szu-min ug3-mesz_-ia am-ni-i-ma a-na i-di ra-ma-ni-szu2-nu u2-ter-ru _dingir-mesz_ a-szib lib3-bi-szu2 _szu-min ug3-mesz_-ia ik-szu-su-nu-ti-ma u2-szab-bi-ru-ma _nig2-szu_-szu2-nu _nig2-gur11_-szu2-nu il-qu-u2 (d)iszkur (d)sza-la _dingir-mesz_

sza (iri)e2-gal-mesz sza (disz)(d)marduk-szum2-szesz-mesz _lugal kur_ uri(ki) a-na tar-s,i (disz)tukul-ti_-a_-e2-szar2-ra _lugal kur_ asz-szur(ki) il-qu-ma a-na babila2(ki) u2-bil-lu i-na 4(disz) _me_ 1(u) 8(disz) _mu-an-na-mesz_ ul-tu babila2(ki) u2-sze-s,a-am-ma ana (iri)e2-gal-mesz a-na asz2-ri-szu2-nu u2-ter-szu2-nu-ti _iri_ u3 _e2-mesz_ ul-tu _usz8_-szu2 a-di gaba-dib-bi-szu2 ap-pul aq-qur i-na (d)gesz-bar aq-mu _bad3_ u3 szal-hu-u _e2-mesz dingir-mesz_ ziq-qur-rat _sig4_ u _sahar-hi-a_ ma-la ba-szu-u2

as-suh-ma a-na (i7)a-ra-ah-ti ad-di i-na qe2-reb _iri_ szu-a-tu hi-ra-a-ti ah-re-e-ma er-s,e-es-su-nu ina _a-mesz_ as-pu-un szi-kin usz-sze-szu2 u2-hal-liq-ma _ugu_ sza a-bu-bu na-al-pan-ta-szu2 u2-sza2-tir asz2-szu ah-rat u4-me qaq-qar _iri_ szu-a-tu u3 _e2-mesz dingir-mesz_ la musz-szi-i i-na ma-a-mi usz-har-mit,-su-ma ag-da-mar u2-szal-lisz i-na pi-i _i7_ sza u2-szah-ru-u2 i-na qe2-reb _kur_-i

ap-pi ma-har-szu2-un ul-ziz mim-ma lip-ta-at _szu-min_-ia sza qe2-reb nina(ki) i-tep-pu-szu2 s,e-ru-usz-szu2-un u2-sza2-asz2-t,ir-ma a-na _lugal-mesz_-ni _dumu-mesz_-ia e-zib s,a-ti-isz ma-ti-ma _nun_ ar-ku-u i-na _lugal-mesz_-ni _dumu-mesz_-ia sza2 e-pisz-ti e-pu-szu2 u2-sah-hu-u2 rik-sa-te ar-ku-sa i-pat,-t,a-ru _a-mesz_ pat-ta-a-ti sza2-ti-na ul-tu ta-mir-ti nina(ki) i-par-ra-su ma-lak-szin _dingir-mesz gal-mesz_ ma-la i-na _(na4)na-ru2_-e an-ne2-e szu-mu na-bu-u2 i-na s,i-it pi-i-szu2-nu

el-li sza la na-ka-ri ar-rat ma-ru-usz-ti li-ru-ru-szu2-ma lis-ki-pu _bala_-szu2

_kur_ (disz)(d)sin-pap-mesz-su _man szu2 man kur_ asz

_kur_ (disz)(d)sin-pap-mesz-su _man kur_ asz

(disz)(d)sin-pap-mesz-su _man szu2 man kur_ asz-szur a-na szid-di ru-u2-qi2 _a-mesz_ (i7)ha-zu-ur ki-lal-la-an _a-mesz_ (i7)pul-pul-li-ia _a-mesz_ (iri)ha-nu-sa _a-mesz_ (iri)gam-ma-ga-ra _a-mesz_ kup-pa-ni sza _kur-mesz_ sza im-na u3 szu-me-li sza i-ta-tu-usz-szu2 _ugu_-szu2 usz-rad-di pat-tum u2-szah2-ra-a a-na ta-mir-ti _nina(ki) ugu_ na-ah-li hu-du-du-ti sza (na4)pi-i-li pe-s,i-i u2-szak-bi-is ti-tur-ru _a-mesz_ sza2-tu-nu u2-sze-ti-iq s,e-ru-usz-szu2

[...] a-na szid-di ru-u2-qi2 ul-tu (i7)ha-zu-ur pat-tum u2-szah2-ra-a [...] [...] _ugu_ na-ah-li hu-du-du-ti sza (na4)pi-i-li u2-sza2-ak-bi-is ti-tur-ri _a-mesz_ [...]

i-na u4-mi?-im?-ma? [...] a-na babila2(ki) hi-it-mu-t,isz al-lik-ma? [...] _lugal_ (kur)kar2-(d)dun-ia3-asz2 sza [...] [...] ti ik?-szu?-du? a-x x x x a x [...] [...] szu-u2 (disz)(d)marduk-ibila-szum2-na [...] [...] a-lak ger-ri-ia isz-me-ma hat-tu u3 pu-luh-tu im-qut-su? [...] [...] x _abul-mesz_-szu2 [...] (disz)(d)marduk-ibila-szum2-na [...] szu-a-tu2 u2-sze-s,a-am-ma szal-la-tisz am-nu [...] _na4_ a-qar-tu u2-nu-ut x x [...] [...] (lu2)man-za-az pa-ni _(lu2)nar-mesz_ [...]

[...] x u2-sze-s,a-am-ma szal-la-tisz am-nu [...] _[...]-mesz_-szu2 _(gesz)gigir-mesz_-szu2 [...] [...] u2-nu-ut _e2-gal_-szu [...] [...] i-na qe2-reb babila2(ki) [...] i-na 2(disz)-e ger-ri-ia (d)asz-szur be-li2 u2-tak-kil-an-ni-ma a-na _kur_ (lu2)kasz-szi-i u3 _kur_ (lu2)ia-su-bi-gal-la-a-a sza ul-tu ul-la a-na _lugal-mesz ad-mesz_-ia la kit-nu-usz lu al-lik [...] _ansze-nun-na-mesz ansze-mesz gu4-mesz_ u3 s,e-e-ni ul-tu qer-bi-szu2-un u2-sze-s,a-am-ma szal-la-tisz am-nu

u3 _iri-mesz_-(ni)-szu2-nu _tur-mesz_ sza ni-ba la i-szu-u2 ap-pul aq-qur gim-ri _kur_-szu2 _dagal_-ti [...]-ma _gin7_ im-ba-ri as-hu-up (iri)mar-u2-bisz-ti (iri)ak-ku-ud-du (iri)e2?-(disz?)bar?-ra-a sza2 ku-tal _kur_-i? _iri-mesz_-(ni) _e2 lugal_-ti-szu a-di 3(u) 4(disz) _iri-mesz tur-mesz_ sza2 li-me-ti-szu2-nu al-me ak-szu-du a-di a-na-ku a-na [...] (iri)e-le-en-zi-asz2 [...] as,-bat-ma _bad3?_ x [...] [...] _sag_ mul-mul-li [...] [...] i?-na _me3 edin_ [...] [...]-ma usz-te-sze-ru har-ra-nu [...]

[...] _(lu2?)masz?-masz? (lu2)a-zu_ (lu2)da-gil2 _muszen_ [...] [...] _(lu2)nagar (lu2)ku3-dim2 (lu2)simug_ (lu2)[...] [...] szi-pir _(lu2)usz-bar_-u2-tu mu-du-u2 [...]

(disz)(d)sin-pap-mesz-su _man szu2 man kur_ asz-szur(ki)

sza _sag (iri)limmu2-dingir a-mesz_ ku-up-pi sza _za3_ u _gub3_ sza i-ta-at _i7-mesz_ sza2-ti-ni ah-re-ma _ugu_-szi?-na? usz-rad-di _i7_ ah-re-ma a-na qa-bal-ti (iri)limmu2-dingir szu-bat (d)isz-tar _gaszan_ s,ir-ti u2-sze-szir ma-lak-szin

(d)asz-szur _en gal ad dingir-mesz_ (d)a-num (d)en-lil2 u3 (d)e2-a (d)sin (d)utu (d)iszkur (d)marduk (d)ag (d)u-gur (d)isz-tar (d)_7(disz)-bi dingir-mesz gal-mesz_ sza i-di _lugal_ pa-li-hi-szu2-un i-za-zu-ma _ugu_ kul-lat na-ki-ri u2-szam-ra-ru _(gesz)tukul-mesz_-szu2 (disz)(d)sin-pap-mesz-su _lugal gal lugal_ dan-nu _lugal szu2 lugal kur_ asz-szur(ki) _lugal_ kib-rat _limmu2_-tim _lugal_ ni-isz _igi-min_-ku-un na-s,ir kit-ti

ra-'i-im mi-sza2-ri e-pisz u2-sa-a-ti a-lik tap-pu-ut a-ki-i sa-hi-ru dam-qa-a-ti et,-lum git2-ma-lum zi-ka-ru qar-du a-sza2-red kal mal-ki rap-pu la-'i-it, la ma-gi-ri mu-szab-ri-qu za-ma-a-ni (d)asz-szur _kur_-u2 _gal lugal_-ut la sza2-na-an u2-szat-li-ma-an-ni-ma _ugu_ gim-ri a-szib pa-rak-ki u2-szar-ba-a _(gesz)tukul-mesz_-ia ul-tu _a-ab-ba_ e-le-ni-ti sza sza2-lam _(d)utu_-szi a-di tam-tim szap-li-ti sza s,i-it _(d)utu_-szi gi-mir mal-ki sza kib-ra-a-ti

sze-pu-u2-a u2-szak-nisz-ma i-szu-t,u ab-sza2-a-ni i-na er-bet ger-ra-ni-ia sza a-na (kur)kal-di u2-ri-du-ma a-na (iri)kar_-(d)muati_ sza _gu2_ (i7)mar-ra-ti al-li-ku _iri-mesz_-szu2-nu ak-szu-du-ma asz2-lu-la szal-la-su-un ap-pu-lu4 aq-qu-ru i-na (d)gesz-bar aq-mu-u2 i-na sze-lal-ti ger-ra-ni-ia sza a-na (kur)elam-ma(ki) al-li-ku-ma u2-szah-ri-bu da-ad2-me-sza2 i-na 8(disz)-e ger-ri-ia a-na babila2(ki) a-la-ku aq-bi _dumu-mesz_ babila2(ki) sza a-lak ger-ri-ia

isz-mu-ma im-qu-ut-su-nu-ti gi-lit-tu u3 ha-at-tu _e2 nig2-gur11_ sza e2-sag-il2 ip-tu-ma _ku3-sig17 ku3-babbar na4-mesz_ na-as-qu-ti sza (d)en u3 (d)zar-pa-ni-tum a-na mu-'u-de-e u2-sze-s,u-ni a-na (disz)um-ma-an-me-na-nu _lugal_ (kur)elam-ma(ki) u2-sze-bi-lu isz-pu-ru-szu2 ki-a-am a-na re-s,u-ti-ni a-na babila2(ki) al-ka-am-ma i-da-a-ni i-zi-iz-ma tu-kul-ta-ni lu at-ta szu-u2 _lugal_ (kur)elam-ma(ki) la ha-sis a-ma-te sza la i-szu-u2

t,e3-e-mu u3 mil-ku ki-i il-te-ni-szu2 i-na tar-s,i (disz)hal-lu-szi _ad_-szu2 a-na na-gi-szu2 u2-ri-du-ma (iri)na-gi-tu (iri)na-gi-tu-di-i'-bi-na (kur)hi-il-mu (kur)pil-la-tu2 u3 (kur)hu-pa-pa-nu na-gi-a-ni-szu2 sza e-ber-tan (i7)mar-ra-ti ak-szu-du-ma asz2-lu-la szal-la-su-un ap-pu-lu4 aq-qu-ru ina (d)gesz-bar aq-mu-u2 sza2-ni-a-nu i-na tar-s,i (disz)ku-du-ri _szesz_-szu2 a-na (kur)elam-ma(ki) al-li-ku-ma (iri)e2-(disz)ha-'i-ri

(iri)ra-s,a-a _iri-mesz_-ni sza mi-s,ir _kur_ asz-szur(ki) sza i-na tar-s,i _ad_-ia _lugal_ (kur)elam-ma(ki) e-ki-mu da-na-nisz i-na me-ti-iq ger-ri-ia al-me _kur_-ud asz2-lu-la szal-la-sun2 _(lu2)erin2-mesz (gesz)pan_ (gesz)a-ri-te qe2-reb-szu2-un u2-sze-rib a-na mi-s,ir _kur_ asz-szur(ki) u2-ter-ram-ma _szu-min (lu2)gal_ (iri)hal-s,u bad3-dingir(ki) am-nu (iri)e2-(disz)ar-ra-bi (iri)a-lum_-(gesz)pan_ (iri)bu-be2-e (iri)dun-ni-(d)utu (iri)e-kal-szal-la

(iri)bu-ru-tu (iri)e2-(disz)ri-si-ia (iri)bad3-(disz)dan-nu-(d)u-gur (iri)e2-(disz)ah-la-me-e (iri)a-lum-sza-gaszan-e2 (iri)ib-rat (iri)ku-s,ur-ta-in (iri)du-u2-ru (iri)dan-nat-(disz)su-la-a-a (iri)szi-li-ib-tu (iri)e2-(disz)a-s,u-u2-si (iri)kar-(disz)numun-ba-sza2 (iri)e2-(disz)gi-is,-s,i (iri)e2-(disz)kat3-pa-la-ni (iri)dim-tu2-sza2-(disz)su-la-a-a (iri)dim-tu2-sza-(disz)(d)dumu-e2-kar-ir (iri)har-ri-asz2-la-ke-e (iri)rab-ba-a-a (iri)ra-a-su (iri)du6-(disz)u2-hu-ri

(iri)ha-am-ra-nu (iri)du6-(disz)hu-um-bi (iri)dim-tu2-sza-(disz)du-me-li (iri)e2-(disz)u2-bi-ia (iri)bal-ti-li-szir (iri)ta-qab-li-szir (iri)sza-na-qi-da-a-te (iri)sa-ar-hu-de-ri (iri)e2-(disz)pap-mesz-szum2-na (iri)il-te-u2-ba? (iri)mu-hu?-s,e-e-x (iri)da-am-te-e (iri)dim-tu2-sza-gaszan-e2 (iri)ak-kab-ri-na (iri)e2-(disz)im-bi-ia? (iri)ma-su-ut-tu (iri)e2-(disz)un-zi-ia (iri)e2-(disz)ki-si-ia (iri)dim-tu2-sza2-(disz)szul-lu-me (iri)[...]

(iri)dim-tu2-sza-(disz)(d)muati-szar-hi-dingir-mesz (iri)ap-di-nu (iri)du6-ra-qu (iri)a-lum-lugal (iri)x [...] _e2 bad3-mesz_ dan-nu-ti sza (kur)ra-a-szi u3 _iri-mesz tur-mesz_ sza li-me-ti-szu2-nu sza ni-ba la i-szu-u2 (iri)ha-ma-nu (iri)na-di-tu a-di ne2-re-bi sza (iri)e2-(disz)bu-na-ak-ki ak-szu-du-ma asz2-lu-la szal-la-sun2 ap-pu-lu aq-qu-ru i-na (d)gesz-bar aq-mu-u2 asz2-pu-ka ti-la-nisz szu-u2 _lugal_ (kur)elam-ma(ki) [...]

ka-szad _iri-mesz_-szu2 isz-mu-u2 gi-lit-tu u3 ha-at-tu im-qu-tu-szu2 si-it-ti _ug3-mesz kur_-szu2 a-na dan-na-a-te u2-sze-lu-u2 szu-u2 (iri)ma-dak-ti _iri lugal_-ti-szu2 e-zi-bu-ma a-na (iri)ha-i-da-la sza qa-bal _kur_-i a-na ru-qe2-e-ti isz-ta-ka-nu pa-ni-szu a-na (iri)ma-dak-ti _iri lugal_-ti-szu2 a-la-ku aq-bu-u2 (iti)ab ku-us,-s,u dan-nu ik-szu-dam-ma sza2-mu-tum? la-zi-iz-tum? il-li-ku-ma? sza2-a-ru zu-un-nu szal?-gu? im-da-ha-ru na-ha-al-li na-at-bak _kur_-i a-du-ra pa-an ni-ri-ia u2-ter-ru-ma

a-na _kur_ asz-szur as,-ba-tu har-ra-nu ar-ki-ia szu-u2 _lugal_ (kur)elam-ma(ki) [...] u2-szat-bi?-ma? si?-it?-ti _un?-mesz kur_-szu2 sza ul-tu? [...] a-na (kur)[...] u2-sze-ri-dam-ma u2-sze-szib t,e-ra-a-ti [...] a-na (kur)[...] x [...] la? ra?-asz2 t,e3-e-me u3 mil-ki? a? tu? [...] x nu x [...] x _ka2?_ [...] im-hur [...] qu [...] la iq?-ba-a? e-pi-su-un? _erin2-hi-a?_-szu2 _karasz?_-su u2-pa-hi-ir-ma? [...] [...] x? x x [...] [...] x ha [...] [...] (kur)e2-(disz)a-di-ni [...]

(lu2)u2-bu-lu? (lu2)ma-la?-hu (lu2)ra-pi-qu? [...] x x x [...] gi-ip-szu-sun2 [...] x x x x? [...] u3 x [...] [...] x [...] nu in [...] ki-ma ti-bu-ut a-ri-bi ma-a'-di sza pa-an szat-ti [...] a-na e-pesz tuq-ma-ti (x x) x x ia [...] _sahar-hi-a giri3-min_-szu2-nu ki-ma _muru9_ kab-ti sza dun-ni e-ri-ia-ti pa-an _an_-e rap-szu-ti ka-tim a-na-ku a-na (d)asz-szur (d)sin (d)utu (d)en (d)muati (d)u-gur

(d)inanna sza (iri)nina(ki) (d)inanna sza (iri)limmu2-dingir _dingir-mesz_ ti-ik-li-ia a-na ka-sza2-di _(lu2)kur2_ dan-ni am-hur-szu2-nu-ti-ma su-pe-ia ur-ru-hisz isz-mu-u2 il-li-ku re-s,u-ti [...] szu-zu-zu an-na-dir-ma at-tal-bi-sza2 si-ri-ia-am hu-li-ia-am si-mat s,i-il-ti a-pi-ra ra-szu-u2-a i-na _(gesz)gigir me3_-ia s,ir-ti sa-pi-na-at za-'i-i-ri i-na ug-gat lib-bi-ia ar-ta-kab ha-an-t,isz _(gesz)pan_ dan-na-tu sza (d)asz-szur u2-szat-li-ma i-na _szu-min_-ia as,-bat [...]

[...] a? i x _id (gesz)gigir_-ia a-na szid-di u pu-ti? [...] s,ar-pisz u4-mi3-isz al-sa-a _gin7 (d)iszkur_ asz2-gu-um i-na qi2-bit (d)asz-szur _en gal en_-ia _gin7_ ti-ib me-he-e szam-ri a-na _(lu2)kur2_ a-zi-iq i-na _(gesz)tukul_ (d)asz-szur _en_-ia u3 ti-ib ta-ha-zi-ia ez-zi i-rat-su-un a-ne2-e'-ma suh-hur-ta-szu2-nu asz2-kun sza gi-pisz um-ma-na-te [...] [...]-na s,e-ru-usz-szu2-un (disz)(d)hu-um-ban-un-da-sza2 [...] [...]-'-ti da-i-ku? _en-mesz_-szu2-un [...]

[...] bu? i-na _(gesz)tukul?_ szap-la-nisz a-x [...] [...] x-szu2-nu-ti i-na da-a-ki? ma x [...] [...] _ki?_ x x x x x _(lu2)erin2-mesz_ [...] [...] ub? x mur?-ni-is?-qu2? [...] [...] x x x i?-na? x i?-za-al? [...] [...] x x x x x ka x [...] [...] lib?-ba-szu2 x x-'-[...] [...] x _za?_ x x u2 x [...] [...] x bu x x x [...] [...] x hi? [...] [...] x x x x _ka2?_ x [...] qar? x [...] ru x x usz? [...] ta-ha-zi? x x x x? x szu mut? i-na (gesz)[...] _dumu-mesz_-szu2 [...] iq-mu-u2 x [...]

x x x x x-nu (d)asz-szur _en_-ia x [...] _(lu2)gal-mesz_-szu2 sza _gir2_ szib-bi _ku3-sig17_ szit-ku-nu u3 i-na _har-mesz_ as-pi _ku3-sig17_ ru-usz-szi-i ruk-ku-sa rit-ti-szu2-un ki-ma szu-u2-ri ma-ru-ti sza na-du-u2 szum-man-nu ur-ru-hi-isz u2-pal-liq-szu2-nu-ti-ma asz2-ku-na tah-ta-szu2-un ki-sza2-da-te-szu2-nu u2-na-kis as-lisz aq-ra-a-te nap-sza2-te-szu2-nu u2-par-ri-i' qu3-u'3-isz ki-ma _illu_ gap-szi sza sza2-mu-tum

mur-ni-is-qi s,i-mit-ti ru-ku-bi-ia i-na da-me-szu2-nu gap-szu-ti i-szal-lu-u2 (d)i7-isz sza _(gesz)gigir me3_-ia sa-pi-na-at rag-gi u3 s,e-ni da-mu u3 par-szu2 ri-it-mu-ku ma-gar-ru-usz pag-ri qu-ra-di-szu2-nu ki-ma ur-qi2-ti u2-mal-la-a _edin_ a-di 2(disz) _danna2 ge6_ il-li-ku da-ak-szu2-nu ap-ru-us sa-ap-sa-pa-te u2-na-kis-ma bal-ta-szu2-un a-bu-ut ki-ma bi-ni qisz-sze-e si-ma-ni u2-na-kis qa-ti-szu2-un _har-mesz_ as-pi _ku3-sig17 ki-sag_

eb-bi sza2 rit-ti-szu2-nu am-hur i-na nam-s,a-ri zaq-tu-u2-ti hu-s,a-an-ni-szu2-nu u2-par-ri-i' _gir2-mesz_ szib-bi _ku3-sig17 ku3-babbar_ sza _murub4-mesz_-szu2-nu e-kim szu-u2 (disz)um-ma-an-me-na-nu a-di _lugal_ babila2(ki) hur-ba-szu2 _me3_-ia _gin7_-le-e zu-mur-szu2-un is-hu-up ki-i at-mi _tu(muszen)_ kusz-szu-di i-tar-ra-ku lib-bu-szu2-un szi-na-te-szu2-un u2-s,ar-ra-pu qe2-reb _(gesz)gigir-mesz_-szu2-nu u2-masz-sze-ru-ni zu-u2-szu2-un a-na szu-zu-ub _zi-mesz_-szu2-nu

pag-ri _erin2-hi-a_-szu2-nu u2-da-i-szu2 e-ti-qu a-na qab-li sza _(gesz)mar-gid2-da-mesz?_ [...] sze-pu-u2-a u2-sa-ap-pu-u2 be-lu-ti a-na nap-sza2-a-te musz-szir-an-na-ti [...] ta-nit-tuk a-na-ku ul-tu a-mu-ru ki-i u2-masz-sze-ru-ni zu-u2-szu2-un i-na qe2-reb _(gesz)gigir-mesz_-szu2-nu a-na szu-s,e-e nap-sza2-a-ti u2-masz-szir-szu2-nu-ti si-it-ti _(lu2)gal-mesz_ sza2 _(kur?)elam-ma(ki?)_ a-di _(disz)(d)ag-mu-gar_-un

_dumu_ (disz)(d)marduk-ibila-szum2-na li-ip-li-pi sza (disz)ia-kin7 sza i-na _(gesz)gigir-mesz ku3-babbar_ u2-szu-uz-zu [...] x ki e bu x x _ud_ ak ki x la-pa-an _me3_-ia dan-ni ip-la-hu-ma id-ku-u i-da-szu2-un [...] x ni x ma i-na _(gesz)tukul_ bal-t,u-ti i-na _murub4_ tam-ha-ri i-na _szu-min_ u2-s,ab-bit x (x x) (gesz)s,u-um-ba-a-ti a-di _ansze-kunga-mesz_-szi-na u3 _(gesz)gigir-mesz_ a-di _ansze-kur-ra-mesz_-szi-na sza2 ina qit-ru-ub ta-ha-zi dan-ni

ra-ki-bu-szin a-du-ku-ma u3 szi-na musz-szu-ra ram-nu-usz-szin it-ta-na-al-la-ka mit-ha-risz u2-ter-ra usz?-man-na?-a-te-szu2-nu u3 (gesz)za-ra-a-te _lugal_-ti-szu2-nu e-kim-szu2-nu-ti szu-nu ki-i mun-nab-ti ri-qu?-sun2? i-tu-ru _kur_-usz-szu2-un a-na ma-te-ma ma-ma-an da-na-nu (d)asz-szur _en_-ia la ma-sze-e ta-nit-ti qar-ra-du-ti-szu2 szu-usz-ru-hu gi-mir ab-ra-a-ti i-na qaq-qar dab2-de-e _lugal_ babila2(ki)

u3 (disz)um-ma-an-me-na-nu _lugal_ (kur)elam-ma(ki) si-hi-ir-ti _kur-mesz_-szu2-nu a-di (kur)par-su-asz2 (kur)an-za-an (kur)pa-szi-ru (kur)el-li-pi gi-mir (kur)kal-di ma-la ba-szu-u2 (lu2)a-ra-me ka-li-szu2-un asz2-ku-nu-ma gul-gu-li-szu2-nu ki-ma _sze-im_ ha-ma-di-ri e-s,i-id-ma ar-s,ip di-ma-ti-isz _(na4)na-ru2-a_ u2-sze-pisz-ma li-i-tu ki-szit-ti _szu-min_ sza i-na tu-kul-ti _dingir-mesz gal-mesz en-mesz_-ia

s,e-er na-ki-re-e-a asz2-tak-ka-nu qe2-reb-szu2 u2-sza2-asz2-t,ir-ma i-na ta-mir-ti (iri)ha-lu-le-e ul-ziz i-na u4-me-szu2-ma (iri)su-ur-mar-ra-ti sza _gu2_ (i7)hal-hal sza ul-tu _u4-mesz_ ul-lu-u2-ti na-du-ma szu-lu-ku kam-ru-te ul-tu a-na-ku a-na (kur)elam-ma(ki) u3 (kur)kal-di u2-sa-di-ru ta-lu-ku asz2-szu2 i-na me-ti-iq ger-ri-ia i-na qer-bi-szu2 a-sza2-ak-ka-nu nu-bat-tu i-nu-szu2 szu-szu-ub _iri_ sza2-a-tu i-na _gesztu-min_-ia ib-szi-ma

ka-bat-ti ub-lam-ma sza _iri_ szu-bat-su ma-gal usz-rab-bi _bad3_-szu2 esz-szisz u2-sze-pisz-ma u2-zaq-qir hur-sza2-nisz i-ta-at _bad3_ a-na li-me-ti-szu2 ha-ri-s,u ah-ru-us, _(gesz)kiri6 (gesz)geszimmar gurun gesztin_ i-na u2-szal-li az-qu-up mu-sza2-ru-u2 u2-sze-pisz-ma li-i-tu u3 da-na-nu sza i-na tu-kul-ti (d)asz-szur _en_-ia _ugu_ na-ki-re-e-a asz2-tak-ka-nu s,e-ru-usz-szu2 u2-sza2-asz2-t,ir-ma qe2-reb _bad3_ u2-kin

ma-te-ma i-na _lugal-mesz dumu-mesz_-ia sza (d)asz-szur a-na _re-e2-um_-ut _kur_ u3 _ug3-mesz_ i-nam-bu-u2 zi-kir-szu2 e-nu-ma _bad3_ sza2-a-tu i-lab-bi-ru-ma en-na-hu an-hu-us-su lu-ud-disz _mu-sar_-ru-u2 szi-t,ir szu-me-ia li-mur-ma _i3-gesz_ lip-szu-usz _(udu)siskur2_ liq-qi2 it-ti mu-sza2-ri-szu2-ma a-na asz2-ri-i-szu2 lu-ter (d)asz-szur ik-ri-bi-szu2 i-szem-me

(iti)apin _u4 2(u) 5(disz)-kam_ lim-mu (disz)(d)ag-gin-pap _(lu2)en-nam_ (iri)sa-me-ri-na _mu-an-na_ 1(u) 4(disz) (disz)(d)sin-pap-mesz-su _man szu2 man kur_ asz-szur(ki)

_e2-gal (disz)(d)suen-szesz-mesz_-eri-ba _lugal gal lugal_ dan-nu _lugal szu2 lugal kur_ asz-szur(ki) _lugal_ kib-rat _limmu2_-tim mi-gir _dingir-mesz gal-mesz_ lu-li-mu er-szu2 ma-al-ku pit-qu-du _re-e2-um_ ba-hu-la-a-ti mut-tar-ru-u2 _ug3-mesz_ rap-sza2-a-ti a-na-ku (d)asz-szur _ad dingir-mesz_ i-na kul-lat ma-li-ki ke-nisz _igi-bar_-ni-ma _ugu_ gi-mir a-szib pa-rak-ki u2-szar-ba-a _(gesz)tukul-mesz_-ia id-di-nam _(gesz)gidru_ i-szar-tu

u2-szat-me-eh rit-tu-u2-a i-na ta-ha-az _edin (disz)(d)marduk-ibila-szum2-na_ _lugal_ (kur)kar2-(d)dun-ia2-asz3 na-gab (lu2)kal-du u3 (lu2)a-ra-me a-di _erin2-hi-a_ elam-ma(ki) re-s,i-szu2 a-bu-bisz as-pu-un szu-u2 a-na _kur_ tam-tim e-disz ip-par-szid-ma _dingir-mesz_ ma-rak _kur_-szu2 it-ti _gir3-pad-du-mesz ad-mesz_-szu2 mah-ru-ti ul-tu qe2-reb _ki-mah_ ih-pi-ir-ma [...] x x x [...] _ugu_ na-ki-re-e-a asz2-tak-ka-nu s,e-ru-usz-szu2 u2-sza2-asz2-t,ir-ma

i-na? usz-szi-szu? e-zib? ah-ra-tasz ma-te-ma i-na _lugal-mesz dumu-mesz_-ia sza (d)asz-szur a-na _re-e2-um_-ut _kur_ u3 _ug3-mesz_ i-nam-bu-u2 zi-kir-szu2 e-nu-ma x x? sza2-a-tu i-lab-bi-ru-ma en-na-hu an-hu-us-su lu-ud-disz _mu-sar_-e szi-t,ir szu-me-ia li-mur-ma _i3-gesz_ lip-szu-usz _(udu)siskur2_ liq-qi2 a-na asz2-ri-szu2 lu-ter (d)asz-szur ik-ri-bi-szu2 i-szem-me

(d)sin-pap-mesz-su _man kur_ asz

(disz)(d)sin-pap-mesz-su _man szu2 man kur_ asz_ ana (disz)(d)asz-szur?-pap-asz _dumu_-szu2 _gal?_ i?-din

[...] (disz)(d)sin-pap-mesz-su _man kur_ an-szar2(ki) [...]

[...] (disz)(d)sin-pap-mesz-su [...]

[...] (disz)(d)sin-pap-mesz-su [...] [...] _lugal_-ti-ia [...] [...] x (disz)(d)[...]

[...] (disz)(d)sin-pap-mesz-su [...] [...] x [...]

[...] _ta_ pa-ni-szu2 [...] [...] a-du ma-li-ke-e-szu2 _mu_-szu2-nu _numun_-szu2-nu [...]

[...] (disz)(d)sin-pap-mesz-su _man kur _an-szar2(ki) [...]

[...] (disz)(d)sin-pap-mesz-su _man kur_ an-szar2(ki) [...]

[...] (disz)(d)sin-pap-mesz-su _man_ [...]

[...] (disz)(d)sin-pap-mesz-su [...]

[...] lu-hal-li-qu

[...] (d)utu (d)[...] [...] x [...]

[...] [...] _szid_ [...] [...] (d)asz-szur be-li2 u2-tak-kil-an-ni-ma a-na (kur)ia-u-di lu al-lik ina me-ti-iq _kaskal-min_-ia man-da-at-tu sza2 _lugal-mesz_ [...] am-hur [...] [...] ina da-na?-ni sza2 _an-szar2 en_-ia na-gu-u sza2 (disz)x-x-ia-a-u (kur)ia-u-da-a-a _gin7_ x [...] [...]-x (iri)a-za-qa-a _e2_ tuk-la-te-szu2 sza2 ina bi-rit x?-x-ri-ia u (kur)ia-u-di x [...] [...] s,e-er _szu-si kur_-e sza2-kin _gin7_ zi-qip _gir2-an-bar-mesz_ la ni-bi ana _an_-e sza2-qu-u _sur_ [...]

[...] dun-nu-nu-ma szit-nu-nu _kur_-e zaq-ru-ti a-na ni-t,il _igi-min-mesz_ ki-i sza2 ul-tu _an_-e [...] [...] ina szuk-bu-us a-ra-am-me qur-ru-bu szu-pe-e da-an-nu-tu2 u i-na mit-hu-us, zu-ki _giri3-min_ qu-ra-di-ia? x x x? [...] _ansze-kur-ra-mesz_-ia e-mu-ru-ma ri-gim um-ma-nat _an-szar2_ gap-sza2-te isz-mu-ma ip-lah3 lib3-ba-szu2-un x x x? [...] al-me _kur_-ud asz2-lu-la szal-lat-su ap-pul aq-qur ina (d)gesz-bar aq-mu

[...] _iri? lugal_-ti sza (kur)pi-lisz-ta-a-a? sza2? (disz)x-x-x-ia-a-u e-ki-mu u2-dan-ni-nu-szu2-ma [...] [...] x x x x x x x x _gin7_ (gesz)gap-ni [...] [...] di-ma-a-ti _gal-mesz_ szu-tas-hu-ur-ma szum-ru-s,a-at [...] [...] x _e2-gal gin7 kur_-e pa-nu-usz-szu2-un ed-let-ma sza2-qa-at [...] [...] e-kel la na-pi-ih-szu2 _(d)utu_-szu2 _a-mesz_-szu2 ina e-t,u?-ti szit-ku-nu-ma mu-s,a-szu2 [...] [...] pi-i-sza2 ina qul-mi3-i na-kis ha-ri-s,u i-te-sza2? sza2-pil-ma ka-x [...]

[...] le-'u-u-te _me3_ u2-sze-rib qe2-reb-szu2 _(gesz)tukul-mesz_-szu2 u2-ra-kis a-na [...] [...] um-ma-na-at _kur mar-tu(ki) du3_-szu2-un _sahar-hi-a_ u2-sza2-az-bil2-szu-nu-ti-ma [...] [...] x s,e-ru-usz-szu2-un ina 7(disz)-szu x x du?-ri?-szu2 _gal-mesz gim_ kar-pat pa-ha-ri u2-par-ri-ir [...] _gu4-mesz_ u s,e-e-ni ul-tu2 qer-bi-szu2 u2-sze-s,a-am-ma szal-la-tisz am-nu [...] x x x x x? x x x x [...]

[...] x x [...] x x _ra_ [...] ab-tuq-ma [...] _en_-ia [...] x sza2-am-mu? [...] sa-kul-lat _ansze-kur-ra-mesz ansze-mesz_ [...] par-ga-nisz u2-szar-bi-is,-ma [...] x x? i-sze-er [...] ri-ti [...]-ri i-ha-du-ud [...] _ansze-edin-na-mesz masz-da3-mesz_ [...] szad-da-szu2-un [...] x sze-lep-pu-u [...] id-du-u e-ru-tu2 [...] _e2-gal-mesz_-ia [...] u2-za-'i-iz? [...] x x x x x? x x x? x [...] x u2-sza2-ziz-ma ma-gal ik-bi-ru-ma i-szi-hu la-a-nu [...] _x-mesz_ 2(disz) _(d)alad-(d)lamma_ sza2 pe-e-li pe-s,e-e

[...] x _ka2 i7_ szu2-a-tu u2-sza2-ziz [...] a-ge-e dan-ni u e-de-e szam-ri sza2 i-na-asz2-szam-ma [...] pat-ti _e_ u _pa5_ kib-ri-szi-na u2-sza2-am-ma-t,u-ma [...] bu?-tuq?-tu ib-bat-taq-qu-ma u2-t,e-eb-bu-u _buru14_ _[...]-mesz an-bar_ s,i-ra-a-ti u2-sze-pisz-ma [...] mu-s,e-e ma-a-me x x x [...] x x _u2 nig2 gu la a_ x [...] [...] ina _illu_-szu2 gap-szi [...] [...] x ma x x [...] [...] x x [...] [...] x x x x x x x x x [...] [...] _ka_-ia pit-la-hu-ma mit-gu-ru x x? [...] x x x x x x x x x x x x x x x x

[...] x-ma mad-bar na-gu-u [...] (i7)za-ban u (i7)idigna [...] x x x x x x x x [...] x x? x [...] x x [...] x x [...] x-ma? [...] x-szu2 [...] x [...] x [...] x x [...]-tu? [...] x [...] x-szu2-usz [...] x x? [...] (kur)elam?-ma?(ki) _[...]-ki_ [...] uri(ki) [...] x-ti [...] _ig_

ki?-bi-is _giri3-min_ [...] _ansze-edin-na masz-da3-mesz_ [...] it-tag-gi-szu-ma x [...] ina? _lugal-mesz_ a-li-kut mah-ri-ia [...] x na-ge-e [...] (disz)(d)sin-szesz-mesz-su _man kur_ asz-szur [...] x x? x x szu-a-tu [...] [...] x [...]

[...] x x x x-szu2? [...] [...] x _dingir-mesz gal-mesz_ [...] [...] be?-lu?-ti?-ia _edin_-usz-szu2-nu u2-sza2-asz2-t,ir? [...] [...] x ul-zi-iz-ma a-x [...] [...] _lugal-mesz dumu-mesz_-ia [...] [...] _ug3-mesz_ i-x [...] [...] _dingir?-mesz gal?-mesz_ [...] [...] x [...]

[...] x [...] [...] x _szid_ x [...] [...] be?-lu-ti-ia? [...] [...] x-lisz? is,-ba-tu-szu2? x [...] [...] qe2-reb unu(ki) ma-x-[...] [...] (disz)ku-dur-(d)na-hu-un-di (lu2)e-la-mu-u2 [...] [...] x (d)ag (d)marduk x [...] [...] mah-ri-ia u2-sza2-as,-x-[...] [...] u2-sza2-an-ni-ma u2-ter x [...] [...] u2-ter-ru-ma u2-szap-szi-hu x [...] [...] x a-na mit-hu-us,-s,i isz-x [...] [...] x x x x x x? x [...]

[...] x x x? x [...] (disz)(d)sin-pap-mesz-su [...] x x x x

[...]-ma? [...] man?-da?-ti [...] x-szu2 [...]-a-a x x [...] _x-mesz?_ [...] s,e-ru-usz?-szu2? [...] u3 szu-u (disz)(d)[...] hi-ri-is, _gal5-la2_ [...] x x _erin2-hi-a_ x [...] [...] x [...]

_an-szar2 ad dingir-mesz_ mu?-[...] rap-pu la-'i-it, [...] (d)a-nu gesz-ru x [...] la u2-nak-ka-ru [...] (d)e2-a er-szu2 _en?_ [...] sza ina _a-gar3_ na-du-u2 [...] (d)en-lil2 _en_ szur-bu-u a-sza2-red [...] (d)sin _dingir ku3 en aga_ mu-x-[...] mu-szam-dil x [...] (d)utu _di-ku5_ s,i?-i?-ru? x x x x [...] (d)iszkur _gu2-gal an_-e u3 _ki_-tim na?-din? [...] a-na _ug3-mesz_ x x [...] x x [...] x x ina s,i-x [...] [...] x x x? [...]

[...] x (d)marduk-[...] [...]-u2 [...] [...] x-szu2 i-na er-s,e-et [...] [...] x x-szu2 ina qe2-reb [...] [...] tasz-me-e u sa-li-me [...] [...] x ki _masz szum_ ta? [...] [...]-ha-pi-ia (d)sin x [...] [...] x _har_ ra x a-di _iri-[...]_ [...] u2-paq-qi2-du? x x [...] [...] x x [...]

[...] ma-har x [...] [...] _ki_ i _szi_ [...] [...] _ru?_ ma-kan2 x [...] [...] x ma-al-di _a_ x [...] [...] x ina _ugu_ ta-mir-ti [...] [...]-di-ti i-sza2-a [...] [...] sza2-ta-at qe2-e et-tu-tu2 [...] [...] x na _har ra_ x [...] [...] x x x [...]

[...]-nu-ma i-x [...] [...] ka-li-szu2-nu? [...] [...] qe2-e et-tu-ti [...] [...] x _ig ku_ sza2 x [...] [...] _ti_ x x x [...] [...] x [...]

s,a-lam (munus)ra?-'i?-ma?-a? _ama?_ (d)sin-pap-mesz-su _man szu2 man kur_ asz-szur

sza2 (munus)(d)tasz-me-tum-szar-rat _munus-e2-gal_ sza2 (disz)(d)sin-pap-mesz-su _man kur_ asz-szur

i3-nu _(d)nanna-re_ i-ri-szu _nin-dingir-ra_ _dumu_ ru-be2-e gi-is-ki-im-ma u2-kal-li-im ad-na-a-tim (d)nam-ra-s,i-it u2-sza-pi pu-ru-us-sa-szu ki-i-nu a-na (disz)(d)na-bi-um-na-'i-id _lugal_ babilax(|_tin-tir_|)(ki) za-ni-in e2-sag-il2 u3 e2-zi-da re-e2-a-am pa-al-hu mu-usz-te-'u-u2 asz-ra-a-ti _dingir-mesz gal-mesz_ (d)nanna-re _en_ a-gi-i na-asz2 s,a-ad-du a-na da-ad-mi u2-ad-di it-ta-szu asz-sum e-re-esz _nin-dingir-ra_ i-na (iti)kin-(d)inanna _u4 1(u) 3(disz)-kam iti_ szi-pi2-ir _(d)isz-tar-mesz_

(d)in-bi in-na-di-ir-ma i-na na-a'2-du-ri-szu ir-bi (d)suen _nin-dingir-ra_ i-ri-isz ki-a-am it-ta-szu u3 pu-ru-us-su-szu2 a-na-ku (disz)(d)na-bi-um-na-'i-id re-e2-am pa-li-ih i-lu-ti-szu2 qi2-bi-it-su ki-it-tim ap-la-ah at-ta-'i-id-ma asz-szum e-re-esz _nin-dingir-ra_ ra-sza#-ku# ni-qi2-it-tim asz-ra-a-ti (d)utu (d)iszkur _en-mesz_ bi-ri asz-te-'e-e-ma (d)utu u3 (d)iszkur an-na ki-i-nu i-tap-pa-lu-in-ni i-na bi-ri-ia isz-t,u-ru _uzu_ da-mi-iq-tum

asz2-ni-ma te-er-tum ap-qi2-id-ma _uzu saga_ e-li sza2 mah-ri i-tap-pa-lu-ni asz2-szu2 _dumu-munus-mesz_ ki-im-ti-ia te-er-tum e-pu2-usz-ma ul-la i-tap-pa-lu-ni asz2-lu-usz asz2-szu2 _dumu-munus_ s,i-it lib-bi-ia te-er-tum e-pu2-usz-ma _uzu saga_ i-tap-pa-lu-in-ni a-wa-at (d)suen _en_ szu-ur-bu-u2 _dingir_ ba-a-ni-ia qi2-bi-it (d)utu u3 (d)iszkur _en-mesz_ bi-ri at-ta-'i-id-m a _dumu-munus_ s,i-it lib-bi-ia a-na e-nu-ti asz2-szi-ma _en nig2-al-di_ (d)nanna szu-um-sza2 am-bi

asz2-szu2 isz-tu _u4-mesz_ ru-qu-tim pa-ra-as, en-ti ma-szu-u2-ma la ud-du-u2 szi-ki-in-szu u4-mi-sza2-am usz-ta-ad-da-an a-da-an-nu ik-szu-da-am-ma up-ta-at-ta-a-ni _ka2-mesz_ ap-pa-li-is-ma _(na4)na-ru2-a_ la-bi-ri sza (d)na-bi-um-ku-dur-ri-u2-s,ur _dumu_ (disz)(d)nin-urta-na-din-szu-mi _lugal_ pa-na ma-ah-ra-a sza s,a-lam _nin-dingir-ra_ ba-asz2-mu s,e-ru-usz-szu si-ma-ti-szu lu-bu-usz-ta-szu u3 ti-iq-ni-szu it-ti-i isz-t,u-ru-ma a-na _e2 ge6-par4_ u2-sza-ri-bu

t,up-pa-nu u3 _(gesz)le-u5-um-mesz libir-ra-mesz_ at-ta-at,-t,a-al-ku ki-ma la-bi-ri-im-ma e-pu2-usz _(na4)na-ru2-a_ si-ma-ti-szu u3 u2-na-a-at _e2_-szu e-esz-szi-isz ab-ni s,e-ru-usz-szu asz2-t,u-ur-ma ma-ha-ar (d)suen u3 (d)nin-gal _en-mesz_-e-a u2-ki-in i-nu-szu _e2 ge6-par4_ ku!-um-mu el-lu a-szar pa-ra-as, e-nu-tim isz-tak-la-lu qe2-re-eb-szu a-szar-szu na-di-ma e-mi kar-mi-isz (gesz)a-la-mi-it-tim in-bi s,i-ip-pa-a-tim a-s,u-u2 qer-bu-usz-szu ak-szi-it,-ma is,-s,i e-pe-ri ka-ar-mi-szu as-su-uh

_e2_ ap-pa-li-is-ma ud-da-a te-me-en-szu szi-t,i-ir szu-mi sza _lugal-mesz_ mah-ri la-bi-ru-tim ap-pa-li-is qer-bu-usz-szu2

_mu-sar_-u2 la-bi-ri sza2 _en-an-e-du7 nin-dingir-ra_ uri2(ki) _dumu-munus_ ku-du-ur-ma-bu-uk a-ha-at ri-im-(d)suen _lugal_ uri2(ki) sza _e2 ge6-par4_ usz-szi-szu-ma a-na asz2-ri-szu u2-te-er-ru a-na i-te-e _e2 ge6-par4 bad3_ e-li ma-a-al _nin-dingir-ra-mesz libir-ra-mesz_ il-mu-u2 ap-pa-li-is-ma _e2 ge6-par4_ ki-ma la-bi-ri-im-ma e-esz-szi-isz e-pu2-usz _bara2-mesz_-szu u3 _gesz-hur-mesz_-szu ki-ma la-bi-ri-im-ma e-esz-szi-isz ab-ni

a-na i-te-e _e2 ge6-par4 e2 en nig2-al-di_ (d)nanna _dumu-munus_-ia _nin-dingir-ra_ (d)sin e-esz-szi-isz e-pu2-usz _dumu-munus_ ul-li-il-ma a-na (d)sin u3 (d)nin-gal _en-mesz_-e-a asz2-ru-uk i-na szi-pi2-ir ka-ku3-gal2-u2-tum i-szi-ip-pu-ut-su e-pu2-usz-ma a-na _e2-ge6-par4_ u2-sze-ri-ib sa-at-tuk-ki _e2 ge6-par4_ u2-t,a-ah-hi-id _a-sza3-mesz (gesz)kiri6-mesz sag geme2 _arad_ ab2-gu4-hi-a_ u3 _u8-udu-hi-a_ u2-da-asz-szi-szu _bad3_ ma-a-a-al _nin-dingir-ra-mesz libir-ra-mesz_

ki#-ma# la#-bi#-ri#-im-ma e-esz-szi-isz al-mi _e2_ szu-a-ti a-na ma-as,-s,a-ar-tim dan-na-tim asz-ku-un-szu i3-nu-szu sza (d)suen u3 (d)nin-gal _en-mesz_-e-a sa-at-tuk-ki-szu-nu e-li sza pa-na u2-t,a-ah-hi-id mi-im-ma szum-szu in e2-kisz-nu-gal2 u2-da-asz-szi sza u4-mi _3(disz) udu-nita2_ e-li asz(+en) _udu-nita2_ gi-na-a la-bi-ri ($ erasure $) a-na (d)sin u3 (d)nin-gal _en-mesz_-e-a lu u2-ki-in bu-sza-a ma-ak-ku-ru qe2-re-eb e2-kisz-nu-gal2 u2-da-asz-szi

ra-am-ku-ut e2-kisz-nu-gal2 u3 _e2-mes dingir-mesz_ e-nu i-szip-pi2 _zabar-dab5-ba (lu2)kul-lum_ (lu2)en-gi-s,um (lu2)a-ri-ru _(lu2)gal-du3 (lu2)szitim (lu2)du6-u2-ha (lu2)i3-du8-gal_-lum (lu2)ti-ir _e2_ (lu2)la-ga-ru sza2-ki-nu taq-ri-ib-ti _(lu2)nar-mesz_ mu-ha-ad-du-u2 lib-bi _dingir-mesz_ (lu2)ki-ni-isz-tum szu-ut na-bu-u2 szu-ma-an-szu-un i-li-ik-szu-nu ap-t,u-ur-ma szu-bar-ra-szu-nu asz#-ku-un ub-bi-ib!-szu-nu-ti-ma a-na (d)suen u3 (d)nin-gal _en-mesz_-e-a u2-zak-ki-szu-nu-ti

(d)suen _dingir_ el-lu _en_ a-gi-i nu-ur te-ni-sze-ti _dingir_ szu-ur-bu-u2 sza2 qi2-bi-it-su ki-na-at a-na e-ep-sze-ti-ia li-ih-du-ma li-ir-a-am szar-ru-ti ba-la-t,am da-ra-a sze-be2-e li-it-tu-tu a-na szi-ri-ik-tim lisz-ru-kam a-a u2-sza-ab-sza2-a sza2-ni-nu ma-hi-ri a-a ar-szi e-ma _iti_ lisz-tap-pa-a i-da-a-ti du-um-qi2-ia a-ge-e szar-ru-ti-ia a-na da-ri2-a-tim lu-ki-in ra-szu-u2-a _(gesz)gu-za_ be-lu-ti-ia szu-ur2-szi-id a-na ah-ra-a-tu _u4-mesz_ e-ma _iti_ i-na i-te-ed-du-szi-ka

s,a-ad-da-ka da-mi-iq-tim gi-na-a lu-ut-tap-la-as (d)nin-gal _gaszan_ szur-bu-tum ma-ha-ar-ki li-ta-ma-a _saga_-tim _en nig2-al-di_ (d)nanna _dumu-munus_ na-ra-am-ti lib-bi-ia ma-ha-ar-ku!-nu li-bur-ma li-kun qi2-bi-is-su e-ep-sze-tu-szu li-t,i-ba nin?-ku-un a-a ir-sza2-a hi-t,i-ti

(d)a-szur _en gal_ mus-te-szir3 kisz-szat _dingir-mesz_ na-din (gesz)gidri u3 a-ge-e mu-kin2 _man_-ti (d)en-lil2 be-lu _man_ gi-mir (d)a-nun-na-ki a-bu _dingir-mesz en kur-kur_ (d)3(u2) er-szu _en_ a-ge-e sa-qu-u2 (d)ma-gur8 (d)utu _di-ku5 an ki_-ti ha-a-it, s,a-al-pat a-a-be mu-sze-eb-ru s,e-ni (d)iszkur ur-sza-nu ra-hi-is, kib-rat _kur2-mesz_ _kur-mesz ab-mesz_-ti (d)nin-urta qar-du sza2-gisz lem-ni u3 a-a-bi mu-szem-s,u2-u2 mal lib3-bi (d)inanna _sag_-ti _dingir-mesz_ be-lit te-sze-e

_dingir-mesz gal-mesz_ mu-ut-tab-bi-lu-ut _an_-e _ki_-ti sza ti-bu-szu-nu _(gesz)la2_ u3 sza2-asz2-mu mu-szer3-bu-u2 szar-ru-ut (disz)(gesz)tukul-ti-ibila-e2-szar2-ra _nun_ na-ra-me bi-bil2 lib3-bi-ku-un _sipa_-ia na-a-di sza i-na ke-e-ni lib-bi-ku-un tu-ta-a-su a-ga-a s,i-i-ra tu-up-pi-ra-su a-na _man_-ut _kur_ (d)en-lil2 _gal_-es tu-kin2-na-su a-sa-re-du-ta s,i-ru-ta qar-du-ta ta-qi-sza-szu szi-ma-at _en_-ti-szu a-na kisz-szu-te u3 _numun sanga_-ti-su a-na man-za-az e2-hur-sag-kur-kur-ra

(disz)(gesz)tukul-ti-ibila-e2-szar2-ra _lugal_ dan-nu _lugal kis_ la-a sza2-na-an _lugal_ kib-rat 4(asz)-i _lugal du3_ mal-ki-_mesz en en-mesz utul man man-mesz_ i-szip-pu na-a'-du sza2 i-na si-qir (d)utu _(gesz)gidri ku3_-tu na-ad-na-ta-szu-ma _ug3-mesz_ ba-'u2-lat (d)en-lil2 ul-tasz-pi-ru gi-mir-ta _sipa_-iu ke-e-nu sza si-qir-szu _ugu_ ma-li-ki-_mesz_ ne2-bu-u2 sza3-tam-mu s,i-ru sza (d)a-szur (gesz)tukul-mesz_-szu u2-sza2-hi-lu-ma a-na mu-'u2-ru-ut kib-rat 4(asz)-i

pu-lu-gi ne2-su-te sza _za3-za3_ e-lisz u3 szap-lisz u4-mu ne2-par5-du-u2 sza me-lam-mu-su _ub-mesz_ u2-sah-ha-pu nab-lu szur-ru-hu sza2 ki-ma ti-ik ri-ih-s,i a-na _kur_ nu-kur2-te suz-nu-nu-ma i-na si-qir (d)en-lil2 ma-hi-ra la-a i-szu-u2 u2-szam-qi-tu gi-ir (d)a-szur (d)a-szur _dingir-mesz gal-mesz_ mu-szer3-bu-u2 _lugal_-ti-ia sza kisz-szu-ta u3 da-na-na a-na isz-qi-ia isz-ru-ku-ni mi-s,ir _kur_-ti-szu-nu ru-up-pu-sa iq-bu-ni _(gesz)tukul-mesz_-szu-nu dan-nu-ti a-bu-ub tam-ha-ri

qa-ti lu-szat-me-hu _kur-kur-mesz kur-mesz_ ma-ha-zi u3 mal-ki-_mesz kur-mesz_-ut (d)a-sur a-pel2-ma mi-is,-ri-te-szu-nu u2-ke-ni-isz it-ti 1(disz) su-szi _lugal-mesz_-ni su-ut _(tug2)sagszu_ al-ta-na-an-ma li-i-ta szit-nun-ta _ugu_-szu-nu al-ta-ka-an _gaba-ri_-a i-na _muru2_ u3 sza-ni-na i-na _me3_ la-a i-sza-a-ku _ugu kur_ (d)a-szur ma-a-ta _ugu ug3-mesz_-sza _ug3-mesz_ lu-rad-di mi-s,ir _kur_-ti-ia u2-re-pis-ma gi-mir _kur-kur_-szu-nu a-pel2 i-na szur-ru _lugal_-ti-ia _2(u2) lim lu2-mesz_

_kur_ musz-ka-a-ia-_mesz_ u3 _5(disz) lugal-mesz_-ni-szu-nu sza _5(u2) mu-mesz kur_ al-zi u3 _kur_ pu-ru-lum-u2 na-a-asz2 _gun_ u3 ma-da-at-te sza (d)a-szur _en_-ia is,-ba-tu-ni _lugal_ ia-um-ma i-na tam-ha-ri _gaba_-su-nu la-a u2-ne2-hu a-na da-na-ni-szu-nu it-ka-lu-ma ur-du-ni _kur_ kat-mu-hi is,-ba-tu i-na _(gesz)tukul_-ti (d)a-szur _en_-ia _(gesz)gigir-mesz_ u3 qu-ra-di-ia-_mesz_ lul-te-szir3 _egir_-a ul u2-qi _kur_ ka-szi-ia-ra _a-sza3_ nam-ra-s,i lu-u2 ab-bal-kit

u3 _5(disz) lugal-mesz_-szu-nu i-na _kur_ kat-mu-hi lu al-ta-na-an a-bi-ik-ta-szu-nu lu asz2-kun szal-ma-at qu-ra-di-szu-nu i-na mit-hu-us, tu-sza-ri ki-ma ra-hi-s,i lu-ke-mir _usz2-mesz_-szu-nu hur-ri u3 ba-ma-a-te sza _kur_-i lu u2-szer3-di _sag-du-mesz_-szu-nu lu-na-ki-sa i-da-at _iri-mesz_-szu-nu ki-ma ka-re-e lu-sze-pi-ik szal-la-su-nu bu-sza-szu-nu nam-kur-szu-nu a-na la-a mi-na u2-sze-s,a-a _6(disz) lim_ si-te-et um-ma-na-te-szu-nu sza i-na pa-an _(gesz)tukul-mesz_-ia ip-par2-szi-du _giri3-mesz_-ia

is,-ba-tu al-qa-szu-nu-ti-ma a-na _ug3-mesz kur_-ti-ia am-nu-szu-nu-ti i-na u4-mi-szu-ma a-na _kur_ kat-mu-hi la ma-gi-ri sza _gun_ u3 ma-da-ta a-na (d)a-szur _en_-ia ik-lu-u2 lu al-lik _kur_ kat-mu-hi a-na si-hir2-ti-sza ak-szud szal-la-su-nu bu-sa-szu-nu nam-kur-szu-nu u2-sze-s,a-a _iri-mesz_-szu-nu i-na _izi-mesz_

asz2-ru-up ap-pul2 aq-qur si-te-et _kur_ kat-mu-hi sza i-na pa-an _(gesz)tukul-mesz_-ia ip-par2-szi-du a-na _iri_ sze-re-sze sza _giri3_ am-ma-te sza (i7)idigna lu e-be-ru _iri_ a-na dan-nu-ti-szu-nu lu isz-ku-nu _(gesz)gigir-mesz_ u3 qu-ra-di-ia-_mesz_ lu al-qe2 _kur_-a mar-s,a u3 gir-re-te-szu-nu pa-asz2-qa-a-te i-na aq-qul2-lat _uruda-mesz_ lu ah-si hu-u2-la a-na me-te-eq _(gesz)gigir-mesz_-ia u3 um-ma-na-te-ia lu-t,i-ib (i7)idigna lu e-bir _iri_ sze-re-sze _iri_ dan-nu-ti-szu-nu ak-szud

_erin2-mesz_ muq-tab-li-szu-nu i-na qe2-reb tam-ha-ri ki-ma szer3-ma-szi lu-me-s,i _usz2-mesz_-szu-nu hur-ri u3 ba-ma-a-te sza _kur_-i lu-szer3-di i-na u4-mi-szu-ma um-ma-na-at _kur_ pap-he-e sza a-na szu-zu-ub u3 ne2-ra-ru-ut-te sza _kur_ kat-mu-hi il-li-ku-u2-ni it-ti um-ma-na-at _kur_ kat-mu-hi-ma ki-ma szu-u2-be usz-na-il pa-gar muq-tab-li-szu-nu a-na gu-ru-na-a-te i-na gi-sal-lat _kur_-i lu-qe2-ri-in szal-ma-at qu-ra-di-szu-nu _i7_ na-a-me a-na (i7)idigna lu u2-sze-s,i

(disz)ki-li-(d)te-szub _dumu_ ka-li-(d)te-szub sza (disz)er-ru-pi i-sa-si-u2-szu-ni _lugal_-szu-nu i-na qe2-reb tam-ha-ri qa-ti ik-szud _dam-mesz_-szu _dumu-mesz_ nab-ni-it lib3-bi-szu el-la-su 3(disz) su-si ruq-qi _uruda-mesz_ 5(disz) nar3-ma-ak _zabar_ it-ti _dingir-mesz_-szu-nu _ku3-sig17 ku3-babbar-mesz_ u3 du-muq nam-kur-ri-szu-nu asz2-sza-a szal-la-su-nu u2-sze-s,a-a _iri_ su-a-tu u3 _e2-gal_-szu i-na _izi-mesz_ asz2-ru-up ap-pul2 aq-qur _iri_ ur-ra-t,i2-na-as _iri_ dan-nu-ti-szu-nu

sza i-na _kur_ pa-na-ri na-du-u2 pu-ul-hu a-di-ru me-lam (d)a-szur _en_-ia isz-hup2-szu-nu-ti-ma a-na su-zu-ub nap-sza-te-szu-nu _dingir-mesz_-szu-nu bu-sza-szu-nu isz-szu-u2 a-na gi-sal-lat _kur_-i sza-qu-ti ki-ma _muszen_ ip-par2-szu _(gesz)gigir-mesz_ u3 um-ma-na-te-ia-_mesz_ lu al-qe2 (i7)idigna lu e-bir (disz)sza-di-(d)te-szub _dumu_ ha-at-tu-hi _lugal_ sza _iri_ ur-ra-t,i2-na-asz2 i-na _kur_-szu-ma _giri3-mesz_-ia is,-bat _dumu-mesz_ nab-ni-it lib3-bi-szu u3 kim-ti-su a-na li-t,u2-ut-te as,-bat

u3 nar3-ma-ak _zabar gal-mesz_-te it-ti 2(disz) szu-szi a-mi-lu-te-_mesz gu4-mesz_ s,e-ni _gun_ u3 ma-da-at-ta isz-sza-a am-hur-szu e-t,i2-ir-szu na-pisz-ta-szu ag-mil ni-ir _en_-ti-ia _dugud ugu_-szu a-na s,a-at _u4-mesz_ u2-kin2 _kur_ kat-mu-hi _dagal_-ta a-na si-hir-ti-sza ak-szud a-na _giri3-mesz_-ia u2-sze-ek-ni-isz i-na u4-mi-szu-ma 1(disz) nam-har _zabar_ 1(disz) nar3-ma-ak _zabar_ sza ki-szit-ti u3 ma-da-at-ti sza _kur_ kat-mu-hi a-na (d)a-szur _en_-ia a-qisz

a-na (d)iszkur _aga3_-ia asz2-ruk i-na szu-mur _(gesz)tukul-mesz_-ia ez-zu-te sza (d)a-szur _en_ da-na-na u3 me-tel-lu-ta isz-ru-ka i-na _3(u2) (gesz)gigir-mesz_-ia a-li-kat3 i-di ga-mar-ri-ia er-hu-te qu-ra-di-ia-_mesz_ sza mit-hu-us, dab2-de-e li-tam-du lu al-qe2 a-na _kur_ isz-disz szap-s,u2-te la-a ma-gi-ri lu al-lik _kur-mesz_ dan-nu-ti _a-sza3_ nam-ra-s,i _du10-ga_ i-na _(gesz)gigir-mesz_-ia u3 mar-s,a i-na _giri3-mesz_-ia lu e-te-tiq i-na _kur_ a-ru-ma

la na-t,u2-u2 _(gesz)gigir-mesz_ lu e-zib pa-an qu-ra-di-ia as,-bat ki-ma szib-be er-he-ku-ma i-na gi-sal-lat _kur_-i pa-asz2-qa-a-te szal-t,i2-is e-te-ti-iq _kur_ isz-disz ki-ma _du6_ a-bu-be asz2-hu-up _erin2-mesz_ muq-tab-li-szu-nu i-na qe2-reb tam-ha-ri ki-ma szu-be usz-na-il szal-la-su-nu bu-sza-a-szu-nu nam-kur-szu-nu asz2-lul nap-har _iri_-szu-nu i-na _izi-mesz_ aq-mu li-i-t,i2-_mesz gun_ u3 ma-da-ta _ugu_-szu-nu u2-kin2 (disz)(gesz)tukul-ti-ibila-e2-szar2-ra et,-lu qar-du

mu-szek2-nisz la-a ma-gi-ri sa-pi-nu gi-mir al-t,u2-ti _kur_ szu-ba-ri-i szap-s,u2-te la-a ma-gi-ri ak-szud _kur_ al-zi u3 _kur_ pu-ru-lum-zi sza _gun_-su-nu u3 ma-da-ta-szu-nu u2-szam3-si-ku-ni ni-ir _en_-ti-ia _dugud ugu_-szu-nu u2-kin2 _mu_-szam3-ma _gun_ u3 ma-da-ta a-na _iri_-ia (d)a-szur a-na mah-ri-ia li-tar-ru-u2-ni ki-ma sza i-na qar-du-ti-ia-ma sza (d)a-szur _en (gesz)tukul_ dan-na mu-szek2-nisz la-a ma-gi-ri qa-ti u2-szat-me-hu-ma mi-s,ir _kur_-ti-szu a-na ru-pu-szi

_kur_ u2-ru-ma-ia-_mesz erin2-mesz kur_ ha-at-te-e la-a ma-gi-ri sza i-na da-na-ni-szu-nu

_iri-mesz_-ni sza _kur_ su-bar-te da-gil pa-an (d)a-szur _en_-ia is,-ba-tu a-la-ki a-na _kur_ su-bar-te lu isz-mu-u2 me-lam qar-du-ti-ia u2-se-hi-ip-szu-nu-ti-ma _me3_ e-du-ru _giri3-mesz_-ia is,-ba-tu a-di nam-kur-ri-szu-nu u3 2(disz) szu-szi _(gesz)gigir-mesz_ s,i-mit-ti ni-ri-szu-nu al-qa-szu-nu-ti-ma a-na _ug3-mesz_ _kur_-ti-ia am-nu-szu-nu-ti i-na szit-mur qar-du-ti-ia 2(disz)-te-ia a-na _kur_ kat-mu-hi lu-u2 al-lik nap-har _iri-mesz_-szu-nu ak-szud szal-la-su-nu

bu-sza-szu-nu nam-kur-szu-nu a-na la-a mi-na asz2-lul _iri-mesz_-szu-nu i-na _izi-mesz_ asz2-ru-up ap-pul2 aq-qur si-te-et um-ma-na-te-szu-nu sza i-na pa-an _(gesz)tukul-mesz_-ia ez-zu-te ip-la-hu-ma ti-ib _me3_-ia dan-na e-du-ru a-na szu-zu-ub nap-sza2-te-szu-nu gab-'a-a-ni dan-nu-te sza _kur_-e _a-sza3_ mar-s,a lu-u2 is,-ba-tu a-na szik-kat3 hur-sza-ni sza-qu-ti u3 gi-sal-lat _kur_-i pa-asz2-qa-a-te sza a-na ki-bi-is _lu2_ la-a na-t,u2-u2 _egir_-szu-nu lu e-li _(gesz)tukul muru2_

a-bi-ik-ta-szu-nu lu-u2 asz2-kun szal-ma-at qu-ra-di-szu-nu i-na gi-sal-lat _kur_-i ki-ma ra-hi-s,i lu-ke-mir _usz2-mesz_-szu-nu hur-ri u3 ba-ma-a-te sza _kur_-i lu-szer3-di szal-la-su-nu bu-sza-a-szu-nu nam-kur-szu-nu it-ti gab-'a-a-ni sza _kur_-e dan-nu-te lu-sze-ri-da _kur_ kat-mu-hi a-na pat, gim-ri-sza a-pel2-ma a-na mi-s,ir _kur_-ti-ia u2-te-er (disz)(gesz)tukul-ti-ibila-e2-szar2-ra _lugal_ dan-nu szu-usz-kat la-a ma-gi-ri sa-pi-nu qa-bal tar-gi4-gi4 i-na e-mu-qi s,i-ra-te sza (d)a-szur _en_-ia

a-na _kur_ ha-ri-a u3 um-ma-na-at-_mesz_ _kur_ pap-he-e-_mesz dagal_-ti hur-sza-ni sza-qu-ti sza2 a-szar-szu-nu _lugal_ ia-um-ma la i-ba-'a (d)a-szur _en_ a-na a-la-ki iq-ba-a _(gesz)gigir-mesz_ u3 um-ma-na-te-ia lul-te-szir3 bir-ti _kur_ et-ni u3 _kur_ a-ia _a-sza3_ nam-ra-s,i lu as,-bat _kur-mesz_ sza-qu-ti sza ki-ma zi-qip _gir2_ szam-t,u2 sza a-na me-ti-iq _(gesz)gigir-mesz_-ia la-a na-t,u2-u2 _(gesz)gigir-mesz_ i-na la-ba-ni lu-u2 e-mi-id _kur-mesz_ pa-asz2-qu-te

um-ma-na-te-szu-nu _dagal-mesz_-te lul-tak2-s,i-ru-ma a-na e-pesz _(gesz)tukul-mesz muru2_ u3 _me3_ i-na _kur_ a-zu da-ap-ni-isz lu iz-zi-zu-ni-ma i-na _kur_-e _a-sza3_ nam-ra-s,i it-te-szu-nu am-da-hi-is, dab2-da-szu-nu asz2-kun szal-ma-at qu-ra-di-szu-nu i-na ba-ma-at _kur_-i a-na gu-ru-na-a-te lu-qe2-ri-in _usz2-mesz_ qu-ra-di-szu-nu hur-ri u3 ba-ma-a-te sza _kur_-i lu-szer3-di a-na _iri-mesz_-ni sza i-na gi-sal-lat _kur_-i sza-ak-nu szam-risz lu-u2 as-ni-iq 2(u2) 5(disz) _iri-mesz_-ni sza _kur_ ha-ri-a

sza i-na _giri3 kur_ a-ia _kur_ szu-i-ra _kur_ et-ni _kur_ se-ez-zu _kur_ sze-el-gu _kur_ ar-za-ni-bi-u2 _kur_ u2-ru-szu u3 _kur_ a-ni-it-ku s,a-al-'u2-ni ak-szud szal-la-su-nu bu-sa-szu-nu nam-kur-szu-nu asz2-lul _iri-mesz_-szu-nu i-na _izi-mesz_ asz2-ru-up ap-pul2 aq-qur _kur_ a-da-usz ti-ib ta-ba-zi-ia dan-na lu-u2 e-du-ru-ma a-szar-szu-nu lu u2-masz-sze-ru a-na gi-sal-lat _kur_-i sza-qu-ti ki-ma _muszen_ ip-par2-szu me-lam (d)a-szur _en_-ia is-hup2-szu-nu-ti-ma ur-du-ni _giri3-mesz_-ia is,-ba-tu

_gun_ u3 ma-da-ta _ugu_-szu-nu u2-kin2 _kur_ sa-ra-usz _kur_ am-ma-usz sza2 isz-tu u4-um s,a-a-te ka-na-sza la-a i-du-u2 ki-ma _du6_ a-bu-be asz2-hu-up it-ti um-ma-na-te-szu-nu _dagal-mesz_-te i-na _kur_ a-ru-ma al-ta-na-an-ma dab2-da-szu-nu asz2-kun szal-ma-at muq-tab-li-szu-nu i-na gi-sal-lat _kur_-i ki-ma ser-ma-sze lu u2-me2-s,i _iri-mesz_-szu-nu ak-szud _dingir-mesz_-szu-nu asz2-sza-a szal-la-su-nu bu-sa-szu-nu nam-kur-szu-nu u2-sze-s,a-a _iri-mesz_-szu-nu i-na _izi-mesz_ asz2-ru-up

ap-pul2 aq-qur a-na _du6_ u3 kar-me u2-ter ni-ir _en_-ti-ia _dugud_ _ugu_-szu-nu u2-kin2 pa-an (d)a-szur _en_-ia u2-szad-gil-szu-nu-ti _kur_ i-su-a _kur_ da-ri-a szap-s,u-te la-a ma-gi-ri ak-szud _gun_ u3 ma-da-ta _ugu_-szu-nu u2-kin2 pa-an (d)a-szur _en_-ia u2-szad-gil-szu-nu-ti i-na a-sza-re-du-ti-ia-ma sza _kur2-mesz_-ia ak-szu-du _(gesz)gigir-mesz_ u3 um-ma-na-te-ia-_mesz_ lu al-qe _i7_ za-ban szu-pa-la-a lu e-bir _kur_ mu-rat-tasz _kur_ sa-ra-da-usz sza qe2-reb _kur_ a-sa-ni-u2 u3 _kur_ a-t,u2-ma

_a-sza3_ nam-ra-s,i ak-szud um-ma-na-te-szu-nu ki-ma ze-er-qe u2-ne2-ki-is _iri_ mu-rat-tasz _iri_ dan-nu-ti-szu-nu a-di _szanabi_-ti u4-me sza (d)utu na-pa-hi ak-szud _dingir-mesz_-szu-nu bu-sa-szu-nu nam-kur-szu-nu

_e2-gal_-li3-szu-nu u3 szal-la-su-nu u2-sze-s,a-a _iri_ su-a-tu i-na _izi-mesz_ asz2-ru-up ap-pul2 aq-qur i-na u4-mi-szu-ma _uruda-mesz_ sza-a-tu a-na (d)iszkur ra-'i-mi-ia a-qis i-na e-mu-qi s,i-ra-te sza (d)a-szur _en_-ia a-na _kur_ su-gi sza _kur_ hab-hi la-a ka-ni-szu-ut (d)a-szur _en_-ia lu al-lik it-ti _6(disz) lim_ um-ma-na-te-szu-nu _kur_ hi-me _kur_ lu-hi _kur_ ar-ri-ir-gi _kur_ a-la-mu-un _kur_ nim-ni u3 kul2-lat _kur_ pap-he-e _dagal-mesz_-ti i-na _kur_ hi-ri-hi

szam-t,u it-ti kul2-lat _kur-kur_-szu-nu i-na _giri3-mesz_-ia lu-u2 am-da-hi-is, a-bi-ik-ta-szu-nu lu asz2-kun _erin2-mesz_ muq-tab-li-szu-nu i-na gi-sal-lat _kur_-i a-na gu-ru-na-a-te lu-qe2-ri-in _usz2-mesz_-szu-nu _kur_ hi-ri-ha ki-ma na-ba-si lu as,-ru-up _kur_ su-gi a-na si-hir2-ti-sza ak-szud

bu-sa-szu-nu nam-kur-szu-nu u2-sze-s,a-a nap-bar _iri-mesz_-szu-nu i-na _izi-mesz_ asz2-ru-up ap-pul2 aq-qur si-te-et um-ma-na-te-szu-nu _giri3-mesz_-ia is,-ba-tu a-re-em-szu-nu-ti _gun_ u3 ma-da-ta _ugu_-szu-nu u2-kin it-ti da-gil pa-an (d)a-szur _en_-ia am-nu-szu-nu-ti i-na u4-mi-szu-ma _2(u) 5(disz) dingir-mesz_-ni sza _kur-kur-mesz_ szi-na-ti-na ki-szit-ti qa-ti-ia sza al-qa-a a-na u2-tu-'u-ut _e2_ (d)nin-lil2 hi-ir-te _gal_-le na-mad-di (d)a-szur _en_-ia (d)a-nim (d)iszkur (d)inanna asz2-szu-ri-te

_e2-kur-mesz_-at _iri_-ia (d)a-sur u3 _(d)inanna-mesz kur_-ti-ia lu-u2 asz2-ru-uk (disz)(gesz)tukul-ti-ibila-e2-szar2-ra _man_ dan-nu ka-szid kib-rat _kur2-mesz_ sza-ni-nu gi-mir _du3 man-mesz_ i-na u4-mi-szu i-na e-mu-qi s,i-ra-te sza (d)a-szur _en_-ia i-na an-ni ke-e-ni sza (d)utu qu-ra-di i-na _(gesz)tukul_-ti sza2 _dingir-mesz gal-mesz_ sza i-na kib-rat 4(asz)-i mi-sze-risz ul-tal-li-t,u-ma mu-ne2-ha i-na _muru2_ u3 sza-ni-na i-na _me3_ la-a i-szu-u2 a-na _kur-kur_ na-i-ri _man-mesz_-ni ne2-su-te

sza a-ah _a-ab-ba_ e-le-ni-ti sza sza-la-mu (d)szam-szi sza2 ka-na-sza la-a i-du-u2 (d)a-szur _en_ u2-ma-'i-ra-ni-ma al-lik t,u-ud-di mar-s,u2-ti u3 ne2-re-be-ti szup-szu-qa-a-te sza i-na mah-ra _lugal_ ia-um-ma lib3-ba-szu-nu la-a i-du-u2 ar-bi ed-lu-te du-ur-gi la-a pe-tu-te u2-sze-ti-iq _kur_ e-la-ma _kur_ a-ma-da-na _kur_ el-hi-isz _kur_ sze-ra-be-li _kur_ tar-hu-na _kur_ ter-ka-hu-li _kur_ ki-is,-ra _kur_ tar-ha-na-be _kur_ e-lu-la _kur_ ha-asz2-ta-ra-e _kur_ sza-hi-sza-ra

_kur_ szu-li-an-zi _kur_ nu-ba-na-a-sze u3 _kur_ sze-e-sze _1(u) 6(disz) kur-mesz_-ni dan-nu-te _a-sza3 du10-ga_ i-na _(gesz)gigir-mesz_-ia u3 mar-s,a i-na aq-qul2-lat _uruda-mesz_ lu ah-si u2-ru-mi _gesz-mesz kur_-i lu ak-ki-is ti-tur-ra-a-te-_mesz_ a-na me-ti-iq _(gesz)gigir-mesz_-ia u3 um-ma-na-te-ia lu u2-t,i2-ib _i7_ pu-rat-ta lu-u2 e-bir _lugal kur_ tum4-me _lugal kur_ tu-nu-be _lugal kur_ tu-a-li _lugal kur_ dar-da-ri _lugal kur_ u2-zu-la _lugal kur_ un-za-mu-ni _lugal kur_ an-di-a-bi

_lugal kur_ pi-la-dar-ni _lugal kur_ a-dur-gi-ni _lugal kur_ ku-li-bar-zi-ni _lugal kur_ szi-ni-bir-ni _lugal kur_ hi-mu-a _lugal kur_ pa-i-te-ri _lugal kur_ u2-i-ra-am _lugal kur_ szu-ru-ri-a _lugal kur_ a-ba-e-ni _lugal kur_ a-da-e-ni _lugal kur_ ki-ri-ni _lugal kur_ al-ba-ia _lugal kur_ u2-gi-na _lugal kur_ na-za-bi-a _lugal kur_ a-bar-si-u2-ni _lugal kur_ da-ie-e-ni _pap 2(u) 3(disz) lugal-mesz_-nu _kur-kur_ na-i-ri i-na qe2-reb _kur-kur_-szu-nu-ma _(gesz)gigir-mesz_-szu-nu

u3 um-ma-na-te-szu-nu ul-tak2-s,i-ru-ma a-na e-pesz _(gesz)tukul muru2_ u3 _me3_ lu it-bu-ni i-na szu-mur _(gesz)tukul-mesz_-ia ez-zu-te as-ni-qa-szu-nu-ti sza-gal-ti um-ma-na-te-szu-nu _dagal_-mesz_ ki-ma ri-hi-il-ti (d)iszkur lu asz2-kun szal-ma-at qu-ra-di-szu-nu i-na s,e-ri ba-ma-at _kur_-i u3 i-da-at _iri-mesz_-szu-nu ki-ma ser-ma-sze lu-me-s,i 2(disz) szu-szi _(gesz)gigir-mesz_-szu-nu ha-lup-ta i-na qe2-reb tam-ha-ri lu-te-me-eh 1(disz) szu-szi _lugal-mesz_-ni _kur-kur_ na-i-ri a-di sza a-na

ne2-ra-ru-te-szu-nu il-li-ku-ni i-na zi-qit2 mul-mul-li-ia a-di _a-ab-ba_ e-le-ni-te lu ar-di-szu-nu-ti ma-ha-zi-szu-nu _gal-mesz_ ak-szud

szal-la-su-nu bu-sa-a-szu-nu nam-kur-szu-nu u2-sze-s,a-a _iri-mesz_-szu-nu i-na _izi-mesz_ asz2-ru-up ap-pul2 aq-qur a-na _du6_ u3 kar-mi u2-ter szu-gul2-lat _ansze-kur-ra-mesz dagal-mesz_ pa-re-e a-ga-li u3 mar-szit qer-be-te-szu-nu a-na la-a ma-ne2-e u2-ter-ra nap-har _lugal-mesz_-ni _kur-kur_ na-i-ri bal-t,u-szu-nu qa-ti ik-szud a-na _lugal-mesz_-ni sza-a-tu-nu re-e-ma ar-sza-szu-nu-ti-ma na-pisz-ta-szu-nu e-t,i2-ir szal-lu-szu-nu u3 ka-mu-szu-nu i-na ma-har (d)utu _en_-ia

_gal-mesz_ a-na ar-kat3 _ug3-mesz_ a-na u4-um s,a-a-te a-na _ARAD_-ut-te u2-tam-mi-szu-nu-ti _dumu-mesz_ nab-ni-it _lugal_-ti-szu-nu a-na li-t,u-te as,-bat

ma-da-at-ta _ugu_-szu-nu u2-kin2 a-na _kur-kur_-mesz_-szu-nu u2-masz-sze-er-szu-nu-ti (disz)se-e-ni _lugal kur_ da-ie-e-ni sza a-na (d)a-szur _en_-ia la-a ka-an-szu szal-lu-su u3 ka-mu-su a-na _iri_-ia (d)a-szur ub-la-su re-e-ma ar-sza-szu-ma isz-tu _iri_-ia (d)a-szur da-lil _dingir-mesz gal-mesz_ a-na da-la-a-li a-na na-pi-isz-ti u2-masz-sze-er-szu _kur-kur_ na-i-ri _dagal-mesz_-te a-na pat, gim-ri-szi-na a-pel2 u3 nap-har _lugal-mesz_-szu-nu a-na _giri3-mesz_-ia u2-szek-nisz

a-na _iri_ mi-li-di-a sza _kur_ ha-ni-gal-bat szap-s,u2-te la-a ma-gi-ri al-lik ti-ib _me3_-ia dan-na e-du-ru-ma _giri3-mesz_-ia is,-ba-tu a-re-em-szu-nu-ti _iri_ szu-a-tu ul ak-szud li-i-t,i2-szu-nu as,-bat _1(disz) ansze_ kur-ba-ni sza a-ba-ri ma-da-at-ta _mu_-szam3-ma a-na la szu-par2-ke-e _ugu_-szu-nu u2-kin2 (disz)(gesz)tukul-ti-ibila-e2-szar2-ra nab-lu ha-am-t,u2 szu-zu-zu a-bu-ub tam-ha-ri i-na _(gesz)tukul_-ti (d)a-szur _en_-ia _(gesz)gigir-mesz_ u3 qu-ra-di-ia-_mesz_ lu-u2 al-qe2 mu-ud-ba-ra

as-bat a-na _sza3_ ah-la-mi3-i _kur_ ar-ma-ia-_mesz kur2-mesz_-ut (d)a-szur _en_-ia lu-u2 al-lik is-tu tar-hi _kur_ su-hi a-di _iri_ kar-ga-misz sza _kur_ ha-at-te i-na 1(disz)-en u4-me ah-bu-ut di-ik-ta-szu-nu a-duk szal-la-su-nu bu-sa-a-szu-nu mar-si-szu-nu a-na la-a mi-na u2-ter-ra si-te-et um-ma-na-te-szu-nu sza i-na pa-an _(gesz)tukul-mesz_ sza (d)a-szur _en_-ia ip-par2-si-du _i7_ pu-rat-ta lu e-be-ru ar-ki-szu-nu i-na _(gesz)ma2-mesz (kusz)du8-szi-a_ _i7_ pu-rat-ta lu e-be-er

ak-szud i-na _izi-mesz_ asz2-ru-up ap-pul2 aq-qur szal-la-su-nu bu-sa-szu-nu mar-szi-szu-nu a-na _iri_-ia (d)a-szur ub-la (disz)(gesz)tukul-ti-ibila-e2-szar2-ra ka-bi-is al-t,u-te mu-szem-qit2 la ma-gi-ri mu-szar-bi-bu ka-lisz mul-tar-hi a-na ka-szad _kur_ mu-us,-ri (d)a-szur _en_ u2-ma-'i-ra-ni-ma bir-ti _kur_ e-la-mu-ni _kur_ ta-la u3 _kur_ ha-ru-sa lu as,-bat _kur_ mu-us,-ri a-na si-hir-ti-sza ak-szud qu-ra-di-szu-nu u2-szem-qit2 _iri-mesz_-szu-nu i-na _izi-mesz_ asz2-ru-up ap-pul2

aq-qur um-ma-na-at _kur_ qu-ma-ne2-e a-na re-s,u2-ut _kur_ mu-us,-ri lu il-li-ku-ni i-na _kur_-e it-te-szu-nu lu am-da-hi-is, a-bi-ik-ta-szu-nu lu as-kun a-na _1(disz)-en iri iri_ a-ri-ni sza _giri3 kur_ a-i-sa lu-u2 e-si-ir-szu-nu-ti _giri3-mesz_-ia is,-ba-tu _iri_ szu-a-tu e-t,i2-ir li-i-t,i2-_mesz gun_ u3 ma-da-at-ta _ugu_-szu-nu u2-kin2 i-na u4-mi-szu-ma kul2-lat _kur_ qu-ma-ne2-e sza a-na re-s,u2-ut _kur_ mu-us,-ri is-sa-ak-nu nap-har _kur-kur-mesz_-szu-nu lu id-ku-li-ni

a-na e-pes _(gesz)tukul-mesz_ qab-li u3 _me_ lu iz-zi-zu-ni i-na su-mur _(gesz)tukul-mesz_-ia ez-zu-te it-ti _2(u) lim_ um-ma-na-te-szu-nu dagal_-mesz_ i-na _kur_ ta-la lu am-da-hi-is,-ma a-bi-ik-ta-szu-nu lu asz2-kun ki-s,ir-szu-nu gap-sza lu-pe-ri-ir a-di _kur_ ha-ru-sa sza2 pa-an _kur_ mu-us,-ri ab-ku-szu-nu lu ar-du-ud szal-ma-at qu-ra-di-szu-nu i-na gi-sal-lat _kur_-i ki-ma szu-u2-be usz-na-il _usz2-mesz_-szu-nu hur-ri u3 ba-ma-a-te sza _kur_-i lu-szer3-di ma-ha-zi-szu-nu _gal-mesz_

ak-szud i-na _izi-mesz_ asz2-ru-up ap-pul2 aq-qur a-na _du6_ u3 kar-me u2-ter _iri_ hu-nu-sa _iri_ dan-nu-ti-szu-nu ki-ma _du6_ a-bu-be asz2-hu-up

it-ti um-ma-na-te-szu-nu gap-sza-a-te i-na _iri_ u3 _kur_-e szam-risz lu-u2 am-da-hi-is, a-bi-ik-ta-szu-nu lu asz2-kun _erin2-mesz_ muq-tab-li-szu-nu i-na qe2-reb hur-sza-a-ni ki-ma su-u2-be lu us-na-il _sag-du_-mesz_-szu-nu ki-ma ze-er-qe2 u2-ne2-ki-is _usz2-mesz_-szu-nu hur-ri u3 ba-ma-a-te sza2 _kur_-i lu-szer3-di _iri_ szu-a-tu ak-szud _dingir-mesz_-szu-nu asz2-sza-a szal-la-su-nu bu-sa-szu-nu nam-kur-szu-nu u2-sze-s,a-a _iri_ i-na _izi-mesz_ asz2-ru-up

ra-as,2-bu u3 si-hir-ti _iri_-szu ap-pul2 aq-qur a-na _du6_ u3 kar-me u2-ter u3 _na4_-mesz_ s,i-pa i-na muh-hi-su az-ru _nim-gir2 zabar_ e-pu-usz ki-szit-ti _kur-kur_-mesz_ sza i-na (d)a-szur _en_-ia ak-szu-du _iri_ szu-a-tu a-na la-a s,a-ba-te u3 _bad3_-szu la-a ra-s,a-pi i-na muh-hi al-t,u-ur _e2_ sza a-gur2-ri i-na muh-hi-su ar-s,ip _nim-gir2 zabar_ sza-tu-nu i-na lib3-bi u2-sze-szi-ib i-na _(gesz)tukul_-ti (d)a-szur _en_-ia _(gesz)gigir-mesz_ u3 qu-ra-di-ia-_mesz_ lu al-qe2 _iri_ kip-szu-na

_iri lugal_-ti-szu-nu lu al-mi _lugal kur_ qu-ma-ne2-e ti-ib _me3_-ia dan-na e-du-ur-ma _giri3-mesz_-ia is,-bat _iri_ szu-a-tu e-t,i2-ir _bad3_-szu _gal_-a u3 a-sa-ia-te-su sza a-gur2-ri a-na na-pa-li aq-ba-szu-ma isz-tu usz-sze-szu a-di gaba-dib-bi-szu ip-pul2 a-na _du6_ u2-ter u3 5(disz) szu-szi qi-in-na-a-te _en-mesz_ hi-i-t,i2 sza lib3-bi-su sza2 a-na (d)a-szur _en_-ia la-a ka-an-szu is-su-ha am-hur-szu li-i-t,i2-_mesz_-szu as,-bat _gun_ u3 ma-da-ta _ugu_ sza pa-na ut-ter i-na muh-hi-szu

asz2-kun _kur_ qu-ma-ne2-e _dagal_-ta a-na pat, gim-ri-sza ak-szud a-na _giri3-mesz_-ia u2-szek2-nisz _szu-nigin2 4(u) 2(disz) kur-kur-mesz_ u3 mal-ki-szi-na isz-tu e-ber-ta-an _i7_ za-ban szu-pa-li-i szi-id-di hur-sza-a-ni ne2-su-te a-di e-ber-ta-an _i7_ pu-rat-te _kur_ ha-at-te-e u3 _a-ab-ba_ e-le-ni-ti sza sza-la-mu (d)szam-sze isz-tu ri-isz _lugal_-ti-ia a-di _5(disz) bala_-ia qa-a-ti ik-szud pa-a 1(disz)-en u2-sze-esz-kin-szu-nu-ti li-t,i2-_mesz_-szu-nu as,-bat _gun_ u3 ma-da-ta _ugu_-szu-nu u2-kin2

e-zi-ib har-ra-na-at _kur-mesz_ ma-da-a-tu sza a-na li-ta-te-ia la-a qe2-er-ba _a-sza3 du10-ga_ i-na _(gesz)gigir-mesz_-ia u3 mar-s,a i-na _giri3-mesz_-ia ar-ki-szu-nu lu at-tal-lak _giri3-mesz kur-mesz_ i-na _kur_-ti-ia lu-u2 ap-ru-us (disz)(gesz)tukul-ti-ibila-e2-szar2-ra et,-lu qar-du ta-me-eh _(gesz)ban_ la-a sza2-na-an mu-gam-me-ru bu-'u-ur s,e-ri (d)nin-urta u3 (d)igi-du _(gesz)tukul-mesz_-szu-nu ez-zu-te u3 _(gesz)ban_-szu-nu s,ir-ta a-na i-di _en_-ti-ia isz-ru-ku i-na si-qir (d)nin-urta ra-'i-mi-ia

i-na hu-rib-te i-na _kur_ mi-ta-ni u3 i-na _iri_ a-ra-zi-qi sza2 pa-an _kur_ ha-at-te i-na _(gesz)ban_-ia dan-na-te szu-ku-ud _an-bar_ u3 mul-mul-li-ia zaq-tu-te na-pisz-ta-szu-nu u2-szeq2-ti _kusz-mesz_-szu-nu _si-mesz_-szu-nu a-na _iri_-ia (d)a-szur ub-la

i-na _kur-kaskal_-ni u3 szi-di _i7_ ha-bur lu a-duk _4(disz) am-si-mesz_ bal-t,u-te lu-s,a-bi-ta _kusz-mesz_-szu-nu _zu2-mesz_-szu-nu it-ti _am-si-mesz_-ma bal-t,u-te a-na _iri_-ia (d)a-szur ub-la i-na si-qir (d)nin-urta ra-'i-mi-ia

i-na qit-ru-ub mi-it-lu-ti-ia i-na _giri3-mesz_-ia lu a-duk u3 8(disz) me _ur-mah-mesz__ i-na _(gesz)gigir_-ia i-na pat-tu-te u2-szem-qit2 bu-ul (d)szakkan2 gi-mir-ta u3 _muszen an_-e mut-tap-ri-sza e-em ni-sik _gi-mesz_-ia lu-u2 at-ta-di isz-tu _kur-mesz_-ut (d)a-szur pat, gim-ri-szu-nu a-pe-lu _e2_ (d)inanna asz2-szu-ri-te _nin_-ia _e2_ (d)mar-tu _e2_ (d)en-libir-ra _e2_ (d)1(u)-te _e2-hi-a-mesz dingir-mesz_-ni an-hu-te sza2 _iri_-ia (d)a-szur e-pu-usz u2-szek2-lil te-ru-bat _e2-hi-a-mesz_-szu-nu

asz2-kun _dingir-mesz gal-mesz en-mesz_-ia a-na lib3-bi u2-sze-rib lib-bi _dingir_-ti-szu-nu u2-t,i2-ib _e2-gal_-mesz_-te szu-bat _lugal_-ti sza2 ma-ha-za-ni _gal-mesz_-te sza2 szi-di _kur_-ti-ia gab-be sza isz-tu tar-s,i _ad-mesz_-ia i-na _mu-mesz_-te dan-na-te um-da-szi-ra-ma e-na-ha-ma i'-ab-ta _du3_-usz u2-szek2-lil _bad3-mesz kur_-ti-ia an-szu-te ak-sze-er _(gesz)apin-mesz_ i-na nap-bar _kur_ (d)a-szur gab-be u2-szer3-ki-is u3 ta-ab-ka sza _sze_-im-_mesz_ a-na sza _ad-mesz_-ia lu u2-ter lu at-bu-uk

su-gul-lat _ansze-kur-ra-mesz gu4-mesz ansze-mesz_

sza i-na _(gesz)tukul-ti (d)a-szur _en_-ia i-na _kur-kur-mesz_ sza a-pe-lu-si-na-ti ki-szit-ti qa-ti-ia sza2 al-qa-a ak-s,ur u3 su-gul-lat na-a-li-_mesz_ dara4-masz-mesz_ ar-mi-_mesz_ tu-ra-hi-_mesz_ sza (d)a-szur u3 (d)masz _dingir-mesz aga3-mesz_-ia e-pesz bu-'u-ri i-qi-szu-ni i-na qe2-reb hur-sza2-ni sza-qu-ti u2-tam-me-hu su-gul-la-te-szu-nu ak-s,ur mi-nu-szu-nu ki-ma sza mar-szit s,e-ni-_mesz_-ma lu-u2 am-nu pu-ha-di e-lu-_mesz_ nab-ni-it lib3-bi-szu-nu a-na bi-ib-lat lib3-bi-ia

_mu_-szam3-ma a-na (d)a-szur _en_-ia lu at-ta-qi _gesz_ e-re-na _gesz_ tas-ka-ri-na _gesz_ al-la-ka-ni-isz i-na _kur-kur-mesz_ sza a-pe-lu-szi-na-ti _gesz-mesz_ sza-tu-nu sza2 i-na _lugal-mesz_-ni _ad-mesz_-ia mah-ru-te ma-am-ma la iz2-qu-pu al-qa-am-ma i-na _(gesz)kiri6-mesz kur_-ti-ia az-qu-up u3 _gurun (gesz)kiri6_ aq-ra sza i-na _kur_-ti-ia la-asz2-szu al-qa-a _(gesz)kiri6-mesz kur_ (d)a-szur lu-u2 usz-me-li _(gesz)gigir-mesz_ s,i-im-da-at ni-ri a-na e-muq _kur_-ti-ia _ugu_ sza2 pa-na

_ugu kur_ (d)a-szur ma-a-ta _ugu ug3-mesz_-sza _ug3-mesz_ lu-rad-di _uzu-mesz ug3-mesz_-ia u2-t,i2-ib szub-ta ne2-eh-ta u2-sze-szi-ib-szu-nu-ti (disz)(gesz)tukul-ti-ibila-e2-szar2-ra _nun_ s,i-ru sza (d)a-szur u3 (d)nin-urta a-na bi-ib-lat lib3-bi-su it-tar-ru-szu-ma ar-ki _kur2-mesz_-ut (d)a-szur pat, gim-ri-szu-nu it-tal-la-ku-ma u2-szek2-ni-szu gi-mir mul-tar-hi _a_ (d)a-szur-sag-i-si _lugal_ dan-ni ka-szid _kur-kur kur-mesz_ mu-szek2-ni-szu gi-mir al-t,u2-ti

_a a_ sza2 (disz)mu-tak-kil-(d)nusku sza2 (d)a-szur _en gal_ i-na u2-tu-ut ku-un lib3-bi-su ih-szu-hu-szu-ma a-na _sipa_-ut _kur_ (d)a-szur ki-ni-isz ib-bu-szu _ibila_ ke-e-nu sza (disz)(d)a-szur-da-a-an na-asz2 _(gesz)gidri ku3_-te mul-tasz-pi-ru te-ne2-szet (d)en-lil2 sza ep-szet qa-ti-su u3 na-dan zi-bi-su _ugu dingir-mesz gal-mesz_ i-t,i2-bu-ma se-bu-ta u3 la-be-ru-ta il-li-ku lib3-lib3-bi sza (disz)(d)nin-urta-ibila-e2-kur _lugal_ da-pi-ni na-mad (d)a-szur sza nu-ba-lu-su ki-ma u2-ri-ni

_ugu kur_-ti-szu szu-par2-ru-ru-ma um-ma-na-at _kur_ (d)a-szur ki-ni-isz ir-te-e-u2 i-na u4-mi-szu-ma _e2_ (d)a-nim u3 (d)iszkur _dingir-mesz gal-mesz en-mesz_-ia sza i-na pa-na (disz)szam-szi-(d)iszkur _ensi_ (d)a-szur _dumu_ isz-me-(d)da-gan _ensi_ (d)a-szur-ma e-pu-szu _6(disz) me 4(u) 1(disz) mu-mesz_ il-lik e-na-ah (disz)(d)a-sur-da-a-an _lugal kur_ a-szur _dumu_ (d)masz-ibila-e2-kur _lugal kur_ a-szur-ma _e2_ sza-a-tu ip-pu-ul ul e-pu-usz

ul i-na-du-u2 i-na szur-ru _lugal_-ti-ia (d)a-nu u3 (d)iszkur _dingir-mesz gal-mesz en-mesz_-ia _aga3_-mu _sanga_-ti-ia e-pa-asz2 at-ma-ni-szu-nu iq-bu-ni _sig4-mesz_ al-bi-in qaq-qar-szu u2-me-si dan-na-su ak-szud usz-sze-e-szu i-na _ugu_ ki-sir _kur_-i dan-ni ad-di asz2-ra sa-a-tu a-na si-hir-ti-su i-na _sig4-mesz_ ki-ma ka-nu-ni asz2-pu-uk

u2-te2-bi i-na muh-hi-szu usz-sze _e2_ (d)a-nim u3 (d)iszkur _dingir-mesz gal-mesz en-mesz_-ia sza pu-li ad-di isz-tu usz-sze-szu a-di gaba-dib-bi-su e-pu-usz _ugu_ mah-re-e ut-ter

sza a-na si-mat _dingir_-ti-szu-nu _gal_-le szu-lu-ka lu ab-ni _e2 ku3_ at-ma-na qu-szu-da su-bat hi-da-te-szu-nu mu-szab ta-szi-il-ti-szu-nu sza ki-ma _mul an_-e szu-pu-u2 u3 i-na szi-par2 _(lu2)szitim_-nu-ti ma-a'-disz nu-su-qu ak-pu-ud a-na-ah _du3_-usz u2-szek2-lil qe2-reb-szu ki-ma lib3-bi _an_-e u2-be-en-ni i-ga-ra-te-szu ki-ma sza-ru-ur si-it _mul-mesz_ u2-si-im u2-szer3-rib na-me-re-e-szu u3 si-qur-ra-te-su a-na _an_-e u2-sze-qi-ma u3 gaba-dib-bi-szu i-na a-gur2-ri u2-re-ki-is e-lal-la-a

_gal_-ti i-na qe2-reb-su ad-di (d)a-na u3 (d)iszkur _dingir-mesz gal-mesz en-mesz_-ia a-na lib3-bi u2-sze-ri-ib i-na szub-ti-szu-nu s,ir-ti u2-sze-szi-ib-szu-nu-ti lib3-bi _dingir_-ti-szu-nu _gal_-ti u2-t,i2-ib

_e2_ ha-am-ri sza (d)iszkur _en_-ia sza (disz)szam-szi-(d)iszkur _ensi_ (d)a-szur _dumu_ isz-me-(d)da-gan _ensi2_ (d)a-szur-ma e-pu-szu e-na-ah-ma i'-a-bit a-szar-szu u2-me-si isz-tu usz-sze-szu a-di gaba-dib-bi-szu i-na a-gur2-ri ar-s,i-ip _ugu_ mah-re-e u2-si-im u2-szer3-szid i-na lib3-bi-su _siskur_-mesz_-te _ku3-mesz_-te a-na (d)iszkur _en_-ia lu at-ta-qi i-na u4-mi-szu-ma _(na4)zu na4_ hal-ta u3 _(na4)ka-gi-na_ i-na _kur-mesz_-ni sza _kur-kur_ na-i-ri sza i-na _(gesz)tukul_-ti (d)a-szur _en_-ia

ak-szu-du lu-u2 asz2-sza-a i-na _e2_ ha-am-ri sza (d)iszkur _en_-ia a-na s,a-at u4-me u2-kin2 ki-ma a-na-ku _e2 ku3_ at-ma-na s,i-i-ra a-na mu-szab (d)a-nim u3 (d)iszkur _dingir-mesz gal-mesz_ _en-mesz_-ia ak-pu-du-ma la a-par2-ku-u2 a-na e-pe-szi a-bi la-a ad-du-u2 ha-an-t,isz u2-szek2-li-lu-ma lib3-bi _dingir_-ti-szu-nu _gal_-li u2-t,i2-bu (d)a-nu u3 (d)iszkur ki-ni-isz li-sah-ru-ni-ma ni-isz qa-ti-ia li-ra-mu te-me-eq ik-ri-be-ia lis-me-u2 zu-ni t,a-ah-du-te sza-na-at

lisz-ru-ku i-na _muru2_ u3 _me_ szal-misz lit-tar-ru-u2-ni nap-har _kur-kur kur2-mesz_-ia _kur-mesz_ szap-s,u2-te u3 mal-ki-_mesz_ za-e-ri-ia a-na _giri3-mesz_-ia lu-szek2-ni-szu a-na ia-a-si u3 _numun sanga_-ti-ia ki-rib-ta t,a-ab-ta lik-ru-bu-ni-ma _sanga_-ti i-na ma-har (d)a-szur u3 _dingir_-ti-szu-nu _gal_-ti a-na ah-rat _u4-mesz_ ki-ma _kur_-i ki-nisz lu-szer3-szi-du li-ta-at qur-di-ia ir-nin-tu tam-har-ri-ia szuk-nu-usz _kur2-mesz_ za-e-ru-ut (d)a-szur sza (d)a-nu u3 (d)iszkur

i-na _(na4)na-ru2-a-mesz_-ia u3 tem-me-ni-ia al-t,u2-ur i-na _e2_ (d)a-nim u3 (d)iszkur _dingir-mesz gal-mesz en-mesz_-ia a-na s,a-at _u4-mesz_ asz2-kun u3 _(na4)na-ru2-a-mesz__ sza (disz)szam-szi-(d)iszkur a-bi-ia _i3-mesz_ ap-szu-usz _udu-siskur_ aq-qi a-na asz2-ri-szu-nu u2-ter a-na ar-kat3 _u4-mesz_ a-na u4-um s,a-a-te a-na ma-te-ma _nun egir_-u2 e-nu-ma _e2_ (d)a-nim u3 (d)iszkur _dingir-mesz_ _gal-mesz en-mesz_-ia u3 si-qur-ra-a-tu sza-ti-na u2-szal-ba-ru-ma e-na-hu an-hu-szu-nu lu-ud-disz

_(na4)na-ru2-a-mesz_-ia u3 tem-me-ni-_mesz_-ia _i3-mesz_ lip-szu-usz _udu-siskur_ li-iq-qi a-na asz2-ri-szu-nu lu-u2-ter u3 _mu_-szu it-ti _mu_-ia lil-t,u-ur ki-ma ia-a-ti-ma (d)a-nu u3 (d)iszkur _dingir-mesz gal-mesz en-mesz_-ia i-na _du10-ga_ lib3-bi u3 ka-szad ir-nin-te _du10-ga_-isz lit-tar-ru-szu sza _(na4)na-ru2-a-mesz_-ia u3 tem-me-ni-_mesz_-ia i-hap-pu-u2 i-sa-pa-nu a-na _a-mesz_ i-na-du-u2 i-na _izi-mesz_ i-qal3-lu-u2 i-na _sahar-mesz_ i-ka-ta-mu i-na _e2 azag_

_mu_ szat,-ra i-pa-si-t,u2-ma _mu_-szu i-sza-t,a-ru u3 mi-im-ma lem-na i-ha-sa-sa-ma a-na pa-an _(na4)na-ru2-a-mesz_-ia u2-szap-ra-ku (d)a-nu u3 (d)iszkur _dingir-mesz gal-mesz en-mesz_-ia ez-zi-isz li-kil-mu-szu-ma ar-ra-ta ma-ru-usz-ta li-ru-ru-szu _lugal_-szu lis-ki-pu _suhusz (gesz)gu-za lugal_-ti-szu li-su-hu per2-'e _en_-ti-su li-bal-lu-u2 _(gesz)tukul-mesz_-szu lu-u2-szab-bi-ru a-bi-ik-ti um-ma-ni-szu lisz-ku-nu i-na pa-an _kur2-mesz_-szu ka-misz lu-sze-szi-bu-szu (d)iszkur i-na _nim-gir2_

_hul_-le _kur_-szu li-ib-riq2 su-un-qa bu-bu-ta hu-szah-ha _usz2-mesz_ a-na _kur_-ti-szu lid-di

_mu_-szu _numun_-szu i-na _kur_-ti lu-u2-hal-liq _iti_ ku-zal-lu _u4 2(u) 8(disz)-kam_ li-mu (disz)i-na-_dingir_-ia-al-lak _gal bi-lul-mesz_

[...] asz#-szur# _en_-szu2 du#?-[...] [...]-e du? x [...] [... _a]-ab-ba gal_-ti# [...] [...] _i7#_ su-[...]

[...]-ub-na#-[...] [...] _ta# iri#_ [du6]-sza2-[...] [...] _kur#_ ba-[bi]-te [...] [...]-a-du pa-lih2# [...] [...]-te la-a-di-ru# [...]

[...] x x x [...] [...]-ru _gesz-la2_ e-[...] [...] _nita2#_ dan-nu mu#-[...] [... _gal]-mesz en-[mesz_-...]

[x?] _dingir-mesz#_ [...] [_...]-mesz_ [...] [x? _x]-mesz_ [(x x)] x [...] [...] [ina?] lib3#?-[bi?] (iri)pa#?-[dak?-ku?] x (iri#?)[...] lib3-bi _iri en#_-[u2-ti-(ia)] ana _du3?_ [...] [...]-ti#? [...] (d)muati#-i# _lugal_ babilax(E)(ki) [...] _lugal [gal_-u2?] _lugal# kur#_ [szu-me-ri? u? _kur_ uri(ki?)] x x x? [x?] x x? [...] x [...] [x x?] _dingir gal?_ [...] [x x?] x-lu?-tu2? x x? _a_ [...] (d#)sin _lugal# dingir#-mesz en# dingir-mesz_ [...] [...] x x x? [...] [x] x sza#? u (d)[...]

[x x?] ni (d?)x (d)1(u)-5(disz)# u (d)[...] [...] x [...]

sza2 5(disz) _ma-na ku3-babbar_ sza2 ina tin-tir(ki) a-na _(lu2)sza3-tam_ id-di-nu-ma a-na dul-lu sza2 _e2-gal?_ id-di-nu (disz)(d)ak-sur-zi-mesz _a_-szu2 sza2! (disz)sza2-(d)ak-szu2-u

(disz)(d)ak-szesz-me-mu _a_ (disz)mu-mu _igi?_-ir?

_zu2#?-lum#?-ma#?_ x x x x x x x x x x x x x

_(iti#)gan u4 2(u) 2(disz)-kam [mu] 2(u) 5(disz)-kam_ x x x x

a-na-ku (disz)kasz#-til-ia-szu _szagina#?_ (d)en#?-lil2#? _dumu_ (disz)bur#-na-bu-ra-ri-ia-asz _dumu dumu_ sza# (disz)a#-gu-um asz-ru mu#-t,i-ib _sza3_ (d)en-lil2 (d)en-lil2# be#-li2 (i7)su-mu-da-ar he?#-ra?#-a lu i-ri-sza#-an#-ni# li-im-x lu id-di _kur_ ia-mu-ut-ba#-li u3 um-ma-an-sza a-na qa-ti#-ia# lu u2-ma-al-li a-na qi2-bi-it (d)en-lil2 be-li2-ia (i7)su-mu-da-ar i#-na# _(gesz)mar ku3-babbar_ lu eh#-ri# i-na _(gi)dusu ku3-babbar_ e#-pe-ri lu az-bi-il2 me#-e da-ru-ti a#-na# nibru(ki)

lu# u2#-ki-in _(gesz)mar_ u3 _(gi)dusu_ szu#-a#-tu4 i-na _e2 (d)en-lil2 be#-li2#-ia lu asz-ku-un#

sza szu-mi sza-at-ra# i-pa-szi-t,u2-ma# szu-un-szu i-sza-at,-t,a-ru u3 i-'a-ba-tu-ma a-na szi-ip-ri sza-ni-im-ma i-sza-ak-ka-nu [(d)]en#-lil2 be-li sza# qi2-bi-is-su la ut-ta-ak-ka#-ru ar-ra-ta ma#-ru-usz-ta li-ru-[ur]-szu szar-ru-us-su# a-na _kur_ sza-ni-ti-im-ma a-na szi-ri-ik-ti li-isz-ru-uk na-as-pu-uh ma-ti-szu# ha-la-aq ni-szi-szu i-na pi-i-szu ka-ab-ti-im# li-iq-bi